Tommy Yummy (元點)

營業中

休息中

Tommy Yummy 泰豐盛二人餐 $298真心無改錯名！依個二人餐真係好豐盛好滿足！🍴小食木瓜沙律🥗木瓜沙律切得幼絲，口感清脆。每一口都帶有木瓜嘅天然甜味又脆口。份量實在好多，搭配上清新嘅醬汁，酸甜適中，讓人胃口大開。沙律中還有其他新鮮蔬菜，增添了豐富嘅口感同埋營養，係一道好好嘅開胃菜🥗🍴泰式小食拼盤包括1. 雞肉串燒
雞肉串燒外焦內嫩，醃製得恰到好處，每一口都帶有微微甜味2. 牛肉串燒
牛肉串燒肉質鮮嫩，口感滑順，搭配特製醬汁，味道獨特。3. 炸蝦餅
炸蝦餅外脆內嫩，蝦肉鮮甜，咬下去時滿口鮮味。搭配酸甜醬汁，增添了層次感。4. 炸魚餅
炸魚餅香脆可口，魚肉鮮香，口感滑嫩。🍴泰式蝦球炒金邊粉泰式蝦球炒金邊粉色香味俱全，蝦球鮮嫩多汁，搭配金邊粉嘅Q彈口感，每一口都充滿海鮮鮮香同埋泰式香料的獨特風味。蔬菜的清脆與蝦球的鮮美相得益彰，令整道菜品既美味又營養，無論是作為主菜還是分享小食，都讓人食指大動！🍴泰式豬頸肉炒河泰式豬頸肉炒河香氣四溢，肉質鮮嫩，搭配滑順嘅河粉，口感極佳。🍹椰子班蘭梳打椰子班蘭梳打清新爽口，椰香濃郁，班蘭嘅香甜恰到好處。氣泡感輕盈，令人回味無窮！🍹泰式奶茶樽仔泰式奶茶

位於元朗元點的泰式料理Tommy Yummy頗具特色，三道菜色各展風采。串燒拼盤6串以肉類為主，牛肉、雞肉等食材烤得微焦香嫩，淋上海鮮酸辣汁，酸甜微辣的口感層次分明，作為頭盤開胃十足。打拋肉碎生菜包，肉末炒得鑊氣十足，羅勒與辣椒的辛香完美滲入，搭配清脆生菜包裹，平衡油膩感，泰式風味地道。泰式炒通菜則展現廚藝巧思，通菜以半蒸半炒的方式處理，菜葉鮮綠脆口，蒜香提味，簡單健康又好味。以菜量與品質而言屬中上價位，適合三五好友聚餐。環境氛圍呼應泰國異國情調，體驗完整。推薦喜愛泰式風味的食客品嘗。

呢間食過幾次，今次再試吓午餐，午市好快已經坐滿人。今次揀咗食打拋豬肉煎蛋飯$49份量十足，荷包蛋煎得唔錯，仲有流心，豬肉碎豆角辣椒🌶️，味道微辣，撈飯食好惹味。加配沙嗲牛肉串$15(一串)個沙嗲汁好香花生醬味，牛肉粒都好鬆軟，略嫌有少少筋。加配好多顆龍眼冰$12大約有10幾粒龍眼，不過真係成杯冰🧊太多冰😅要加一，只收電子支付同埋四捨五入$83.6 要變$84

元朗呢間「Tommy Yummy」認真有驚喜！今次專登踩單車入去試佢哋嘅泰國菜，好有現代化泰式feel。兩個叫人左四款菜，埋單人均$二百幾，質素絕對係頂流，難怪平日夜晚都爆場！🍜 泰北咖喱雞肉撈麵一上枱就聞到濃濃椰奶香混住香茅味，湯底竟然有兩層色——面頭浮住層金黃雞油，撈勻飲落又creamy又帶少少青檸酸，完全唔膩喉！雞髀肉撕到一絲絲咁嫩滑，最正係啲咖喱汁同面,雞肉好夾，夾埋炸面黎食，口感脆脆哋！🍢 串燒拼盤6串雞牛豬各魚蛋牛丸等，炭火香直頭撲鼻！豬頸肉燒到邊位焦脆，咬落「咔嚓」聲仲有肉汁爆出；牛肉串加咗少少香茅醃，肉質軟淋得嚟有嚼頭。🍳 打拋豬肉碎煎蛋飯鑊氣十足嘅邪惡之選！豬肉碎炒到乾身唔油膩，九層塔同指天椒落得夠狠，辣度直衝頭頂（怕辣記得叫少辣）。隻太陽蛋一篤穿，蛋漿撈埋豉油豬肉碎，送飯真係停唔到口！🥬 炒椰菜苗全晚最驚艷居然係碟菜！椰菜苗揀哂最嫩嘅莖位，用蒜蓉同蝦爆炒，鹹香得嚟帶啲回甘。菜苗咬落爽甜無渣，最抵死係碟底啲蒜油，我哋食清光！整體來講，呢度勝在夠「泰」唔改口味，份量又夠大碟。唯一要彈係冷氣唔夠猛，食到辣辣哋成身汗。

位於元朗元點的泰國餐廳 Tommy Yummy，無論是菜品還是用餐環境，都給我們留下了深刻印象。我們兩人點了一份雙人套餐，包含兩道前菜、兩道主菜和兩杯飲品。前菜的青木瓜沙拉非常清脆，調味適中，清爽可口。主菜之一是非常適合拍照的泰式大蝦金邊粉，包括大蝦和豆乾，海鮮鮮美，金邊粉炒得很香，口感豐富。另外一個主菜是豬頸肉炒河粉，空運來的河粉及蔬菜非常好吃，醬汁甜甜的，充滿泰式風味。喜歡喜歡喜歡喜歡👍

食厭咗芒果糯米飯🙂‍↔️🙂‍↔️🙂‍↔️可以試吓呢個泰式芒果乳酪疊疊冰🤩超濃郁芒果🥭味鍾意食芒果嘅朋友唔可以錯過😎入口即溶成個口腔都係滿滿嘅芒果味，大人小朋友都一定會🥰鐘意， 午市時段叫個二人餐加$68就可以食到啦🥳🥳🥳午市二人餐真係好抵，有兩個泰式🇹🇭小食（泰式拼盤小食再加🥗青木瓜沙律） 之後可以選擇🍛🍜兩款炒粉麵飯同埋兩杯嘢飲都係$298咋 😛額外補多少少錢仲可以有泰式甜品添，我哋就揀咗芒果疊疊冰都係$68 二人份量😙

今日有機會路過，我選了假日午餐，打拋豬肉碎煎蛋飯，平時食就$108配蝦片，今次假日午餐就$79 跟餐飲，我叫了杯龍眼冰，雖然細細杯，但都有好多粒龍眼。依間泰式休閑Café「Tommy Yummy」由登陸中環翡翠中心到現在多個地點，其裝潢有別於坊間一般Café，用上斑蘭綠色為設計主調，採光度十足，置身其中恍如在鬧市中的隱世綠洲，配合獨特泰式風味的美食，讓你盡情放鬆，踏上「泰」Chill之旅。打拋係一種葉既名，配上辣豬肉碎、九層塔等泰式香料，整道菜的香味同辣味都係我最愛，和配上泰式豆角口感即時提升；太陽蛋的蛋白脆邊加上蛋黃帶有濃郁蛋香味，配搭粒粒分明的豬肉碎同白飯，簡直是prefect match，男人的泰色浪漫。

放工約了朋友敘舊，朋友想食泰國菜約到Yoho mix商場裏的Tommy Yummy泰國餐廳食飯，餐廳裝修特別、環境寬敞而且坐得舒服。我們點了二人餐，木瓜沙律 ，清爽又開胃，木瓜的甜味和沙律的酸味完美結合，非常解膩。泰式小食拼盤，包括炸蝦餅、炸魚餅、傳銷，每一樣都充滿了地道的泰國風味，特別是炸蝦餅，蝦膠內藏着大蝦，非常好味。泰式豬頸肉炒河 ，豬頸肉鮮嫩，闊身河麵條Q彈入味，整體口感豐富，非常好吃。 泰式雞肉炒飯，雞肉嫩滑，炒飯粒粒分明，配合泰式醬汁，味道很讚。飲品選了薄荷青檸梳打和椰子班蘭梳打，薄荷和青檸的香味很清新，而椰子的甜味和班蘭的獨特香味結合，味道很特別。最後加點了甜品芒果乳酪疊疊冰（二人份），香滑的綿綿冰，芒果乳酪造成正方形疊疊冰，再加上整個芒果，淋上椰汁後令整個綿綿冰頓時更綿滑，層次感豐富，令整頓飯更完美滿足。

Tommy Yummy (元點) (元朗)📍元朗朗樂路1號元點1樓B147號舖Buy 1 get 1 free🔷泰國青檸手標茶 $28香料味好重檸檬🍋汁同香料吾夾茶底幾濃🤣🤣但飲吾慣5.0/10🔶薄荷青檸梳打 $26叫左少甜飲落好清新～青檸味好出梳打類飲品吾會伏6.9/10

很少食到每一道菜都配搭得很好的餐廳這一家是首選好吃，而家食得出廚師一絲不苟的用心製作，很享受這一餐咖喱與薄餅配搭很恰好馬拉盞炒通菜很惹味蝦球好吃牛肉丸串醬汁超好吃

又係真實食評既時間第一次幫襯呢間泰國嘢，上網睇到好多好評，因為太大生日嘅關係，一早book咗outdoor，因為想帶埋自己的狗仔去。比預約時間提早咗少少到，因為本身book嗰張枱未有，職員都好好咁幫安排坐低咗叫餐先，等張枱一有嘅時候就幫我換位。環境：今次坐出面，相對比較暗，想影相嘅話就有啲困難，張凳比較矮，食嘢嘅時候會比較辛苦，加個咕𠱸喺下面坐住會好少少。衛生程度：眼見嘅都乾淨食物質素：甜食方面比較出色，我只可以話佢係有特色嘅泰國菜，唔可以話係好食嘅泰國菜（但並不是難食）推薦菜式：燒雞，芒果乳酪疊疊冰極不推薦菜式：豬頸肉炒河總結： 今次嗌咗一個$498（2人餐）餸菜唔係唔好食，只係呢個價錢有更好嘅選擇，今次只可以話係佢嘅特色，所有餸菜都好重椰香味，食一兩啖OK，但係如果嘢飲又有，咖喱又有，甜品又有，就覺得有啲too much，食到後期有啲滯嘅感覺。但係整體嚟講我覺得可以接受。但暫時呢一間有得選擇唔會再食住。

元朗 Yoho mall好多餐廳，來左這間環境不錯的泰國菜，中午時段不多人，服務就麻麻，餐廳好像很多新人，叫了職員，吾多回應餐牌賣相都好靚，但食物是一般，船麵份量很少，男士午餐就要叫多份，可以加錢配，一串串燒都十幾蚊吾化算海南雞飯一定不是招牌菜座位對著太陽，坐了半小時，職員才幫客人下窗簾，完全不窩心，或者職員覺得客人喜歡晒太陽🤭價錢貴之餘，賣相靚多過實際🌟真心希望香港餐廳服務更進步，支持留港消費🌟

喺Yoho行街突然想食泰式雞飯，見到元點有間泰菜就嚟試吓，星期六接近兩點，等咗一張枱就到我哋，兩個人被安排坐入面卡位，幾舒服，呢度有假日套餐，主食包一杯泰式飲品，如果其他特別飲品就要加$18，而免費之中已有泰式奶茶、薄荷青檸梳打、龍眼冰同埋斑蘭梳打等選擇。我哋叫咗一個雞飯同埋一個冬蔭公海鮮湯河。湯河嚟先，個湯底都算有冬蔭公湯味但就唔算濃，有兩舊青口，幾隻蝦仁同埋兩舊魚肚（如圖），之後到雞飯，一上枱嚇一嚇，得五六片好薄好細賣相好差嘅無骨雞，同飯嘅體積形成強烈嘅對比，好似畀人食咗幾舊咁其實湯河$99，而雞飯就$79⋯⋯不如我畀多廿蚊畀返正常嘅份量我哋好冇？（好在我哋加點咗一串沙嗲串燒，不過唔記得影低，$18⋯⋯下次唔會嗌，因為唔太好食同埋好細串。）甜品我哋試咗佢嘅芒果糯米飯，擺盤有心思，芒果份量少但好香甜好夠芒果味，同埋有一球雪糕，味道夾埋一齊都幾好味，唔錯～總括嚟講，ok啦冇其他人讚得咁好，味道算清淡，如果注重健康嘅應該幾啱食，唔係重油重鹽嗰種泰菜。假日有套餐包泰式飲品雖然都係有限時，但係個半鐘應該都好足夠慢慢食chill下嘅～

Tommy Yummy 新進駐元點嘅時候已經好想事，終於事隔近半年食我嘅第一次。不過可惜今日無能力叫佢嘅招牌甜品，唯有俾個伏線自己再幫襯一次。🥄 泰式波蘿雞肉炒飯 - 味道偏淡，賣相都睇得出比較hea😝 呢個可以唔使叫，留俾下碟佳麗。🥄 泰式船王船麵 - 湯夠濃不錯，啲餸冇hea過，有豬肉、肥牛、牛肉、魚丸、牛肉丸豬皮，麵質合格夠彈牙！ 整體不俗。只可惜坐正出風口，而個風口超級盡責，好快吹到我地啲麵同炒飯變涼，要同個風口鬥快食，個人覺得麵夠熱更加出色。🥤 鮮奶咖啡 - 正常發揮🥤椰子飄香咖啡配雪糕 - 將個雪糕攪勻更加好飲。

本人惠顧貴泰式餐廳數遍，感受到食物和服務質素尚有改善的空間。論食物質素方面，菠蘿雞肉炒飯温度不夠熱，調味不夠濃，不太正宗，只可用作打卡；牛肉船麵湯底也不夠濃郁，儘管牛肉份量適中，調味可更突出；青咖哩雞肉飯的青咖哩偏甜，不像泰國當地口味一樣，唯一值得讚賞的是飲品，賣相精美，精心製作，甜度尚算適中，比Yoho其他兩間泰式餐廳突出。論服務質素方面，店員招呼有點冷淡，故可更熱情，有多點笑容，誠懇有禮，主動招呼客人，如入到店舖講聲Hello/Welcome/請坐呢啲服務術語，主動協助客人落單，比杯水客人，始終收取加一服務費，店員宜提高主動性，詢問客人用膳上的需求，給客人良好的服務體驗。論環境方面，大致舒適寬敞，有悠閒的感覺。整體來說，食物質素一般，只可用作打卡，服務質素中下，店員主動性和誠意有待提升，環境舒適優雅，整體用餐體驗尚可。整體等級(A-F)：D