Twinkle Baker Decor (屯門市廣場1期)

營業中

休息中

作為朱古力控的我，滿心期待星期日優惠的朱古力棉花糖撻今次竟然覺得特濃開心果撻比朱古力撻更優勝試過坊間幾次款不同開心果味的產品，每次食完心靈都得唔到滿足，味道都是淡淡無乜開心果味，但今次《扮清糕》的特濃開心果撻實在令我驚喜萬分，絕對唔係［扮清高］！食曬全個都唔會有甜到漏的感覺，中間底層的開心果饀更是滿滿濃郁堅果香，每一粒味蕾都充斥住開心果的味道雖然原價感覺有點少貴（星期六特價$30係超值），但一個撻的份量唔算細又可以切開同朋友分享，喺想食開心果味甜點時絕對係不二之選朱古力棉花糖撻，星期日$22特價亦係性價比之選，中間的朱古力饀濃而不膩！就算買一件撻，都有一個紙盒，紙盒又有膠紙固定撻底咭紙托，咭紙托又有朱古力固定撻的底部，細節位值得一讚

早前朋友生日，一直想試扮清糕既蛋糕，不過款式未睇岩🤣咁岩就見到有西多士造型既蛋糕，覺得好得意就訂左(´▽｀).Grand西多 4寸$388 蛋糕好厚身，三個人只係食左一半就飽左🤣西多外層係泡芙製成，內層係奶茶慕絲同原味海綿蛋糕加上伯爵茶啫喱，口感層次豐富，最重要係唔會好甜，岩唒唔鐘意食甜既朋友。另外仲有菠蘿包造形，味道係奶茶紅豆🫘，我哋對紅豆一般所以揀左西多士😂有機會會試埋菠蘿包造形，好岩影相haha

行過呢間店，真係吸引到我停低腳步。店入面嘅「順風順水順風車」蛋糕，一眼望去就靚到冇朋友！👀 切開之後，層層紅絲絨蛋糕、朱古力脆波波、紅桑莓同吉士忌廉令人垂涎，而個cream乜都唔塞牙，唔會甜到腦門汗，咬落去既滑又細膩，好有層次感㗎！再嚟個「💰金多寶箱」蛋糕，外觀閃閃發光，真係叫人捨唔得食。金色朱古力金幣，一啖咬落去得意得滯😋 裏面嘅芝士慕絲同牛油忌廉夾埋夏威夷果仁同杏仁碎，口感完美到食指大動，而且食咗都唔覺得膩，仲要唔會過甜，啱晒一家老小分享。講到個「精靈物語系列」，烏卒卒同咩咩怪兩款蛋糕，外表得意到爆棚！烏卒卒蛋糕層層Oreo餅乾碎混合抹茶曲奇，每啖都係甜蜜嘅享受，而d朱古力味道夠哂濃，愛朱古力嘅你千祈唔好錯過！🍫 簡直係品嚐美食嘅小小樂園！

就快母親節👩🏻，提早揀定個蛋糕同媽媽慶祝！♥️最近其實無論同屋企人慶祝，或者同朋友慶祝生日🍰都好，都偏向會想揀細個小小嘅蛋糕，因為每次都食唔晒好浪費，同埋蛋糕主要係想有個儀式感，所以每人食幾啖就已經好滿足。😌今次行過見到有好多迷你蛋糕，價錢又唔貴($98)，而且個口味好似都幾唔錯，就揀咗一個玄米味嘅蛋糕，食落唔會好甜，有淡淡的玄米茶味🍵，唯一我覺得佢係太多cream，但係整體來講都好唔錯。😋

因為屋企有小朋友生日，幾個星期前經過屯門呢間蛋糕店，望咗一陣見到呢一款蛋糕幾得意，於是就訂咗呢一款蛋糕🎂小朋友見到嗰一刻好開心，因為個蛋糕嘅設計好似一個糖果機咁，佢有一個透明罩包住好多珍寶珠，小朋友都有排食😹如個蛋糕可能因為要固定外型嘅關係，出邊係一層糖膠包裹住，比較硬身當糖咁食🍭而入邊就係鬆軟嘅水果蛋糕，軟綿綿香香甜甜，算幾好食🍰不過如果呢款蛋糕觀賞性同埋食用性比較，我就覺得偏向觀賞性會大少少🤏可能小朋友會啱多啲👍

秋風起🍂食大甲芋泥💜焦糖布甸撻🍮雙重美味🥰Twinkle Baker Décor 推出既焦糖布甸撻系列新出大甲芋泥口味，啱晒一眾芋泥控💜適逢秋天靜靜的來到，正值芋頭當造，加左布甸撻，原來可以咁match💜 中間係軟滑的焦糖布甸，被香芋味忌廉包圍住，撻內有軟綿綿口感濕潤的海綿蛋糕，夾雜着綿密既大甲芋泥和香芋吉士忌廉，質感順滑，好有層次感，而且整體口感都唔會太甜膩！淡淡的甜味散發出濃厚的芋頭香🥰芋泥控唔好錯過喇❣️📍#TwinkleBakerDecor (#屯門美食) @twinklebaker屯門屯順街1號屯門市廣場1期1樓 Kiosk 1

☀︎ 𝗦𝘂𝗺𝗺𝗮𝗿𝘆：𝗧𝗪𝗜𝗡𝗞𝗟𝗘𝗕𝗔𝗞𝗘𝗥 最近推出左新品啦📣('ᴗ' )و就係人氣爆登嘅「𝗤𝗤麻糬曲奇」曲奇中間係有𝗤𝗤麻糬架⚗︎·̫⚗︎口感超煙韌，仲可以拉到絲添(⁎⁍̴̛ᴗ⁍̴̛⁎)‼ 曲奇配咖啡，一餐完美嘅𝗧𝗘𝗔 𝗧𝗜𝗠𝗘就完成𝗟𝗨(*´∀`)~♥.𝗧𝗢𝗧𝗔𝗟有六款口味：◈ 岩鹽朱古力◈ 伯爵茶◈ 烏龍茶◈ 巴馬臣芝士◈ 宇治抺茶◈ 棒子.☀︎ 𝗗𝗲𝘁𝗮𝗶𝗹𝘀:$²⁸/件²⁴件裝（⁶款口味各⁴件）$⁶⁰⁸⁴⁸件裝（⁶款口味各⁸件）$¹¹⁸⁸

-🦄TWINKLE BAKER @twinklebaker -QQ麻糬曲奇 六款口味 Hkd168Overall Rating🌕🌕🌕🌕🌑-🫡召集所有麻糬控🔥-🖤🤍🖤🤍🖤🤍🖤🤍🖤🤍🖤🤍🖤-每次經過這店的時候 都會被它們的蛋糕吸引近日它們推出了新品 就是 QQ 麻糬曲奇系列對於一個麻糬控來說 怎能按捺得住心中慾望曲奇總共有六款口味 總有一款會是深得你心-有茶控最愛宇治抹茶 大受歡迎的岩鹽巧克力鹹香十足巴馬臣芝士 老少咸宜的榛子巧克力每款口味都很難抗拒 最重要是曲奇餅的內餡夾著煙韌拉絲的麻糬 Q 軟麻糬令口感更豐富-🖤🤍🖤🤍🖤🤍🖤🤍🖤🤍🖤🤍🖤-🍫岩鹽朱古力麻糬曲奇🍪⚡️Rating🌕🌕🌕🌕🌘充斥著香醇的可可風味 甜度屬於剛好的水平甜度適中不容易感到膩 苦醇的可可是我最愛當然作為曲奇不能太苦 現在的味道恰到好處只要你細心品嘗其層次 會品嚐到岩鹽的鹹香岩鹽的鹹能突出巧克力 那苦甜的味道跟層次-岩鹽跟可可一直是好友 能互相襯托不是競爭這款巧克力味的曲奇餅 連我家中長輩都大讚-🌰榛子麻糬曲奇🍪⚡️Rating🌕🌕🌕🌕🌑榛子跟巧克力味相比較 屬於大同小異的味道榛子卻擁有其獨特香氣 是堅果那迷人的氣味不知這

屯門站📍 Twinkle Baker Decor -本來想去YOHO Mall嘅 Tony Wong買生日蛋糕，但原來已經執左😩咁唯有再買返Twinkle Baker Decor ，因為質素相對上都ok😎Love U to the moon and back（$298）呢個蛋糕係我簡嘅，因為已經係最細size😂（除左件裝蛋糕）兩個人食黎講其實都好多！蛋糕外層係淡紫漸變淺藍嘅cream（不過係比較硬身），旁邊有湖水綠同透明星星。頂頂有兩支糖，都係可以食。蛋糕外層唔係好食得出咩味，估計係藍莓cream，女朋友唔食外皮，只食蛋糕餡😅😅內層係朱古力慕絲同朱古力海綿蛋糕，中間夾住軟朱古力夾心同黑車厘子醬。蛋糕比較甜，朱古力味濃，朱古力慕絲細滑😋👍🏻兩個人食真係幾漏，同埋份量多，食食下都一定要飲下水。如果可以有再細少少嘅size就岩岩好😂🙏圖二張相切得樣衰少少😅唔好見怪。

事源番工個到都開咗呢間舖，乘見到佢哋賣嘅蛋糕，cupcakes 都好靚，又乘日賣曬，最後以小編咁為食梗架忍唔住要買啦～凍檸茶扮清糕 （🌟83.33/100）💲28Cupcake 上面有檸檬味嘅cream，食到有淡淡嘅檸檬香，蛋糕體好濕潤，一啲都吾乾，最後仲可以食埋最上高嘅檸檬片，痴滿糖粒，所以吾會太酸🍋福滿小壽桃（🌟89.43/100）💲388/5吋小壽桃嘅外層係香桃芝士慕絲製成，內層由泡芙包住香桃果餡。由白朱古力製成的蒸籠，裡面有新鮮嘅士多啤梨、雲呢拿吉士同海綿蛋糕。整體吾會太甜，白朱古力好有牛奶味，裡面嘅士多啤梨都吾會酸，海綿蛋糕都係好濕潤，連老人家都食到

趁着屋企長輩生日一直都唔知買咩蛋糕慶祝好朋友今次介紹咗屯門市中心嗰間Twinkle Baker Décor今次決定買個壽桃蛋糕比屋企人❤️福滿小壽桃❤️依家啲蛋糕真係款式越來越多仲要係好睇又好食😋老人家最鍾意就係依啲蛋糕同埋蛋糕唔係太大個啱晒我哋一家幾口外貌由朱古力整到好似蒸籠咁樣，真係以假亂真壽桃就以桃味既芝士慕絲而製成，內層仲有桃味泡芙而蛋糕就好香吉士味，仲有香甜嘅士多啤梨🍓岩曬媽咪口味。我發現佢哋仲有其他款式都好特別下次可以再試吓其他而且我仲發現到有一系列嘅碗碟精品可以換購貪過癮我哋又買咗返嚟😅

💋 招財比比 6吋 ($388)前一段時間生日，朋友知小編鐘意d造型特別既蛋糕，所以就買左呢款Twinkle Baker Decor既吸睛貓貓蛋糕😍 佢其實入面係好立克慕絲、海綿蛋糕加焦糖脆珠，攞到上手都比想像中大件 😬🤧🤧 不過好可惜，佢既味道同外表係唔成正比既，好立克慕絲勁甜，焦糖脆珠一d都唔脆，而海綿蛋糕就太硬又冇咩牛油香 🥴🥴 （📈推薦程度：3/10）結論：純打卡用，抵唔抵見仁見智，但係小編就不了🤧

第一次幫襯, 冇諗過個蛋糕可以整得咁差咁樣衰! 係啲連鎖式餅店訂咁多年蛋糕, 今次呢個恐龍蛋糕可謂做工最差嘅一個, 成大條裂痕都可以比客? 蛋糕面好多o隆, 唔明點吻啲cream可以吻得咁差? 生日牌正常梗係放正中間, 但佢竟然幫我放係恐龍側邊? 好奇怪, 咁我影相時影到個恐龍樣就影唔到個牌? 整餅果位有冇用腦諗下? 差唔多400蚊一個蛋糕咁都可以照比客, 唔該問心諗下自己係咪咁做生意! 樓下普通餅店都整得靚過佢多多聲!

朋友生日🎂 又係訂蛋糕既時間 去屯門行街時見到市中心開左間Twinkle Baker Decor🤩🤩 佢地在好多分店，蛋糕都非常有特色😍因爲朋友係Disney Princess Ariel 🧜🏻‍♀️ 既Fans 所以我一眼就比呢款美人魚之歌吸引到😍😍美人魚之歌🎶$528蛋糕🍰6寸，外觀非常靚😍😍 外層以粉紅及湖水綠Cream 為主，顏色較清新🥰內面係原味牛油蛋糕，士多啤梨牛油蛋糕🍓🍰 為主，蛋糕軟熟而牛油味香，裡面有荔枝果肉，荔枝爆珠，荔枝玫瑰慕絲等等配料，味道配合之餘口感非常豐富

我地一向都好鍾意Twinkle Baker Décor 嘅蛋糕，因為佢地嘅設計真係好有創意，入形入格，仲好有港式茶餐廳風味~最近知道佢地聯乘Twinings全新港式經典蛋糕，喜歡飲茶的我，馬上入手試試~呢個「Grand西多」蛋糕賣十分可愛! 蛋糕面仲加左片用吉士整嘅牛油，幾乎可以以假亂真呀!其實我地未食已經聞到一點點茶香，外層係泡芙，包住Twinings Lady Grey奶茶慕絲、清爽嘅奶茶啫喱和鬆軟嘅海綿蛋糕，多重口感，食落好有層次，仲有啖啖奶茶味，啱晒鍾意飲奶茶嘅朋友仔，而且仲會愈食愈想食，等我下次試埋佢地其他新口味先~