WATERMARK

營業中

休息中

Relaxing view from the restaurant of the harbour.Service is not bad, staffs are friendly.

It's been a while since I last visited Watermark Seafood Bar and Grill at the Central Pier. As a matter of fact, I haven't been to the Central Pier for ages.The impeccable view of the harbour along with its fine dining menu used to be Watermark's calling card until Cafe Deco Group took over a few years ago and turned it into a casual dining place.I have always loved this place for its harbourview especially at night but service remains a big question mark. It (Service) has just never been very g

這間watermark一直是我想去的口袋名單，因為可一邊近距離欣賞維港美景，又可一邊品嚐美食。雖然這麼浪漫的景色，這次不是跟男友來，但與朋友一起來談心也不錯。因為環境實在太浪漫，燈光超昏暗，所以環境相好難影，但現場看環境真不錯，落地大玻璃，正正對住維港。而且現場顧客不多，環境頗清靜，三個女人聊天聊得忘形忘記時間，也不會有人騷擾。食物方面，大部分都是海鮮跟肉類，蔬菜選擇比較少。價錢方面，算是中上，有咁既海景算是合理價格，但又唔算好抵食。我點了Tenderloin 8oz ,5成熟配上紅酒汁，上檯時熟度剛剛好5成，而且肉質鮮嫩，好Juicy。配上紅酒汁，味道更有層次。只是又唔算好有驚喜的味道。下次想試下佢地既海鮮拼盤，因為見隔離檯食，好似好正。最後3個人食左3個Main Course 用埋信用卡8折優惠，每人2百幾蚊。雖然價錢未算好貴，但如果下次同情人黎，更加值呢個價錢。

一間位置好，景靚，食物質素有水準的餐廳，就因為服務態度的問題，令客人卻步，是非常可惜的事。以我同老公為例，2人都在中環返工，地點近碼頭，其實好易成為回頭客，可惜昨晚是我們的第一次到訪，亦是最後一次。昨晚是我生日，本來沒安排慶祝節目，不過難得老公提早收工，於是拿拿臨即日訂位。坐下一會之後問題就出現，沒人倒水，亦沒有人給我們wine menu，於是我們問一位高大金髮的經理，他毫無表情，沒回應我們，就對一位黑衫女侍應(應該是他下屬, 當時相隔2張4人枱)大叫：妳，水同餐牌!....... 我同老公都呆了。第一道seafood platter 到後，我們當然想影相留念，於是再請同一位經理幫忙。再一次的毫無表情沒回應，再一次對黑衫女侍應大叫(當時相隔1張2人枱)：妳，過來映相! 再一次呆在原地。最後，雖然我們未飲飽食醉，但決定不再留戀，速速離開。雖然中環來講這裡並非好貴，但總不是茶餐廳吧? 出現此類情況真是.... 令人相當側目。心底的老實話，食物是相當不錯的，海鮮鮮甜，用料不錯，而且種類多，有半隻龍蝦、藍青口等，我倆很是喜歡。Lamb Shoulder 賣相同味道都清新。餐廳老闆，如果你見到這

各位，這篇不是食評，只是想有圖有真相講出餐廳的經營管理手法超級有問題。本人在5月19號晚上從Openrice Tablemap預約於6月2號的下午一時半到餐廳用膳，並因為想預留窗口位望海景，所以翌日致電餐廳安排坐海景位，而員工的回覆告知是可以的。到6月1號，即是出席前一天，本人的e-mail也收到由Tablemap發出的「提示出席」的通知，一切似乎是理所當然。直至6月2號當天，我和友人到達餐廳，女員工才知告餐廳正在裝修沒有營業，事前曾經致電過本人但未有人接聽。本人因為在一星期前不在港可能真的無法收到電話，但我好肯定本人在港這一星期內從來無收過餐廳的來電。我詢問女員工幾時得知餐廳要裝修的事宜，她只是說:「一知道已經立即通告客人。」我再追問為何你們沒有在booking前一、兩日再嘗試致電客人，她更草草了事地說:「曾經打過電話，打唔到既唔會再打。」直到6月3號晚上，本人才收到email看到由餐廳發出的「確定取消預約」通知。可見，餐廳是有能力可以一早在網上與客人取消booking，但餐廳卻沒有如此做過，更在booking之後才獨自取消預約，又有何意思？本人對事件如此憤怒是因為一早打算為朋友慶祝

叫佢調張bb 椅都西晒面，已好不滿，點知嚟塊手扒叫7成，差唔多well done, 同佢講，仲要話有中間粉紅色係7成，切俾佢睇，佢先記得同我換刀，唔換咪算又呢又路，最後反而係西面佬送野了事，兩個叔台似响茶記做多啲，花園餐廳啲叔叔都好態度過佢2000蚊一餐唔係咩高級野，但你都唔駛送埋西面我吃

想找一間環境清靜浪漫的地方 於是上網找了Watermark. 位於中環碼頭 一到碼頭就會見到門口。 侍應安排我們坐最出的位置。維港景色十分優美食物方面，和朋友share一份肉眼扒及龍蝦 說真的，份量太小 龍蝦幾口就吃完，不過味道還好龍蝦上芝士汁，芝士又不會蓋過龍蝦本身的鮮甜味值得一讚！牛扒味道亦不過不失。只是真的太小了叫了５成熟，肉質剛剛好！不會太生令到肉汁完全保留，完全鎖緊在牛肉內價錢亦不算太親民 各$398希望下次去的時候，份量可以再大一點可能環境已佔了食物價錢的一大部分。

第一次寫食評，請大家多多指教。想揾一間有浪漫情調同優美海景嘅餐廳幫老公慶祝生日，喺Openrice揾左一輪發覺太多選擇。見到Watermark，即刻諗起早兩年喺度參加過婚宴。當年係食Set Lunch，覺得環境同食物質素唔錯，今次試下晚餐都好。餐廳喺中環碼頭，入餐廳前要行過一條黑黑哋嘅走廊，彷彿帶我地走到另一個世界。餐廳樓底好高，成個場都好暗，得兩張枱有客人，配埋海景，感覺都幾浪漫。我哋一人order咗一杯飲品，老公飲Asian Punch，好好飲，味道非常清新；我order咗杯較易入口嘅紅酒 Sileni Cellar Pinot Noir，略嫌唔夠果味。頭盆我地叫咗個Garden Salad, 黎到嘅時候廚師已經幫我地分開兩碟，十分貼心。主菜叫咗肉眼扒，味道OK，但唔算好特別。另一道主菜叫咗Lobster Gnocchi，呢道菜味道好好，大蝦同龍蝦肉都好彈牙，粉團有好重嘅黑松露味道!因為慶生嘅關係，食到好飽都照叫Icecream&Sorbet，味道好好但份量好少，唔值$78。

早上去訂枱但己經沒有窗邊的位置，心想幸好有訂枱否則全院滿座我們便要另找別家餐廳了……去到卻見只就是窗邊一列五張枱有客人，我和友人笑得人仰馬翻，還暗自以為醒目了呢！餐廳在其中一個離島碼頭上層。穿過一個黑而大的走廊，我們到達有流水淙淙的接待枱。進入餐廳，映入眼廉的是約三層高樓底的玻璃屋，大大塊的玻璃把整個維港景都拉在身旁。欣賞過漂亮的景色，我們的前菜來了。Salmon tartare，$168。其實也不像他他，是三文魚沙律。沙律菜很多，成了主角，醬汁卻很少。感覺太清新，像是外國人素食。雖然配菜加上牛油果和果仁碎，多了層次感，但我還是喜歡更凍的三文魚，更多醬汁的沙律。Cedar river farm rib eye，10oz，$398，配紅酒汁，五成熟。肉味濃，格仔紋清晰，邊位有小條的脂肪在煎後成了非常甘香的部位。雖然牛排算薄，但火喉處理很好，能吃到軟心效果。這裡的牛排也算是我人生中十大好吃牛排榜之一，必點。Gnocchi with lobster and prawn，$458。因為我們不想吃魚，其實餐單上的選擇很少，這個真要改善。看到有個龍，由於是二人份量，又很擔心太飽。侍應拍心口說雖是

隔左一個星期日無出動…朋友就覺得好似好耐無出動咁…今朝再唔出動既話…相信有排打乞痴啦…>，<…晨早遊魂完一輪之後…11點終於可以開餐…朋友話原定係諗住去飲茶既…不過突然想起附近有野食…咁就不如睇下有無位…唔駛行咁遠啦…呢度位處碼頭…真係好唔顯眼…唔講真係唔知有野食呢…真係咁巧合？？！！有位wor....o.O印象中好似第一次食brunch buffet...原來$$都唔野少…價值在於有令人視野廣寬既海景view？？！！雖然呢度地方唔大…但生冷熟食甜品等都供應齊全…而且waiter服務都照顧週到…有如酒店餐廳一般…梗有一個係左近…>，<至於食物方面…我比較細食…所以都要精挑細選黎食…海鮮一定無走雞…蝦蟹蠔都好新鮮…蝦肉質豐實…蠔有點creamy...蟹以蟹鉗部份最好味…海水味尤為突出…至於sashimi...可能我食慣左日本當地新鮮既…所以一般hk貨式都給比下去…至於藍青口以芝士清湯煮…亦好鮮甜…如果鍾意食蠔既話…千祈咪放過呢碗湯…真係好重蠔味…salad只屬一般…西班牙火腿有哈密瓜伴食還可以…依家潮興既班尼旦也很不錯…夠流心又夠滑…羊架只係慢烤…有點失望

在有意或無意下,行行下自動來到呢到同小比比食左餐海景semi-buffet lunch,每個星期六,日11點就有得食,今次無預約,好在有位,看走過長長酒廊,就看到簡潔和有無敵大海景的廳堂,唔到方位都放有食物,分別係主打的海鮮,甜品,魚生和熟食,食量唔大,每樣試一點,加100元包酒水任飲,愛酒人任一定歡迎,試了汽酒和蘋果汁,橙汁,汽酒酒味唔重,帶汽幾易入口,果汁是新鮮窄,唔錯滿滿的海鮮吧餅食甜品款式多海鮮十分出色,生蠔任食,不算大隻但好新鮮,長腳蟹海水味濃好味,螺也爽口壽司款式唔多,有吞拿魚,三文魚等,不算好新鮮,壽司飯尚可沙律吧就無咩特別,其中蕃茄配乳酪我比較喜愛其中即煮青口,牛油味很濃,青口又嫩,可口熟食中,班呢迪蛋十分高水準,小比竟然無食,煙肉配合半生的蛋再加煎香的包底,接近完全,羊架也嫩滑,燒賣就不合格,比較實,甜品就餅類多,其中焦糖燉蛋係最好食,好滑,真係好滑,又夠甜,後悔食包先食....雪糕是哈根大師出品,一點都唔差,生果就不久清甜可口湯是蠔湯,好重蠔味,小比讚口不絕,總結介錢合理,環境優雅,服務好,食物水準比一般自助餐廳高

一世人總會有機會著一次西裝,GEL靚頭,問朋友借架靚車,唔係為左結婚,係約左女神去間靚餐廳食餐好今日一早BOOK左位,食女神心儀左好耐既WATERMARK,佢同我都等今日好耐啦去到一望,見到環境真係唔錯,幾靚幾華麗.不過唯一唔好就係環境好靜,稍唯有一台講野大聲D,成場都聽到食左幾樣海鮮感覺都唔錯,不過最有印象都係海鮮龍蝦意粉,龍蝦好新鮮,D肉好滑,個龍蝦汁好濃味,撈埋意粉好好味不過既然有靚人靚景美食,消費自然唔平,隕左洗一筆嫁啦

女朋友生日，下午去完山頂，晚上再到中環7號碼頭頂層吃生日飯食，想佢有個無敵海景食飯。Angel oyster 半打($150)，較為重咸味，我特別喜歡中間那格有點的酸酸帶些洋蔥碎的醬料，中和了咸味突出了蠔的鮮味。另外生蠔是按market price及只有一種選擇。如果想多款式選擇的話就要失望了。Salmon Tartare份量都係偏少，之前多數吃的Tartare都是把材料攪碎混合一起，好像一個餅的。但這裏的是擺碟很有層次，三文魚在上層，上面配有蛋黃醬，伴隨蔬菜同吃，十分清新醒胃，不錯的前菜。Lamb Rack 叫左五成熟，一上來就好香，擺碟都幾精緻，羊架用香草和少許胡椒醃味，入口帶點點的羊肉羶味，煎得好香和充滿肉汁，肉質的腍韌度適中，推介！Sautéed White Cod味道較為淡些，但保持了魚的原味，沒有太多調味品，魚肉也很滑身，魚皮部份幾脆和帶點咸味，調味品主要塗在。下面有塊味道像芥菜的菜鋪底，帶點苦味，味道幾特別。有個雲尼拿雪糕係面，下面的慕絲有些蜜糖和夏威夷果仁碎，慕絲很軟滑，很light的感覺，中間有很薄的蛋糕層，不太甜亦不會漏。兩個人食左$1200幾，老實說真的不太飽，可

和女朋友周年紀念，嚟左依間 watermark 試下，依間位於天星碼頭上層的餐廳，如果你由IFC 行去過條天橋其實都唔短路程，餐廳入口條黑長廊好似有條時光隧道帶你去到另一個又靜又有氣氛的餐廳，六點幾去到啱啱好日落，境色非常好，行到身水身汗即刻叫杯 Mango Delight $62 嚟飲下，非常新鮮嘅果水味道，香蕉味較重，唔錯好解渴！睇左一陣，我哋就叫左Cepes Velouté $108 , 其實即係磨菇湯，佢特別安排我哋share , 佢係先比兩個湯碟比你，之後再倒湯比你，磨菇味道非常濃郁好飲，如果可以再熱啲更好！Seafood Platter $748 , 依個係其中一個響依個餐廳十個有八個都會叫嘅嘢，上枱時真係十分大堆頭，裡面有生蠔、青口、蝦、帶子、煙三文魚、龍蝦、蟹等等九種海鮮，每一樣都新鮮好食，佢有三個醬比你點唔同嘅海鮮！good ! 其實食依個海鮮盤慢慢食都食成大半個鐘，都飽左一半！Ribeye 10oz $398 ,  幫我哋分開左兩份，我哋今次要左"芝士"汁，牛扒五成熟啱啱好，外皮燶燶哋，裡面生生哋，外脆內軟，再加埋佢個藍芝士汁非常好味，配菜露筍、蕃茄粒和薯仔亦好有水

公司請食飯，到位於中環碼頭的watermark食semi-buffet lunch餐廳位於中環碼頭 (去尖沙咀的入口附近)。準時12:30到達, 只有幾個客人, 到salad bar 看了一下, 款式很少... 主要是幾款沙律 (如蕃茄芝士, 煙三文魚雜菜等, button mushroom etc), 以及一些cold cut。隨便各款要了少許, 味道是可以的。主菜點了龍蝦, 味道和份量都不錯, 可惜略油膩, 如可多加lemon juice 會清爽一點由於沒有很滿足, 所以要了甜品等了十多分鐘, 甜品終於出場了, 可惜等待並沒有換來驚喜... 朱古力味沒有層次, 白色的泡沒有特別, 整體感覺像食普通朱古力ice-cream 加朱古力蛋卷點稀煉奶....餐茶要了hot coffee, 沒有特別... 略苦澀...  結果埋單平均$300多一位, 如果差不多budget 的話, 應該會有其他更好的選擇