UURO (青衣城1)

今天我哋一行七人，阿仔行先去攞位, 佢問門口嘅姐姐問有冇7位 ，姐姐 問完入面之後就回答話有位 ， 咁我哋咪喺隔離排緊隊嘅食肆走返出嚟去呢間 ,但轉頭門口嘅姐姐又塞一張飛畀我個仔。跟住隔咗一陣，佢就skip左我地嘅number ，叫下兩張飛 嘅number， 我哋問佢點解 skip咗我哋，佢話而家有嗰啲只係得五位。但為何如果當初都冇7位，點解當時同我哋講話有位呢？是否其實是有位，但係畀咗自己啲熟客？…查看更多

人生第一個食評，平時都唔寫，但真係頂唔順。早幾日約左朋友過黎食早餐，因為朋友會遲少少到，所以我自己叫野食先。叫左杯flat white 同 蟹柳碎蛋沙律夏巴塔。杯flat white 一黎，飲左啖已經覺得好難飲，咖啡同奶味都好淡，好似溝稀晒。個包嚟到，見到個款望落都好似OK，但一入口，係凍嘅，蟹柳仲有浸雪味。我有一刻喺度懷疑自己，蛋沙律係咪不嬲都係凍食。結果我都只係食咗一啖就通知朋友即時換場，俾錢埋單。本身喺佢門面見到啲包，諗住食完早餐買返去食，點知啲嘢食係咁😡😡絕對唔會再幫襯。…查看更多

約好朋友午餐地點青衣城，又想食西餐，即刻諗起呢間，因爲朋友話好味。 不過午市時確確實多人，連坐入位都超迫，就算兩張枱幾乎黏埋，吾知以為同隔離枱一齊，希望可以改善下，係咪迫到咁😑😌。 食物上都不錯，而且都抵食，但今次叫個牛扒$98，點菜講明7成熟，但來到切開9成熟；但由於我們趕時間，所以照食，希望貴公司留意下。…查看更多

「民以食為天，食材夠新鮮；海與天相伴；胃口倍增添。」先講講我初初路經此店，吸引眼球的是門口售賣的麵包、薄餅和曲奇都非常精緻；很想各個種類都買些試試。在門外望入去只見幾張細枱，由於不想輪候便離開了😓直到上個月和老公去試試運氣，殊不知內裏有乾坤，舒適寬敞嘅座位，🌞陽光透過落地玻璃折射入餐廳； 令整個環境都充滿朝氣。餐廳可以用QR code自助點餐，我光顧過三次有早上和下午，職員都態度有禮，並不如之前其他食評評論般無禮，不知是否不同更的有所差異🤭我算幸運的一個，總括九個字：“好味道”“價合宜”“環境正”…查看更多

我第一次到呢間餐廳嘅感覺印象中有好嘅禮貌待應生送上食物到我枱但食食吓嘢突然間聽到隔離有女侍應無端端同個女人係人搭訕，點知佢哋越講越興奮聲浪都好大聲，買完單之後喺出邊門口買麵包，點知收銀員都係滿口內地音同啲客吹水，其實我想講餐廳食物水準係好嘅，環境係好好嘅，但係啲侍應生真係有啲嚇親，感覺格格不入，感覺上好古怪😂…查看更多