影片
附加資料
最低消費單點一項產品
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
以上資料只供參考, 請與餐廳確認詳情
有關獎賞計劃
逢親行開返去買花都起碼一兩個鐘，跟住當然就會想喺附近休息吓同埋食返餐好，順便約朋友食個靚飯。 呢間 Victoria restaurant 都幾唔錯，首先價錢夜晚嚟講$100鬆啲每個人，食到個西餐坐得唔錯，份量仲要好足夠，同埋呢個價錢我仲要追加咗一份$28沙律，同埋仲要order多一份餐廳自製蛋糕。另外見佢啲set lunch都幾唔錯，下次中午可以再嚟食。所以行開花墟買完花覺得好攰呢間餐廳真係唔錯，佢原來仲有兩店，就係同一條街嗰度，其中一間間爆咗都可以去第二間。
繼續閱讀
人均100蚊就可以食到扒餐再加埋杯特色餐飲，真係抵到爛～平時食西餐想食塊肉眼扒閒閒地都168以上啦，今次同朋友黎到Victoria Restaurant，佢地既肉眼扒set lunch都係$85，不過呢就係偏薄身既肉眼扒，口感比較冧，牛味都唔算好重。另外叫左個黑毛豬扒拌煙鴨胸set lunch $78, 兩塊黑毛豬扒肉質算冧唔會柴，鴨胸就正常都係偏咸小小咁。跟餐可以叫忌廉湯或者羅宋湯配蒜蓉多士，叫左忌廉湯都幾好飲，好濃味👍🏻加左兩杯特飲（$18 per one)焦糖忌廉鮮奶咖啡同埋朱古力忌廉鮮奶咖啡，焦糖真係好正😂超中意飲
繼續閱讀
收工食飯，9:00諗住去隔離寶石鋸扒點知九點已經話收爐 冇晒人食唯有去隔籬街行吓 見到有間餐廳幾多人入去職員有禮貌 環境唔錯 價錢唔貴 嘢食OK免加一牛柳煮得唔錯 溫泉蛋卡邦尼意粉個意粉意粉好足料嘅醬汁多咗少少 但沒有影響意粉口感青口啖啖肉非常Juicy另外田螺亦都烹飪得非常入味，而且熱辣辣推介兩個小食加埋 先$140 計埋個牛扒15X同埋意粉8X仲叫咗個特飲同埋甜品兩個加埋四百幾蚊飽住走 出邊食個牛扒衰極都299/399茶餐廳都要百幾蚊 所以如果想平平地鋸扒都唔錯服務員有禮貌，上菜會收碟 呢個價錢對於食慣香港茶記嘅我有咁嘅食物質素同埋服務態度已經唔錯
繼續閱讀
第一次食，年幾前開始多去呢條街食，見一條街有兩間分店都似唔差，食下午茶都一間要排隊，另一間咁啱等左兩三分鐘有人走，叫左雞扒和豬扒，煎好香，夠入味，唔太韌，仲要唔係細份，雖然下午茶時段但呢個係午餐或晚餐的價錢和分量，唔計係下午茶時段，就真係好食，六十幾有餐飲唔駛加一服務費，值得再去。
繼續閱讀
周日和朋友逛街，適逢母親節，旺角超多人。去邊度食lunch，都要排隊。想食西餐，又唔太貴，真係好難搵。喺OpenRice找到這間餐廳，價錢不太貴就試吓。去到嘅時候，已經有七至八個人等位中，諗住好耐，但諗咗一陣食啲咩，就已經到我哋啦。驚喜1：帶位的年青男職員，雖然戴住口罩，都feel到佢 巧帥，未食先開心吓。驚喜2：環境格局有情調、清靜。最緊要一入去冇油膩的味道 。驚喜3:一上菜，先知份量咁足夠，幸好點了伴薯菜。紐西蘭草飼肉眼牛扒 $85:羅宋湯+ 蒜蓉多士+飲品（免加1）因為太肚餓，蒜蓉多士未影相就食咗😅。羅宋湯入面有些蔬菜，食完塊扒都冇罪惡感。驚喜4:相宜價錢，食物質素中上以這個價錢去鋸扒，都唔好諗塊扒係好高質素。食到有少少梳打粉，令肉質嫩腍啲。廚師廚藝搭救。牛扒上枱即食，煎牛扒邊位係香脆。伴菜翠玉瓜，大大嚿，一啲都唔慳。塊扒唔太鹹，食完冇口渴。薯角唔油膩，金黃色👍，若整得太香脆，入面薯仔就會太乾唔好吃。日式和風牛肉漢堡包伴薯角$82：漢堡包個包好軟熟，伴菜沙律用羽衣甘藍，有誠意。隻蛋煎得好靚，整體擺盤靚👍。牛肉漢堡比較遜色，咬落口有一粒粒應該係筋位部份，完全咬唔到。漢堡扒太粘林，唔夠實，自家製唔太鹹。驚喜5: 職員做事效率高，有禮貌，又貼心。他們上菜速度很快，整體食物有誠意又不會馬虎。見識到快靚正現場所見，三位職員很有默契，客人一離開，第一位職員清理枱上餐碟（動作快手），第二位就馬上抹枱，第三位職員隨即叫下一位客人預備就坐，唔怪得翻枱率咁高啦。一位資深男職員，又好禮貌👍。他們很貼心，見客人揸住一紮高身的花束，主動幫忙用儲物籃存放在一旁。唯獨有少少扣分，每枱都有提供透明飲用水樽給客人飲用水。玻璃水瓶明顯好耐先洗一次和啲水好山水味道，所以只飲了一啖。有機會會再來光顧，試吓其他嘢食。
繼續閱讀