OMW愈大就愈鍾意食芝麻嘢，一嚟因為芝麻嘅獨特香味好正，二嚟因為頭頂啲白頭髮，最近有次selfie，影出嚟啲白頭髮好覺眼，真係有點少sad🥲 宜家已經過咗立秋啦，天氣仲係好熱🥵所以都係要食雪糕！！！ 🍨黑芝麻+黑朱古力雪糕+榛子朱古力筒我覺得呢個雪糕係物有所值，佢係由頭到尾都好好食😍 先講雪糕，口感滑身，質地黏黏的，𢳂落就知係Gelato！呢度嘅Gelato好正（後面再同大家分享一個澳門Gelato故事🥲），我揀咗黑芝麻同黑朱古力💕 👑黑芝麻OMW鍾意芝麻嘢，呢個芝麻雪糕絕對係食過數一數二嘅高質芝麻甜品！一放落口，就係濃郁嘅芝麻香味，口感可以想象係高質素芝麻糊但再杰身啲，個芝麻味再香濃啲，一啖雪糕類似係濃縮咗兩三啖芝麻糊，甜度適中，唔會過甜。黑芝麻控絕對不能錯過呢個雪糕！！！🥰 ⭕️75%黑朱古力其實Venchi應該人人都識啦，專賣朱古力；佢個朱古力係一放落口你會即刻知道「呢個係真材實料朱古力」，食落有幸福感。但雪糕食落口，佢又甜咗少少，冇芝麻咁驚艷（可能因為我鍾意芝麻多啲🤣）。唔知Venchi會唔會再出個再高%啲嘅朱古力雪糕呢？點都好，下次嚟我可能都係會揀返呢個，因為呢間出名就係朱古力🤤 👑果仁脆筒（榛子碎）我一開頭咪話呢個雪糕由頭到尾都好好食。宜家要講食到尾，個cone夠脆，加錢有得朱古醬+榛子粒粒圍邊，好好味，眨吓眼我就食晒。 📍Venchi(堂食-尖沙咀）✨亮點：雪糕好滑！芝麻好濃郁！食完勁滿足！尖沙咀店有得坐低慢慢歎雪糕，啲位仲係counter遮住，好有私人空間，唔會畀window shopping嘅人望倒，食得都幾chill、幾舒服～ 🙇🏻♀️特別嗚謝：同我一齊食雪糕嘅朋友！ 😭澳門Gelato中伏故事Venchi品牌嘅Gelato一定信得過係好味啦。其實OMW對Gelato有點少陰影，呢個係一個文化差異嘅故事。前年暑假去澳門，喺條街行到勁熱，經過間裝修好靚嘅舖頭，佢話佢係賣Gelato，諗住咁熱天氣有Gelato呢啲高級雪糕食正啊，一球價錢係果啲好食Gelato價錢喇冇死啦，就行咗入去買。點知…出嚟係果種維記杯裝雪糕，雪糕質地係維記果啲，食落仲有冰粒😑，隻杯仲細過維記，價錢係維記4倍，食到我懷疑人生，仲去上網查吓Gelato係咩嚟。⚠️總結：喺澳門 Gelato = Ice cream，大家買嘅時候小心啲🫠🫠🫠 （之後有機會再分享吓澳門梳乎厘中伏事件，睇故事防伏🙈）…查看更多
