Tommy Yummy (翡翠中心)

常常從中環長長的扶手電梯見到tommy緩緩飄過，今天終於有機會一試。一家老小均搵到自己鍾意的口味。有小朋友喜愛嘅海鮮菠蘿炒飯；有爹地心念嘅酸肉豆角炒飯；有無辣不歡嘅媽咪鍾意嘅冬陰功羊肉爐。最後的芒果糯米飯清甜不膩，老少咸宜！我們坐在sofa位，慵懶的完成了又一個週末聚餐！很驚喜，很飽肚，有記憶點！妹妹一口氣吃了三盤炒飯（要知道這是一位神仙妹妹，出街永遠只吃薯條）。下次如果有友人從海外回來想吃泰菜，我會帶他們來長長電梯旁的tommy。…查看更多

去完大館睇展覽，跟住過嚟食下午茶。點知國慶日冇下午茶套餐，正價餐牌就全日七折。請睇鹹食有一半都幾駭人。個咖喱牛面頰，肉質係夠腍，但係個咖喱汁就真係過鹹，本身另外加咗份薄餅，都唔想掂嗰啲咖喱汁。冬陰功湯粉啲粉就一餅野。應該係放湯落去嘅時候，冇撩開已經預先煮好分好㗎粉。另外個春卷，跟住塊皮係黏住個醬料杯嘅木柄。菠蘿海鮮炒飯尚算正常發揮。食緊鹹食嘅時候，好彩有杯榴槤特飲滿足吓，呢個真係好飲勁重榴槤味。食完之後想嗌甜品，咁佢個麻糬格仔餅又真係做得幾好。同埋個雪花冰嗰啲楊枝甘露嘅冰磚亦都相當唔錯。我作為一個唔好甜嘢嘅人，都覺得佢甜品處理得幾好，呢度真係要讚一讚。不過就唔建議試鹹食。…查看更多

環境同擺盤都幾靚 好啱打卡📸二人set份量都幾多 三個人食都ok所以都算抵食食物質素就相對普通 一般水平本身想試好出名嘅芒果冰但因為太飽 試唔到甜品🍧唯有下次🍽️ 金柚海蝦沙律有柚子同無花果 酸酸辣辣咁幾開胃 而且蝦嘅份量都唔少🍽️ 沙嗲串燒正正常常 整得幾香🍽️打拋豬肉碎煎蛋飯蛋邊邊煎得好脆 中間仲係流心 撈飯好正🍽️泰式雞肉炒飯但兩碟主食都有少少太油🍹 椰子班蘭梳打幾fresh 配重口味嘅泰國菜嚟講唔錯 但略嫌有啲細杯…查看更多

木瓜沙律清新爽口，配料豐富，融合了木瓜的甜味與酸辣的調味，讓人一口接一口。花生的香脆與香菜的清香相得益彰，完美的開胃菜，特別適合炎熱的天氣。泰式雞肉炒飯炒飯粒粒分明，雞肉鮮嫩，搭配的香料讓整體風味更加濃郁。炒飯中還加入了蔬菜，增加了口感的層次感。椰子南薑雞湯味道清淡卻層次分明，椰子與南薑的結合讓湯底既有香氣又帶有微微的辛辣感。雞肉鮮嫩，湯品溫暖。泰式蝦春卷春卷外皮酥脆，內餡新鮮的蝦肉與蔬菜相結合，搭配的醬汁增添了風味。每一口都充滿了海鮮的鮮香，非常適合作為開胃小食。招牌去骨泰式香草燒雞（半隻）燒雞色澤金黃，外皮酥脆，肉質鮮嫩多汁。豬肉串燒、沙嗲雞肉串燒、沙嗲牛肉串燒豬肉串燒多汁，雞肉串燒香嫩，牛肉串燒則帶有濃郁的沙嗲醬香味。椰香菠蘿飄雪清新可口，菠蘿的酸甜與椰香完美結合，口感滑順，帶來愉悅的享受。…查看更多

啲位坐到好唔舒服 同埋成間餐廳冇乜人都要係咁等 啲staff態度真係好差同埋又解決唔到問題 食物又唔係難食 但價錢同加一應該central附近都好多更好選擇。座位非常唔舒服，staff雖然會幫手加水但有幾個態度都令人不滿意。乜又唔係buffet但現時90分鐘，擺明成間餐廳都冇咁多客。冇諗到食泰国野要好似去到茶餐廳咁誇張。下次一定唔會再幫襯，呢間係因為成日係扶手電梯見到所以想黎試下，都幾伏。總之非常不推薦❌…查看更多

Weekend set lunch野食不過不失，但無諗過最難食嘅竟然係甜品。兩個人叫咗一個芒果糯米飯share, 嚟賣相唔錯，但糯米飯硬到用刀切開係會一塊塊勁乾身，同其他地方既糯米飯一團團好黏糯完全唔同。啲飯放入口好似用普通米煲出黎咁，粒粒分明同好乾身，食咗兩啖完全食唔耐。叫咗其中一個女嘅staff過黎問點解，足足三次先勁唔好態度咁問有冇野幫到我哋。佢地對於啲飯硬嘅解釋係啲飯煲完會撈斑蘭汁，然後包保鮮紙。解釋完都係答唔到點解糯米飯係唔痴身既。雖然個staff有offer到拎過第二份比我哋試下係咪一樣，但同樣嘅做法整出黎嘅野食係唔應該會有咁大嘅唔同，如果有新嘅一份係正常嘅話咁點解一開始會比咁乾咁硬嘅糯米飯比客？…查看更多

📍 OpenRice訂位著數 朋友提前喺OpenRice買咗二人套餐，人均$170左右包前菜+小食+兩主菜+飲品，中環區來講性價比超高！餐廳環境色彩繽紛，好有泰國夜市feel～🥥 前菜：椰子雞湯- 🌴 湯底creamy帶椰香，唔會過膩 - 🐔 雞肉嫩滑，仲有草菇增加口感 - 🌶️ 微辣開胃，飲完成身暖粒粒 🍢 小食：串燒拼盤（配沙嗲底）- 🐷 豬牛雞串燒即叫即燒，炭香味濃 - 🍛 咖喱底偏甜帶椰香，點串燒超夾 🍳 主菜1：打拋豬碎肉煎蛋飯- ☀️ 太陽蛋煎到完美流心，撈飯一流 - 🐖 豬肉碎炒得乾身香口，九層塔味突出 - ⚠️ 辣度頗高（唔食得辣要叫少辣） - 🍚 珍珠米煮得粒粒分明 🍝 主菜2：濕炒豬頸肉河- 🐄 豬頸肉片量多嫩滑 - 🍜 河粉煙韌唔斷，鑊氣十足 - 🥬 芥蘭爽脆，醬汁濃郁但唔油膩 - 👍 全場驚喜位，必點推薦！ 🧋 甜品：+$38奶茶雪糕配牛角包窩夫- 🥐 牛角包窩夫壓成格仔紋，脆口唔淋（雖然唔熱） - 🍦 奶茶雪糕茶味濃，但偏甜（配窩夫剛好） - 🎂 慶生免費加蠟燭+生日牌，儀式感滿分…查看更多

今日同朋友試咗呢間泰國菜，整體來講幾唔錯！餐廳環境幾舒服，座位寬敞，我哋下晝三點幾去幾靜幾有私隱度，仲有窗邊位望到街景，幾啱同朋友傾偈慢慢坐。食物方面，我覺得味道可以再濃味啲，不過份量真係好大份，夠晒抵食！🍝 泰式炒金邊粉：偏甜口味，甜味比較突出，如果多啲酸辣平衡返會更好🍖 打拋豬肉飯：肉碎炒得幾香，肉量都多，但唔夠辣唔夠惹味，如果可以自選辣度就好啦整體來說係一間幾適合慢慢坐、傾吓計嘅泰菜餐廳，如果口味可以再濃烈啲就完美啦！…查看更多

～Tommy Yummy～.超級推介嘅一間泰國餐廳，裝修又靚！食物又超高質！打卡又正！中環黎講又唔算太貴，所以喺中環唔知食咩嘅時候可以試下呀👍.牛油果沙冰 $55一上台賣相已經超級吸引，彎彎的杯上面放上半個鮮牛油果🥑裝飾😍，最後可以用匙羹食埋佢，果肉熟透香軟👍沙冰係由牛油果加牛奶及糖打成，唔會好甜但係有好香嘅牛油果味😋飲完好想飲多杯☺️.泰式蝦餅 $98超級有驚喜嘅蝦餅😍第一次食係冬陰公味嘅蝦餅😍我同朋友都大愛😍蝦餅入面仲有大大隻嘅原隻蝦，爽口彈牙，必叫呀😍.椰香青咖哩雞(配薄餅) $98青咖哩唔辣，椰香味較重，唔食得辣嘅朋友都可以食到！雞嘅份量都幾多，唔鞋，配埋我最愛嘅薄餅， perfect match👍.虎蝦海鮮混亂杯麵 $128依個主食擺盤賣相打卡一流😍本身以為係公仔麵加啲海鮮得個樣，冇咩特別，點知一食覺得好好味😳依個主食係用冬陰香料同海鮮炒泰國杯麵，海鮮好多👍包括有虎蝦，青口同魷魚圈，麵爽口每條索晒冬陰功汁，味道酸酸辣辣，超級美味😋.最可惜最想食嘅甜品食唔到🥺芒果乳酪疊疊冰🥺下次再去一定要試呀🥺.😋食物質素：8.5/10😍打卡指數：8.5/10👍環境服務: 8/10💰性價比：7.5/10👏🏻回頭率：8/10.地址📍Tommy Yummy (中環)中環威靈頓街98號翡翠中心1樓(香港站C出口，步行約6分鐘)☎️網上/電話訂座 23231778⏱開放時間 Mon-Thur, Sun 11:30-22:00，Fri, Sat 11:30-23:00.…查看更多

平時一直都好想試呢間餐廳….講咗幾年，終於食到喇如果平時lunch係超級多人，次次都冇位放工同朋友過嚟食，由於平日所以唔係真係太多人，雖然限時90分鐘，但係冇客人等位都比人坐耐啲，非常值得欣賞，可以再去。最怕啲餐廳冇人等位未食完都要趕客走，嗰啲去完一次唔會再幫襯。食物質素都唔錯，叫咗個二人餐個木瓜沙律幾好食，不過辣咗少少炸蝦餅非常足料意粉有驚喜，非常好食，下次要再食係個雞肉炒飯差啲，個味道麻麻哋下次可以再試吓其他嘢…查看更多

#吃貨警報 這間店絕對是視覺+味覺的雙重暴擊！藤編椅+綠植牆🌴，徬彿在清邁文青咖啡廳～陽光灑進來隨便拍都是質感大片✨ 重點是食物超能打👇 🔥 「蝦球炒金邊粉」鑊氣攻鼻警告 ‼️ 每根河粉裹滿焦糖色魚露醬💫 重點巨無霸蝦球🦐——脆殼爆破！彈牙感直達天靈蓋！搭配烤花生碎+青檸汁，酸辣甜三重交響，秒清盤不是夢✅ 💫 社交平台封印解除「蝶豆花鮮奶咖啡」紫紫藍藍☁️ 手機鏡頭自動覺醒📸 秘密在底層冰鮮奶🥛，攪拌後花香融入絲滑拿鐵，夢幻又好喝！淡淡花香平衡咖啡苦味，怕甜的我也愛了💙✓ 採光超好白牆ins風 | ✓ 份量足男生也飽 | ✓ 姐妹約會/獨食都適合，中環上班族午餐新據點get✅ ➖➖➖ 📍 Tommy Yummy ⏰ 11:30-22:00 | 建議訂位 ➖➖➖ …查看更多

和同事選餐廳食午飯諗唔到食咩好就翻兜呢間之前試過佢嘅椰香青咖喱雞肉配白飯🫑我一向都鍾意食咖喱 所以感覺唔錯不過唔可以食嘅調味料有啲多例如啲辣椒 薄荷葉今次我就試咗佢嘅泰式蝦球炒金邊粉🌶️失策了 如果大家唔食得辣千其唔好撈哂佢嘅調味料見到旁邊附的調味料 下意識撈哂結果辣度爆棚！辣到我冇辦法品嚐佢真正嘅味道跟餐附上薄荷青檸蘇打🍋‍🟩薄荷味道好濃 TY芒果糯米飯🥭椰子雪糕好好味 味道真實 椰子味香濃椰奶同糯米飯都好襯本身糯米飯味道較淡椰奶嘅清甜令糯米飯更容易入口更容易勾人味蕾…查看更多

🥢虎蝦海鮮混亂杯麵 $148本身諗住都係gimmick嘢無咩特別 但見到係人氣no.1而且配搭都係我鐘意嘅就嗌咗嚟試試😗麵底炒得好好 調味均勻之餘濕潤程度啱啱好 有唔少辣椒碎但其實唔辣der配料方面有好多海鮮 4隻青口連殼 6隻爽口大蝦同埋大量魷魚圈同埋鬚鬚👑當之無愧No.1推薦！👑🍍泰式菠蘿雞肉炒飯 $108呢款就正正常常啦 飯底炒得都乾身但調味就無特別惹味跟餐都加配咗一隻雞翼 香口少油🔥海鮮冬陰功湯麵 $128呢款嘅海鮮同樣係蝦 青口同埋魷魚調味酸辣適中 不過就略顯上枱時湯底已經唔太熱 扣咗啲分。🍧芒果乳酪疊疊冰 $118另一個吸引我哋嚟嘅餐點😋旁邊嘅黃色磚其實係芒果酸奶冰磚 入口奶滑似食緊雪糕咁下面係芒果綿綿冰包住中間嘅椰子雪糕 整體偏奶感但唔會太甜👌🏻☕️泰奶Tiramisu $68呢款應該係全餐最normal嘅一款🥲佢應該係想行一個比較創新風格嘅tiramisu傳統會將手指餅提前浸泡咖啡液再鋪一層但呢款就將原條手指餅放咗喺面 所以層次口感方面就比較單一一啖不落去只有忌廉狀嘅嘢 就係mascarpone cheese 底層嘅泰奶忌廉 同埋面頭嘅可可粉旁邊都會配翻個濃稠嘅泰奶醬俾你我哋齋食咗一啖 係帶茶葉甘味 幾乎0甜味…查看更多

有個熟啲嘅日校老師同我推介Tommy yummy! 講到啲甜品好好食咁，咁身為甜品好嘅我就叫咗屋企人嚟食吓😍 整體個環境同埋食物質素都係唔錯，大家都話會再encore!! 不過佢個甜品其實麻麻🤣，但係主菜都算出色📍泰式燒安格斯牛小排沙律 （$158）個salad 係真心唔錯嘅，蔬菜夠fresh! 而且個牛肉都唔會韌，算係質素比較高嘅salad，而且夾埋個泰式甜酸汁都幾好食👍🏻 算係沙律之中嘅中上品不過個dish就冇乜特色，冇乜泰式風味同記憶點，唔會特別想再食。如果得兩三個人食嘅話唔建議嗌，留返個位比其他嘢食更好🥹📍清邁咖喱雞肉金麵 （$102）My favourite dish!!!😍 呢個就真係全場MVP，成個balance都好好！個咖喱汁唔會太稀或者太熱，而且食完都唔會好頸渴！辣度同埋鹹味嘅比例都好合宜而佢個金麵係更上一層樓！炸到脆卜卜又唔會太油。就咁食已經係夠晒香口，加埋啲咖喱醬簡直有另一番風味！！食完之後一直都心心念念👍🏻👍🏻📍泰式蟹肉蛋卷 （$188）呢個Dish就有啲令人失望😭 其實味道都唔錯，而且蟹肉都足料。但係佢實在係太油laa，食完之後成個碟底都係油。雖然係幾好食，但係亦都係太過膩。如果冇六個人都唔建議嗌，就算食¼都頂唔順🥲📍芒果乳酪疊疊冰 （$118）一開始就係為咗呢個Dish過嚟食🤣 其實都唔錯，不過唔會encore。抵讚嘅位就係佢賣相一流，睇落去好靚好有食慾。不過味道就係好Standard，就係正常水準。不過可能我哋有好高嘅expectation，所以就覺得冇想像中咁好食📍 泰式椰奶油條配雪糕 （$68）呢個甜品反而有意外之喜，中西合璧。雪糕配埋油炸鬼一涑一熱咁，真心好夾！而且性價比十足，$68又有雪糕又有碳水，味道又出色！煉奶斑斕醬比例合宜，雪糕都唔係死甜！真係良心之選！…查看更多

呢間泰國菜一直都好多人講終於試吓佢哋個打卡甜品芒果乳酪疊疊冰($118)頂部係原個甜甜地嘅芒果🥭同椰奶cream椰奶cream味道偏淡 但係幾creamy側邊圍住就係6大嚿芒果乳酪冰磚🧊食落好似雪糕🍦味道酸酸甜甜 實在嘅口感刨冰口感綿滑 有淡淡芒果味同椰奶香 唔算濃郁 食到底要加椰奶底下就有1球椰子雪糕🥥 整體唔算好甜個人覺得味道正常 但係未去到好驚艷會想試吓佢哋嘅斑斕窩夫多啲💛整體推薦度:7/10…查看更多