The Stadium (已結業)

同事即興約lunch 吹水，想食西餐，記得之前幫襯過，地方又好坐，就上來。可能現在附近多咗lunch 選擇，冇初初開檔咁坐爆，lunch 時間都冇坐滿。Set lunch 仍然有8個選擇，友人點了蜆肉天使麵: 感覺 fresh, 有賣相，而且蜆肉頗多。又想食薯條，叫一客share. 熱喇脆口，面頭芝士粉惹味。我點了烤猪鞍，分量ok，有沙律及薯菜塾底。但個人覺得偏咸。餐飲來個凍檬茶，睇隻杯就知係美式餐廳style。快閃短聚，坐得舒服，又可以靜靜地次吹水。但食物質素似乎弱咗，希望下次有改善。

官塘附近嘅西餐廳而家嘅選擇真係越嚟越少，所以話想搵一間特別啲嘅西餐廳呢，真係要係官網的話呢就有啲時間玩，搵下搵下就去到工廠區入邊嘅街道，附近有間麥當勞關係所以人流都非常多，上到去the wave，商場之後就見到這間餐廳，餐廳有露臺嘅座位，姨丈室內方面空間非常之大，能夠容納很多人，而且氣氛非常之好有美國嘅色彩，所以坐得非常之舒服，食物方面選擇又多，有很多唔同嘅款式比你揀，味道方面又幾好飲品方面又不錯可以識下朋友嚟玩

觀塘從前給予人工廠區的印象，但今天不少廠廈已翻新為形格大樓，其中之一就是The Wave。The Stadium 在The Wave四樓，有別於一般西餐廳，內裡有不少玩樂設施，如飛鏢機、桌球等。露台也放了幾張枱，今次與友人選了露台的坐位。Lunch set 有七款，我選了Avocado沙律配烤雞，飲品選了Rosemary lemonade。沙律的mix和honey mustard配搭不錯，烤雞很juicy不會乾，更驚喜是七彩的Rosemary lemonade，加上這環境真的很chill。可以在上班時來take a break的確不錯！

朋友生日時不在港，單獨補慶祝返佢生日，佢揀咗食西餐，但諗唔到去邊到食，就問咗同事意見，同事就推介咗叫我試吓The Stadium，於是就同朋友提議去The Stadium到試吓，咁我就負責訂枱。上到去第一個感覺就好似我去美國時入到去餐廳嘅Feel，先有一張桌上足球機，再行到吧枱前有兩張波枱，而且整體感覺好寬敞舒適。因為得兩個人，所以都唔敢叫太多款式嘅食物，但又有好多野都想試，所以點咗一個特式炸拼盤，另外見到個Set dinner menu 有個手撕豬肉芝士牛肉漢堡，感覺幾特別，就點埋呢樣。先上咗Set dinner個餐湯，係南瓜蓉薯仔湯，個湯好香南瓜味，而且薯仔蓉明顯不是用薯仔粉去煮，Yummy之後上個特式炸拼盤，好豐富嘅感覺拼盤嘅食物包括洋蔥圈、炸藍芝士條、水牛雞翼、麥樂雞、麥樂粟米等等，除咗洋蔥圈（我唔食洋蔥）之外，樣樣都好味，送啤酒慢慢嘆，真係坐個幾兩個鍾慢慢食都得，另外個水牛雞翼辣辣地好惹味。到個手撕豬肉芝士牛肉漢堡包，手撕雞就成日都聽到而且成日食，但手撕豬肉其實係第一次食，個漢堡包對於我地兩個人黎講都幾巨型，除咗豬肉、牛肉之外，另外仲有粟米片，好豐富，而且手撕豬肉味道好好味漢

想試呢間餐廳好耐，見到openrice評分好高～好彩有訂位，一黎到門口已經見到有人等位。一入到去，好大下，裝修好特別，係運動主題餐廳。今次我同男朋友兩個黎食，但見到呢到好多都係一班人黎，我地坐左係一班人男人隔離，成餐飯都好嘈😅我地叫左個香菇手搓粉，意粉口感煙韌，加左黑松露、幾香。安格斯和牛漢堡，拼薯條，漢堡好豐富，有芝士、蕃茄、煙肉、沙津醬、佢仲有個蛋黃醬比你加，好食～但薯條比較乾身。黑毛豬，整得好嫩滑👍🏻但我個人唔鍾意個蕃茄汁仲叫左個黑松露薯條，因為唔知漢堡餐已經有薯條😅所以食唔哂，勁飽！兩個人叫左咁多野都係5百蚊左右，好抵食，份量好多，好啱一班人黎食。

悠閒的週日，在觀塘的The Stadium吃午飯。以體育為主題的餐廳，設有桌球檯，不過當刻被蓋住了；也有大電視，看來可以播放球賽喲。午市套餐的選擇如下：包一杯餐飲，亦可加錢改要咖啡或朱古力。餐湯或沙律，需額外加15元。餐湯是忌廉白豆湯，好有口感，白豆煮到幾乎被溶掉，不會有一粒粒食得到，而令整個湯變得濃稠。主菜是香醃三文魚沙律，上菜的時候，看到橙色的一碟，視覺的衝擊還真的不少；對沙律的既有概念是青綠色為主。這沙律特點在於三文魚醃於包含gin、香橙、蒔蘿、茴香、杜松子的檸檬油中，除了三文魚，沙律還有紅蘿蔔片、車厘茄及柑橘片，於是整個沙律形成了一片鮮橙色，可以說是為沙律訂立一個新的詮釋。味道挺特別的沒有一般沙律菜濃厚的青草味，甜甜酸酸，旁邊還附有酸乳酪，吃起來零舍開胃。餐飲是少冰的rosemary lemonade。一邊戳檸檬，一邊有氣湧出喲。飲管用上紙飲管，有夠環保。

之前第一光顧lunch, 今天約了家人一行9人品嚐晚餐，預約了，可留枱15分鐘，我們早到了也可進裏面坐住等座位寬敞，不壓迫，小孩也可以安排坐BB high chair , 無論朋友食飯或家庭聚會也是很好選擇！4色芝士Pizza (set dinner) 份量很大，必須share😋, 即焗薄批底，全部cheese 🧀正！茄汁肉丸意粉， 肉丸非常大粒，彈牙，配茄汁意粉好夾，又係大大碟凱薩沙律，生菜份量多！新鮮，麵包粒大大粒，配埋溫泉蛋👍🏻👍🏻非常推薦Burger🍔新鮮整，麵包有焊熱，漢堡排juicy 有蕃茄煙肉，傳統美式漢堡，讚一讚burger已預先cut half 方便share點少得order fish and chips不5大條，魚肉夠厚身，味道略淡，而且炸粉漿開得不夠好，外面粉漿很厚，失望薯仔好彩冇另外叫，都食唔哂夏威夷pizza，即焗冇得輸，可惜太飽已經食唔哂coke $38Orange juice $38

由於喺呢個網上見到呢間鋪頭喺荃灣區可以話係榜首 就同朋友嚟呢度試吓一入到覺得呢度環境非常之開揚 場地非常大 黎到嗰日亦都差唔多滿座咁滯 平時應該都好多打工一族嚟呢度食晚飯 咁啱撞正果一日係七人欖球直播日 氣氛非常之好今次嚟到就叫左一個安格斯牛肉漢堡試吓 但係味道就有啲失望啦 漢堡非常快嚟到所以有啲懷疑佢並唔係即刻做 漢堡包個包食落去有啲似嘉頓漢堡 令人有啲懷疑值唔值呢個價錢牛肉食落去亦都同麥當勞食嘅差唔多並唔係特別juicy 芝士食落去不過係片裝芝士。。。 黎到嘅時候仲要未溶 完全冇咗食漢堡包望住塊芝士溶嘅精髓🥺整體來講覺得呢個安格斯牛肉漢堡一般由於朋友想食多少少嘅肉類補充下蛋白質於是就叫左原隻燒春雞$158呢個價錢食落其實都唔算貴 嚟到嘅時候雞嘅份量都幾大隻都夠兩三個人食 但係食落去雞嘅部份大概有一半係滑一半粗 價錢來講呢個都算係抵食但係質素就一般般整體來講其實呢間鋪頭性價比都算高食物都大份環境幾好服務唔錯同朋友喺度睇波飲酒都幾適合 最緊要係呢度有戶外飲酒環境同埋有個大電視俾大家睇波傾計 但係講到食物嘅質素就只係一般般啦比較適合聚會而唔係注重食物嘅你

星期六晚出動係觀塘搵美食。上左呢間好有特色、以運動為主題既餐廳。但我地太為食，淨係掛住食，無玩到佢既設施😅我地兩個人，點左一個set dinner 同兩道菜，每款都好味，而且份量好大份，我地最後係食唔哂，要打包返屋企😂第一道菜係The Stadium Combo，有6款不同炸物，包括炸洋蔥圈、炸魷魚圈，炸水牛芝士條、雞翼、炸雞塊、炸粟米，中間有份細沙律，配有四款醬汁，紅色個隻醬係辣辣地甜甜地既hot sauce, 白色個三款係田園沙律醬，tartare sauce同blue cheese dressing。 各款炸物都好出色，又脆又香，我自己就最鍾意配hot sauce 食，好野味😋第二道係 Chicken & Mushroom Tagliatelle 。雞應該係雞胸肉整的，夠健康。 而寬條面就好creamy. Dinner Set 我地叫左 Casanova Burger. 中間塊牛好厚好厚，食落好多汁流出🤤仲有好脆既薯條加個hot sauce. set dinner 的沙律環境方面，有點逼，每張枱既距離好細，所以可以聽到隔離講咩，私隱不高。

女朋友想黎左好耐，終於有幸試下。 一入到黎個waitress好無禮貌咁話二人枱無位，有排都唔會有位。 叫我坐吧台。咁我地去到吧枱，我叫佢俾張凳我擺袋，俾個(鄉音)Waitress reject , 話無位擺。我就嘈左聲話走。佢聽到後又改口話擺到。amazing 咁我又算啦，女友話想係度食個黑毛豬(好多blog 都介紹)。個黑毛豬到左，樣係靚仔既。但擺到落口，又乾又鞋。咁佢一個餐都只係兩百蚊，我又一次話算啦。之後，我一路食一路睇電視(有NBA) 。無留意我左邊有個男 Waiter 要上雞亦，佢“喝”我囉。乜野事呀。俾錢買難受囉。 唔想做我地生意咪講囉，幾咁閒。 我地兩個人唔巴閉，食得五百蚊。 但依家食到成肚火。平時懶到淨係post 相既我依家打千字文就知我真係好嬲。PS. 我女友話 "D 雞翼都係鞋架。。。"

這天我約了朋友外出午膳，經過網上的推薦，我們決定來到這間美國菜餐廳試一試，店內環境寬敞，餐牌上的選擇很多，雖然是下午茶的時間，但不斷有新客入座，證明食物的質素應該相當不錯，餐廳還會播著一些流行的英文歌，有不同種類的體育賽事播放，有桌球，足球和籃球，提供飛鏢和打桌球供客人玩樂，娛樂性十分豐富安格斯牛肉漢堡($128)用新鮮薯仔製成的薯條十分新鮮，爽口微彈的沙律菜，芝士和安格斯牛肉融合在一起，十分香稔軟嫩，軟綿綿的漢堡，軟彈煙韌的煙肉，爽口新鮮的生菜，鮮甜的番茄，配料非常多，配上酸酸甜甜的茄汁，清新的沙津醬，整體份量非常多，十分抵食烤肉眼牛扒($138)格紋焦痕的肉眼牛扒十分香稔軟嫩，質素很高，爽口清甜的沙津菜，富有水份的番茄，配上清甜的燒汁，這個價錢可以接受整體來說，食物的質素很高，食物的選擇很多，食物的份量十分多，食物的用料非常新鮮，食物的賣相很吸引，食物的定價可以接受，客人可以選擇户外或户內的地方進餐，而店員亦有良好的服務態度和有禮貌，店內的員工十分多，證明老闆注重服務的質素，最後我認為這間餐廳是值得再去惠顧

The Stadium有兩間分店， 今天和家人來到官塘店食午餐。 搭電梯上4樓, 一打開門先知道全層都 係The Stadium，面積相當大，好似半個運動場一樣。美式餐廳經營方式，餐廳添加強大運動元素, 設有各式設施供客人玩樂 ，空間感十足,球季時一班FRIEND 來睇波或一家大細來開餐都好爽。 無論Lunch， Happy Hour 或 Dinner 都好正! 我地差不多成兩點先入坐，但估唔到星期日都有九成滿坐, 利害! Set Lunch 價錢由 $95 - $138, 以官塘區而言, 絕非貼地價， 套餐不包餐湯/沙律(+$15)、基本上只有主菜和基本飲品。 之前去過銅鑼灣分店，知道食物份量頗大， 所以我們四人點了三份午餐SHARE 食。 是日餐湯只有一款    質感適中，味道和薯仔湯好似, 煲到起沙，也有小許豆衣，很獨特，幾好味。 先上枱的主菜 $108 令我幾大開眼界的泌沙律是100%  用上紅蘿蔔刨成闊條，另外還有橙肉、車尼茄、三文魚等,  再配上味道獨特的沙律汁，沙律汁以檸檬酸味為主導,清新而討好，所有元素也盡是健康、飽肚。                        

星期日出去食野真係好驚多人，仲要係觀塘有時都怕煩，一係坐唔耐一係好嘈，傾下計都有壓迫感，呢間the stadium好在夠大夠闊，可以好悠閒咁同朋友吹下水聚下咁，同埋間餐廳又可以篤下波睇下波係幾岩幾個男仔過黎坐下。

Lunch唔算太抵食🤔個餐湯要extra加$15..開頭以為本身有一個湯 再追加先要比錢 原來唔係😥最funny係個雞肉意粉完全無expect佢係spicy..有d似東陰功 仲食到d羅勒味😂個名無提會係呢種醬醬 仲以為會係白汁底 唔岩我口味！

趁下午有空，約同事們在觀塘食晏。同事極力推介The Stadium, 主打美式食品，一於試試。The Stadium 地方頗大，環境不錯，室內裝修充滿美式格調，另設有露台，及有電視直播體育節目，相信晚上更適合朋友們來這裏睇波、傾計及飲酒。睇完餐牌，自己叫了安格斯和牛漢堡，同事們叫了炸魚薯條、芝士白汁雞肉意粉及公司三文治，另加叫了蘑菇湯。飲品叫了 Rosemary Lemonade。安格斯牛肉漢堡份量非常大，side dish 有沙律菜及薯條。漢堡牛肉味道不錯，充滿肉汁，另有煙肉及芝士，但因份量非常大，結果自己吃不完。同事們叫的炸魚薯條、意粉及公司三文治份量亦頗大，聽他們說味道不俗。相信如果下次再來，四人可叫三個午餐，相信亦足夠。總括來說，這午餐份量多，價錢可接受，再加上環境不俗，可以再光臨。