Virus Restaurant & Bar

營業中

休息中

三個人,  叫咗幾樣嘢, 燒和牛粒,  芥末魚柳 ,  燒大虎蝦,  燒魷魚,  同埋燒蠔.  另加脆肉瓜,  車厘茄. 鍾意燒蠔,  可叫半打或一打,   大隻, 肥美, 鮮甜 juicy.   大虎蝦都唔錯,  外殼微脆,  蘸上醬油蝦肉鮮味亦惹味.   燒魷魚,  即燒嘅魷魚香噴噴, 味道濃郁, 有口感.有超過50款燒物和時蔬, 好多款式揀.  店內好多電影海報, 小店無花巧裝修,  但感覺舒適,  遠望馬場景.  呢晚聚舊好開心. 

平時去過咁多間餐廳，今次都係第一次寫食評。喺香港區住咗咁耐竟然一直都唔知道有呢間隱世小店！呢度個老闆娘超級好人，又健談，仲講咗好多以前嘅故仔俾我哋聽，傾到收舖我哋都仲未走！食物方面，啲串燒整得非常好食，仲要價錢相當相宜！大家都知喺香港食串燒一啲都唔係平！嗰日我同朋友叫嘅嘢食夠哂四個人食！因為實在好多嘢都太好食，有啲連相都唔記得影🤦🏻‍♀️不過唔緊要，下次佢一定會記得再影番。依家要搵一間咁有良心嘅小店已經買少見少，希望老闆娘可以一直做落去！多多支持！

日式茄汁豬扒飯   52元+3元凍飲   2/5分1. 凍咖啡是我人生飲過最似清水的咖啡,應該是店主一開始上錯了熱咖啡,然後直接將冰加入咖啡之內,完全沒有甜度(雖然叫了少甜)2. 1點15分就座,1點45分才上菜,我們5個人+另外1枱2人,實在等得太長太耐。就是代表每個人的飯都逐一做,唉。3. 與相片不符,日式茄汁豬扒飯我還以為是焗飯,但變成普通的豬扒飯,每一樣都分開在碟上。茄汁也不是茄汁,只是一堆很濃味的醬汁;豬扒硬到嚇死人,唯一最好吃就是白飯吧?4. 55元不貴,不過要等半小時&味道咁差,就完全不合格我相信小店是由於疫情問題而作出改變,值得欣賞,但提供不到符合消費者的要求,就不會吸引到人再去,倒不如集中做好本身的強項吧~可惜可惜~

餐廳佈置非常特色，感覺就好似屋企一樣，入面座位唔算多，大約五張枱，有個好靚嘅街景，舒舒服服今次我哋係第一次上去，我哋食完之後得出嘅結果係一定會成日去食老闆娘服務態度勁好🔹粟米我估唔到個醬汁咁好食，我自己十分之推介🔹個和牛串燒又抵又好食🔹燒蠔大隻又好味🔹雞皮串燒同出面食開個樣差唔多，燒得好香好脆🔹冬菇要值得一讚，平時燒冬菇串燒通常都好乾，佢係有水份加埋佢嘅醬汁好好味🔹地獄拉麵個湯好好味但係太飽了食唔晒🤣

銅鑼灣駱克道447-449號中威商業大廈21樓📍相信其他客人都係想私藏嘅bar所以好少人寫過呢間🤫之前出過鰻魚炒飯 同鰻魚地獄拉麵(睇hashtag)今次試燒海鮮 又係巨好食 性價比超高🥰🥰由老闆娘發板 每樣都好有驚喜😎.總共$200左右 2人份量喎😭同真係好高質🥳($98 7-10pm 任飲紅白酒 清酒 環境+menu後圖).🐚🦪蒜泥蒸扇貝 清酒煮藍青口🐚🦪好好好好食🤩扇貝同青口都好大隻 好彈牙但唔韌仲要係高質野 有鮮甜肉汁 零雪味蒜泥青蔥非常惹味 青口仲有酒味提味兩款都好想encore😍😍.🍢和牛粒🍢啲肥油濃郁得不得了無點調味 純和牛嘅肉香燒得剛好 肉質嫩 越嚼越香無可挑剔😭😭.🍤🐟燒魚 燒虎蝦🐟🍤個皮非常焦香 但絕對唔苦仲食到好濃香嘅魚油魚肉軟熟不乾 似蒸魚咁滑虎蝦亦保持彈牙 蝦膏甘甜燒烤功力超到家🤞🏻我食到逐條骨慢慢清🤣🤣.🍄燒冬菇🍄個汁好creamy 冬菇仲好juicy煮得入味 但仲有冬菇嘅香·聽得出老闆娘係撐學生哥🤫🤫💛💛

銅鑼灣樓上小店，裝修懷舊，環境舒服。老闆負責廚房食物，老闆娘則處理落單樓面工作，兩口子分工合作。可能係樓上小店，個套餐好扺食，味道唔錯。7點至10點仲有3小時指定紅酒，白酒，清酒同啤酒任飲，呢個價錢，清酒已經算唔差...飲杯今晚食咗二人套餐:蒜蓉燒特大扇貝、鹽燒特大虎蝦、鰻魚飯、比目魚、汁燒魷魚、車厘茄、串燒和牛粒、串燒豬腩肉、鹽燒秋刀魚。另外再食咗:日式煎餃子、燒蘆荀、燒鷄皮。老闆娘問我，個套餐唔夠食咩，仲另外要叫嘢食...哈哈因為大食囉!

Lunch set including drinks:招牌地獄拉麵 招牌豬骨拉麵 秘製麵豉豬骨拉麵 黑椒肥牛飯 日式咖哩雞扒飯 日式鰻魚飯 韓式三色椒雞柳飯 日式茄汁豬扒飯 芥末洋蔥龍脷柳飯 韓汁鮮蝦配鮮魷飯 香草雞翼伴秘製洋蔥汁飯Personally, I like 黑椒肥牛飯...

地獄拉麵、鰻魚飯好味！仲有串燒食！pretty nice place for a casual dinner and a few drinks as it is also a bar...the ambience is nice, a bit retro and good music too...overall it’s pretty good value for money!! Heard they serve lunch too...but have t had the chance to try yet.

在銅鑼灣的上樓餐廳十分多，這間餐廳酒吧雖然裝修一般，但勝在食物價錢優惠抵食，午餐$48起免加一，加上窗邊可以遠望開陽風景，尚算係一個不錯的選擇👍午餐時間不算多客，可能不是太多人認識，所以不用等枱，還有窗邊的座位選擇可能坐窗邊的關係，可以遠眺市景，坐低感覺舒服，自成一角，沒有壓迫咁！食物質素不過不失，包餐飲(但質素一般)，如要求不高的話可以一試！

食左日式咖哩雞飯，想試吓佢地咖喱好唔好食～晚上去食都幾好60$左右，跟餐飲。咖喱好香😂😂 有香辣味又有日式咖哩味！伴碟用左少少芝麻喺飯上面，食落好有口感。環境好好！ 音樂好relax，同好高質，專登用左兩隻k房級數嘅啦叭播，d聲好靚。另外位於廿一樓個景好靚，可以望到成條鵝頸橋～d車同燈好靚！專登都問左店長～～係有包場服務嘅。20人就包得～～同fd子泥食一流。喺銅鑼灣地鐵站C出口行大約5分鐘就到～幾方便