影片
港鐵銅鑼灣站 D4 出口, 步行約1分鐘
繼續閱讀
電話號碼
97482308 (WhatsApp)
營業時間
今日營業
12:30 - 16:30
18:30 - 21:30
星期一至日
12:30 - 16:30
18:30 - 21:30
公眾假期
12:30 - 16:30
18:30 - 21:30
公眾假期前夕
12:30 - 16:30
18:30 - 21:30
以上資料只供參考, 請與餐廳確認詳情
相關文章
忌廉明太子配手工圓粗麵 $138明太子既鹹香味、蟹籽同忌廉醬汁完美融合，每一啖都帶住濃郁既海鮮鮮味 🐟呢隻圓粗麵煮得剛剛好，口感QQ又滑溜，食落去口感豐富又唔會太膩最初我有啲疑惑咩係圓粗麵呢？原來所謂圓粗麵其實都係意粉咁樣條狀，可能只係比意粉粗啲啲同扁啲啲自家製龍蝦汁蟹肉手工寬條麵 $178嗱！呢個少貴 😺 但係以特色同味道黎講，我接受既龍蝦汁濃郁鮮甜，完美包裹住每條寬條麵 🦞蟹肉份量足夠，撈埋一齊既時候都仍然食得出蟹肉新鮮彈牙同龍蝦汁既鮮味互相輝映，令整體層次豐富 ✨炙燒白松露雞翼 $58我個人唔係太知道白松露本身咩味 🤔（知道既請賜教 🙏）只能夠話雞翼幾大隻既，而且好熱好熱咁上檯 😄但係味道黎講，我形容唔到同咩野類似一定就唔同黑松露呢啲大路味道架啦！意式香草豬肉丸配羊奶芝士汁 $58鍾意芝士既朋友可以一試 🧀呢款小食幾好，份量同價錢適中而且意粉果啲本身唔會多肉，咁有肉丸食下，感覺呢餐飯又平衡啲啦黑糖鮮奶米麻糬 $52叫左少糖，所以睇落色水好似爭啲 🥛底部係好軟身既麻糬，口感類似煮左好耐既湯圓皮 🤔我見呢度都好多有特色既飲品鍾意打卡既朋友應該會好岩 😍
繼續閱讀
嚟之前睇咗呢間cafe的食評，有啲標題寫住「世一」，雖然評價有好有壞，但樓上cafe賣意粉賣到有呢個「朵」，都算巴閉~睇食評，有啲話要訂位，否則可能等成個鐘，真人實測後，覺得walk in都可以。星期六1300嚟到，目測只有2檯客。不過，坐咗2個半鐘，cafe keep住有客，仲越嚟越多，露台座位「無縫」翻檯，所以訂咗位會安心啲。2個人點咗2客意粉同2杯飲品，食物、飲品一律單點，冇任何套餐或優惠。香辣蒜片手工圓粗麵：全店最平的手工意大利麵（$128），看似亦係唯一的麵類素食（基本上，餐牌上冇乜食物啱素食人士）；蒜油香，微辣，開胃；蒜片煮到淋身，蒜香突出、惹味；意大利麵有嚼勁，軟硬度適中；呢款意大利麵好basic，但煮得好唔容易，佢令人印象深刻，我都想有機會再食忌廉明太子配手工圓粗麵：上檯時覺得佢好醜樣，成大pat醬，顏色又古怪（望落似嘔吐物），醬汁浸過大部分的意大利麵，聞落經已覺得好腥；可能我食素，所以覺得好難接受；因為想試下味，所以撩咗條意粉試食，食落都係腥；不過，點餐的朋友好滿意，食曬啲意大利麵之餘，仲清埋醬汁，佢自稱鐘意明太子，所以，明太子愛好者應該會喜歡，只係我唔識欣賞Dirty：計埋加一，成>$50/杯，份量細，自己都沖到，冇特別，飲水好過奶蓋桂花鮮奶烏龍茶：賣相幾夢幻，係好淺的藍色，至於點解係淺藍色就諗唔通；飲品上檯時，杯邊冇抹乾淨，滴咗一pat奶蓋出嚟，唔小心hi到就整污糟手；其實抹乾淨先送餐係好基本，唔知點解侍應咁疏忽？整體嚟講，cafe的意大利麵幾出色，食物話平唔平，話貴唔貴，不過，份量的確偏少，只係口味唔錯。環境方面，坐露台座位感覺舒服（尤其而家呢種天氣），室內就昏暗啲，而廁所都算乾淨企理。臨走時，見到cafe門口側邊放咗麵粉同製麵工具，都好明顯係手工意大利麵，不過，比起早前食過的手工意大利麵小店，佢連麵糰都係人手搓，咁呢度始終有機器輔助，感覺又冇咁「手工」。最後，服務方面，有啲評價話要self-serve，我冇遇到呢個情況，原本我坐室內，落單前同侍應講話想轉出露台，對方即時回答冇問題，仲馬上幫忙拎水杯；喺用餐過程中，侍應又不時出露台幫食客加水；埋單時，雖然係自行到收銀處俾錢，但收銀處近大門口，係離開時的必經之路，所以唔算麻煩。唯一可能係，個侍應較內斂，少笑容，可能咁樣而有誤會？午市的人均消費近$200，少貴，不過，考慮埋環境，都可以接受既（下次唔會點飲品喇~~）
繼續閱讀
今日同朋友去銅鑼灣Vol.1 Cafe食西餐，品嚐美嘅自家製手工寬麵條，餐廳餐牌嘅食物款式都不少，我先選自家製龍蝦汁蟹肉手工寬麵條，朋友就叫牛油果醬煙三文魚墨西哥脆片，飲品我哋叫青檸蜂蜜梳打及抹茶拿鐵，而甜品就點咗抹茶麻糬巴斯克蛋糕。這間餐廳地方寬敞整潔，裝修得舒適溫馨，枱凳擺放整齊，坐得舒服，仲可以同朋友坐喺餐廳嘅外面座位食嘢傾偈，真係令人食得開心。🦀️自家製龍蝦汁蟹肉手工寬麵條手工寬麵條厚實有嚼勁，邊緣略帶粗糙感，能牢牢吸附濃郁醬汁，龍蝦汁濃稠如天鵝絨般滑順，鮮味深邃帶微甜，尾韻有蝦殼燉煮的焦糖香氣絲狀蟹肉細嫩鮮甜，與醬汁交融後增添一絲海洋的鹹香，每口皆飽滿濃郁，寬麵的麥香與海鮮的鮮味形成強烈對比，餘韻悠長。🥑牛油果醬煙三文魚墨西哥脆片脆片高溫油炸後輕盈酥脆，帶粗粒鹽的鹹香，咬下時有「喀嚓」碎響，牛油果醬是成熟牛油果打成綿密乳脂狀，混合酸橙汁與香菜，微酸清新平衡油膩感煙三文魚冷燻魚肉柔軟油潤，鹹鮮煙燻味與牛油果的奶香層疊，食落冷熱、軟脆交織，酸鹹與油脂感在口中快速轉換，開胃感十足。🍰抹茶麻糬巴斯克蛋糕蛋糕深烤焦皮微脆，帶微甜的焦糖香，中心半熟流心狀，濃郁乳酪如慕斯般化開，抹茶粉的草本苦香滲透其中，麻糬隱藏於蛋糕底層的糯米團，拉絲黏糯且微甜，提供意想不到的Q彈食感，從焦脆到綿密再到黏韌，抹茶的香與乳酪的甜形成蛋糕好味口感。🍋青檸蜂蜜梳打有夏日透心涼的酸甜氣泡感，新鮮青檸汁銳利清爽，酸度明亮帶微微果皮澀香，蜂蜜的甜感圓潤溫和，緩和酸度並留下花香尾韻，適合搭配重口味食品。🍵熱抹茶拿鐵抹茶是高品質茶粉，粉末細緻無澀感，牛奶如絲綢般細滑，微甜奶香包裹舌面，抹茶與牛奶比例均衡，香甜交織不膩口，尾韻留有淡淡清香，熱飲暖心。
繼續閱讀
Bookmark左呢間樓上Cafe好耐，今日終於試到，見到人哋啲相出嚟都好靚，好似幾適合小人去傾吓偈咁。上到去嘅時候發現有室內或者室外座位，我地book左枱所以佢俾咗室內我地。意式香草肉丸辣蕃茄芝士忌廉手工寬麵條(小辣)($138): 肉丸食落去口感幾滑，唔似ikea食到嗰啲肉丸，反而有少少似貢丸嘅質地。朋友唔食得辣，所以嗌咗小辣，呢一個係會令你想追黎食嘅辣度。配料有洋蔥同蘑菇，食落去都幾香。卡邦尼手工圓粗麵($138): 用上pancetta同guanciale 一上菜都幾驚喜，以為會係用上平時早餐食開嘅bacon，更顯得餐廳嘅心思。淨係食呢兩款都值回票價。炙燒白松露雞翼($58): 呢個就唔算有太大嘅驚喜，不過係燒得幾香嘅，而且雞翼都幾大隻。荔枝玫瑰寒天梳打($42): 荔枝香味好出，而且玫瑰味唔算太overpowering，而且寒天粒粒好有咬口，好味，天然嘅味道唔似係落咗好多糖漿嘅。Tiramisu($78): 上網見到啲人叫甜品，自己都諗住試吓，不過不失，但係都幾重咖啡味，cream都好滑，喺呢度食甜品好過之後再搵其他甜品舖食。總結：估唔到呢間樓上Cafe嘅嘢食都幾高質，手工面都好有蛋香，而且價錢唔算好進取，四五個女仔嚟傾偈咁就可以一晚啦！而且都坐得幾舒服。
繼續閱讀
放完長假返工總係特別攰收工即刻約個朋友食飯佢話知道喺鬧市中有間隱世cafe嘅手工意粉好正二話不說即刻去試餐廳隱身喺一幢唐樓嘅2樓樓下招牌唔算好明顯 幾低調上到去見到室內室外都有位室外有feel啲但天氣都有少少熱 所以都係揀室內呢度menu以意粉為主外加少少snacks, drinks and desserts自家製龍蝦汁蟹肉手工寬條麵龍蝦汁濃郁到好似飲緊龍蝦湯咁手工寬條麵感覺冇平時見到嘅咁闊但好有驚喜 沾到好多龍蝦汁 好彈牙好有嚼口上面仲有勁多蟹肉 一啖食落去 好似食緊勁豐富嘅海鮮盛宴咁😆煙三文魚墨魚汁手工墨魚圓粗麵好貼心可以揀辣度要咗小辣都好惹味墨魚汁好香 圓粗麵掛起醬汁每一啖味道香濃 圓粗麵比平時食嘅意粉粗少少 呈圓形 非常爽彈 搭配濃郁嘅醬汁一流☺️鍾意食麵嘅朋友一定要嚟試吓！黑糖鮮奶米麻糬黑糖鮮奶掛杯 勁啱打卡飲落去甜度適中 黑糖同鮮奶比例剛剛好個杯底有大量麻糬 煙煙韌韌 勁正🥰抹茶麻糬巴斯克蛋糕必點！抹茶味道勁濃郁上面有一層奶蓋 好啱打卡一切開發現入面超多麻糬 仲有少少流心添巴斯克口感軟滑creamy 勁like❤️
繼續閱讀