Tommy Yummy (The LOHAS康城)

營業中

休息中

今日晚餐去左康城 The Lohas商場食泰國菜。有別於一般嘅泰國菜餐廳，Tommy Yummy 好啱打卡， 由餐廳裝潢到menu, 都落足心機，滿滿泰國渡假風情。餐廳整潔，座位舒適，店員都好有禮貌，到6點後仲會換上較暗嘅燈光，環境更放鬆同有氣氛。落單用QRcode，同時都有實體menu，有設計感之餘仲有好多餐點圖片，非常方便。主食 青咖哩雞肉炒金邊粉份量都好大份，旁邊配上青檸，花生碎，芽菜，辣椒粉，按個人喜好配搭。一開始以為青咖哩呢款餐點係唔太辣嘅，但食起黎有越黎越重嘅辣味，好惹味。撈勻花生碎，芽菜，食落口感豐富。雞肉味道夠，食落唔會乾，保持到肉汁，而金邊粉條條分明，染上青咖哩嘅淡綠色，食落熟度同調味都好一致。味道唔錯！小食 叫左自選三款嘅 任你泰串，用個靚靚玻璃杯裝住沙爹牛肉串，牛肉肉質有咬口但唔會韌。食落香口又有牛味！泰式豬肉丸，總共有4粒，爽口彈牙，有肉汁泰式糯米豬肉腸，唔係到到都有得食糯米豬肉腸，煙韌口感配上碎豬肉，啖啖滿足。再配埋 海鮮酸辣汁，食落酸酸地，一d都唔覺得油膩。泰式串燒質素唔錯！飲品 叫左泰式奶茶擺盤好靚，雖然冇得揀甜度，不過飲落我覺得啱啱好。做到厚身質感嘅奶茶

今日又食泰國菜，在日出康城商場三樓，The LOHAS 352A號鋪，好容易見到，離地鐵站只是1分鐘路程，非常方便。行街行到攰攰地，就嚟食個下午茶嘆下世界先。雖然係下午茶時間，但係我哋晏晝都未食，所以下午茶必須豐富。這裡裝修以淺綠色為主，像是一個大自然環境，連檯面，餐巾紙，碗碗碟碟🥣🍽都主打綠色，這顏色柔和養眼，完全是人性化的設計。🌴🌳🌲🌵打開餐牌，好多野都想食😋，樣樣都想試下，店員告知我們今日廚師推介是泰式香草燒雞🐓，這是必吃的項目。點套餐可以優惠價加小食和甜品🍬，所以我們點了一個午餐，冬陰功鱸魚🐠金邊粉，加一個小食泰式炸蝦餅。套餐還包一杯泰式咖啡☕️，我們都喜歡吃米紙卷，於是又點了炸軟殼蟹米紙卷， 應該都夠了。😅🦀🦀🥭🥭軟殼蟹米紙卷軟殼蟹米紙卷一共有六舊，旁邊仲有羽衣甘藍配泡菜，米紙卷包住脆炸軟殼蟹🦀，一舊大大嘅芒果🥭，仲有韭菜花，紅羅蔔，生菜🥬，這個組合創意又吸引， 更特別的是醬汁，特別製作，香香的柚子味🍊，酸酸甜甜好開胃 。 🥥🌶🍄🍋冬陰公鱸魚🐠金邊粉🍜大碗湯粉，乳白色的冬陰功湯，上面鋪了雪白嫩滑的鱸魚肉，依韌爽滑的金邊粉吸收湯的鮮味，加上草菇，香蔥，青檸的味道，少少辣更添美味。

朋友多次推介，日出康城有間泰國菜，食物扺食又美味，The Lohas 康城3樓352A號舖～港鐵康城站C2出口，步行約1至2分鐘。店內裝修很時尚，特別又雅致，座位舒服清潔整齊，以為是西餐廳，原來是間泰國菜餐廳。菜譜簡單易明，下午茶時間更覺扺食，泰式炒飯、炒粉都有，甜品和飲品款式很多而且非常別緻，菜譜相片已很吸睛。1. 鮮芒椰漿柚子露$55香濃的芒果味和椰漿味，吸管帶入鮮甜的芒果肉粒和柚子肉粒夾雜在飲品內，清新感喚醒口腔的味蕾。2. 金柚海蝦沙律$98賣相非常漂亮吸引，隔離枱的人客也覺驚豔。羽衣甘藍菜和新鮮柚子鋪蓋碟上，還有新鮮大蝦鮮嫩多汁夠彈牙，拌碟有士多啤梨、藍莓、新鮮無花果、泰式脆椰條，擺設非常有心思，調味適中，酸甜有度，是個很健康的午餐沙律。3. 泰式雞肉金邊粉$68（包1杯泰式奶茶）上枱時金邊粉是熱騰騰的，非常有鑊氣，配料豐富有芽菜、豆乾、雞肉、泰式香草，拌著碎花生粒和辣椒粉粒，混入金邊粉內非常惹味。泰式奶茶別具風格，除了香濃奶味和茶味外，還夾有椰奶味，層次感非常豐富。4. 芒果乳酪疊疊冰$118(2人份)又是一款很特別的擺設，杯面是一條鮮芒果捧，大量鮮忌廉層壓著芒果雪糕磚圍邊

虎蝦海鮮混亂杯麵($148)，菜式擺盤都係一種藝術，哩款倒瀉杯麵既擺盤除左容易令人記得之後，仲顯出食材滿瀉既效果，海鮮有虎蝦、蝦球、魷魚鬚、青口，公仔麵底香辣，爆香炒過。TY芒果糯米飯($68)，熱辣辣糯米夠粘粘糯糯，芒果偏酸，冰凍雲尼拿雪糕，班蘭汁，將幾種食材混合一齊食，咸甜酸冰火一次過沖擊味蕾。泰式蝦餅(跟餐$30)，蝦餅有原雙蝦肉並露出蝦尾，可以用手直接拎住食，蝦肉爽口彈牙，配埋個泰式醬好惹味，醬汁調較過偏甜而且都幾辣下。芒果乳酪疊疊冰($118)，哩個係店鋪鎮店甜品，賣相同味道絕對唔會令人失望，果肉、雪糕磚、綿綿冰全部都係用芒果製成，所以每一口都好濃郁芒果味，尤其係綿綿冰真的好軟綿，入口即溶感覺，唔會食到有碎冰粒，配埋雪糕磚一齊食實在好有滿口感。邪惡榴槤($55)，有榴槤味但唔會好濃郁，或者因為係頂層忌廉溶左，溝淡左少少，但有飲一絲絲榴槤肉，而且夠冰凍透心涼既感覺。泰式奶茶(跟餐)，香滑順喉，但茶味就冇港式奶茶咁出。

康城新開了泰國餐廳，這家餐廳裝潢有熱帶風情，座位舒適。⭐️泰式自選湯麵 湯底是冬蔭功味道，淡淡的冬蔭功味道，很容易入口，裡面有牛丸、豬頸肉和魚片頭。金邊粉的口感也很好，柔軟的質感與湯的味道相得益彰。⭐️鮮芒椰漿柚子露賣相很吸引，椰漿和柚子的組合非常清爽宜人。⭐️泰式蝦餅(2件)蝦的鮮味很突出。這道菜以兩件為一份，份量適中，很適合當成開胃小吃。⭐️香茅雞中翼 (3隻)雞翅烤得恰到好處，外皮酥脆，內裡多汁，而且香茅的香味相當濃郁。⭐️木瓜沙律拼串燒兩串木瓜沙律拼串燒兩串以豬頸肉為主，沙律的味道清新，和串燒的口感互相配合。⭐️蝶豆花鮮奶咖啡 (熱)(餐)這杯熱咖啡帶有濃郁的蝶豆花花香，搭配鮮奶的滑順口感。⭐️串串沙爹雞豬(各1串)沙爹很美味，值得一試。⭐️泰式斑蘭奶凍這個甜點以斑蘭和椰奶為基礎，口感輕盈，非常清新。加上穀物、芒果和藍莓的配搭，豐富了整體口感，而且顏色也很漂亮。

近近哋見新開張 諗住試吓 點知貴又難食 真係好伏🤢雞肉炒金邊粉 $108味道平庸，冇特別驚喜辣粉嘅辣已經覆蓋晒金邊粉嘅味道未溝辣粉已經辣到唔太食到….牛油果八爪魚沙律$148超級伏‼️‼️‼️同餐牌貨不對辦諗住健康啲食吓沙律咁貴嘅價錢已經不在話下食物質素完全對唔住呢個價錢以一般餐廳嘅份量相對極少味道奇怪 偏酸 又濕正常牛油果係一塊塊切件見到成pat 野咁 見到都唔開胃🤢飲品成$50 一杯跟餐好似都無優惠最後係完全食唔飽咁離場用餐過程人手唔係好足夠除左落單外 完全冇服務……仲要收加一😵‍💫成間餐廳搶錢咁 完全唔值咁嘅價～埋單都要$270 食到一肚氣…真係無下次…

第一次食 係Lunch睇到個價錢都好合理！ 仲最要係 凍泰式咖啡係唔駛加錢！ 嗌左個冬陰功魚片金邊粉 好多魚片 足料 而今次食左個2人餐 有一刻係驚 會唔會 細碟既呢？好彩 每樣野都好足料真係好好食*只係記得影碟大蝦沙律🥗 😆

難得想食泰菜，就落樓下試吓呢間，見佢新開嗰陣咁多人，應該唔會好伏掛。我哋嗌咗一個炒雞肉寬河粉同埋一個蝦肉炒金邊粉。個雞肉河粉，得個咸字，懷疑落得太多豉油，啲粉太鹹，啲雞冇味，或者啲雞有味，但係啲粉太鹹完全食唔出陣味。然後啲金邊粉，唔正常都唔會出錯啦，一上枱個顏色已經唔對路，佢係er 唔識講。。。然後啲金邊粉酸酸地，總之就係好難食。其實可唔可以回水😪😪😪 我覺得其他食評話好食嗰啲都係買返嚟㗎。有個人個標題寫咩正宗泰菜，寫得出呢個標題，我估佢都冇去過泰國食泰菜。😀大家唔信都可以嚟食吓，不過就感覺似俾人呃囉，因為都幾貴🙂

樓下商場開咗間新嘅泰國菜，今日同屋企人經過，見下午茶幾十蚊一份幾抵食，於是入去試吓叫咗份✨芒果軟殼蟹米紙卷，小食酸酸甜甜，芒果，配上脆卜卜軟殼蟹，多重口感✨黃咖哩蟹肉配薄餅椰香味十足，淡淡辣味，大人小朋友都啱✨火車頭炒飯串燒香脆可口，牛粒夠juicy，足料炒飯👍🏻飲品好靚，綠色清新感覺好chill。青檸梳打🍋‍🟩透心涼椰子斑蘭梳打，入口唔會好草青，反而香濃椰子味呢度係一個不錯的下午茶選擇好地方

平時去開日出康城踩單車，都會幫襯呢一間泰式菜，因為下午茶好抵食，今次再去，發現原來轉左新的下午茶Menu，有新菜式，當然要試吓啦。下午茶有多種小食選擇，每個餐最多可以跟三個，抵食過叫泰式拼盤，又有串燒，又有蝦餅魚餅，今次新的仲有春卷添。春卷好大條脆卜卜，新鮮感十足。沙嗲串非常惹味，彈牙。蝦餅真材實料，啖啖肉。魚餅少少辣，配埋啲沙律就剛剛好。雞翼炸得金黃香脆，食到唔停口。今次新的菜單入面有菠蘿炒飯，甜甜地，很香，肉鬆超級多，食落去口感輕盈，一啲都唔油膩。金邊粉配料超多，口感多重層次。飲品方面，我們叫了這個綠茶手標，薄荷葉同青檸很適合夏天，非常之清新椰子咖啡是我每次來都要必叫的，10分的香滑，仲有椰子雪糕做甜品。

康城商場開咗幾年，一路都未過嚟呢邊行吓今日工作嘅關係要嚟呢邊完咗之後就搵地方食晚飯見到呢間新裝修嘅泰式餐廳，幾吸引😍裝修係綠色為主，帶有泰式風味🇹🇭🔸打拋豬肉碎煎蛋飯呢個泰式菜送飯真係一流碎豬肉加上金不換葉、蒜頭、辣椒一齊炒餐廳係瘦肉，比較健康，不過就冇咁惹味配上一隻燶邊蛋🍳將流心蛋黃戳穿後，拌勻吃，非常美味👍🏻🔸招牌去骨泰式香草燒雞廚師將半隻燒雞用手蝴蝶式開邊再去骨方便食客享用，啖啖肉👍🏻燒雞醃料用上百里香，蒜🧄，檸檬🍋，青檸醃得好入味😋燒雞香噴噴既味道，皮脆多汁肉質嫩滑，廚師冇燒得過火🔸芒果乳酪疊疊冰🥭甜品叫咗一碗刨冰呢排天氣咁熱，叫呢個甜品消暑一流要注意呢個甜品份量都比較大兩個人share啱啱好😋上面有一條完整嘅芒果肉🥭疊疊冰加入芒果肉& 乳酪，食落酸酸甜甜底下係綿綿冰，口感非常幼細👍🏻 而且唔會溶得好快

好耐冇入過康城，前排入去做嘢，見到呢間新嘅餐廳開咗，一路都心思思好想試，終於同男朋友就啱時間入嚟康城，順便試埋佢成個舖頭嘅格局同普通餐廳好唔同，好有特色門面格局好似去咗泰國咁服務員態度好好，好有禮貌可能未到繁忙時間，所以店入邊未係算好多人可以自己揀位服務員安排咗卡位，啲位都幾舒服，幾寬敞睇完成個Menu之後，最尾揀咗set dinner食全晚最深刻係呢個咖喱雞，好奶好Creamy，勁正勁惹味，椰香味十足，可以送兩碗飯鮮芒椰香柚子露杯嘢飲又係好出色，唔會太甜，芒果亦都好新鮮，唔會搶咗其他嘢食嘅味，作為點綴係一流冬陰功（2人份）冬陰功個味好出，其實我本身麻麻哋冬陰功，但我竟然可以成碗食得晒，食完開晒胃其中一個驚喜之作，冇諗過喺商場嘅餐廳都可以煮出大排檔嘅味道，好有鑊氣，唔係講笑，我男朋友本身唔食菜，但俾佢食咗一大半，睇嚟以後想叫佢食菜都要嚟呢間餐廳食先得虎蝦海鮮混亂杯麵有冇諗過杯麵都可以上得餐枱？食完呢味菜之後，我直頭想返屋企自己試煮一下用料好足，啲海鮮好新鮮，勁香勁辣總括而言，成餐飯都食得好開心好滿意，下次入嚟康城都一定會再食！

復活節假期前夕，洋洋同兩個小表妹聚餐，我哋一行4大4小去咗間裝修風格清新嘅泰式Cafe下午茶☕️先嚟擺盤好靚薄荷青檸梳打，打卡一流，一口透心涼❄️岩曬夏天飲船湯金邊粉，可以選擇3款配料，湯底夠濃郁，唔係鹹嗰種，熬製入味，肥仔差唔多食左成碗🤣黃咖哩蟹肉配薄餅🫓微辣口感，刺激味蕾火車頭炒飯🚂牛粒肉質煙靭芒果軟殼蟹米紙卷🥭清新開胃小食仲有泰式炸物拼盤，小朋友最鐘意嘅蝦片脆卜卜，炸魚餅香口，足料蝦餅🦐🦐特別推介🌟燒春雞，啖啖嘅雞肉充斥檸檬香，好特別！座位舒適闊落，而我哋嘅8人大枱，職員更擺好曬4 set兒童餐具🍴呢啲細心位 真係好得我歡心🫶🏻絕對係親子友善餐廳💗途中我哋對電子落單唔太熟悉，職員亦好照顧我哋，服務態度100分💯而且每份價錢只係5 6十蚊，環境舒服又抵食下午茶👍🏻推介住將軍澳嘅媽媽們去試吓#將軍澳餐廳 #泰式美食 #抵食下午茶

康城有不少朋友屋住，是日經過康城商場，看見新開了一間泰式餐廳，被新穎的裝潢吸引。它有別於傳統泰式餐廳，這間餐廳感覺清新，座位也闊落，於是被安排坐在近門口的圓桌梳化位置，感覺挺舒適的，我們就在這享用了個悠閒的下午茶。《串串沙爹雞豬》用特式玻璃杯裝著兩串串燒，頗新奇的，沙爹汁濃郁，雞肉豬肉燒得頗淋，十分惹味。《冬蔭功二人量》酸辣鮮香的冬蔭公湯底恰到好處，不會很咸很辣，是個很開胃的湯，湯底有一隻彈牙的大蝦，與其他湯底配料形成很大對比。《泰式雞肉金邊粉》這個金邊粉份量足夠，味道相對較清淡，是淡口味者之選擇，雞肉配料頗多的，若點上其他酸甜會較出色。《黃咖喱蟹肉配薄餅》這個泰式薄餅一點也不遜色，不油不膩；黃咖喱伴有啖啖蟹肉和一些薯角，薄餅包著蟹肉再沾上黃咖喱一流，非常美味。《泰式蝦餅》最為驚喜的蝦餅，蝦餅內裡是一隻大大的鮮蝦，炸得超級彈牙爽口，點上秘製的酸甜醬，簡直吃到停不了口。《泰式奶茶》賣相吸引，猶如擺設品般美麗，奶茶味道不太甜，而且茶濃但入口順滑，喝完透心涼。《泰式奶綠》《泰式玫瑰紅茶》兩杯飲品各有特色，奶綠比起泰式奶茶相對清新，甜度和濃度也較低。玫瑰紅茶茶底喝上去濃郁，喝完齒縫有陣陣的玫瑰

李家誠嘅金句，心曠神怡，曾經喺一時佳話。今日嘅康城站，估唔到又真係變成事實。連帶商場嘅設計，甚至乎餐廳，都符合到誠哥嘅說話。呢間餐廳嘅菜式，無論顏色同埋擺設，都色彩繽紛，美輪美奐。 🍖花束型設計嘅沙律，相信可以為好多男士，喺情人節或者其他特別節日，同時解決兩個煩惱問題--去邊度食同埋送花嘅價錢。三文魚捲成花既形狀，以切碎羅馬生菜做底，仲有同樣捲曲嘅青瓜片，新鮮嘅無花果，加埋食用花等等作為襯花。女仔心心眼。 🍖香辣海鮮配蝶豆花飯，蝶豆花本身有花青素，對身體好，但係冇味。不過淨係隻色，都令你食慾大增，再加上惹味同超大份量海鮮，有蝦有青口有魷魚，同埋肉鬆，提子乾，果仁等等嘅配菜，突然大家都對碳水化合物非常接受。 🍖既然全部都色彩繽紛，甜品都唔可以俾佢停，泰式奶茶味嘅croffle,配合食用花做點綴，牛角包本身做到好脆，再加上玉米脆脆，加強效果，就算食完個飯，都絕對可以成個甜品食曬。 🍺✨️飲品當然亦都唔睇少得，泰式奶茶做到同泰國一樣又香又滑，仲要用個好似香水樽咁珍貴咁放係度，又加分。 心曠神怡，絕對適合形容今餐，由頭到尾，都係色彩鮮艷又好味既餸菜。