影片
電話號碼
27702702
開飯介紹
此分店融入藝術元素，由塗鴉藝術家設計特色繪畫；菜式主要以豬的不同部位為題，供應英式及歐陸式菜系，並配合新鮮的當造食材及不同烹調方式處理。另外也有雞、牛、羊和海鮮選擇。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
優惠
相關文章
今次去咗🚇九龍灣 MegaBox 嘅「The Salted Pig」，🐖呢度地方好大好開揚，感覺好休閒😊。佢哋啲野食質素十分唔錯👍，加上佢哋由中午12點至下午6點都係 happy hour 時段😆，真係好啱放工過嚟飲杯嘢🍻再食埋晚餐。呢度嘅飲品🥂款式十分之豐富，仲有多款特色 mocktails。🍸Vodka Punch 入面有伏特加、🍊橙汁、🍍菠蘿汁同熱情果，🍹飲落好 refreshing，酸甜平衡得啱啱好，🤤十分開胃！太平洋蟹餅外皮🔥炸得金黃酥脆，入面嘅🦀蟹肉比例十分之高，而且蟹肉👏好鮮甜，真係好食到停唔到口！慢煮脆皮🐖豬腩絕對係呢度必食嘅菜式之一👍，豬腩肉煮得好淋，😍皮脆肉嫩，入口即化！配埋🥔薯仔沙律、烤甜薯🍠同香辣醋汁，味道層次豐富，😋真係令人回味無窮！加配嘅🥓煙肉芝士焗通心粉🥰亦都十分之令我有驚喜，🧀芝士味極之濃郁，煙肉嘅鹹香同🤤通心粉嘅口感完美結合，🤩食落好滿足！
繼續閱讀
🧩熊妹獨愛九龍灣，因為有好多野行好多野食。就到聖誕🎄，今日同瑪姬皇后來九龍灣閒逛一下買聖誕禮物🎁俾皇子們。📌緊係食飽先有氣力行街喇🛒！來到「MegaBox」九樓以上都係食肆層，發現11樓有《The Salted Pig》，實不相瞞，熊妹聽過呢間餐廳好耐但都未食過，今日終於有機會一試。📌環境好大，佔據11樓一大個角落部位，兩邊大廳，一邊卡位梳化位🛋️，一邊大廳梳化長枱位，同多人大枱，以墨綠色配啡色木系格調，感覺時尚得來又好柔和，仲要有隻綠色大豬🐖放喺大廳坐陣，咁大隻生招牌行過都會望多兩眼👀。📌五點黎到仲趕得切有下午茶，下午茶有豬肋骨🍖、漢堡包🍔、三文治🥪、意粉🍝等等，通通都係$78包一杯嘢飲，另外仲可以加$20追加小食，咁大規模嘅餐廳，呢個價錢嘅下午茶真係好抵食！醬燒豬肋骨，$78下午茶份量的豬肋骨有兩條，岩哂二人份量！豬肋骨佈滿燒汁醬料，焗到好軟腍又冇肥膏位，醬料味非常濃郁，熊妹同埋皇后都認為焗嘅火候🔥啱啱好！伴碟仲有一大堆沙律菜🥗同埋脆薯條🍟，沙律菜伴有沙律醋汁，酸酸甜甜好新鮮，脆薯條炸到放涼咗都仲係好脆口，唔錯！手撕燒烤豬肉三文治，$78好有驚喜喎！三文治包本身塗上牛油再煎烤🍞，食落充滿油脂好香口，手撕豬肉撈上燒烤醬汁，味道偏甜，啖啖肉，口感十足，係令人食上癮的食物！可以再encore👅!伴碟依然有薯條同沙律，成份下午茶大大份堅係大件好味夾抵食！酥脆魷魚圈，跟餐價，加$20有五大粒，酥脆炸炸皮有厚度，灑上調味粉，魷魚圈煙韌有咬口，小食份量好抵食！秘製香料脆雞翼，跟餐價，加$20雞翼有兩件大大隻，外表炸到好脆口，加上秘製香料，味道好特別惹味，絕對可以再追加一份！牛油果香芒大蝦沙律、車厘茄、甜蜜沙律汁，$168除了下午茶，單點食物都有好多選擇。熊妹一餐點都要有啲菜纖維清理一下腸胃。沙律款式都有三款，瑪姬皇后話想試下呢款甜辣汁，好似幾特別。好大兜沙律，每根沙律菜葉都沾滿甜辣汁，好夠味道，大蝦有4、5隻🍤，配料的芒果🥭同牛油果🥑好足料又新鮮，所有材料混合一齊食加埋甜辣味道🌶️，口感好豐富，係味蕾大享受！朱古力心太軟、雲呢拿雪糕，$98飯後梗係要跟甜品啦！朱古力心太軟做得都幾出色！外面蛋糕層帶點脆，內裡的黑朱古力漿澎湃湧出🍫，味道唔太甜，香濃朱古力味真係甜在心頭，仲有一球雲呢拿雪糕同忌廉，冰火交融的感覺就係心太軟的美味😋！熱咖啡凍檸茶📌就嚟到普天同慶嘅日子，當然會推出節慶餐牌啦！$328一位，包頭盤、主菜同埋甜品，會做到去農曆新年，節日咁開心緊係要賀一賀去！📌唔想食dinner set，仲有好多單點食物，前菜小食、主菜、漢堡包、意粉、豬手、牛扒、炸魚薯條、甜品等等，西餐黎講都幾多款色，環境大，裝潢光鮮💡，絕對適合多人聚餐🥳！
繼續閱讀
呢間專門食豬🐷嘅餐廳喺MegaBox戲院隔離，環境好寬敞卡位同卡位之間嘅隔板夠晒高，坐得好舒服，又有私隱度👍🏻 - 太平洋蟹餅 (配青檸蒜香蛋黃醬）：$165一碟有兩大件蟹餅，面頭炸到脆卜卜😋入面有滿滿嘅蟹肉絲，配埋少少洋蔥粒，唔會死實不過可能蟹肉嘅鮮味太出啦，搶晒個青檸蒜香蛋黃醬嘅味 - 慢煮醬燒豬肋骨 （配椰菜沙律、粟米、薯條）：$288嚟到呢間專食豬肉嘅餐廳，點可以唔叫豬肉？🐷🐖而呢個豬肋骨好好味，店員一早有同我哋講，因為呢度啲豬肉係靚豬，所以大約只有八至九成熟，切開中間會有少少粉紅色但正正因為唔會過熟，所以肉質好鮮嫩☺️豬肋骨好容易切開，但啲肉又唔會太乾或者霉晒👍🏻 - 牛油帶子番紅花意大利飯： $188呢個Risotto嘅飯好有咬口，而且個汁好香cream同牛油味🤤略嫌帶子煎得有啲過熟，有少少韌不過帶子好大粒，仲要有成四粒咁多👏🏻 - Prosecco：$68呢間餐廳唔止有嘢食，仲有酒飲，六點前係佢哋嘅happy hour時段，不過我哋就Miss咗啦不過就算冇happy hour，價錢都合理 - Minty Grape：$62唔想飲酒都有好多mocktail嘅選擇，呢杯嘢飲有薄荷葉同埋青提，紅清新😎 味道：🤤🤤🤤🤤🤤/5性價比：🤤🤤🤤🤤🤤/5
繼續閱讀
接老公收工Megabox睇戲，近近哋先喺隔離既The Salted Pig開餐！ 🐽BBQ 豬肋骨 $288 份量震撼，有8條骨成隻碟咁長， 肋排厚肉，超滿足，輕輕一切離骨，肉質軟嫩。 微辣帶甜嘅 BBQ 醬燒到入味，惹味得嚟唔膩口，仲帶點焦香～ 粗薯條炸到金黃脆身，放涼咗都仲脆！仲有清甜燒粟米、椰菜沙律，真心抵食！🍗脆辣雞柳條、甜辣蛋黃醬外皮香脆，雞肉juicy唔乾身。 甜辣蛋黃醬，甜中帶微辛，又香又開胃。😸香煎雞肉貓耳朵粉貓耳朵粉厚身有咬口，掛滿忌廉青醬，羅勒香味溫和平衡，拌勻芝士碎好惹味，雞胸肉煎得嫩滑！
繼續閱讀
九龍灣返工嘅朋友有福啦！MegaBox 11樓呢間名唔改嘅「鹹豬仔」餐廳，簡直係食肉獸秘密基地。晚市$198三道菜套餐，仲膽粗粗加咗隻傳說中嘅「1KG德國鹹豬手」，兩個人食到捧住肚皮走🤭.🍲頭盤：法式洋蔥湯一上枱焦糖洋蔥甜香攻鼻，面頭層芝士厚到要用叉「鋸」開！浸滿牛肉湯嘅法包索盡精華，飲完暖笠笠😍.🐟主菜：松露比目魚 香煎比目魚柳顛覆想像！魚皮脆過薯片，肉質滑溜到夾唔起🥢 松露奶油醬撞榛子嘅組合好鬼馬，羽衣甘藍同鷹嘴豆做配角夠晒健康。薯蓉綿密☁️ 驚喜位係車厘茄爆汁解膩，fine dining feel即刻出晒嚟～.🍖加碼：1KG德國鹹豬手 巨型豬手上台，全場目光秒殺我哋枱！金黃脆皮好似盔甲咁威猛，刀叉一掂「咔嚓」聲✨ 秘訣係㨂髀位食，肥瘦層次好分明！酸菜夠道地，芥末籽忌廉汁仲有粒粒籽咬口，夾住烤薯仔同蘿蔔食，罪惡感？食完先算啦！🤭.🦐追加：西班牙香辣蒜片蝦、辣肉腸配多士蝦夠晒大隻，爽口彈牙，配埋臘肉腸，同埋啲汁放喺多士上一齊食，好惹味🍨甜品：吉拿棒配雪糕 - 冷熱交鋒** 肉桂香撞凍冰冰雲呢拿雪糕，冰火二重奏大滿足🍦.📢溫馨提示：豬手要等30分鐘⏳ 建議一坐低就柯打！Set dinner主菜仲有牛扒/豬肋骨揀～
繼續閱讀