The Point - Pizza & Pasta (青衣城) (已結業)

今日我地去完迪士尼，近近地去了青衣城搵食。我地去左the point 食晚飯。餐廳主打pizza 和意粉，款式多元化，除了單點，還有二人套餐和四人套餐，價錢合理。Antipasto platter($152)賣相吸引，砌成一朵朵小花的意大利風乾火腿，風乾火腿非常鹹香，非常適合作為餐前小食。香蒜辣椒白酒大蜆扁意粉（$138）一上枱，香氣撲鼻，大蜆大大隻，處理得好好，沒有沙，而且蜆肉飽滿新鮮，意粉火喉剛剛好，軟硬適中，加了好多蒜片，蒜味香濃，微微辣，味道調節得剛剛好。Hazelnut chocolate ($48)朱古力味道濃郁，甜度適中

今日到青衣城逛街，差不多到晚飯時間 ，我們便在商場內四處找好東西吃。看見這間餐廳座位舒適，餐牌的食物也頗吸引，所以便決定入內光顧 。喜出望外的是看見餐牌上有一個三百多元的二人套餐，食物也頗吸引，我們便點了一個煙三文魚蘆筍刁草忌廉汁天使麵，和一個酥炸軟殼蟹蝦肉櫻花蝦明太子醬pizza。套餐還可選湯或前菜，我們選了兩個龍蝦湯，以及兩杯熱飲。先說說天使麵，很久沒吃西餐了，這個天使麵 醬汁極香濃，配上煙三文魚及露筍 ，可謂水準之上，沒有令我們失望，天使麵不會太硬，也不會太軟，軟硬度剛剛好，非常不錯呢！ 至於個pizza， 由於有明太子醬，所以覺得份外特別， 在pizza上配上一件炸得脆脆的軟殼蟹，pizza內則有蝦肉 ，不是一般的pizza店可吃到。 吃完主菜後，我們仍意猶未盡， 叫了一個甜品，雲呢拿雪糕上灑上朱古力粉 ，加四片鋪上焦糖烤過嘅暖暖的香蕉，與冷冰冰的雪糕形成一個強烈對比，再加上美味的朱古力布朗尼餅， 真的令人吃得津津有味。 總括而言，每人200多元，有餐湯，有主菜，有熱飲，有甜品，最重要是味道不錯，性價比極高呢！

朋友生日，今天特別約她到青衣城的ThePoint吃晚餐來慶祝。以前試過如心廣場的分店，覺得相當不錯，看看青衣城這間又如何。一樣是地方寬敞，環境潔淨，坐得非常舒適。看過餐牌後，很自然地點了二人套餐，套餐可以自由組合，隨意添加。頭盤：龍蝦湯，濃味，而且有粒粒龍蝦肉。意粉：煙三文魚蘆筍刁草忌廉汁天使麵，三文魚造成花朵形狀，忌廉香濃，麵條爽口，非常美味。PIZZA：酥炸軟殼蟹、蝦肉、櫻花蝦、明太子醬披薩，+$18的酥炸軟殼蟹，脆卜卜，口感非常好。PIZZA 海鮮味濃郁，餅底又煙靭可口。甜品：雪榚Brownie+$68，雪糕表層灑上朱古力粉，下面是朱古力Brownie，其中混有合桃等果仁，非常好味，還有甜甜的香蕉伴碟，朋友很滿意這個甜品。最後還有兩杯跟餐半價飲品。在舒適的環境下，我們就完成了一頓滿足的晚餐。

去青衣城行街見到一間有Pizza食嘅西餐廳🍴，見到lunch set 價錢都好抵走入去試吓。#石板美國牛肩扒配炸薯條呢款嘅石包左前菜、主菜同埋甜品。前菜另外加錢（$12）要咗煙三文魚，有三大塊。呢塊扒有200g，切開爆多肉汁，肉呈現粉嫩顏色，好好食。炸薯條係有少少黑松露，幼身薯條。最後甜品就要左是日甜品，係三粒泡芙，仲加咗啲可可粉喺面。#明太子軟殼蟹pizza 呢款只有11吋，有一隻嘅軟殼蟹，Pizza係酥皮質地，明太子味真係好正，切開有8件，仲有啲拉絲嘅質地。#龍蝦芝士焗通粉呢款有好多嘅龍蝦肉，芝士做到拉絲嘅效果，好滿足，佢仲有一個龍蝦鉗，鍾意食龍蝦嘅一定要試吓。飲品方面叫咗一支手工啤同埋一杯Rose嘅Cocktail。啤酒花龍眼蜜蜂蜜酒好易入口，飲落係甜啲，Rose嘅Cocktail佢仲有一粒嘅荔枝肉喺杯入邊。

去青衣城行街見到一間有Pizza食嘅西餐廳🍴，見到lunch set 價錢都好抵走入去試吓。#石板美國牛肩扒配炸薯條呢款嘅石包左前菜、主菜同埋甜品。前菜另外加錢（$12）要咗煙三文魚，有三大塊。呢塊扒有200g，切開爆多肉汁，肉呈現粉嫩顏色，好好食。炸薯條係有少少黑松露，幼身薯條。最後甜品就要左是日甜品，係三粒泡芙，仲加咗啲可可粉喺面。#明太子軟殼蟹pizza 呢款只有11吋，有一隻嘅軟殼蟹，Pizza係酥皮質地，明太子味真係好正，切開有8件，仲有啲拉絲嘅質地。#龍蝦芝士焗通粉呢款有好多嘅龍蝦肉，芝士做到拉絲嘅效果，好滿足，佢仲有一個龍蝦鉗，鍾意食龍蝦嘅一定要試吓。飲品方面叫咗一支手工啤同埋一杯Rose嘅Cocktail。啤酒花龍眼蜜蜂蜜酒好易入口，飲落係甜啲，Rose嘅Cocktail佢仲有一粒嘅荔枝肉喺杯入邊。

去到青衣城度度都要排隊，咁就簡間唔洗點排隊食物質素都ok既餐廳喇！Brownie in a pan $68雪糕上面有塊葉，遠睇好似個蘋果咁，真係相當得意。而且雪糕都唔會好快融，可以一啲就咁食一啲撈埋舊brownie食。Brownie亦都好香濃，有少少苦澀味唔會太漏，同啲雪糕、香蕉一齊食就好夾！Nutella Orange Pizza $78呢個pizza既雪糕反而好快溶（可能係冇左pan？）,所以要趁早食，但如果落多啲Nutella醬會惹味好多（餐牌有少少照騙），整體口感就係比較creamy既pizza！

呢餐 lunch 滿足到足夠回味兩日😋！踢走 Blue Monday，星期一去 The Point 食個 Executive Lunch Set😁！頭盤可以要湯或者沙律🥗。主菜豪一豪，加錢食［石板美國牛肩扒🥩配炸薯條🍟］，熱辣辣嘅石板上牛肩扒，睇住佢由生變熟，牛脂香氣四溢，色香味俱全😍！牛肩扒肉質柔嫩多汁，牛味濃郁🐮。無論配黑椒汁，或者簡單點粗鹽，都好味。兩個人，分享多一個［香茅豬頸肉、烤甜椒、茄子、 泰式紅咖哩醬披薩］🍕，可以自行決定加幾多泰式紅咖喱醬，少少酸辣，加添惹味😋。餅底脆薄帶少少韌性，口感很好，豬頸肉輕烤過，又香又爽嫩，配埋烤甜椒、茄子口感＆顏色都非常豐富🌈。Executive Lunch 梗係要嗌 邪惡甜品😈［朱古力布朗尼、烤香蕉、合桃、雲呢拿雪糕］，濃郁朱古力味嘅暖粒粒布朗尼＋凍冰冰雲呢拿雪糕，一熱一凍真係好過癮，食埋特別香甜嘅烤香蕉🍌，大滿足！

本來想食 Pizza Express, 因為唔想排隊，所以轉戰 The Point。打開餐牌，因為set lunch與單叫差不多，所以決定叫lunch set 。可能因為星期日，又剛剛開門 （1200), 一開始上枱嘅餐湯，及後嘅Pizza與燒雞，都不夠熱，告訴了職員，他們都友善地將Pizza返熱。惹菌湯味道恰到好處， 水牛芝士pizza 好好食，燒雞的肉很嫩滑，是日甜品係泡芙，雖然只有三粒，但是擺放得非常精美，也是一種驚喜，為配合精美的甜品，我們加錢叫了一杯咖啡，perfect ending ! 雖然只有1.5小時,因為餐廳不太多人，最後坐了兩小時。餐廳職員年青有為，親切友善！整體來說，環境優美，舒服，員工有活力，但食物一般，不夠熱 ！

因疫情關係，已兩年沒有約親友吃飯，中秋假期便一起來個午餐。餐廳以綠色佈置為主，讓人感覺清新舒暢，地方寬敞，環境清靜。食物方面＄148午市套餐最抵，頭盆有龍蝦湯，主食選了芝士龍蝦扁通粉， 甜品有泡芙及飲品，食物質素可算是色、香、味俱全，待應生服務態度良好，整體我們在The Point用膳非常滿意。這裏是良朋好友相聚的好地方，值得推薦。

無限加班過後 終於可以食返餐好啦約左媽子近近地青衣城開餐帶左佢去the point 食龍蝦套餐 套餐 有湯 有前菜 同埋意粉 $588超抵食先黎久違嘅龍蝦湯 鮮味十足 重要有粒粒蝦肉之後係 鮮蝦 牛油果 芒果 蕃茄他他 非常醒胃蘋果梳打好岩咁熱嘅天氣飲 爽跟住最期待嘅原隻波士頓龍蝦海鮮煲扁意粉上枱果然好大煲 除左龍蝦之外 重有青口 大蜆同魷魚鬚意粉用上蕃茄汁煮 啲汁掛晒係意粉上面酸酸甜甜好正 大蜆入口好嫩滑 而且鮮味十足 魷魚好彈牙 掛埋啲蕃汁 簡直一流至於主角龍蝦 新鮮到不得了 非常彈牙 又鮮甜成個海鮮煲簡直好味到停唔到口！

今日好想食龍蝦，於是問朋友邊道食龍蝦正？她介紹青衣城The Point 話唔錯，咁就約實晚餐見！餐廳坐位寬敞舒適，門口好大個招牌推介龍蝦餐，不用考慮就order這個餐。先上龍蝦湯，味濃郁仲有幾隻鮮蝦，湯身唔太浠，真係煮得剛剛好。跟住來個蕃茄莎莎，廚師將牛油果整碎墊底，茄蕃中間，芒果，大蝦放上面，口感層次分明，味道清新，餐前開胃菜一流。跟住係主菜，有Pizza同龍蝦海鮮扁意粉，二選一，我揀咗扁意粉，廚師先將扁意粉放底下，青口、蜆、魷魚、帶子及原隻波士頓龍蝦放上面，意粉吸收了所有海鮮精華，好味到不得了！海鮮鮮味十足，龍蝦爽口彈牙又Juicy，真係我的至愛。最後飲埋杯蘋果梳打。整餐飯都好好味；下次可以再來試埋個Pizza餐！

當日四位去食午餐當慶祝生日，嗌咗煙三文魚pizza、紅酒燴牛肉貝殼粉、雞肉意粉、黑松露薯條、仲有凱撒沙律配煙肉。嗰磨菇餐湯係冇咩味，要加黑椒先好返啲；煙三文魚pizza啲三文魚超腥；紅酒燴牛肉貝殼粉同雞肉雖然咸咗少少，但都幾好食；黑松露薯條係正路嘅；不過凱撒沙律啲煙肉碎超咸，而風乾嘅意大利火腿好大陣「蘇」味，唔加好過不過待應服務幾好，值得嘉許P.S. 雖然環境都ok，但背景音樂有啲大聲，傾計都唔係咁方便

鍾意食龍蝦嘅朋友有福喇🦞The Point出咗一個龍蝦二人套餐,套餐包括龍蝦湯、沙律、龍蝦海鮮意粉同飲品😍絕對不能錯過啊😛首先會上龍蝦湯🥣好濃嘅龍蝦味,好好飲,湯入面重有好多龍蝦肉添🦞之後就會上沙律🥗用咗一個透明杯上,賣相色彩繽紛,有紅色黃色同綠色🔴🟡🟢紅色係番茄莎莎🍅黃色係芒果🥭綠色就係牛油果🥑上面有鮮蝦🦐食落去酸酸甜甜好清新😋佢個主菜係原隻新鮮波士頓龍蝦海鮮煲配扁意粉🍝份量好多,兩個人食都好夠👍🏻龍蝦有兩隻重好大隻添,啖啖肉🤩除咗龍蝦,重會有藍青口、大蜆同魷魚🦑好豐富🤩至於意粉係蕃茄海鮮汁🍅幾濃味,同龍蝦好夾😛跟餐重會送埋青蘋果梳打🍏甜甜地幾好飲😛如果怕唔夠食,重可以加$98要一個北海道帶子鮮蝦pizza🍕加$48要朱古力布朗尼配烤香蕉、合桃、雲呢拿雪糕🍫

三母女自私食✨The Point ✨❤️LOBSTER SET DINNER FOR TWO❤️🌈龍蝦🦞湯龍蝦🦞湯好濃郁，加上龍蝦肉彈牙鮮甜，啖啖龍蝦滋味🌈🍏青蘋果梳打青蘋果 SYRUP 配上梳打水，味道酸酸甜甜夠哂開胃如果唔岩口味可以半價換餐牌上其他飲品🌈Shimp cocktail with Avocado ,Mango & Tomato Salsa鮮蝦、牛油果、芒果、蕃茄莎莎配搭出刺激的味道味蕾即時清新🌈原隻新鮮波士頓龍蝦海鮮煲配扁意粉煎 PAN 上，份量十足，二人享用一定夠。波士頓龍蝦好大隻，夠哂睇頭。波士頓龍蝦肉質好鮮嫩好彈牙好肥美，食得出好新鮮，加上青口大蜆、魷魚豐富海鮮，青口鮮甜，大蜆肉厚多汁，最重要係唔會有沙，魷魚爽脆，一啖豐富一啖滿足。扁意粉口感係岩岩好，配上有蕃茄海鮮汁燴煮真係好岩我口味。兩大一小食一樣夠飽飽😋

朋友約我係青衣城行街食飯，佢訂咗The Point。因為佢鍾意食呢度嘅Pizza，做咗會員。我哋兩個坐卡位，都幾舒服。店員介紹最新推出咗點咗$588的二人龍蝦盛宴2.0，套餐已包括沙律、餐湯、 意粉及飲品。會員仲有九折及同時可使用100元優惠券，我哋見其他人都係點呢個套餐，咁我哋兩個就試吓啦。🦞龍蝦湯兩碗熱辣辣嘅龍蝦湯先到，湯底好濃郁，仲有龍蝦肉作點綴，賣相吸引。🥗沙律沙律分三層，底部係牛油果🥑，中間係芒果🥭及蕃茄莎莎🍅，上層擺咗隻蝦，幾清新。🦞原隻新鮮波士頓龍蝦海鮮煲配扁意粉店員之前介紹話呢個用整隻新鮮龍蝦烹調，海鮮配料有藍青口、大蜆、魷魚🦑等，份量都幾大，一個好豐盛嘅感覺，龍蝦都幾大隻，有膏，肉質彈牙；意粉🍝吸收咗蕃茄海鮮汁，好惹味。🍏青蘋果梳打微甜，好啱夏天飲🌿。