TUGA 2 Go by Casa do Vasco

營業中

休息中

誤打誤撞book咗依間葡國菜 真係好有驚喜 無論服務，食物都超高水準。中午店員會whatsapp confirm booking同時會問有冇菜式要訂。 因葡國海鮮飯及慢焗原隻八爪魚烹調需時 所以我就先訂咗佢先。其實間餐廳位置有啲隱蔽 地舖是買酒 食物 凍肉。 而樓上是餐廳 但坐位有限 必須要預約。餐廳裝飾很有特色 一張可坐大約10-11人長檯 對著open kitchen可以邊食邊望住外藉廚師烹調。另外有幾個露天座位。點了兩個小食馬介休及炸鱈魚條 兩個都炸得很香口唔油 馬介休既薯仔好香好軟 而鱈魚條我覺得普通咗啲。廚師送咗一碟傳統餡餅俾我地 都幾好味。主菜吞拿魚沙律 葡萄牙海鮮飯 慢焗原隻八爪魚 蒜味白酒燴蜆 深海大紅蝦 烤雞 葡撻吞拿魚沙律 正常不特別唔多講喇葡萄牙海鮮飯 長米 好多汁 唔咸 好夾啲飯好好味慢焗八爪魚真係好慢焗 一開始已煮 到最後一味菜先上 但好有驚喜 八爪魚好霖好軟味道又好 啲薯仔索咗啲汁好香 蒜味白酒蜆都好味但又唔算特別出色我最鍾意係烤雞 啲肉超滑肉又入味 啲薯仔都好好味大紅蝦有啲失色 唔關廚師問題應該係啲蝦今期來貨唔靚啲肉有啲霖馬介休即打薯蓉 入面有芫

葡萄牙隱世小店。有一日咁啱行過見到新開嘅一間葡萄牙舖頭，膽粗粗去試吓毒，點知老細話要預約先有得入去食，如果唔係得外賣。所以一路等到今日先預約到。野食整體感覺都OK，以第一次食嘅感覺，滿分10分都可以比到8分。

外國友人推薦嘅正宗葡國菜見Openrice有得訂位 決定過嚟一試係咪咁正頭盤有拼盤 三款小食都好正未食正餐前醒下胃 唔錯唔錯呢個Parma Ham意粉雖然睇落平平無奇 但加埋好似係吞拿魚碎一齊食香又唔膩 有驚喜喔個煮蜆都好新鮮加埋洋蔥一齊煮 有點居酒屋嘅風味一上枱已經好快比我哋清碟最後仲嗌咗海鮮飯，八爪魚同燒雞全部都冇令人失望可惜我哋掛住食唔記得影相…Overall黎講，值得一試！食材全部都好新鮮，絕不馬虎喺Open Kitchen見到老闆好用心煮每一個菜絕對會再encore！

見到社交媒體網站有個人介紹香港都可以食到正宗葡國菜跟住上OpenRice睇下食評同相片感覺上幾特別，嘢食都相當吸引😜跟住就同朋友約去試下，不過要book枱既！同朋友嗌咗幾個主食同小食整體環境都非常舒服，適合打卡慶祝😎同埋嘢食都非常之好食，香港食唔到😋同埋入邊嘅廚師兼老闆原來係正宗葡萄牙人😳唔怪之得咁正宗啦🤗大家真係可以試下！同埋最緊要服務都好好同埋環境乾淨🥳唔明嘅嘢都可以問佢哋好細心，咁同我哋解釋每一樣嘢每一道餸🫶🏻🫶🏻🫶🏻原來樓下入邊都可以買啲特色產品，你哋自己睇啦😚

好耐冇去澳門好掛住澳門啲葡國菜。係OpenRice見到呢間上環新開嘅葡國菜，啲相勁吸引❤️❤️Book咗食晚飯，入到嚟見到好似去咗澳門嘅葡式景點咁，超like😮呢度每一個角落影相，都特別有歐洲嘅感覺👍👍👍仲有個私人室外用餐地方餐牌有寫signature嘅菜式我地幾乎全部都嗌，其實好想試晒所有菜式😋1.0八爪魚好香橄欖油同洋蔥味，上嚟嘅時候仲係熱辣辣好正2. 沙丁魚烤得幾香，唔係好腥3. 深海大紅蝦好鮮味，啲蝦好大隻好多肉4. 豬肉炒蜆，蜆肉好鮮，猪肉多過蜆，大大份😋😋5, 撻底好脆，好有蛋味餐飯食得好飽好滿足，食物好好味，酒嘅質素都幾唔錯PS: 食飯枱隔離有個private wine corner, 可以訂購佢哋啲特別嘅酒

想搵間餐廳可以同partner 靜靜地傾下嘢，係OpenRice 見到依間就book左。黎到要敲門入去，一入到去見到裝修都好葡式，墻身掛住啲歷史性嘅畫，入邊有張好長嘅Group Dining Table 好搶眼！今日得我哋一枱可以盡情同partner靜靜哋傾公事😀叫咗一啲佢哋signature dishesColdcut and cheese Selection- 芝士配左果jam粒好清新，coldcut上面有小小橄欖油同埋黑椒碎口感幾有層次。Roes cod tomato salad-鱈魚子真係第一次食，口感好特別，好難形容，要自己試過先知😅Sardines - 經典之選，皮脆肉香。Duck rice - Chorizo 同飯焗到焦焦地，特別係飯吸左Chorizo啲油好香Piri Piri chicken-可以選擇唔同嘅辣，雞好入味！臨走前即刻同佢哋book左四月friend Gathering👍👍希望可以試到其他菜式😋

同朋友之前經過上環，無意中發掘到依間私房菜即刻同佢哋book左日子食飯😋叫左傳統葡式烤雞同八爪魚八爪魚唔會好似出邊食嗰啲膠，佢哋煮得起出奇地彈牙得來又林，佢哋係慢煮加慢焗，真係好考功夫！烤雞啲皮係酥脆嘅，食落好入味又唔乾👍👍環境好舒服，仲有個室外用餐，下次可以帶狗狗黎😆整體嚟講食物味道地道，環境唔錯，仲可以落樓下買啲葡國產品帶返屋企自己煮👌👏老闆好熱情話免費教我地煮葡國菜😆😆👍👍👍👍👍

We have organised a company group dinner in this beautiful Portuguese private place. The service was excellent, when we arrive a welcome drink and the appetisers were ready for us on the table. While we are waiting for our dishes, they show us around and tell us about Portuguese culture and history, the wine expert guide us on choosing nice Portuguese wines in their private wine cellar. The dishes are very authentic, cooked by a Portuguese house cook. Plus the food and drinks are all import from

This Portuguese place is good for business dining as the space is good with privacy. the food is delicious and authentic. the place is full of history, it's so nice that they will introduce all their culture and they will tell you the story behind the dish.we had a bottle of Portuguese wine, the price is affordable with good quality.the portion of the food is quite big, good for sharing.PS, they will open a Portuguese take away and store in the middle of March!

因為之前有去過葡萄牙，一路都想喺香港食返葡萄牙嘅美食，特別係葡撻依家終於搵到一間好正宗嘅香港葡國私房菜，喺WhatsApp book咗佢哋8:00食飯，佢哋今晚淨係服務我哋一台，嚟到嘅時候已經幫我哋準備好晒啲前菜，坐低後就開始一路食一路等主菜喺等嘅期間，佢哋會講啲歷史俾我哋聽😍嗌咗一啲葡萄牙特色嘅食物，佢哋強烈推介八爪魚，仲要即場show俾我哋睇教埋我哋點煮😆😆全程都好震撼，原來八爪魚咁大嘅最後飲咗一杯杏仁調酒好清新🤭

同朋友慶祝生日，揀咗依間葡國係私房菜用WhatsApp同佢哋book咗，佢哋會send個Menu俾我哋先揀食物嚟到就我哋介紹佢哋地方同埋一啲葡萄牙嘅歷史，充滿熱情😂全部係特色嘅食物，燒沙甸魚好香葡萄牙蔬菜湯係羽衣甘藍黎，加左葡國臘腸，香味好突出Piri piri Chicken, 皮好脆，唔係好辣豬肉炒蜆，係用黑毛豬嘅，蜆得好鮮甜鴨肉飯好香，上面有層飯招食完飯之後仲買咗幾罐葡萄牙嘅罐頭😆飲咗一杯port wine食咗個葡撻🫣整體嚟講，所有食物同服務好似去左葡萄牙旅行一樣♥️♥️

Whether you are looking to shop for authentic Portuguese foodstuffs or enjoy a sit-down meal, Casa do Vasco is at your service.This hidden gem in Sheung Wan is Hong Kong's first original Portuguese shop, its interiors lined from floor to ceiling with cold cuts , wines, andcheeses all directly imported from Portugal.But beyond just a grocery store, cellar, terrace, Casa do Vasco also has its own in-house chef preparing premium-quality Portuguese dishes, with a limited number of tables for dine-in

由舊舖到新鋪，一直都有幫襯開，原因佢哋嘅味道真係非常之正宗。佢哋而家嘅環境upgrade到Private Room, 私隱度好高，可以盡情同friend喺度嘆酒，食嘢，傾偈😆1. Cold Cut Selection 有四款cold cut, 仲包括一款48個月Iberico Ham,真係值得一試，入口好香，唔鹹2. Seamix Bite有三款魚包括有鱈魚，沙甸魚同埋鯖魚，佢哋加咗少少胡椒同埋車厘茄做點綴，個層次感幾好3. Octopus 一直都係佢哋嘅王牌，八爪魚入口好林但有八爪魚嘅彈性，食落去係橄欖油同洋蔥嘅香味4. Piri Piri Chicken少少辣，幾野味，啲雞皮好脆，薯仔好香👍🏻最後飲一杯櫻桃酒結束，甜甜地好開胃。走之前買咗兩支葡萄牙嘅Green Wine比屋企人試吓，佢哋啲酒係可以直接買走的👍🏻👍🏻PS 食飯之前佢哋都有講一啲葡萄牙故事同歷史俾我哋聽，真係學到好多嘢🫣