The Story Cafe and Bakery

營業中

休息中

最近天氣都非常炎熱，實在要吃一些透心涼的食物降降溫呢!!  這間以海洋為主題的餐廳，看見門口雪櫃內的蛋糕，已經好像有種神奇魔法般不知不覺地 吸引著......   餐廳內竟然有一隻木船及魚群吊在半空，非常有趣呀!! 看見餐牌上有數之不盡的飲品及甜品實在是花多眼亂，不過先忍一忍，還是先吃主菜吧!  粟米忌廉湯的味道濃郁且滑，很喜歡這湯碗的藍色呢!  鐵板紐西蘭牛肉眼扒($78)鐵板上菜時滋滋聲及香味撲鼻，令人口水直流!  牛扒肉質比較淋身，牛脂味未算突出，配菜則較為驚喜~尤其是薯角炸得非常鬆脆可口!  韓風泡菜唐揚炸雞芝士鐵板焗飯 ($65)名字相當有氣勢，炸雞味道亦不錯，如果加多點芝士便更加好了。  藍海 - 青檸梳打 ($45)嘩!! 真的不禁「嘩」了一聲，那透徹的藍色非常透心涼!! 而且與大海顏色相當接近，令人有度假的感覺~完完全全是謀殺菲林的飲品呀!!  藍天 - 蝶豆花紅豆牛奶 ($40)厚厚的奶泡加上粉藍的蝶豆花，與藍天這個名字相當貼題呢! 用上3.6日本牛奶所打的奶泡真是相當幼滑，而且不太甜，一層一層的顏色無論視覺及味覺都是相當有層次~非常出色!! 必試!!  在等候甜品的

這間The Story Cafe & Bakery，其實自他開張已經想試，很喜歡餐廳的海洋風佈置。是日餐湯是番茄忌廉湯。咖喱牛肉温泉蛋芝士鐵板焗飯套餐 $65咖喱屬較淡口味的，聞上去很香，入口味道不會太濃，帶微辛，蛋香和芝士味比較重，牛肉口感軟稔夠肉味，還有薯仔和其他蔬菜作配菜，整體感覺不錯，不會太膩。日式鰻魚鐵鍋炒飯套裝 $68鰻魚口感軟稔中有彈性，味道不錯。飯炒得很香，混合了芝麻、薑、甘荀等配料，口感味道同樣豐富，還有香脆飯焦更添美味。粉紅玫瑰 $35 顏色很美，入口淡淡玫瑰香夾草莓的甜，奶味香濃，甜度不會太過。棉花糖曲奇朱古力 $40賣相很可愛，朱古力味夠香濃，口感夠滑，雖然又棉花糖又忌廉，但感覺不會太膩。飯後來一點甜，除餐牌以外，甜品櫃也有一些甜品可供選擇。白色鮮果叢林(草莓、香蕉、蜜桃及藍莓) $62pancake 煎得很香，厚薄剛好，水果比例比忌廉多，而且夠新鮮。藍蝶花荔枝慕絲 $34單是賣相已經夠療癒，上層藍碟花啫喱清香微甜，下層荔枝清甜香軟，感覺清新。說實話，在青衣城內這個價錢有如此水準，還要食物全都大大份，環境舒服，服務亦好，不禁覺得實在是太便宜了，值得多多支持。

逢星期六日既青衣城晚上都好多人，周圍都排隊，今晚同家人見呢間最快有位，即刻去食！主要食鐵板，睇餐牌好像樣樣都好吸引每一個餐都有正常既餐飽同餐湯。湯係蕃茄忌廉湯，酸酸味味都開胃，不過入面有些好像麵粉既物體而包就正常，無乜特別。爸爸叫左咖啡牛肉溫泉蛋芝士鐵板焗飯。牛肉都淋，咖哩無想像中咁濃郁，如果多d芝士會好d。媽媽叫左鐵板慢煮春雞仔個雞好滑同多汁，一點都唔乾好食，皮又少少脆，好香，又夠熱。我就叫左鐵板紐西蘭肉眼扒都幾大份，肉質都算淋，層度偏薄。但我果塊係牛根位，食落幾難咬😅其他配菜都ok。薯角都香脆同夠熱。最後叫左個檸檬冰茶，都ok，唔會好甜。整體還可以，但服務態度需要再進步。

外出食飯有時除咗重視食物質素之外有時還會留意下餐廳嘅環境天花上的繩網+飛魚幾有特色橙黄色嘅燈光令環境更有氣氛大部分都係鐵板嘅菜式是咁的，話明鐵板當然第一時間會諗到肉啦所以我同男朋友都決定點精選嘅眼扒同黑毛豬每款都可以單點或跟餐我們就選擇咗跟餐會有餐湯同麵包餐飲可以加錢轉特飲咖啡☕雜苺梳打🍓感覺都不錯~男朋友叫咗肉眼扒都幾大份，熱辣辣，好正✨我就叫了黑毛豬比想像中肉質更軟身，好淋好食!👍本身就無諗過叫甜品嘅不過見賣相好似幾好心思思叫埋😆都幾多選擇👀呢個名堂係海之星窩夫無諗過咁可愛，咁童真連男朋友都讚得意✨窩夫即叫即做，好香好脆還有我嘅至愛，心太軟!!!加上雪糕，熱辣辣嘅朱古力醬及焦糖香蕉非常滿足😋😋😋

青衣城 行街睇下食咩，朋友見到有間裝潢吾錯就話試下，之前食過吾錯，今次食 甜品 和飲品，但好睇吾好食，勁失望。等到食物食左一半終於黎到，但咖啡 吾好飲，朋友都話仲差過Starbucks，淡冇味似咖啡豆放太耐味道走失左，仲差過自己沖3合1咖啡條。朋友叫左杯凍藍天，藍碟花整所以帶點藍色都幾靚，但味道飲水似飲紅豆冰，偏淡味。見到佢新鮮整都十分吸引，黎到都幾靚而甜品味道正常吾差，但份量偏細同皮太厚身，價錢偏貴。幸好坐得舒服可傾下計吾錯。

約左住青衣的朋友見面 第一次由尖東坐西鐵去青衣，都幾快，半個鐘就到 不過轉車轉到有D頭暈，成日差D行錯路轉錯車 搵地方坐低等佢，見到呢間野幾靚咁噃~ 原來食鐵板野，賣相都唔差，就入去坐啦~ 門口既廚櫃仲有麵包同蛋糕賣蛋糕賣相都幾靚~ 餐牌共有4頁， 分為主食2頁，飲品及甜品各一頁 呢度主打鐵板，主食既扒同意粉.飯等都係以鐵板上 最驚喜係價錢超級超級抵, 一個飯都係四十幾，五十幾蚊 變餐都係加多十蚊咋，己經有湯/飽/餐熱! 以呢個環境，呢個地段，真係平得過份，仲抵食過快餐集團同茶記呀 成個環境以海洋為主，藍藍的天配以紅色磚牆 感覺很和諧舒服，好似置身於寧靜既海洋 餐餐跟上的例湯 南瓜湯 餐具同賣相都好靚 湯夠熱，飽夠軟，不過湯既味道偏淡，同埋有D結到一粒粒咁~ 朋友的藍莓沙冰，非常精緻的擺設，味道有濃濃的藍莓香味，唔會好化學 我的海洋 "南極大陸" (青檸梳打沙冰及雪糕) 望落已經非常的清涼 以海為題，藍藍的沙冰配上一粒黃色的星星啫喱，很有童真~ 味道係甜甜的，沒有很酸，清清涼涼，冰也很幼滑~ 配埋呢個雪糕，簡直係冰上添雪啦~ 咖喱牛肉溫泉蛋芝士焗飯 HKD 65/套

一家人慶祝母親節， 因為娘親大人偏好優雅舒適的店， 所以選了青衣城的The Story Café & Bakery~ 不知是否近海的關係， The Story的裝潢佈置都以海洋為主題， 垂吊著的漁網跟小魚、 繪上海洋圖案的食器、 家中小屁孩看見也開心興奮。 近期的推介是鐵板系列， 有扒類、炒飯、焗飯， 連甜品也有鐵板！ 咖喱牛肉溫泉蛋芝士鐵板焗飯 滿滿的咖喱牛肉、薯菜、溫泉蛋、 再加上半溶芝士用料豐盛， 有肉又有菜這也配搭也很均衡XD 日式鰻魚炒飯盛在滾燙鐵鍋中， 能長時間保持熱度不怕炒飯會冷掉， 除了面層的大片鰻魚， 每口也能吃到鰻魚小塊， 吃到最後貼在鍋邊的飯都烤成飯焦， 口感豐富。 鐵板紐西蘭牛肉眼扒 澆上黑椒汁後香氣四溢， 肉眼扒帶點脂肪肉質軟稔， 黑椒微辣令肉脂香更突出。 牛扒尺寸中等， 還有整跟粟米跟薯菜， 男士也能吃飽。 鐵板布朗尼配朱古力雪糕 澆上雲呢拿汁後賣相一流， 布朗尼外層烤得火熱又脆身， 配冰涼雪糕最完美！ 吃了這麼多熱辣辣鐵板鐵鍋， 冰涼的檸檬蜜桃冰茶最解渴， 果味跟茶各佔一半， 甜度不高不會影響茶香， 調配得剛剛好！ 除了餐點還有蛋糕西餅， 當中有不少

呢間位於青衣城cafe 以環境同價錢黎講屬幾有驚喜嘅餐廳。店內裝修以海洋小清新風格，感覺悠閒舒服。主食餐牌、飲品、甜品都好多選擇！定價最貴都係$60-70左右。香橙接骨木花冰茶 $28 跟套餐叫半價$14接骨木花香味唔算濃，但香橙冰茶有茶味唔太甜，還不錯！曲奇雪糕朱古力 $45曲奇雪糕幾高質，朱古力冰塊少一點會濃d。套餐+$10 有麵包同忌廉湯。鐵板慢煮春雞仔（半隻）$58可選黑椒、蒜蓉汁。春雞仔size 都幾大，燒雞皮嘅脂肪唔多。雞脾嘅部分幾juicy! 配菜薯角夠脆。芝士咖哩牛肉溫泉蛋鐵板焗飯 $65 （套餐）日式咖哩、溫泉蛋、芝士溫和融合得唔錯。牛肉係牛柳粒嘅部分，大大紮實嘅6、7粒！白色鮮果叢林 $62綜合水果嘅班戟卷，入面仲有吉士、忌廉。班戟外皮煙韌唔似平時食到果種，每件班戟卷都有兩種水果。呢件切開就有士多啤梨、香蕉。鐵板白布朗尼配朱古力蛋糕 $48上碟時店員會淋上焦糖/拖肥口味嘅熱漿。朱古力味雪糕算濃，白布朗尼質感比平常食到嘅布朗尼無甘紮實，口感比較似蛋糕。埋單300幾，兩個晚餐、兩杯特飲加兩款甜品，整體來說都係青衣城內幾好嘅選擇。

母親節剛過去，延續Holiday Mood，繼續放媽媽假！一於出街食飯，等媽媽煮少日飯抖返下！ 近近地去青衣城尋食，我地選擇左裝修充滿住海洋色彩嘅CAFE-THE STORY!之前剛開業，跟Cherry契媽來過吃TEA，野食都幾多選擇，晚餐就第一次試啦！原來近期換左MENU，新推出了鐵板系列，我地當然試下新野啦！叫左兩個鐵板餐，包湯，餐前麵包同埋飲品。 麵包熱辣辣，好軟熟！忌廉湯就普普通通。 跟餐叫嘅凍咖啡，自已落糖水同奶，自已口味自已調較。 我就叫左呢杯 "清丘"，其實即係日式嘅綠茶紅豆鮮奶，紅豆略厭少左Ｄ，但綠茶鮮奶味道唔算甜，整體上OK。 主角出場啦！我呢個叫做 "鐵板美國黑毛豬"，好味道呀！佢煎到個外皮有Ｄ脆，裡面Ｄ肉一Ｄ都唔鞋口，就算凍左肉質仍舊保持到水準，食落仲好有豬味！配菜有我喜愛的翠玉瓜，咬落好多汁，Balance返D油膩感。 另外Order了這個，叫做 "鐵板紐西蘭牛肉眼扒"，比較之下，呢個就失色左Ｄ啦！感覺佢唔係好入味，好彩配左黑椒汁姐！扒SIZE都可以接受! 最後不得不提下呢個甜品 - "鐵板布朗尼配雲尼拿雪糕"，超得呀！布朗尼確實有Ｄ甜，不喜愛嗜甜嘅朋

朕之前都黎過呢間Cafe食Tea，仲記得朕食左過藍色的漢堡！今次隨從提議黎食Dinner，朕又睇下今次又有咩好野食先！一坐低，店小二就俾個餐牌朕睇，套餐都只不過係幾十蚊有交易，有Main有包有湯有野飲，睇落真係幾底食，等朕叫番過咖喱牛肉温泉蛋芝士鐵板焗飯，日式鰻魚鐵鍋炒飯，棉花糖曲奇朱古力同埋草莓雲尼拿鮮忌廉班㦸做甜品先！是日餐湯－蘑菇湯，飲落有粒粒既蘑菇口感，個湯都算濃，不錯，配埋熱辣辣又香既餐包，真係開胃之選！而主菜就有咖喱牛肉温泉蛋芝士鐵板焗飯同埋日式鰻魚鐵鍋炒飯，個咖喱牛肉温泉蛋芝士鐵板焗飯，咖喱味適中，牛肉夠腍身，仲有隻温泉蛋被香濃既芝士蓋住，撈埋一齊食，既香濃，又軟滑！到朕大愛既日式鰻魚鐵鍋炒飯，鰻魚外脆肉嫩，炒飯亦夠乾身，加埋個日式燒汁香濃味美，因為鐵鍋既關係，仲有少少飯焦添！食完主菜，就緊係食甜品啦，朕就叫左草莓雲尼拿鮮忌廉班㦸，用班㦸包住草莓同埋雲尼拿雪糕，外層班㦸煙靭，加埋裡面軟滑既雲尼拿雪糕同埋鮮忌廉，外熱內凍，多重刺激！最後飲埋杯棉花糖曲奇朱古力，大滿足！－－－－－－完－－－－－－

朋友住青衣附近於是約左係青衣城食飯順便拎埋手信青衣城有好多餐廳見到呢間主要食鐵板(重點係價錢好平)另外仲有好多甜品選擇(睇圖個賣相都幾靚仔)於是我地就決定食呢間😊。。。。。。。。。。。。。。。。鐵板方面都有幾多選擇除左扒之外仲有焗飯添我地嗌左”鐵板紐西蘭牛肉眼扒”套餐都只係$78咋(套餐包括餐湯，餐包同餐飲 *可半價升級做特飲*)賣相不錯，份量都ok肉眼扒都算淋，但如果生啲會更好薯角好夠熱好夠脆👍🏻個汁都ok，唔會好咸。。。。。。。。。。。。。。。。另外仲嗌左all day breakfast 朋友好欣賞個🍅，話好好食其他配料都ok。。。。。。。。。。。。。。。。甜品嗌左窩夫同班㦸我地比較中意個窩夫窩夫表面微脆中間夾住吉士最有驚喜係個藍莓芝士雪糕😋

提早慶祝母親節，媽媽想吃點精緻又不太花費的西餐，決定帶媽媽一試青衣城開張不久的The Story Cafe and Bakery! 以海洋為主題的The Story，天花魚兒裝飾，配合藍調的裝潢，讓你尤如置身水底夢幻角度。The Story Cafe 以「鐵板」菜式為賣點，Fusion西日主菜，亦有all day breakfast，華麗的賣相，全部都很吸引呢~意外驚喜發在大商場Cafe價錢可以如此平民，晚市套餐的價錢竟可以由$50至上$90-HKD說好了是cafe，當然少不了甜點供應不一定來吃正餐，朋友們來個dessert time也可以啊~套餐包括是日餐湯(是粒粒甘筍湯呢) 、餐包和飲品飲品可以半價升級特飲，士多啤梨乳酪特飲，輕甜，士多啤梨味濃，好飲! 黃金三文魚鐵鍋炒飯 $65(套餐價)切成粒粒的三文魚炒飯，配上雜菜粒粒和硬身米飯炒製，健康之選咖哩牛肉溫泉蛋芝士鐵鍋焗飯 $65(套餐價)主廚Ricky CHEUNG推介，充滿芝香的咖哩牛肉飯，牛肉肉質鮮軟，菜式配搭惹味吸引鐵板紐西蘭牛肉眼扒 $78(套餐價)鐵板牛肉眼扒，大大塊嫩肉牛扒，滿足牛控的要求鐵板布朗尼配雲呢拿雪糕 $52

之前經過見到裝修幾靚，一直都想試今日終於同男朋友黎試啦，一行到去見無人帶位又有部拎飛嘅機，就禁左張飛諗住等人黎帶位點知呢頭禁完，個頭就有兩個人直接行入去同侍應講兩位就直接入座... 個下心諗咁我拎位黎做乜之後男朋友同侍應講我地拎左飛架個侍應就即刻話諗住安排我地坐第二度但其實可以先處理拎左飛嘅人先，如果唔係真係唔知拎黎做乜之後食野嘅心情已經差左好多揀左一輪就叫左兩個牛扒嘅set加兩杯檸檬茶餐包微暖，味道普通呢碗湯冇乜味 唔知自己飲緊乜呢個牛扒肉質都幾un又偏乾，薯角又太咸最好食都係粟米同翠肉瓜....另外想講嘅係，呢度啲上菜速度都幾慢.. 明明兩個一樣嘅餐同檸檬茶... 佢係黎左一杯檸檬茶，再黎一個牛扒，我食左大半先黎另一份牛扒... 再催佢先黎埋另一杯檸檬茶..係呢一刻... 我已經唔想再黎呢度食野

青衣城裡面很多都係連鎖食肆，見到這間Cafe裝潢高貴精緻，環境舒適便決定一嚐！見到大家都食鐵板，好開心，因為可以Keep到熱辣辣食整頓飯！我們點了一個鐵板紐西蘭牛肉眼扒及韓風泡菜唐揚炸雞芝士鐵板焗飯。很快便上了餐湯及餐包，餐湯是玉米忌廉湯，幾顆玉米，很淡味，欠缺誠意！鐵板紐西蘭牛肉眼扒：賣相吸引，可是肉眼扒太熟了，很難切開，太韌，要咀嚼很久。蒜汁沒有蒜味，咸味亦欠奉。薯角反而太咸。韓風泡菜唐揚炸雞芝士鐵板焗飯：大家看看相片也知道，沒有芝士的！難度芝士釀在炸雞內？當然沒有啦！炸雞十分乾身，不好吃的！另外，店員不斷問我們盤子可否收回，其實我們還未吃完？是催促我們離開或是廚房不夠碟用呢？

店舖環境以海洋為主題，藍色主色調加上不少海洋元素的裝飾，令人感覺很休閒舒服。但口味這部分則見仁見智。這次點了兩份套餐，均附有是日餐湯及牛油餐包。日式鰻魚鐵鍋炒飯較為香和入味，口感不過不失，沒有什麼特別。而黃金三文魚鐵鍋炒飯則口感更為一般，三文魚粒偏咸，但幸好有粟米粒的甜味中和一下，而飯中加入太多薑粒，差不多每口都吃到，後期都忍不住逐粒挑出來。是日餐湯為甘荀湯，夠香滑濃味，算是為這餐食物當中味道最好的。飲品方面，選了蜜桃檸檬冰茶及熱蜜桃烏龍茶。兩杯都很香蜜桃味，但味道卻令人失望。前者蜜桃的甜味不夠。店員貼心建議後者可以焗久一點，因此都留到最後才品嚐。但失望是一點蜜桃味也嚐不到，只有烏龍茶的茶味。雖然食物不如預期所想，但不得不稱讚店員的工作態度。上菜的速度很快，所有店員都很有禮貌，有些遞上飲品時更會提供貼心建議。整個進餐過程都令人感到舒服。－－－－－🔼日式鰻魚鐵鍋炒飯套餐 $68 (附是日餐湯及餐包)🔼黃金三文魚鐵鍋炒飯套餐 $65 (附是日餐湯及餐包)🔼蜜桃檸檬冰茶 $14 半價升級價🔼熱蜜桃烏龍茶 $20 加配價✔套餐飲品可半價升級特色飲品 或 加$20轉配$40以下飲品