Uncle Quek

打住米芝連Whey姊妹店嘅銜頭 所以就去咗試 餐廳style casual 但環境都闊落舒適Hae Mee 新加坡蝦麵 一睇橙紅色蝦湯就知有幾濃 蝦味好足 配料有彈牙鮮蝦、嫩豬肉片 好足料小食有麥皮炸雞 麥皮裹粉炸出金黃鱗片 脆到犯規 雞肉多汁不乾柴 得2件確實唔夠喉 🍢 雞肉沙爹都好厚肉，再配上粗粒花生沙爹醬 夠哂惹味Uncle Quek (中環)中環擺花街8號6樓…查看更多

終於去左中環新開嘅Uncle Quek！作為米芝蓮一星餐廳Whey主廚Barry Quek新作，今次唔行fine dining路線，而以親民價錢呈現高質星馬風味，人均$250+就食！🍽️ 晚餐菜單全新升級，推薦必點：🍢小食拼盤 $238一次過有齊串燒（豬頭肉、封門柳、三黃雞）同馬來咖喱角，每款都入味十足，尤其係沙嗲醬香濃唔膩，超適合Happy share 🫓印度薄餅配鹹蛋牛油醬 $68即叫即做薄餅酥脆可口，點埋特製鹹蛋牛油醬，鹹香濃郁到停唔到口🍜龍蝦喇沙 $248必點招牌！湯底濃郁順口，椰香同湯底完美融合，龍蝦肉質Q彈，配料仲有魚片、豆卜等，每一啖都超滿足！🍗炸雞椰漿飯 $238炸雞髀同雞翼外脆內嫩，椰漿飯香氣濃郁，配埋脆脆江魚仔～每日限量供應，想食要趁早…查看更多

唔好話我成日寫負評，其實我都係一個識得欣賞嘅人 :)最近同朋友去試咗新開嘅 Uncle Quek，聽聞係米芝蓮一星 WHEY 嘅姊妹店。反正 WHEY 都去過，無理由唔試埋呢個平民版。我哋係 13:45 去到，啱啱避開 lunch peak，唔洗排隊，環境開揚，坐得舒服。雖然係 open kitchen，但完全唔覺得有油煙味，反而仲有少少新裝修嘅味。裝修走簡約風，乾淨利落。最值得一讚係服務——我果日著咗淺色裙，waiter 主動問我需唔需要圍裙，呢啲細節真係加分。Lunch set 由 $150 起，性價比唔錯。我哋叫咗：Achar Salad： 清爽開胃，配埋濃味主菜啱啱好豬頸肉沙爹：唔算驚喜，但肉質唔乾，唔係平時嗰種「一塊塊」嘅切法蝦湯麵：湯底偏清，但唔係冇味。每人三隻蝦＋三塊肉，睇落簡單，食落滿足。唔係平時食開嘅濃郁版，但有自己風格薏米水：可以揀正常冰／少冰，如果可以揀少甜就更好聽講平時 lunch 限時 45 分鐘，但我哋嗰日冇趕人，節奏舒服。唔係叫你坐三個鐘，但如果唔洗排隊、唔趕時間，呢度真係可以一試。…查看更多

因為見新開在中環的店，儘管去試一試。點了個撈面，有幾件咬不開，又流血，又沒有味道的豬潤，再加兩粒充滿雪味的豬肉丸，撈面味道算是不過不失。但豬潤及肉丸實在令人失去胃口。頭盤是兩串沙嗲，味道還好。飲品是一杯淡淡的薏米水，埋單$210😢。還有要QR code 落單，餐牌上只有一張超細的相片，沒有菜式的材料，單靠菜名‘Bak Chor Mee (Dry Minced Pork Noodles)’ 實在估唔到有什麼材料在裏面！如果廚師不懂得處理豬潤，就應該改用其他材料。收這個價錢，但做出這樣的午餐，真的會有回頭客嗎？…查看更多

最近試咗依間中環新開嘅餐廳，係米芝蓮一星Whey既姊妹店。Lunch set包括前菜，主菜同一杯飲品都係$158。龍蝦喇沙要另外加$38, 蝦湯底經過3小時熬製，非常濃郁。龍蝦肉都大大隻非常彈牙。前菜點咗雞肉沙嗲，要另外加$28，肉質嫩滑味道都唔錯。…查看更多