Two Ediots

平時喺灣仔，好少會去到謝斐道果邊搵食，今次朋友介紹話Two Ediots抵食又好食，咁我同👦🏻都鍾意食burger，就一於試吓啦！Burger最平$48，我哋揀咗招牌Ediot(煙肉牛肉漢堡）同埋Dr. Hen(板燒雞堡）。包好軟熟，漢堡牛肉同雞扒都厚肉又夠juicy，番茄同生菜好新鮮。個醬汁係自家製，整體味道好夾。每個漢堡最多可以加錢跟2個小食同1個飲品，我哋就加咗黑松露薯條、芝士薯條、炸洋蔥圈同芝士條。大堆薯條，好好食，兩款醬都好好味，亦好generous比好多醬汁。不過黑松露味就唔算重。洋蔥圈正常發揮，芝士條相對就遜色啲，唔試都冇咩損失。另外仲有Pasta，眼見都唔少人冇食burger，係食Pasta，似乎都值得一試。另外，朋友仲特別推介1500-1900後薯條同雞翼$50任食，叫一杯飲品就可以，下次一定要食。…查看更多

之前行過，見到佢哋有個任食雞翼同薯條，好似好吸引，所以今日試咗佢哋個任食餐。七點前每位$50，每位要order 最少一杯啤酒。滿懷期待，因為表面上真係好吸引，不過發現好多伏位！！首先講個雞翼嘅味道，得一款係冇得揀嘅。雞翼表面係辣嘅，但係裏面好重雪藏味。薯條就正常。因為出餐出得好好好慢，每次大約20分鐘，所以上餐之後，想即刻再order。點知佢同我講，要食晒先至可以再order ！😳 如果規矩係咁，我都會遵守，不過佢應該事先說明。然後跟住order，又要再等20分鐘。所以，如果你可以好快食完佢出嘅餐，跟住再等20分鐘，兩小時內，都勉強可以叫到5次。如果一個人的話，$50。係抵嘅。不過如果有三個人或以上，就要慎重考慮，因為仲未計啤酒錢。…查看更多

賣相比味道吸引下次試非signature dish 和薯條再定奪午餐加top 係抵好多下午時段有任飲和任食雞翼promo（不過對雞翼不抱大期望）先看看賣相吧～份量不大，建議按需要加top…查看更多

星期一平日lunch time大概12:30嚟食。餐廳唔大，但唔多人，無需等位。餐廳環境一般，有點兒舊，尚算乾淨。叫咗個Two Ediots（雙層牛肉芝士漢堡🍔）$70+薯條🍟$10+汽水🥤$5。需要加一。相比其他Burger店唔算貴。賣相還可以，不過冇影相，分享唔到。漢堡🍔材料幾新鮮，牛肉夠熱、有油，醬汁都好味，8/10。薯條🍟一流，每一條外面都好脆，內軟，10/10。汽水🥤就正常汽水。總括嚟講食物非常唔錯，會再幫襯。…查看更多

❤️私心推介一間灣仔漢堡店俾大家，灣仔漢堡嚟講其實選擇好多，但係呢一間係我每一次去灣仔都會想食嘅漢堡店。🍔Atomic Bomb 👍🏻 👍🏻 👍🏻 👍🏻 👍🏻😋我特別鍾情佢嘅大啡菇，因為佢可以做到啡菇外層香脆同時亦都可以鎖住嘅水份，菇嘅水份唔會整到個包好濕，但係你咬落去就會食到菇嘅汁同埋漢堡嘅牛肉汁，真係好好食！😋而且另外一個令我鍾意佢嘅地方就係佢好多配菜選擇，除咗最基本嘅薯條之外，仲有炸薯條、魚柳、雞翼、芝士條、甚至洋蔥圈都可以選擇。而今次冇選擇配菜係因為我覺得佢個漢堡已經好夠飽啦，所以就唯有下次再去啦。…查看更多