Turning Point By Coffee Art

營業中

休息中

⛱休閒星期六 嘆個下午茶先😌清香咖啡誘人食物 環境舒適令人放鬆🧇 蟹肉蛋窩夫Waffle脆口無乜味 但連埋鮮甜蟹肉🦀夾埋食又ok有小驚喜🤔🧀 三重芝士荷蘭班戟超級邪惡三重芝士🤤濃郁誘人芝士加上入面粒粒煙肉咸咸班戟唔漏好惹味 芝士控必食‼️(以上食評 只屬個人意見)———————————

今晚係呢度食飯, 朋友介紹gei~ 朋友本身已經食過, 味道都會有少少保證我地分別叫左2個dinner set, 再加多個主菜, 個度有1個女待應同2個男仔負責㕑房同酒水, 其中1個間中會係樓面幫手, 總覺得2個男gei就係老細之11開頭就先黎左2個沙律煙3文魚沙律 ＆ 香煎帆立貝蟹籽沙律 - 2個沙律都係正常水平虎蝦扁意粉 - 個名其實唔太記得 😆 不過味道幾好, d蝦都ok大隻, 都新鮮個名本身好長, 其實簡稱海鮮意大利飯 - 個汁係唔差, 海鮮都好, 唯獨係個飯略為硬身, 講真我覺得意大利飯個軟硬度好多地方都做得唔出色全晚我覺得最出色係呢個牛, 肉汁都有少少, 肉算嫩, 叫7成都煮到恰到好處, 配菜薯條都好好味!!其實食物都算可以, 不過份量真係好少, 食完都仲要去第2度食第2餐, 而且個價錢都唔係好平。佢呢度個環境係唔錯, 唔價好嘈, 側邊仲有d大椅可以坐, 如果係黎tea time應該幾好, 但再黎食dinner就未必la~

年初四 兩個人係尖沙咀周圍行搵嘢食，見到哩間cafe地方寬敞，價錢都合理，食物都幾多選擇咁就一於試試佢😁兩個牛魔王最後決定一人一份牛，唔洗爭🤣🤣 一個意大利飯，一個松露貝殼粉。牛側腹哩個部位比較少見，原來都好好食😋 牛味都好夠重～ 我就鍾意食意大利飯多啲，將個溫泉蛋撈勻係飯入面，口感更加豐富🤤🤤🤤男朋友係黑松露愛好者，所以佢食貝殼粉，芝士松露忌廉汁好夠味，配貝殼粉好掛汁👍🏻 男朋友表示滿意。另外，我哋仲叫左個小食👉🏻三重芝士荷蘭班戟👈🏻 睇相都知佢有幾邪惡，入面仲有啲煙肉粒粒，超好食‼️ 雖然有啲飽，但係我哋都食哂～新年假期間，有茶餐廳要+20%服務費，哩間cafe都係正常+10%，真係要比個讚佢👍🏻👍🏻👍🏻 食物、環境、服務都好好，下次會約班姊妹再黎試下佢其他嘢😆

我一直都好想試下呢間Cafe，特別見到佢有牛油果、芝麻tuna，但係呢⋯⋯頭先我地一班大學同學食完鼎泰豐，個肚只可以裝到一杯飲品，然後4人分別叫一杯飲品+熱水，Waiter服務幾好👍我地傾計傾了好耐先走，好滿足，希望開關後間cafe都可以繼續留守，唔好爆場😥

她對咖啡充滿熱情，由喜愛而進入咖啡界，一步步成長；今日更可嚐到由她親手沖泡的奶啡，期待她繼續努力，下次到來再試她的手沖咖啡。酒香腐乳雞肉扁意粉～廖孖記出品，香味十足、帶微辣更加惹味，扁意粉煙靱度剛好；可惜豆卜過凍及硬，唔落更好。#煙三文魚水波蛋牛油果醬牛角包窩夫 $128#酒香腐乳雞肉扁意粉 $118#拿鐵咖啡 $38#TurningPointByCoffeeArt地址: 尖沙咀彌敦道132號美麗華廣場一期1樓113A&113B號舖電話: 54037996

Tʜʀᴏᴡʙᴀᴄᴋ 中秋前後既飯聚🤪幾個月前同舊同事聚舊去左呢間cafe☺️環境舒適、木系裝潢都幾好坐，唔係又窄又逼既港女cafe，岩哂慢慢坐下傾下計👍🏻·鹿兒島無激素雞肉伴辣腐乳扁意粉ʜᴋ$148中、西Fusion左既辣腐乳扁意粉，口味都幾特色，唔會太辣太濃，但又有少少腐乳香味，唔錯但唔係太驚喜😋·牛油果醬酸種麵包配煙三文魚水波蛋ʜᴋ$128賣相靚靚，牛油果醬同酸種包好夾，但呢啲其實點整都唔會差😂·熱情果牛油果醬配大蝦墨西哥脆片ʜᴋ$68牛油果大蝦幾好，不過唔係我想像中既墨西哥脆片，炸感好重有啲油膩🙈·小山園牛奶抹茶🍵當時臨近中秋，拉左好靚靚既兔仔造型🍵入口唔澀，但都唔夠濃郁、偏向淡味。·Bᴀɪʟᴇʏs Lᴀᴛᴛᴇ🍸舊同事點的，佢話幾好飲😈完🤪

同屋企人行完街想食d嘢先返屋企 兩個戈唔食得多 見到環境幾特別 星期六中午人不多 雖然見到餐牌價錢偏貴 但都入去試一試酸種麵包 無花果 提子 士多啤梨 藍莓 希臘乳酪 有驚喜 屋企人見到隔離枱食 好靚 所以order 酸酸甜甜 無花果好靚 好食😋另外叫左卡邦尼扁意粉 正常水準 cappuccino 、香橙🍊蜜糖latte 都唔錯想坐個靚靚環境 食少少野 又唔怕貴 可以一試

唔使等位，比較空曠 地方ok靚👍🏼： 呢一面特色牆好看！如果坐正前面就方便打卡了😬Turning point bowl $148同店名一樣XD媽媽有興趣就試咗呢個顏色鮮豔 色彩繽紛不過就好似我標題咁講，紫薯沙律好差...全家一致認為冇味，同埋唔夠蓉...有D起司牛油果正路，不過自己整都得啦 屋企整開（×）三文魚幾有心思👍🏼圍邊好靚 看落高級另外都有不同的沙律菜，例如火箭菜食落幾fresh✓Pan Seared Chicken Fermented Bean Curd Sauce Linquine $118原來原來腐乳鹹得咁緊要😂本身已經有被提醒過可以好伏 但都係想試，結果食鹽😂Carbonara $128普通Latte $28又話coffee art，但係個拉花毀咗😨Emm...Sea salt caramel Latte $32普通

26/9/2022 星期一，悠悠閒閒行尖沙咀，嚟到呢間cafe，見到用搖搖椅做裝飾，好特別。剛巧都想坐抵抖一下，咁就一於飲杯咖啡，食件蛋糕啦！我哋二人，叫咗 一杯 cappuccino and 一杯凍茘枝石榴梳打，配一件三重朱古力蛋糕。心型拉花的Cappuccino，飲一啖，舒服舒服！天氣炎熱，飲一杯冰凍的茘枝石榴梳打，即刻解決口渴及感覺炎熱的問題，涼涼爽爽！三重朱古力蛋糕，朱古力濃淡及甜度適中，正正是以健康為主而烘焙的蛋糕！店員服務態度友善，悠閑下午茶，確實可以給我哋充充電，再繼續shopping!

星期日四圍行 四圍盪真係唔知食乜好我想飲杯咖啡咋或者食個簡餐因為6:00咋 都唔肚餓見到呢間Cafe感覺幾乾淨舒服坐低我點咗凍latte朋友點咗凍摩卡好得喎 好香好滑 感覺有啲肚餓㖭我哋三個女仔 Dinner Menu有3樣選擇咁就呢三樣囉西餐中食 即係share食啊我哋三個都要左沙律頭盤好認真嘅帆立貝蔬菜沙律一人一份 份量好足 真係開胃頭盤喎 越食越想食囉😉牛側腹肉 好嫩好鮮味medium grilled 剛剛好貝殼粉掛滿芝士忌廉汁真係唔錯喎海鮮risotto 虎蝦又爽又鮮味帆立貝大大粒好食我唔食青口嘅 朋友話好okrisotto 係正宗做法 硬身大約七成熟熱辣辣掛滿醬汁 掂👌然後龍蝦尾配意大利雲吞龍蝦尾肉質彈牙嘅其實幾新鮮 不過點解咁咸嘅呢樣應該失咗手意大利雲吞就處理得好好賣相食味同樣出色三個吃貨又話輕食又話簡餐😂😂食完main DISH坐咗一陣又點咗三款甜品我點咗香蕉croffle 即係牛角酥waffle 又脆又香加埋焦糖脆面香蕉同雪糕配搭完全掂丫朋友點左抹茶雪糕croffle 同蘋果批一路食一路讚 我兩樣都唔食嘅所以無試到 淨係食咗粒麻薯都ok好味嘅抹茶croff

🌿Turning point by coffee art🪴經常路過見餐廳裝修簡約，近日加埋圓形藤椅打卡位，終於一試晚市有餐有散點，餐一個main一湯一飲品，一來太飽，二來較悶，決定散點🦀酥炸軟殼蟹$78: 軟殼蟹細細隻有d咸，不過酥脆好味，仲伴有沙律，唔錯🍳All day breakfast $148 非常大酥，份量十足炒滑蛋： 夠滑，調味剛好唔太咸英式豬肉腸： 店員話得一條，問轉其他野，誰個只換來一球紫薯茸，感覺好唔抵乳酪、煙三文魚： 正常發揮炸薯餅：夠香脆大啡菇：juicy🥐牛角包窩夫:牛油味似油炸鬼，有趣車厘茄.雜菜沙律配青檸柚子汁：沙律份量豐富，青檸汁柚子汁清新🍇🫐🥗Art of bowl $108 ：估唔到超大碟，款式多且份量驚人，有提子藍莓、牛油果、提子乾、雜果仁、三色藜麥、酸種麵包、羽衣甘藍及雜菜沙律配青檸柚子汁跟餐飲品優惠價香橙蜜糖latte$32: 海馬拉花好靚，配小杯蜜糖，香甜夠滑Baileys latte $35:拉花相對遜色，baileys 酒味好濃，頗甜餐廳環境舒適，座位距離遠，又有打卡位，價錢&食物質素比許多小cafe 好好多，值得回訪支持

見到有雀籠椅吸引入咗去🪄環境闊落，感覺好舒服午餐份量有點細，叫咗第一個 麵包已經查咗牛油，牛油份量有點多忌廉椰菜湯 不算太甜 不過也是份量有點細送的綠茶是茶包同朋友傾偈環境氣氛很好不過食物份量就可以多一啲就好了

今日下午茶時段過去，見到2位女職員好勤力，又有禮貌。但老細應該好好安排人手，咁大間餐廳，得2個人做嘢，我自己本身都係做服務行業，都知道唔夠人做嘢，係好難做好服務，希望老細盡快改善啦。

早前無意發現呢間cafe,已俾佢的環境深深吸引了,有好多打卡的地方,又有一個角落位可以給你一個人靜靜地放空,好正呀。🥰🥰今日試了"蜂巢陳皮咖啡",它的賣相已吸引我慢慢地欣賞。打完卡後就試下d味道啦,因為佢齋啡的關係,就讓蜂巢及陳皮味更加特顯出來,味道都不錯呀,我好喜歡佢的咖啡豆,好香及啱我的口味呀。😋😋下次再來要試下其他味道的咖啡呀!☕☕

心太軟就食得多 但呢到嘅心太軟幾特別😋朱古力心太軟 焗到外脆內軟滑 切開流晒啲朱古力醬出嚟🍫最出色係旁邊嘅生薑檸檬清酒啫哩🍶🍋同朱古力夾埋一齊食 味道出奇地夾 仲好清爽