Tonkotsu 8 by 三田製麵所

營業中

休息中

太古城basement都裝修咗好耐，我今次終於襯裝修完去咗Tonkotsu 8 by 三田製麵所(太古)，試佢哋嘅鐵板厚切叉燒炒飯同豚骨湯櫻花蝦拉麵。環境裝修完都幾好坐又闊落，令人好有食欲😋我最鍾意嘅係佢哋嘅🍛鐵板厚切叉燒炒飯，鐵板燒出嚟嘅香氣真係好吸引！🔥叉燒肉好嫩，而且炒飯又唔會太油膩，夠香夠味。另外，🍜豚骨湯櫻花蝦拉麵亦都幾好味，湯底濃郁但係又唔會太重口味，拉麵有彈牙口感，再加上啲櫻花蝦勁香，真係好開胃😍總括而言，間餐廳嘅食物都好有水準，而且價錢亦都算合理。如果你係麵食控，一定要去試下佢哋嘅豚骨湯櫻花蝦拉麵，真係好好味👍 食完仲可以去太古城行街！

太古城Apita個foodcourt裝修完大變身之後變得好光猛同企理, 仲多咗幾間日式餐廳🍴進駐添呀!👍🏻 入口就喺APITA Eatery入面 (見圖).😎今次試咗想試好耐嘅Tonkotsu 8嘅ramen!🤩 下午茶好抵食㗎!🥳 $68就已經有1碗拉麵仲送沙律🥗同烏龍茶☕️/麵豉湯🥣添呀!😎 我今次揀咗經典濃豚骨湯拉麵!🍜 個湯底呈現奶白色湯頭好濃郁而麵條幼細得嚟又掛到汁, 份量仲啱啱好添呀!😋

🤍太古·Tonkotsu 8🤍餐廳位於太古城Apita底層Eatery原來全部都係日式料理餐廳🍴見到呢間啲拉麵🍜咖哩飯幾吸引仲有可以加小食同飲品🥤🌈黑麻油拉麵奢華套餐 $106·忌廉梳打汽水🥤·日式忌廉蟹肉薯餅(2件)一拎到已經聞到好香嘅黑麻油味唔好睇佢黑漆漆似墨水啖啖食到濃郁湯汁 偏幼細又掛汁嘅拉麵湯底濃郁又不失清爽 食完唔會覺得油膩搭配日式忌廉蟹肉薯餅 外層酥脆 內裡香濃裡面仲有豐富蟹肉 仲有個酸甜燒醬汁點飲埋cream soda 爽!🌈日式唐揚炸雞🍗咖哩飯奢華套餐 $104·忌廉梳打汽水🥤·自家製煎餃子🥟(3件)咖哩飯的味道非常濃郁 質地剛剛好而且汁夠多 撈飯啖啖都有咖哩汁如果加埋薯仔/胡蘿蔔會更好 米飯煮唔錯 搭埋香脆唐揚炸雞 炸粉夠薄點埋咖哩汁食都唔會變稔 自家製煎餃子外層酥脆 內裡肉汁鮮美P.S.套餐多選擇又豐富 服務都非常友善而且foodcourt都坐得舒適 大把位置唔洗等出餐又夠快 有機會就試下啦❗️

#美味可口的一餐喺香港都食下來自日本既味道。😍Tonkotsu 8 by 三田製麵所，太古城有得食呀經典豚骨湯拉麵 🍜先講湯底，好香濃嘅豚骨湯底，拉麵條麵口彈牙，吸收掛滿曬所有豚骨湯底，真係滑不留口👍🏻章魚小丸子，海苔嘅味香，外觀圓碌碌整齊超美觀，入口嘅味道真係鹹而鮮，yummy 豬扒咖喱飯，日式咖喱是最為大人小朋友最喜愛的咖喱之一，微甜中帶點辛辣，加上用蛋汁蘸上麵包糠，然後油炸嘅吉列豬扒，簡直係絕配👍🏻

最近留意到APITA樓下開咗個新foodcourt，入面都好多野食，今晚一於試吓呢間拉麵店😝😝《黑麻油拉麵》($74) ⭐8.5/10行過已經俾佢嘅麻油香所吸引到，於是就即刻叫咗碗黑麻油拉麵試吓，食落碗麵有超濃郁嘅麻油味，配上糖心蛋同埋叉燒真係正！👍🏼👍🏼《經典濃豚骨湯拉麵》($68) ⭐9/10食拉麵點可以唔食豚骨湯！！呢個豚骨湯底絕對冇欺場，飲得出真材實料，一定唔係啲味精包開出嚟嘅！！最後我成碗湯飲晒，都一啲都唔口渴！！🤩🤩《小食拼盤》($40) ⭐9/10食完碗拉麵都唔夠喉，另外仲叫咗炸雞同餃子作為小食拼盤，滿足晒☺️☺️

太古城中心Apita food court 裝修完第一次去，發覺比之前嘅地方更自成一角，更大更簡潔舒服，今次我好想食麵，但朋友好想食飯，終於就試咗「三田製麵所」，食物經典豚骨湯拉麵 $68- 好鍾意佢嘅拉麵，軟硬度適中，唔會好似一啲拉麵太林，而湯亦冇一般好多油好肥膩嘅感覺，非常清甜，鐵板牛肉炒飯 ～ 送味噌湯 $88- 佢嘅鐵板炒飯，熱辣辣非常好味，側邊仲圍咗一圈滑蛋，令到成個炒飯更香加$8有罐裝飲品，加$23就有日本蘋果梳打總括來講，喺太古城中心可以用呢個價錢食到咁嘅質素，性價比好高👍🏻

新裝修的太古城Apita Food Court，裡面非常多高質選擇，竟然發現有平日要大排長龍的三田製麵東京風味醬油拉麵醬油湯底完全不油膩，又不會過鹹，拉麵麵身比較粗，軟硬適中，完全吸滿湯底精華，叉燒煮得軟淋入味，唔錯。追加一份烚蔬菜，健康輕怡之選！套餐可升級加配一款小食及飲品，飲品唔止普通汽水仲有日本果汁選擇！餃子食拉麵的最佳配搭，自家製餃子肉饀好juicy，沾上餃子醋更為惹味！除拉麵之外，亦有多款鐵板飯鐵板厚切叉燒炒飯熱辣辣鐵板滋滋聲，熱力將滑蛋慢慢變熟，快炒將飯及蛋撈均，香氣四溢，底部仲會有少少飯焦

太古城Apita food count多左好幾間日本餐廳進駐，包括呢間知名既拉麵店Tonkotsu，價錢實惠而食物質素高，下午茶套餐平均$70就品嘗到新鮮拉麵，更送生菜沙律及麵豉湯，非常抵食！經典濃豚骨湯拉麵 $68湯底非常濃郁，長時間熬製去提鍊出骨頭內精華，呈現奶白色湯頭，拉麵條偏幼細爽口～東京風味醬油湯拉麵 $72醬油湯底口味較甜，而味道一啲都唔單調，配上較粗既麵條更有咬勁，而每碗拉麵都配有半粒Q彈溏心蛋，香濃蛋黃配拉麵超正！

一直都好鍾意三田製麵所嘅沾麵，佢旗下主打搏多豚骨拉麵嘅Tonkotsu 8最近喺太古城新開咗分店。位置喺新裝修嘅Apita food court。除咗豚骨拉麵，仲有名古屋撈麵、咖喱飯同鐵板炒飯，選擇都算多。撈麵同飯都包括味噌湯，另外可以加錢加配小食同飲品。名古屋香辣炸雞撈麵賣相好靚有辣肉碎、生蛋黃、香蔥、韮菜、粟米同紫菜，麵條幾彈牙，少少辣好惹味唔會太重口味。配埋三田好拿手嘅唐揚炸雞，炸雞炸得酥脆唔油膩，內裡肉質嫩滑有肉汁。一次過食到撈麵加炸雞夠晒滿足鐵板牛肉炒飯用鐵板上枱，保持溫度之餘仲有飯焦。牛肉份量都唔少，味道似炒飯版牛丼總括嚟講食物質素幾好，人均約一百蚊價錢合理。

Apita food court 重開  三田製麵所 旗下Tonkotsu 8   進駐。第一次食三田製麵所嘅拉麵，名古屋炸雞辣撈麵夠曬特別，炸雞好脆口，啱啱炸起，熱辣辣。個肉醬都幾辣㗎，撈埋其香蔥、玉子等配料，粒蛋黃金黃又新鮮，撈埋碗面好creamy，好味道。另外嘅經典豬骨湯拉麵，麵質好味，麵條幼身，風格像上海面。湯底唔會太鹹，無味精，夠晒健康。另外，薄切叉燒肉淋，又有好多蔥，我鍾意！加錢換埋餃子，同套餐，好滿足。上面所有野先$186，拉麵來說，我覺得價錢唔錯！

太古城Apita新開咗food court!! 全部都係日式嘢食，有拉麵，章魚小丸子，鐵板餐等等😗今日食拉麵😗黑麻油䐁骨湯拉麵 ($74)比普通嘅䐁骨湯多咗一啲麻油香，湯底幾香濃，麵條係我鐘意嘅幼身質感🍜咖喱吉豬排飯($78)係好日式嘅咖喱味道，甜甜哋唔會太辣，珍珠米粒粒分明，豬扒脆卜卜熱辣辣🍛加$30轉套餐有飲品同小食，大推炸雞！雞肉嫩滑juicy，外皮炸漿薄脆🐔大推依個food court 😗太古城嚟講好抵食，又多選擇，又幾多位坐😗

Apita真係比我想像中多好多嘢食🤭 food court性價比都相對高啲😗 今次同同事嚟食，一人一個餐再share😋 叫完餐佢會俾部提示機你，有得拎就識叫，可以揾定位先去拎😚名古屋香辣炸雞撈麵 $88 - 佢用拉麵做底嘅撈麵，好多配料，有肉醉，有粟米🌽有紫菜，仲有啲蛋黃醬，辣辣地都幾特別🤭 中意食醬嘅我覺得多啲蛋黃醬應該仲吸引😋 有啲中和咗嗰辣味😝厚切叉燒咖哩飯 $74 - 咖哩汁撈飯真係一流，佢嗰厚切叉燒，估唔到咁大嚿都好淋，好好食😋跟餐加$15就有梳打，因為佢本身加嘢飲都要$8，所以我寧願叫梳打試吓新嘢，幾特別，值得試吓😚

最近公司附近嘅food court 裝修好開返，又重新設計過，所以晚上就相約朋友去行陣睇下有咩好食咁🤫 平日晚上，人流唔算多，都幾易搵位。基本上food court入面都係日式嘅餐廳，我地揀左食拉麵😆三田製麵所開嘅總有d保證吧☺️睇下餐牌，入面有唔同嘅特色嘅拉麵😍同小食等，最特別係有咖喱飯🍛🤤🌸東京風味醬油湯拉麵（加左粟米&筍乾）醬油湯拉麵有好香嘅醬油味，清清地唔會太濃，拉麵口感彈牙帶蛋香，流心蛋超正❤️🌸經典黑麻油豚骨湯拉麵拉麵唔會太油，豬骨湯底香濃係奶白色配埋黑麻油更入味😍麵條軟硬適中。叉燒又唔會太膩😍

🚸 新太古拉麵店工作完已經8點幾，係附近隨心揀左拉麵店，好快就上菜，環境亦衛生。🍜經典濃豚骨湯拉麵：豚骨湯唔肥膩，麵條可以揀硬/適中/淋。流心蛋夠入味真心推👍🏻🍜東京風味醬油湯拉麵：原味湯底唔會太咸，拉麵彈牙。🥟小食拼盤：炸雞2塊同餃子正常發揮，保持香脆。🦀日式忌廉蟹肉薯餅（2件）味道：🔅🔅🔅新鮮：🔅🔅🔅分量：🔅🔅🔅衛生：🔅🔅🔅速度：🔅🔅🔅（5🔅為滿分）

太古城apita food court裝修完冇耐，見到多咗幾間新面孔。其中一間喺Tonkotsu 8 by 三田製麵所，先前我同朋友都有食過佢沙田分店，質素唔錯，所以決定今晚就食佢啦。<東京風味醬油湯拉麵> $72拉麵再加$30升級做豪華套餐，包含凍罐裝烏龍茶&自家製煎餃子三隻。拉麵有塊大叉燒、幾塊筍同半隻溏心蛋，仲灑咗唔少香蔥於湯面。拉麵麵體幼身，麵質口感煙韌，醬油湯底味道香濃唔會好鹹。叉燒軟滑入味，溏心蛋蛋黃香口滑溜，同拉麵絕配。餃子外脆內軟，餡料充滿豬肉香，食到有麻油既香氣，再沾上餃子醋，立即少去一層油膩感，味道更為清爽。<吉列豬扒咖哩飯> $78咖哩飯本身有跟麵豉湯，麵豉湯內有唔少海帶，味道正常；香脆既吉列豬扒肉質厚實，但食落鬆軟唔韌，愈食愈好食。咖喱汁好夠，味道香濃唔辣，送飯食好惹味。