URBAN Café Commune (MOKO新世紀廣場)

營業中

休息中

原本唔打算為這間店舖寫食評，因為之前食過沒有什麼特別，只是今次打算隨便食過晩餐！當日食咗個水牛雞翼、牛扒同朱古力咖啡，總共四百幾蚊！價錢同食物質素唔成正比！牛扒🥩簡直令我驚訝！$288塊牛扒又薄又多肥膏唔係化…. 重差過有質素嘅茶餐廳！杯朱古力咖啡完全冇朱同咖啡味水牛雞翼冇影到相，味道就似茄汁加Tabasco唔會再嚟，差到一個點！俾錢時先知道可用yuu儲分！用得yuu唔係有質素嘅餐廳咩？令人失望！簡直浪費咗我當日食飯嘅quota

行過覺得攰，想搵間Cafe飲咖啡，好快就選中咗佢，因為佢位置非常顯眼，就係喺一樓，對住電梯，喺商場嘅中心，環境都幾舒服，夠光猛，嘢食水準正常，但係佢個餐加蛋糕嘅價錢都幾抵，我同朋友叫咗個all day Breakfast，一個沙律，再加咗個蛋糕，輕輕地食咗個Tea~同朋友傾吓偈都唔錯，嘢食唔係話特別好或者特別差，牛角包佢哋都做得好出色，好似係佢哋餐廳signature嘅食物，大家不妨一試，如果唔怕肥的話，價錢都一般唔係特別平，好在唔係好多人唔使排隊行過經過都應該會再光顧

已經有一段時間冇食過呢間嘢！點知一食就中伏😵呢個所謂嘅芝士牛肉千層麵$148以前dinner set跟一個湯同一杯指定嘅嘢飲，而家只係二選一，慳皮又縮水。呢個咁嘅所謂千層麵都唔知有冇三層，汁肉分離超多水，似冰格攞出嚟溶雪之後溶咗D水喺碗千層麵裏便😑面頭塊芝士係一餅嘢漿口嘅好似假芝士口感！！上餐嘅時候見到個黑色鐵兜以為好大，原來裏便係有一個細嘅錫紙兜細到好似掌心咁嘅size。個高度都冇半支牙籤，咁你哋可以想像吓個千層肉醬麵有幾大份？連一個兒童餐嘅份量都不如😒黑松露大啡菇燉飯$128都係dinner set餐湯飲品二選一，但杯冰紅茶超甜。本身個飯嘅味道係唔錯，但好可惜佢個意大利燉飯啲米煮唔熟係生嘅，我都明白意大利飯會係有少少硬硬地煙韌嘅口感，但係食落去肯定唔係意大利飯嘅口感，而係生米個心係硬。荔枝玫瑰芝士蛋糕跟餐加$28連個蛋糕都唔得！芝士口感一啲都唔smooth，蛋糕嘅甜味係死甜好假。食物質素越做越差，怪唔得知咁多間分店執淨呢一間，星期五晚飯時間都係得幾台客！實在太差，唔會再有下次😠

今日同friend喺新世紀廣場行街，Tea Time就喺 Urban Cafe Commune坐低食cake，店舖非常開揚，只要你願意，係可以同隨時同出面行過嘅人四目交投，呢啲冇遮冇掩嘅店舖我正常係唔會行入去，但見啲cake又好似幾好味，於是就試下!我哋Order咗個Cake Set，朱古力海綿蛋糕 + 熱蜜桃茶。蛋糕面上有棉花糖同Oreo餅做點綴，大件抵食，蛋糕質感好絲滑，嗰粒棉花糖超級甜，食到一半就開始覺得漏。杯熱蜜桃茶好夠味，好飲！店舖有加一服務費，亦都有90分鐘限時，如果有講不盡嘅話題嘅，就唔適合入內幫襯！！

最近同朋友喺呢邊食完晚飯，行咗一整晚嘅街，個腳已經好攰嘅時候，諗住搵間甜品舖食吓，但係搵極都好似唔覺有，諗諗吓曾經過過嚟呢度食晚飯，而佢入邊都有啲cake叫嘅，於是膽粗粗問一問店員可唔可以就咁食cake，估唔到呢係可以喎，呢個又幾驚喜喎。驚喜嘅地方呢係因為啲cake其實就唔貴嘅，但係呢又肯俾我哋堂食，最後我哋叫咗兩件cake，一件呢就係藍莓芝士，另外一件係Tiramisu，雖然上菜嘅時候呢佢搞錯咗，上咗另一件蛋糕，但係佢都好快換返俾我哋。整體蛋糕味道非常唔錯，推薦藍莓芝士蛋糕。

算我孤陋寡聞，我真係未見過咁細隻燒春雞，當我見到嘅時候我以為係鵪鶉定係乳鴿？我問侍應：呢度啲燒雞係咪不嬲都咁細隻㗎？侍應回答：係呀！我話：咁冇嘢啦，唔該！呃陸客之選🙂‍↕️

今日去咗新世紀廣場，一個人搵食午餐餐牌款式好多，都幾吸引，就試一試佢不過環境比較狹小，餐枱一張細圓枱咁啱我一個人就OK如果兩個人其實都比較迫，同埋係開放式餐廳，所以比較嘈吵63度溫泉蛋卡邦尼煙肉意粉 （$98）熱蜜桃茶材料用咗意式煙肉及風乾火腿，煙肉半肥瘦，帶少少鹹香，唔肥膩，有肉質 😋 流心蛋充滿蛋香，撈上忌廉汁，掛上每條意粉，火腿，薄薄一片，脆卜卜，就咁食會有啲鹹，將攞返平衡啱啱好麵條粗身，略嫌軟身，我比較中意硬身有咬口嘅忌廉汁太多，好滯，食一半就停手熱蜜桃茶喺餐飲，有驚喜佢係熱嘅蜜桃果汁，再放上紅茶茶包幾好味，又解膩消滯

約咗個同事食lunch , 因為同moko 新世紀廣場好近, 所以試吓依間西餐,首先一入去啲侍應已經有啲Hea 😂 唯一可取佢係設於商場戶外位，有啲特色同埋比較就腳，有啲似 landmark 果間🤣🤣🤣嘢食質素方面都係一般西餐好少少啦，冇乜驚喜但又唔會太差嘅，因為商場頂蓋是有一片玻璃通到出面，所以如果天氣好、陽光猛嘅時候在餐廳度竟然有點曬…. 🤣🤣叫咗兩個午餐set, 一個叫一山不能藏二虎蝦意粉;一個就車打芝士漢堡, 意粉幾入味、蝦都唔差，而漢堡塊扒都幾有肉味…2個人$330 蚊，在這個商場食嘢算正常啦….PS: 佢地依排做緊Crossover@Marvel，不過係早期卡通嗰款人物version , 中意可以試吓…

星期五 13:20無需等位下入座， 兩人各點了一個午餐。 看見餐牌算是抵食。 幾年前食過佢嘅慢煮雞胸，覺得很不錯。於是點了一個青醬慢煮雞胸意粉，仲有另一份carbonara 意粉。原先想嗌沙律，一問之下原來是日餐湯是龍蝦湯，於是轉了軚。 首先， 來了兩份龍蝦湯🫕，抱住期待的心態，可惜….超鹹！我喝了兩啖再加食埋兩件小龍蝦肉，已經放棄咗佢。跟住首先來了一份青醬雞肉意粉， 🍝意粉口感很好，雞肉也算嫩滑，起碼熱辣辣味道不錯，正常口味。接着，再來另一個主食….溫泉蛋卡邦尼意粉，也是熱辣辣，其實口感也不錯, 但是…. 太鹹！ 飲品-蜜桃冰茶🥤可選 走甜，少冰，西餐來說也算交到功課！（因為，有些餐廳會跟你說不能走甜….）綜合來說，體驗是一般般，整餐飯，成日有隻烏蠅飛來飛去， 湯、意粉太重口味！以價錢來講， 埋單$204，人均大概$100，也算good deal.。但建議高血壓及腎病者，最好不要來，我跟店員說他的湯很鹹，他只是木口木面點過頭。不知道是不是聽這些意見已經聽到麻木。既然蜜桃茶，可以揀走甜，我建議佢不如意粉同湯多一個選項，就是走鹹！

晚市服務態度其差，20:40就要我埋單。食物質素，已經不如從前。大集團都冇用，簡直係趕客👍個人意見，我一個人食$340應該唔係最低消費。龍蝦湯好鹹，牛扒好硬，炒蘑菇好多香草，另一杯唔係特價嘅Cappuccino我都飲唔落。係我近期食過最差嘅一餐。如果需要改善首先改善服務態度，食物質素都要搵啲有經驗合適嘅廚師。過得自己先過得人！點解香港話啲食肆冇晒生意拍烏蠅，重點就係你哋喺度食老本，以為啲客自己會飛埋嚟。

一早約咗個舊朋友喺旺角MOKO食個早餐先返工，9:00am 嚟到，等咗2-3張枱就有位了，環境清靜，開放式的（open area) 氣氛唔錯🤩服務態度都可以，而且迅速上餐，食早餐最緊要要快，趕住返工😂👍我哋都叫咗兩個牛角酥煎扒早餐😋🥩早餐B - 香煎牛扒，炒滑蛋，焗茄子，牛角酥，咖啡：牛扒好薄，但咬落去又唔會韌，好腍，唔錯喎！炒滑蛋當然夠滑，焗茄子正常，牛角酥好鬆軟，好香牛油味，外脆內軟，配合整個早餐，吃得我們津津有味！咖啡唔錯，小編小糖，唔會太苦澀☺️🍗早餐C - 香煎雞扒，炒滑蛋，焗茄子，牛角酥，齋啡：雞扒的皮煎香了，有點脆，加上黑椒和鹽，把味道更加提升，雞肉亦都幾滑，容易切容易咬，配合雞扒的皮，淡淡油香😋其他都一樣，整體也是不錯的！齋啡沒糖也不太苦澀，純咖啡豆香，幾易入口！😛

今日早上專門搵到呢間嘢去食早餐，本來想座卡位，但 full 曬，之後卡位有客人走咗，我哋提前同一位男員工講咗，我哋想轉台，男員工話等他清潔完可以坐過嚟。但當我哋准備座過去的時候，另外一位女員工准備安排門口另外的客人入座那張卡位，對于我哋想轉台，她態度極致惡劣地對我們說，我哋冇同佢講，所以唔俾我哋。態度差到冇人有，都唔知得罪她咩，之後乾脆唔食了。各位以後上去呢間餐廳座卡位，記得提前同呢位女員工講聲啊，如果唔系俾人闹爆

餐廳喺商場中庭好開揚， 有行過新世紀廣場既人都必定見過呢間餐廳🍴屋企人叫二人餐同散叫車打芝士牛堡配薯條，見到佢地二人餐頭盤-羽衣甘藍堅果沙律好新鮮且份量多！主菜慢煮原隻黃油春雞好吸引！我自己叫海鮮意大利燴飯，海鮮有虎蝦、青口、帆立貝，份量多到遮住啲飯，勁足料！配凍蜜桃茶係免費🍹如果能附送餐湯或沙律性價比會高啲🤭 雖然一開始有講限時，但我地係夜晚最尾個輪，所以完全唔會趕走你～

Walking in for some snacks in late afternoon, this cafe was the only place we saw no queue. Staff efficiently arranged seats and orders made via QR code. We ordered the langoustine croissandwich with curry emulsion and double brie and ham croissandwich. Croissant was a flaky one but definitely better if it had been warmed up. Double brie and ham was a slice of brie sandwiching with a slice of fatty prosciutto and ham. I pulled off the fatty part as too oily and fattening. Whole sandwich was quit

今次去試咗喺MOKO嘅一間Cafe，留意到都幾多食客去光顧，所以都想親身去try try🤤。餐廳有午餐餐牌，都幾多選擇！-🍴一山不能藏二虎蝦意粉🦐🦐($138)依個意粉係餐廳Best Seller之一，蕃茄做基底，帶有少少辣嘅意粉🌶️，意粉薄身，口感適中，加埋啲酸酸甜甜蕃茄醬汁，好令人開胃！🦐隻虎蝦非常大隻，而且已經剝咗殼，非常方便好似也米😍依啲懶人，口感好彈牙，蝦味好出，唔怪之得咁受歡迎！-🍴黑松露芝士薯條🧀🍟($78)薯條會係軟身，鍾意食脆身嘅薯條嘅人可能會失望😗。大量芝士🧀溶咗喺薯條上邊，隔離附有黑松露醬同茄汁。黑松露醬好香黑松露味🤩，食落會有少少甜味，令人食到不能自拔！相反點咗茄汁嘅話，反而令到薯條冇咁出色🫢，所以都係推介黑松露醬👍🏻！-🍴沙律🥗(跟餐)午餐可以選擇沙律或者湯，沙律正常，冇咩特別。-🍴英式紅茶☕️(跟餐)