影片
更多
2022-07-16
174 瀏覽
自從堅尼地城有地鐵站之後，小編住新界的都多咗去，發覺有好多玩嘅地方，特別喜歡西環泳棚，日落打卡靚爆，不過除咗玩，當然仲有好多正餐廳。朋友介紹附近有一間特色餐廳，用窩夫做主打，仲要係香港少有嘅列日窩夫(Liege Waffle)，口感係外脆內軟，小編最喜歡，心郁郁，決定去試吓先。離堅尼地城地鐵站4分鐘路程，好近好方便，一進門印象最深係極高樓底，香港好少有，感覺好寬躺好舒服，加上附近好少車會經過，更重要係pet friendly，weekend帶埋心愛🐶嚟一齊chill就非常適合，當然嚟享受晚餐一樣正。📌The Waffler’s Double Burger 鴛鴦漢堡窩夫睇住餐牌介紹你會好難想像這款是什麼，但好彩餐廳有這道菜的相，見到好靚，就叫。一上枱小編就哇哇聲，好大份好靚好豐富，Double burger係指有兩個漢堡，係兩人份量，但其實每個漢堡都係好似M記嘅double burger份量，小編覺得應該叫quadruple burger囉。😅每個漢堡有兩塊牛肉，真係唔係一般煎法，煎得特別香同少少燶，當然都係保持到juicy。❤️兩片厚切蕃茄，真心特別甜同多汁，同埋一啲都唔腥，好似有少少烤
朋友介紹附近有一間特色餐廳，用窩夫做主打，仲要係香港少有嘅列日窩夫(Liege Waffle)，口感係外脆內軟，小編最喜歡，心郁郁，決定去試吓先。
離堅尼地城地鐵站4分鐘路程，好近好方便，一進門印象最深係極高樓底，香港好少有，感覺好寬躺好舒服，加上附近好少車會經過，更重要係pet friendly，weekend帶埋心愛🐶嚟一齊chill就非常適合，當然嚟享受晚餐一樣正。
📌The Waffler’s Double Burger 鴛鴦漢堡窩夫
睇住餐牌介紹你會好難想像這款是什麼，但好彩餐廳有這道菜的相，見到好靚，就叫。
一上枱小編就哇哇聲，好大份好靚好豐富，Double burger係指有兩個漢堡，係兩人份量，但其實每個漢堡都係好似M記嘅double burger份量，小編覺得應該叫quadruple burger囉。😅
每個漢堡有兩塊牛肉，真係唔係一般煎法，煎得特別香同少少燶，當然都係保持到juicy。❤️
兩片厚切蕃茄，真心特別甜同多汁，同埋一啲都唔腥，好似有少少烤過。😍
仲有煙肉，係烤到脆，一啲都唔油膩。
當然少不了上下的用列日窩夫代替傳統漢堡麵包，這款窩夫係偏脆，口感一流。
配菜薯條一樣唔馬虎，係久違了靚炸薯條應有嘅味道。
📌Green Plus+ 無肉素食窩夫
剛食完滿滿份量嘅牛肉漢堡，應該係試吓無肉素食窩夫，這款攞盤好靚，顏色好豐富，有齊紅黃綠，見到已經吸引。
小編印像最深刻係窩夫上面嗰層鷹嘴豆泥，味道好吸引，就算食唔出係乜你都會覺得喜歡。😋
蓮藕片炸香，做法好有心思。👍
牛油果碎同櫻桃蕃茄莎莎，增加口感同味道，係不可缺少的原素。
📌The Truth 朱古力真相
食完正餐當然要食甜品，朱古力同香蕉係小編最愛，這款The Truth有齊晒，立刻叫啦。
扎實有嚼勁嘅窩夫，配上軟棉棉忌廉，加上新鮮香蕉，再配以濃香朱古力，色香味全部到位。
～～～～～～～～～～～～～～～～～～～～～～～～～～～～～～
💬總結
這間特色餐廳，小編係會偏愛的，喜歡他們的用心，在食物方面當然不用講，店內裝潢擺設也用心打造，給客人舒服感覺，更喜歡他們的服務態度，完全感受到為了為客人有最好的享受所付出的努力。整體餐廳有200分💯💯，誠意推薦給大家。
～～～～～～～～～～～～～～～～～～～～～～～～～～～～～～
The Waffler’s Double Burger
13 瀏覽
0 讚好
0 留言
The Waffler’s Double Burger
19 瀏覽
0 讚好
0 留言
The Waffler’s Double Burger
7 瀏覽
0 讚好
0 留言
The Waffler’s Double Burger
25 瀏覽
0 讚好
0 留言
The Waffler’s Double Burger
19 瀏覽
0 讚好
0 留言
Green Plus+
31 瀏覽
0 讚好
0 留言
Green Plus+
35 瀏覽
0 讚好
0 留言
Green Plus+
20 瀏覽
0 讚好
0 留言
The Truth
15 瀏覽
0 讚好
0 留言
The Truth
3 瀏覽
0 讚好
0 留言
張貼
