Top Blade Steak Lab (希慎道)

閒時想平平地鋸扒就會黎呢度成張menu都試過🙃如果兩個人建議咁樣食：1/ Today’s Guest Chef Flat Iron $248 由廚師推薦當日最好的款式唔使用腦 每次都有驚喜 叫得是日特別版 一定唔會差得去邊今次我食到嘅係 Umami Seared Flat Iron Steak 牛肉用麴處理過 medium rare 特別顯得肉質腍滑睇畫面都應該feel到😌😌2/ Herbly Flat Iron Steak $185 50%增量 +$80 =$265不解釋 自己睇畫面性價比極高 大滿足😌特別提提粒蒜頭都好好食🤤因為薯條任食 所以一定唔會唔夠飽😂75分鐘限時睇你食得幾多🫣唔好以為免費任食一定冇好嘢薯條嘅光芒不比下牛扒睇唔到松露但有松露味其實唔點茄汁都夠哂味叫左3 round每round都熱到辣手🔥平心而論呢間餐廳Steak & Fries是優秀的❤️其他都不建議 🙃🫶🏻去幫襯返佢專門做好的東西就好了。#japjapjaptheworld…查看更多

一行五人訂左6:30 食晩餐。牛扒叫左兩款，香草平鐵牛扒加大，這款肉質普通，另一款特別版招牌牛平鐵牛扒肉嘅質地好明顯高啲，入口嫩滑，豚肉粒意粉個汁味道有點中式怪怪地，龍蝦汁海鮮意粉微辣正正常常，小食炸魷魚圈外面個炸粉好脆但入面嘅魷魚質地吾彈仲有啲梅梅地。至於任食嘅薯條好可惜吾系粗薯條，真係比較差。餐廳內冷氣不足，侍應哥哥話今日有部冷氣壞左，好彩依家系秋天，否則食完一餐之後，應該好似焗完桑拿咁。整體來說，吾可以話吾好又吾可以話好，試過便算。…查看更多

今日同朋友喺銅鑼灣附近食飯，突然好想食牛扒，所以揀咗呢一間專食flat iron嘅餐廳，另外一個俾佢吸引嘅地方係佢嘅任食薯條，所以決定一試！佢最平嘅牛扒餐，只係大約$200左右，相當抵食，因為你可以瘋狂追加薯條，所以其實完全唔驚唔夠飽，但係唔好睇佢免費追加，佢嘅薯條質素10分高，條條都好脆，而且味道啱啱好。而佢嘅牛扒可以俾你揀幾多成熟，而且肉質同埋口感都十分之好，絕對係一間，如果你諗唔到食咩就可以去試嘅扒房！…查看更多

呢間係幫襯咗好一段時間嘅銅鑼灣平民扒房，成為心目中區內搵食嘅pocket list，最鍾意佢嘅前菜同無限refill任食薯條，每次幫襯晚餐都要叫埋先做到圓滿嘅一餐。今次主食揀咗特別版招牌平鐵牛扒Medium，同埋慢煮黑毛豬腩卷，前者雖然比較raw，但係食起上嚟唔會好韌，啱啱好入到口而後者個豬腩卷係12小時慢煮而成，起碼唔會淨係食到過多比例嘅肥肉，有埋水蜜桃、炒紅椒洋蔥做伴碟食落去減輕到油膩感，更為開胃！整體用餐體驗非常好，下次會再邀請朋友一齊幫襯。…查看更多

朋友慶祝生日，職員笑容滿面，安排坐下後，會主動介紹餐牌是日有咩係無提供，Today's guest chef及餐廳推介的香草平鐵牛扒，兩款都可以選擇熟度， 我哋都叫左5成。Today's guest chef有唔知點解多咗陣炭燒香味而香草平鐵牛扒比較有牛味。比較驚喜嘅homemade sauce pork penne ginger fuston sauce個Homemade fusionsauce做得好好👍好味。今日同朋友慶祝生日職員幫手拎蛋糕出嚟嘅時候都會同你講句生日快樂同埋開下玩笑個氣氛都非常之愉快。整體表現都唔錯，有機會都會再嚟。…查看更多