The Platter (悦品酒店‧荃灣)

營業中

休息中

這間餐廳位於葵興的悦品酒店內，環境寬敞舒適，乾淨衛生，服務相當有水準，匯集多國菜式，選擇非常之多。平日星期一至五提供六款半自助餐，介乎$248至$368，可享自助甜品及飲品，可加$20升級為Häagen-Dazs；而星期六、日及公眾假期則設有自助餐。烤澳洲草飼肉眼扒配紅酒汁 - $298大大塊肉眼扒切開粉嫩，流出濃濃的肉汁，草飼天然放牧，加上西冷部位，未必有著豐富的油花，但勝在肉質更細緻和牛味更有層次，幼嫩中帶少許咬口。香煎日本帶子意大利闊條麵配黑松露忌廉汁 - $268煙韌彈牙的闊條麵富蛋香，掛滿濃稠幼滑的忌廉醬汁，散發濃郁松露飄香，更有雪白肉厚的日本帶子爽滑彈牙好鮮甜。海鮮方面，有海蝦、田螺、青口及蜆等，爽滑又鮮甜。熟食方面，外脆內軟的牛油窩夫、炸物、芝士、鴨胸及火腿等等。沙律方面，多款新鮮翠綠的蔬菜如羽衣甘藍、紫椰菜等，可自行加入不同配汁及醬汁，亦有紫薯沙律及龍蝦沙律等等。甜品方面，有椰汁大菜糕、抹茶蛋卷及多款新鮮水果，有多款口味本地品牌CoCoberry雪糕。飲品方面，凍飲有凍紅茶及橙汁，咖啡機可沖泡多款熱咖啡，亦有多款茶包供應。

The Platter - 悅品酒店的自助餐台擺放了多種美食，其中包括您提及的燒豬排骨、瑤柱扒時菜、海鮮意粉、炸薯條、蒸扇貝、香煎龍脷柳、白酒煮花螺和日式豬骨拉麵等。食物未到標準，尤其是那個扇貝非常之鮮甜，粒粒非常之大。每一粒扇貝上面都鋪滿了蒜蓉 及粉絲。自助餐還提供了許多其他選擇，例如新鮮的沙律、熱騰騰的湯品（什菜湯超水準）、多種口味的披薩、烤肉日式多春魚味道濃郁，脆身等。此外，甜點區也非常豐富，除了忌廉泡芙、果子京都綠茶卷、芒果布甸和雜果涼粉，還有多種蛋糕、餅乾、水果等，供客人盡情享用。最有驚喜的地方就是雪糕也有兩款牌子。有Häagen-Dazs當然有多款選擇。在這樣豐盛的自助餐中，可以盡情品嘗各種美食，將自己的味蕾帶入一個全新的境界。餐廳的服務人員也友善，確保他們享受到最佳的用餐體驗。總體而言，The Platter - 悅品酒店提供了令人驚艷的自助餐體驗，無論和家人一起用餐，還是和朋友一起享受美食，這裡都是一個非常值得嘗試的地方。

The Platter的菜品種類繁多，滿足各種口味和喜好。無論是西式烤肉、亞洲美食還是地道的港式點心，他們的菜單都能讓人眼花繚亂。他們的廚師們擁有豐富的經驗和創意，能夠將各種不同的菜系做出獨特的風味。無論是喜歡肉類還是素食者，每一位客人都能在The Platter找到自己喜歡的菜品。其次，The Platter的菜品質量出色，味道鮮美。他們使用的食材新鮮，烹飪技巧純熟，每一道菜都能讓人垂涎欲滴。無論是牛排還是海鮮，每一口都充滿著鮮美的滋味。此外，他們的菜品份量十分大，足以讓客人享受到飽足的用餐體驗。除了菜品，The Platter的服務也非常出色。此外，他們還會主動給予菜品的推薦和建議，讓客人更好地選擇菜品。他們的貼心服務使用餐體驗更加愉悅。

每次茶友auntie推介媽媽新餐廳或食店，媽媽都愛要我抽空陪她試試，這天我專登請了一天假，與她來到The Platter 吃半自助午餐。 The Platter 位於悦品酒店‧荃灣內，離葵興站大概需要9分鐘時間，地點挺易找到。 餐廳佔地挺大，設計開揚，空間感足，坐位寬敞舒適。 Semi-buffet lunch 價錢由HK$148，已可享用自助沙律吧、自助甜品、咖啡或茶。 冷盤沙律選擇較多，包括有：藜麥西蘭花沙律、芫茜菠蘿海鮮沙律、薯仔沙律等等，還有新鮮沙律菜及沙律配料，以及日式冷麵、芝士及餅乾。 另一旁就放了兩款小食，包括薯條及春卷。 甜品方面，有中式的木瓜糖水及西式的蛋糕、窩夫、雪糕及奶凍等等。 當然還有水果供應。 飲品同樣是以自助型提供，橙汁、冰茶、咖啡等，各式各樣，應有盡有。 基本上單單是吃自助吧，就已經能填滿肚子，當中我最欣賞就是中式的湯水，味道像極住家老火湯，還有口感香滑的咖啡奶凍，以及我最愛的brie 芝士(我唔客氣喇！)。 烤紐西蘭花肉眼肉眼是薄切的，但相當大塊，肉質細緻軟淋，牛肉味，雖然一般肉眼脂肪含量高，但個人認為這裏的肉眼扒肥瘦適中，入口時不會有重重的脂肪感，就是

月頭岀糧同朋友即興去酒店食半自助餐環境寬敞舒適，食物種類應有盡有。前菜小食炸物，冷盤白蝦，青口，海蜆，翡翠螺，一支竹籤一口肉，加點海鮮汁同檸檬汁，即刻進入開餐狀態。飲碗忌廉蘑菇湯同金銀菜豬骨湯中湯、西湯緩和胃口刺激再上主菜「原隻波士頓龍蝦 」濃郁白汁芝士，肉質彈牙結實，蝦殼容易剝，啖啖肉。龍蝦肉身切成粒，可以食得溫柔，對著伴侶也不會失儀態。甜品種類應有盡有芒果布甸，窩夫，椰汁糕，布丁還有薑汁蕃薯糖水暖烘烘，甜而不太薑辣，蕃薯沒有煲爛。

齊齊撐枱腳食buffet🤭呢道都有好多家庭去食啊！自助餐只限星期六日＆公眾假期供應🍴（6-9:30 PM）.🔺扒波士頓龍蝦配香檳忌廉汁及芝士🦞要捕捉新鮮出爐嘅時間🔥嘆龍蝦～🔺即開活生蠔🦪每次限拎兩隻～鐘意蠔既朋友岩晒！🔺冰鎮海鮮翡翠螺、蝦、青口、雪花蟹腳、麵包蟹🔺什錦刺身🍣三文魚、鯛魚、吞拿魚、帶子、甜蝦🦐🔺熟食燒羊鞍🐏嘩真心軟熟同juicy‼️燒頂級紐西蘭肉眼扒🥩肉味香濃🔺甜品🍮有檸檬撻、士多啤梨慕絲蛋糕、窩夫、Haagen-Dazs🍨

父親節前去咗悅品酒店The Platter 自助晚餐。498@有七五折，原價再加一。基本有沙律火腿等自助餐熱葷嘅選擇有很多，串燒有雞髀菇，粟米，多春魚，雞翼，芝士腸等，一定有款啱食。西湯有西蘭花忌廉湯，中湯有蟲草花燉螺片湯，都足料。燒牛肉都唔嚡口，加點黑椒汁都正！回本食物一定係凍海鮮，有長腳蟹，青口，翡翠螺， 鮮蝦，長腳蟹食左三round😆刺身有肥美三文魚，吞拿魚，希靈魚仲有鐵板燒，有牛肉粒，羊架，雞髀肉，虎蝦，司華力腸，最愛雞髀肉，外脆內嫩，即燒即食，羊架都好食，手快有手慢冇😆熟食有油炒青菜，豉椒炒蜆，辣酒煮花螺，雞，西蘭花，福建炒飯，椒鹽豬扒，魚，蒸海鮮拼盤等。有小朋友啱食嘅炸薯條、咖喱角及春卷，自製窩夫，自己加七彩朱古力針、可可米、朱古力及士多啤梨醬，玩得開心。火焰雪山雪糕蛋糕，好食唔太甜，仲有火焰睇😳生果甜品都有唔少款，但因為太飽，食埋個Häagen-Dazs雪糕就剛剛好😄

今晚全家人一齊去咗荃灣悦品酒店嘅 The Platter 食父親節自助晚餐，由葵興地鐵站行過去大約12分鐘左右，今晚自助晚餐主題係龍蝦 • 生蠔 • 海鮮。店內環境都頗大下，去到後店內職員比咗張4人嘅枱我哋坐，已經迫不及待出去揀嘢食當然第一時間出去揀海鮮啦！海鮮款式都好多選擇，見人排隊我又排，原來係即焗即食嘅焗芝士波士頓龍蝦，滿滿溶化嘅芝士，鋪係龍蝦上，香味濃郁，龍蝦肉爽口彈牙，食完可以再食，真係超正熱食仲有燒頂級紐西蘭肉眼、中式蒸魚、龍蝦伊麵、泰式炒蟹，勁厚肉嘅蟹鉗、蔬菜類串燒、炸物類；日式有三文魚刺身、吞拿魚刺身、甜蝦、墨魚；冷盤有鮮甜美味嘅生蠔、長腳蟹蟹腳、翡翠螺、白蝦、青口、幾款唔同嘅沙律菜、薯仔沙律、雜果沙律、幾款唔同嘅芝士、日式冷麵、火腿拼盤、餐包類湯類有西式湯蘑菇湯，中式湯有花膠紅棗紀子雞燉湯，滋潤清甜，材料多又好飲；自助任飲嘅飲品仲有冰紅茶、雜果賓治、凍/熱檸茶、咖啡、奶茶都有得揀最後就係甜品，任食甜品多款選擇，蛋糕、啫喱、朱古力噴泉 (棉花糖、餅、水果)、熱辣辣圓形狀嘅窩夫、杯裝雪糕有兩款牌子，兩款都有唔同口味選擇，哈蜜瓜、士多啤梨、海鹽味、雲尼拿、抹茶、椰子菠蘿、芒

今晚食葵涌悅品酒店的 The Platter 自助餐。餐廳離地鐵隻需9分鐘，交通方便。自助餐好豐富，有串燒、熱葷、小菜、燉湯、刺身、紫薯沙律、意粉沙律 、雜錦凍肉、意式吞拿魚沙律……鐵板燒、和牛、蝦、羊扒、輪流供應。刺身有三文魚、吞拿魚、希靈魚、鯛魚……熱葷有剁椒魚辣酒煮花螺、豉椒炒蜆蟹肉扒西蘭花清炒時蔬 福建炒飯 金沙蝦 日式照燒雞，很多選擇~~BBQ燒烤有燒雞翼、多春魚、腸仔、青紅椒、粟米……海鮮都有多款，清蒸什錦海鮮有翡翠螺、蜆、白蝦……等。翡翠螺及蝦都爽口，鮮甜！凍食海鮮也有翡翠螺、白蝦、雪花蟹腳、藍青口……喜愛藍青口及鮮味的雪花蟹腳。甜品及水果都好豐富~~~

今日兩個人去食呢個悅品酒店嘅自助晚餐（The Platter)地點就係喺葵興地鐵站行過去大約五至10分鐘左右 去到之後服務員好細心地俾咗一張六人坐嘅卡位俾我哋兩個人坐 跟住好快我哋就去選擇嘢食💞首先見到最特色嘅就係佢有個海鮮鍋 係其他嘅自助餐餐廳見唔到嘅 裏面個食材非常之豐富 有鮑魚 扇貝 魷魚 蜆同埋青口 啲味道都非常之新鮮 新鮮可口特別係鮑魚 又彈牙 又有鮮味💞燒烤方面 主要推介燒粟米 燒雞比菇 雞翼同腸仔都好有一個田園嘅風味💞其他熱盤仲有白切雞 蒜蓉蝦 豉椒炒蜆 同埋辣味東風螺 都係首選💞至於湯方面 亦都有中羅宋湯 同埋燉湯 兩個選擇特別要推介係個燉湯蟲草花 同埋螺片都好入味💞冷盤方面仲有火腿拼盤 沙律同埋蟹腳 翡翠螺等等💞甜品方面亦都有各式各樣嘅布甸蛋糕 抹茶蛋糕 生果 菠蘿 蜜瓜等等 都係齊全嘅另外竟然有薯條 咖喱角 春卷同埋班cake 有小朋友嘅話呢 就更加知受歡💞飲品方面都係自助嘅 有橙汁 雜果賓治 凍檸茶 咖啡 奶茶都係任飲嘅💞最後佢仲有個表演就係火焰雪山 睇表演又可以食火焰雪山 都係一大嘅享受😋😋

偶然也會來這裏吃半自助餐，只因價錢實惠，環境優美清幽，餐桌夠大之餘，空間感十足，枱與枱之間的距離比較遠，而食物是酒店級質素有保證，這是區內比較新的四星酒店🥳半自助晚餐價錢由大約$248-368，其實普通吃一頓西式晚餐也不止這個價錢，最重要可以無限任飲任食沙律吧食物，有海鮮螺 / 蜆/ 蝦 / 青口 / 新鮮蔬菜沙律/ 冷盤/ 炸物/ 天婦羅/ 甜品蛋糕糕點/ 雪糕 / 咖啡奶茶…….🦞原隻新鮮波士頓龍蝦米多$368這個龍蝦菜式，最近新上場，波士頓龍蝦出名鉗大肉多，肉質飽滿又彈牙 ； 經典的芝士焗波士頓龍蝦煮法一定穩陣，配合忌廉及野菌焗非常香口，龍蝦原隻上，肉很多大大件，很滿足🐮烤澳洲草飼肉眼扒配紅酒汁$298這塊肉眼扒很巨型，差不多佔據半隻碟，五成熟剛剛好，鎖住肉汁肉質鮮嫩，配合原粒烤蒜頭更香口半自助餐適合一些吃貨，但對食物有要求的人就是最適合了，因為主菜是精心炮製，但其他配菜可以任吃，一定可以吃個飽😂

屋企人生日，當然要去食自助餐慶祝一下，今日我地去左位於葵涌的「悅品酒店The Platter 」食海鮮盛饌自助晚餐。成人每位只係$498，小童每位$368，而且仲有75折優惠，$400有找就可以食到。自助餐包羅萬有，有刺身、熱食區、沙律、海鮮凍盤、即烤串燒、鐵板燒、炸物、中西式湯、甜品、生果、飲品等等，都好多選擇。第一時間當然要拎我至愛的刺身，有吞拿魚、希靈魚、三文魚，刺身新鮮，其中三文魚好肥美。凍盤區有多款沙律菜、粟米、什錦凍肉、鴨胸、意粉沙律、紫薯沙律等等，款款都好吸引美味。凍盤海鮮有青口、蟹腳、凍蝦、螺其中蟹腳食落啖啖肉，好鮮甜，食左好多轉，而凍蝦爽口彈牙，而且Refill 得好快。熟食區都有好多選擇，有湯炒時蔬、刴椒魚、日式照燒雞、豉椒炒蜆、辣酒煮花螺、福建炒飯、蟹肉扒西蘭花，其中豉椒炒蜆、辣酒煮花螺，處理得好好，沒有沙，夠辣夠惹味。飲品區除左咖啡、茶，橙汁、雜果賓治、紅豆冰之外，而到白酒、紅酒都係任飲。食完食埋甜品和雪糕，就真係飽到上心口

星期六仲要返工，唯有同同事去附近嘅酒店好西平衡下心理～星期六日公眾假期成人buffet $288加一，算抵食～而且環境相當闊落～好多選擇嘅沙律吧，有四款新鮮嘅菜、芝士、日式冷麵，前菜仲有唔同款式嘅，包括川味雲耳、麻醬螺絲粉、日式紫薯沙律，仲有兩款即切嘅火腿片，大滿足～刺身有三款，超級驚喜，好鮮味～個人最鍾意係三文魚刺身，師傅即場即叫即切～甜品選擇都十分多，生果又係超級新鮮～窩夫喺必試，側邊有好多topping自己配搭～熱食方面就有海鮮、翠玉瓜炒魷魚、即叫即煮喇沙湯麵，味道有保證～

最近去咗一間自助餐同爸爸慶祝父親節，品悅酒店而加做緊$498一位，有75折，計埋唔洗$300 1位，價錢吸引就去試下啦～首先，佢哋嘅菜色好多元化，有中西日式嘅，仲有啲特色小食，例如薯條同雞寶等等，大人細路都岩。佢哋嘅食物質素都幾唔錯，新鮮度都幾高，我食嘅菜都好入味，仲唔會太油膩。中式食物有蟹肉扒西蘭花、福建炒飯、黃金蝦佢哋仲有鐵板燒，會輪流推出羊架、一口牛柳粒、大蝦、雞扒同司華力腸沙律吧刺身佢地仲有串燒，蒸海鮮海鮮冷盤就有青口、蟹腳、蝦甜品方面，有火焰雪山、蛋糕同雪糕再嚟，佢哋嘅服務都幾好，員工好熱情會叫你出去拎嘢食，最後，價錢亦都幾實惠。

半自助晚餐選擇正常，價錢不貴，平均2百多有魚、牛扒，但因自助的選擇也不少，有蝦、青口、翡翠螺，又有凍肉和芝土拼盤，有湯、甜品和水果等，只係食呢啲自助嘅都已經夠飽，但佢唔會成日補充，所以食到尾聲會覺得有一種比較趕的感覺。然而，整體性價比仍高。當晚入座係星期五，但係只有幾枱客，唔滿座。我係慶祝生日，但係預約單有少少混亂，職員唔知道我係慶祝生日，沒有主動提供生日優惠俾我，我要提醒佢，佢先至俾返我，幸好好快到補做得到，服務尚算不錯。