影片
港鐵銅鑼灣站 D1 出口, 步行約1分鐘
繼續閱讀
電話號碼
97482308 (WhatsApp)
營業時間
今日營業
12:30 - 16:30
18:30 - 21:30
星期一至日
12:30 - 16:30
18:30 - 21:30
公眾假期
12:30 - 16:30
18:30 - 21:30
公眾假期前夕
12:30 - 16:30
18:30 - 21:30
以上資料只供參考, 請與餐廳確認詳情
相關文章
今日出港島上完一個full day course超攰，夜晚真係要好好獎勵一下自己，真係6:30準時等餐廳開門就入坐(遲多少少都要排隊㗎，建議大家訂位)✨卡邦尼手工圓粗麵餐廳以手工意粉為噱頭，所以一心已經叫咗兩份意粉嘅主菜(⁎⁍̴̛ᴗ⁍̴̛⁎)經典嘅卡邦尼味道，無論係蛋黃醬定係香醇嘅芝士奶酪味都配合得天衣無縫，加上手工圓粗麵嘅彈牙質感；煎得香口嘅煙肉粒，真心推薦～✨意式香草肉丸辣蕃茄茄芝士忌廉手工闊條先要稱讚一下餐廳嘅意粉可以揀辣度，雖然我係無辣不歡，但係為咗唔好搶去主角嘅味道，今次都特登叫咗小辣。肉丸啖啖肉，芝士同忌廉嘅軟滑都混合喺蕃茄醬之中，闊條麵口感偏硬身，但依然掛汁。✨奶蓋桂花鮮奶烏龍呢款飲品真係好出色，奶蓋夠稠身，烏龍茶味好清香，搭配醇滑嘅鮮奶，口感層次分明！再加上淺藍色嘅視覺效果，好夢幻(⁎⁍̴̛ᴗ⁍̴̛⁎)✨焦糖燉蛋咖啡咖啡外觀誘人，焦糖燉蛋嘅精髓完完全全體現到！！焦糖嘅甜味與滑嫩嘅燉蛋相互交融，令濃郁嘅咖啡香氣得以中和。✨Tiramisu經典嘅Tiramisu每間餐廳都有自己嘅獨門配方，呢間餐廳嘅層次感做得好足，手指餅唔會太淋，中間層mascarpone 真係好滑，整體口感輕盈而不失濃郁，完美作為餐後的甜點！
繼續閱讀
很久沒有去過cafe, 今天在銅鑼灣, 找到一間食物水準超高的cafe, 價格不貴, 但食物和飲品的水準都非常高, 環境舒適, 非常推薦！！~<卡邦尼手工圓粗麵 $138>意粉的賣相超美, 份量好足, 材料用上炒得極香的煙肉, 煙肉帶有鹹香與煙燻的香氣。芝士與忌廉混合的味道非常濃厚, 入口香濃, 值得一讚的是, 純手工意粉的意粉質地, 比一般的意粉更加有質感, 非常好食。<慢煮白松露雞胸配南瓜意大利飯 $138>意大利飯煮得綿密掛汁, 入口煙韌而帶有質感, 慢煮雞胸肉依然保持住肉質的細嫩, 不會鞋口, 好食推薦！！<意式香草豬肉丸配羊奶芝士汁 $58>豬肉烤得剛剛好, 香草味道非常突出, 入口彈牙, 並帶有肉汁, 絕對是值得推薦的小食。<奶蓋桂花鮮奶烏龍茶 $48>淡淡的桂花香, 混合鮮奶與烏龍茶, 感覺是非常清新的奶茶味道。<黑糖鮮奶米麻薯 $52>黑糖味道不會過甜, 奶香味道非常濃厚, 最特別的是有綿綿細滑的麻薯混合其中, 令整杯飲品更加有層次和質感, 是必試之選！！這間Cafe, 除了食品做得好食之外, 環境感覺非常輕鬆relax, 而且服務高質, 會不斷為客人添水, 用心經營, 值得再來。
繼續閱讀
琴日同男朋友去咗銅鑼灣Vol.1 Cafe，環境一如既往有啲文青feel，木系裝潢同柔和燈光，坐得幾舒服。不過weekday都幾滿座，冇訂位可能要坐室外（對我嚟講有啲熱），建議book位比較穩陣。• 自家製龍蝦汁蟹肉手工寬麵條（$178）： 呢款意粉真係幾好食，份量比一般cafe大，食完好滿足。龍蝦汁好濃郁，鮮甜得黎有陣海鮮香，醬汁好入味，連食完麵條仲有唔少蟹肉，份量真心唔吝嗇。手工麵條唔係al dente嘅口感，但煙韌有咬口，配上醬汁好夾，食落好有質感。• 意式香草肉丸辣番茄芝士忌廉手工寬麵條（$138，辣）： 呢款係男朋友點嘅，味道比龍蝦汁嗰款稍為普通，偏mild口味，唔係特別出眾。番茄醬帶微辣，芝士同忌廉順滑，肉丸幾juicy，有少少香草味，但整體冇太大驚喜• 青檸蜂蜜梳打（$42，少甜）： 飲品普普通通，價錢同質素都係cafe標準。青檸酸酸地同蜂蜜嘅甜味幾平衡，少甜設定清爽啲，氣泡感ok，飲落解渴，但冇特別令人印象深刻。• Matcha Latte（$46，熱，少甜）： 呢杯真係有驚喜！佢用小山園抹茶（唔知係邊個級別），抹茶味好純正，帶點微苦嘅茶香，少甜設定啱啱好，唔會蓋過抹茶嘅味道。奶泡細腻，飲落順滑，熱飲嘅溫度好舒服。建議攪拌一下，抹茶同奶嘅味道會更均勻，尾段仲有陣奶香餘韻。• VOL.1 香炸拼盤（$98，白松露沙律醬）： 拼盤算係標準水準，炸得香脆，熱辣辣上枱好吸引。我最鍾意辣雞翼同天婦羅蝦，雞翼外脆內嫩，天婦羅蝦爽口彈牙。白松露沙律醬有陣幽香，沾炸物食提升咗層次。魚手指同薯角就正常發揮，冇太大驚喜，但整體份量夠，2人share啱啱好。下次可能會試吓抹茶麻糬巴斯克蛋糕，OpenRice見好多食客推介，睇落幾吸引
繼續閱讀
同朋友喺銅鑼灣行完街，想搵個地方坐低傾偈，無意中發現呢間主打手工意粉嘅cafe。店面唔大但幾有文青feel，木系裝修配暖黃燈光，坐得幾舒服～ 🦀 番紅花蟹肉配手工意大利餃 $158 手工餃皮煙韌有咬口，入面蟹肉餡好足料，食到絲絲蟹肉鮮甜。番紅花唔會搶味，整體配搭好balance😚🖤 煙三文魚墨魚汁手工墨魚圓粗麵 $148 墨魚汁麵條好有驚喜！粗身得嚟彈牙，掛汁能力一流。小辣程度啱啱好，煙三文魚嘅鹹香同墨魚汁好夾，食完個嘴黑蚊蚊🤣🍵 Matcha Latte $51 揀咗用oat milk沖，抹茶味濃郁得嚟帶啲堅果香，少甜嘅甜度啱啱好，飲落好順滑🥸🌼 奶蓋桂花鮮奶烏龍 $48 (少冰, 少甜) 桂花香好突出，烏龍茶底清新，奶蓋綿密但唔會太膩，少冰嘅溫度飲落好舒服~🍰 抹茶麻薯巴斯克蛋糕 巴斯克做到外層微焦，內裡流心嘅效果。抹茶味濃而不苦，中間嘅麻薯增加咗咬口，整體唔會太甜，完美作結✨小店雖然選擇唔算多，但樣樣都做得精緻有心思。特別係手工意粉嘅質感同醬汁配搭，食得出用心。價錢合理，環境又舒服，適合同朋友嚟慢慢食慢慢傾～
繼續閱讀
今次嚟到銅鑼灣一間樓上Cafe，好有驚喜！藕粉顏色裝潢環境舒適，非常適合同朋友chill一下😌，戶外亦都有座位，方便食煙嘅朋友可以坐出邊。食物都相當不錯喔！😋搶先介紹最重點推薦係甜品tiramisu 🍰賣相勁靚！😍😍真係唔打卡都對唔住師傅！tiramisu口感超綿密，咖啡味濃和少許酒香氣，味道好夾！問咗職員可以淨係上嚟嗌甜品都可以，之後會帶朋友上嚟食飯食tiramisu/淨食tiramisu😋😋真係大推💯自家製龍蝦汁蟹肉手工寬麵條🦞🍝 $178每條手工寬麵都掛上濃郁嘅龍蝦汁，通常滿滿嘅蟹肉，鮮甜嘅蟹肉更是錦上添花🌊！麵條Q彈有嚼勁，份量都好足夠大大碟，食完勁滿足味蕾🤤！甲羅燒配墨魚汁蟹肉燉飯 🦀🍚🌶️ $188依道菜係滿足晒視覺同味覺嘅雙重享受！蟹膏香味撲鼻而來，搭配墨魚汁燉飯，鮮味十足！燉飯辣度啱啱好，少少辣提升整體嘅口感層次🔥！鐘意食辣嘅朋友🌶️可以一試！奶蓋桂花鮮奶烏龍茶🌸🍵 $48奶蓋綿密細滑，搭配桂花清香同烏龍茶嘅甘甜，好match💯！Earl Grey Milk Tea ☕ $46茶香濃郁，如果屋企瞓前飲真係好舒服嘅感覺😌📍Vol.1 Cafe (銅鑼灣)🔎銅鑼灣景隆街3號2樓
繼續閱讀