TUTTO by Habitu (已結業)

睇到咁多人話lee間野唔好....但因為有個朋友食過話好味...所以我都去一試叫左3樣野, 煙三文魚意粉, 炸尤魚圈, 意腸意粉Pizza食物, 意粉同尤魚圈都幾好味....個Pizza就不過不失服務, 係good, 不停有人會留意你駛唔駛加水....最令我覺得好既係...食完個意粉同炸尤魚圈, 等緊個Pizza, 有一個服務員埋黎...問我地係咪等緊野, 幫我地追如果唔係好留意d客..又點會咁問呀....不嬲出面食野都只有個客追..點會係個服務員主動黎問你所以大家值得一試wor

今日一行幾個朋友行經新城市搵Tea食，在底層見Tutto環境裝修都唔錯，乾淨光猛舒服，行得攰攰地正好hea一下，於是就入去幫襯。我地坐既係街邊窗口位，一邊悠閒下午茶，一邊望望玻璃另一邊街景都別有一番情調。由於只係下午茶不打算多吃，見tea set蛋糕連飲品$38，本來有點興趣，但去櫥窗看過蛋糕實物卻感覺不大吸引。結果同friend share一份「意大利風味前菜拼盤」（二人份），$78，不是tea set只是散點，材料有焗青口、蝦、釀野菌、茄子卷及巴拿馬火腿。單看餐牌以為份量也不少，但實際兩個人share就真的不算多！整體而言，各種小食的食物的味道都很普通，沒什麼令人難忘的味道，蝦甚至很淡口；唯獨茄子卷賣相幾特別，茄子切成薄薄長片形狀，再卷著芝士芯一起焗，成品樣子薰黑怪怪的，不說也看不出是原來是茄子呢！但味道也無甚特別之處。如此一份普通的下午茶每人要夾$43，由於是散點甚至是沒有飲品，覺得甚為唔值！返屋企上Open Rice先發現原來Tutto咁鼎鼎有名（劣評食肆），早知睇多ｄOpen Rice啦！

約左朋友食飯,度度都大排長龍,唯獨呢間等幾張檯就OK,所以就揀左呢間喇。我地叫左一個意式併盤+ PIZZA。個意式併盤整體上幾好,D海鮮好新鮮,尤其是隻蝦,好彈牙。蕃茄醬應該係用新鮮蕃茄打成,好鮮甜。唯獨是個茄子卷差D,炸到唔知似乜咁,甩晒色又皺埋一舊。而個PIZZA我唔記得叫乜名了,上面有水牛芝士、巴馬火腿& 火箭菜。D 火箭菜好苦,我地完全冇食(個人喜好不同ONLY)。不過個批底又薄又脆,芝士夠咸香,再加埋PARMA HAM...正~ I LIKE IT~好多人COMMENT 呢間唔好食,可能係叫的食物唔同的問題,我又覺得唔係咁差喎~ 係貴左D啦,每人食左$130都唔太飽。

上星期六一行四人到Tutto吃午飯, 我和honey點了兩個set lunch, 而另外兩位朋友則點了一客意粉, 我選了沙律, honey選了餐湯, 個沙律新鮮, 亦算大碟; 個蕃茄湯味道不俗, 味濃。Honey個pizza份量不算大, 是個薄批, 但熱辣辣好美味, 芝士又香濃; 而我的原隻魷魚釀咖喱意大利飯, 是最好的一道菜, 咖喱汁包著每一粒意大利飯, 朋友嘗過一兩口, 也說不俗呢!

星期六去新城市廣場，人多到嚇死。自從商場改頭換面後都未黎過喇，好多食店都冇晒，好似以前食開既雪國同Ａ１都消失了！今次本來朋友想食翡翠小籠包，但要等幾十張，所以就採取漁翁撒網既策略，輾轉黎到呢度，好快就有位喇！我地被安排坐係最入面張，可以望到街景，自成一角都唔錯，可惜正係冷氣出風口，食物好快凍晒！三個人叫左以下食物：1)意式拼盤(包括意式火腿，肉腸，炸釀蘑菇，燒蝦，青口，茄子卷。火腿有哈蜜瓜一齊食，只可以叫幾特別，炸蘑菇比較乾，好在有醬汁點下，茄子卷有生，麻麻地)2)特式Pizza肉醬意粉(標榜係全港獨有既食物，所謂Pizza其實係用麵粉整到好似碗咁既底，釀入肉醬意粉，味道都唔錯既，芝士亦算香濃)3)蟹子三文魚扁意粉(普普通通，份量唔多，一人少少就冇晒喇)可能唔夠飽，食完之後朋友提議再去滿記食糖水，笑！P.S.寫食評先知呢間舖係劣評之首，其實都唔係咁差既！

星期六，我同屋企人去呢間意大利餐廳食野。可能我地好早到，有卡位坐，環境都幾舒服，帶位提我地小心梯級，幾細心。之後waiter問我地需唔需要叫野飲，我地叫佢俾３杯水先，之後order埋食物，waiter好清楚重複我地order，落單清楚，每隔５ｍｉｎ問我地需唔需要ｆｉｌｌ水，服務好好！我地叫左一個seafood soup,lobster bisque with grappa同caesar salad味道幾好。之後叫左linguine with smoked salmon, parma ham,grilled scallops and black & white spaghetti,食物買相幾好,味道都ok。個linguine同d露筍一齊食好爽口!scallops好有鮮味!

I tried tonight...........very very bad.No sevice---I asked the supervisor to refill water, i needed to wait long long time. Food---No taste, especialy the shrimp, worse than many many restaurants.I will not go again!!

新年期間跟3個女友人到新城市廣場一期一樓東翼的意大利餐廳Tutto吃晚飯, 估計應該不差(意大利餐廳), 點了pizza, 飯, 意粉及小食. 除了個pizza唔錯之外, 其他的都好咸(高血壓的少吃為妙) 個飯對於我們來說只能講差, 用來填肚罷了, 飯好似生米浸了許久而未熟, 硬得很, 要瘦面的朋友一定要試啊, 你不咀嚼至糜爛是不能吞下肚的, 吃完這個飯已經好累了(面跟牙"胶").....這個也不便宜的說.... 個意粉叫了加大, 但都是很少的份量, 4個人分每人都尚算可試到味道吧....

人數: 2個大人加一個B食品: 一個特色PIZZA >>PP1 ($68) 一個XX意大利飯>> ($68) 一個小食拼盤($78)味道: 特色PIZZA唔得同佢個MEUN賣相好大出入,味道麻麻,的確只係把意粉放係個皮入面.又DRY,又冇味,D芝士係個面度,一塊咁,原全唔係個圖咁HOT,咁多芝士,個皮亦唔脆,份量普通意大利飯份量OK.但D飯好鞋口,味道可以.賣相OK小食拼盤賣相OK,但唔夠熱,海鮮唔鮮,個茄瓜ROLL好唔得,唔知咩名來的,D HAM 唔得...味道有D怪..同D哈密瓜唔係件上係絲上好怪服務: 我覺得OK.上碟時都有叫我們慢慢享用同有一段小插曲話說結帳時$235 我唔小心比了400元佢以為自己比了300元個STAFF走回來同我講我比多了100元我覺得都OK啊總結: 我覺得呢間野可食可唔食我們坐了好耐佢們都冇趕我們同不停FILL水不過如果想食好野唔SUGGEST呢間.環境OK 不過D位迫D

見好似幾靚同比佢個menu呃鬼咗．．又話咩special pizza...D pasta both ok..not bad.. BUT 份量少到爆@__@我呢D 5 算大食人都覺好少男仔點夠呀??食食下個所謂的special pizza來了我真係O 咗咀..........舊野大小同隔黎A-1 Bakery 個$10 pizza飽同樣size.. 但係80 蚊囉仲要５好食..the bill was...over $300...with tips..=___=NO next time ar!!!!!

情人節果日同男朋友夜晚都要番工既關係我地就晏晝去左慶祝,去到果陣3點到4點但係果陣係食tea 但係我同男朋友都超級肚餓又+上情人節既關係我地散叫左d野食叫左個雞翼個咖哩長通粉香辣pizza 同埋個羊架黎左個長通粉先呢個味道就麻麻地之後黎左雞翼一食嘩超好味一定要點個醬先好味食完4隻我地再叫多碟之後就黎pizza 個人比較喜歡食厚底佢係薄到紙咁但係材料搭夠蕃茄好新鮮又夠辣之後就黎個羊架喇又係出乎意料之外既味道好好味男朋友都不停咁叫我切多d比佢野飲就叫左最普通既凍檸茶同熱檸蜜但係就黎錯左熱檸水但味道補番呢d小小既錯啦埋單400幾蚊情人節都差唔多啦都唔係其他講到咁差姐??? 可能唔係set啦

今日情人節, 同老公响沙田新城市行左個圈, 決定試下呢間餐廳, 我地冇食到情人節set dinner, 每人minimum charge 150蚊, 都算合理...炭燒西冷扒($148) - 叫了7成熟都唔鞋, 又冇筋, ok喎海胆忌廉汁海鮮墨魚面($88) - 幾十蚊黎講都算多海胆架0刺, 味道唔錯, 忌廉汁又唔"立"口香辣pizza($78) - 呢個好好味, 辣肉腸+蕃茄+芝士+香草, 我食左好多呀不過飲品就差d....血橙梳打($30) - 味道好正, 不過佢係原支上跟住幫你倒落個杯度, 可能支野太細, 倒完連半杯都冇, 有d失望coke zero($20) - 淡到不得了, 可能因為係機出而唔係原罐啦整體上, 我覺得呢餐好ok呀, 見到人地食0個d set dinner都好正, 下次我會再幫襯

家姐話想食, 冇計, 佢請咁我唯有倍佢, 因為之前好想食(habitu 既原故) 所以睇過d食評, 咁多個喊樣唔想試...叫了izza ->正常雞亦-> 乾過牛肉乾炸魷魚ring ->正常海膽spagetti -> gd, 不過好少海膽+ 水候水2 杯咁少野要二百多又唔係咁出色, 我自己俾$一定冇下次. 不過致命一gig 係好嘈, 嘈過茶樓, 我地兩個king唔到計, 完全唔合個個價錢可以買到既寧靜, 招呼混亂, 唔係幾明點分解仲有咁多人排隊

試了兩款set lunch.Tuna Pizza: 薄餅皮夠薄，夠脆, 有cheese, tomato, 少許tuna, 上面放上Rocket. Tomato 多汁, cheese & Rocket 份量多些會更好。都不錯的。Meatball & mushroom Linguine: 三粒肉丸，裡面加了少許black pepper. mushroom 份量夠，Linguine 質地幾好.湯: 有些似罐頭海鮮漡,　放入粟米，煙肉，麵包屑。咖啡：咖啡是很濃的咖啡，亦是不錯的。

見到呢度寫到咁差，我都忍唔住要講番幾句。1. 服務態度：幾個星期前跟媽媽食lunch, 我覺得ok 好味喎。可能我們在12時左右已到達，侍應很多，招呼很周到，反應又快。2. 食物我地兩個叫左一個seafood pasta, 一個意大利雲吞。(1) d 菜好熱，在寒冷的冬天非常抵讚。(2) 好多菜(vegetable)。seafood pasta 有很多tomato, tortellini 就有菠菜熱墊底。對於食肉較少的女士十分適合。(3) d sauce 味道不太濃，也適合吃得較清淡的我。上菜速度都算合理，不需要等太久，當然也沒有大家樂咁快手。唯一要彈就是杯coffee. 我記得habitu, cafe by habitu 的coffee 都好濃郁好滑，呢間tutto 的比較苦，岩「人上人」飲，我都可以接受到。