Tokachi Milky

今日專程去咗中環 Tokachi Milky 試佢哋嘅雪糕，兩款口味都各有特色，甜品控可以一試！🍨 焙茶牛乳雪糕杯層次做得相當豐富，底層係甘香嘅焙茶凍，上面放上濃郁嘅十勝牛乳雪糕，再加一層焙茶忌廉同脆口山核桃碎，最後灑上焙茶粉。茶味香濃得嚟唔會苦，同牛乳雪糕嘅奶香好夾，口感同味道都有層次。🍨 黑芝麻麻糬雪糕杯呢款嘅亮點在於底層嘅芝麻麻糬，口感煙韌。配上同樣係十勝牛乳雪糕，淋上香濃黑芝麻醬同灑滿黑芝麻碎。芝麻味非常突出，麻糬增加咗口感，整體味道傳統又滿足。店舖環境簡潔光猛，以外賣為主。雪糕質感軟滑，配料嘅配搭有心思。如果你鍾意焙茶或黑芝麻呢類濃味日式甜品，呢度係個唔錯嘅選擇。…查看更多

bookmark咗呢間雪糕好耐了因為好鍾意食牛奶雪糕( ´ ▽ ` )ﾉ牛奶味係唔錯 好出色的🥹不過略嫌啲Nuts碎碎蓋過咗個奶味😳所以我諗下次我會走Nuts 試吓純純嘅牛奶味反而個Puff就好出色🤭面頭有啲帶焦糖味嘅脆脆粒粒勁好食 然後入面嘅吉士真係食到高質雲呢拿味 好impress!!!我夜晚8:30左右去個陣得返最後一個好好彩(*¯︶¯*)甜品食呢間真係 好 幸 福☺️…查看更多

源自日本北海道嘅Tokachi Milky ，現時係中環同尖沙咀有分店。星期五夜晚去完PMQ，落返中環嘅時候經過見到依間裝修好靚嘅雪糕店，就決定入去幫襯。………………………………………………開心果朱古力雪糕杯 ⭐️⭐️⭐️杯底舖左一層開心果仁碎同開心果醬，再放北海道牛乳雪糕，然後頂部再加開心果醬同開心果仁碎，仲有蛋捲碎，賣相好靚好吸引。不過，雪糕唔算好重牛奶味，開心果醬亦都唔夠濃味，底部又太厚實，整體味覺同口感都麻麻地。唔係難食，但係普普通通唔值$58。………………………………………………開心果朱古力雪糕杯係期間限定嘅產品，如果有機會都想試下其他產品，例如藍天蜜乳，都係限定產品，睇圖片覺得好靚好吸引。…查看更多

店內有標示油脂同水比例較高，所以比較容易溶，確實係，我嗌咗特濃朱古力脆脆Dip，因為溶得好快所以筒裝會食得比較論盡，個筒係比一般甜筒薄，但係冇乜特別，所以建議嗌杯裝會食得方便啲。味道方面cream味都比較出，但本人比較傾向有少少奶臊味嘅牛奶雪糕，感覺係用緊真牛奶，但呢款雪糕冇奶臊味，可能cream嘅比例較高，同時會有啲腬，本人大概早餐四個鐘後食，本身餓餓地，算係空腹食？食完一個之後都飽咗，但質感幾滑。如果下次經過附近可能都會再買，但係就唔會特登出嚟。…查看更多

用嘅係北海道十勝牛乳味道香醇不會太膩奶味和冰感搭配得很好的確和普通嘅牛奶雪糕有啲分別不過又未去到令人回味無窮朱古力味果個令人印象深刻一點朱古力味道濃郁 整體層次分明…查看更多