The Pizza Pig (MONTEREY Place)

營業中

休息中

同屋企人經常去將軍澳呢間the pizza pig食晚飯 去過不下十次 總之就係份量十足 味道中上 價錢合理 想出街食又諗唔到食咩去呢間就實冇死！個人最推介佢地嘅炸魷魚圈同牛肋骨🫶🏻• 慢煮醬燒牛肋骨、烤薯、菠菜 $288 🐂 4.6/5主菜必叫之一 份量超大嘅牛肋骨！已經預先起咗成條肉出黎 肥瘦均勻 用56度慢煮嘅牛肉肉質好軟腍 油香滿滿 加上醬汁酸酸地 中和返油膩感 啖啖肉食落好滿足！盤碟嘅薯仔同菠菜都唔會hea 調味適中 次次都可以清曬～• 香脆德國鹹豬手、酸菜、烤雜菜、芥末子忌廉汁 $308 🐖 4.5/5話曬店名都有個pig字 佢地嘅鹹豬手水準都有返咁上下！做到皮脆肉嫩嘅效味 調味一流 好驚出邊食鹹豬手成日好重鹹 呢到嘅就冇呢個問題～ 厚肉又嫩 加埋脆皮同豬手個層肥 香到爆！正！• 呑拿魚他他、墨西哥辣椒、牛油果、蓮藕脆片 $148 🐟 3.9/5個次4個人叫咗2樣肉類主菜 所以就冇叫到calamari 試下呢個呑拿魚他他 除咗辣椒之外仲有洋蔥碎 青瓜等等嘅配料 微辣加少少檸檬嘅酸 係個好清新嘅前菜

呢度距離將軍澳地鐵站唔算好遠，不過果一日落大雨就行得好辛苦不過食到呢度既Pizza 已經好開心一個中size嘅Pizza兩個人黎講都好多，係長方形分成八件，每件都有手掌咁大我覺得三四個人食一個都差唔多另外，佢哋意粉都好味😇😎🫶🏼意粉硬道合口感，唔係頹整仲有小食拼盤炸野香口

放假同朋友出去食餐勁既，見到餐廳主打呢個巨量pizza, 又有情調，好適合兩個女人仔傾下計𝑆𝑖𝑔𝑛𝑎𝑡𝑢𝑟𝑒 𝑃𝑖𝑔𝑔𝑒 (𝑀)第一次黎，當然要試下店舖既招牌菜，招牌鬼馬”豬”意薄餅，叫左 m size， 已經好夠份量，有成15吋。 配料非常豐富，有招牌手撕豬手、意大利香草肉腸、辣肉腸、火腿、烤燈籠椒、紅洋蔥、水牛芝士、蕃茄醬，仲有烤到好香脆既豬皮，啖啖肉得黎又脆卜卜，個pizza底都做到好薄好脆，超滿足🥰一個pizza 都已經食到勁飽，呢間既pizza真心好食！

The Pizza Pig 是一家位於將軍澳海邊的連鎖店。當我們抵達餐廳時，先點了 Refreshing Splash，這是一種清新的柚子茶，加入了蘋果、香草、士多啤梨和薑汁汽水，開胃又爽口，是一個很好的開始😁接著，我們品嚐了 Deluxe Mushroom Pizza，薄餅上面鋪滿了各式各樣的蘑菇、芝士和烤松子仁。這個薄餅的材料全是我喜愛的，好味道👍Ahi Tuna Tartare 是我這晚上最喜歡的一道菜。新鮮的吞拿魚他他搭配牛油果、蓮藕脆片和墨西哥辣椒。這組合非常棒，有少許微辣令我食慾大增😋最後，我品嚐了 Pork & Green Pea Risotto，這是一道意大利飯，加入了烤豬腩、青豆和西洋菜蓉。烤豬腩做得非常香口，青豆為這道菜增添了一份甜味，飯煮得剛好有嚼勁，而西洋菜蓉也為這道菜增添了一份清新的氣息。總體來說，The Pizza Pig 菜品多樣化、美味可口。Ahi Tuna Tartare 絕對是這個晚上的亮點，我強烈推薦大家來品嚐。

位於將軍澳海濱長廊嘅西餐廳，環境一流，適合同朋友一聚，Pizza有意大利風味，係烤爐焗出嚟嘅香味。另外佢嘅嘢飲都喺比較特別，夏日伏特，配上菠蘿汁及熱情果，好飲、好解渴。

▫️𝐒𝐈𝐆𝐍𝐀𝐓𝐔𝐑𝐄 𝐏𝐈𝐆𝐆𝐈𝐄 ($𝟏𝟗𝟖)點左ᴍ sɪᴢᴇ 15吋既招牌鬼馬豬意薄餅🍕️最特別係有烤豬皮係ᴘɪᴢᴢᴀ面🐽而批邊焗到好鬆脆, 如果嗌中型薄餅仲可以選取無麩質餅底或者純素芝士🤤▫️ 𝐅𝐑𝐈𝐄𝐃 𝐒𝐄𝐀𝐅𝐎𝐎𝐃 𝐁𝐈𝐓𝐄𝐒 ($𝟏𝟒𝟖)入面有白飯魚, 大蝦, 青口, 八爪魚同軟殼蟹🦀配埋香辣菠蘿醬, 味道立刻提昇左🤩▫️ 𝐂𝐇𝐈𝐂𝐊𝐄𝐍 𝐅𝐋𝐎𝐑𝐄𝐍𝐓𝐈𝐍𝐄 𝐎𝐑𝐄𝐂𝐂𝐇𝐈𝐄𝐓𝐓𝐄 ($𝟏𝟕𝟖)耳朵搓得彈牙,每片掛滿忌廉青醬, 味道好足又清新☺️慢煮雞胸肉唔乾柴有驚喜🥰▫️ 𝐓𝐈𝐑𝐀𝐌𝐈𝐒𝐔 ($𝟖𝟖)🍰香醇酒香, 芝士食落去質感幼滑, 口感好ᴄʀᴇᴀᴍʏ🤤

將軍澳要食pizza就一定會諗起The Pizza Pig，餐廳環境靚，環境開陽採光度高，員工服務亦好好，食物選擇更是多元化，絕對是回訪之選🫶🦑Crispy Calamari 小食嚟講分量都好多👍魷魚質地軟熟有咬口，外層炸漿好薄而且酥脆，外脆內軟～配埋辣粉同蛋黃醬好惹味😋🍕Hawaiian Pizza薄餅即叫即焗，Medium size都已經超大塊，而且薄餅超多餡料，每一塊pizza都充滿菠蘿火腿同埋芝士，Pizza邊亦焗得非常香脆🥩澳洲M7和牛腿肉扒牛肉味濃郁，好入味，牛肉超厚多汁，配菜有菠菜同薯蓉，份量好多，而且好好食👍🍰Tiramisu最鍾意食Tiramisu嘅我一定不能錯過呢度嘅signature甜品🤗Tiramisu有濃郁奶香，質感柔軟濕潤，咖啡味同酒味都好香濃，而且唔會太甜，非常滿足～

位於將軍澳海旁，ᴅᴏɴᴋɪ隔離有一間幾高質嘅西餐廳，食物份量十足，味道都好好👍🏻▪️ᴍᴇxɪᴄᴀɴ sʜʀɪᴍᴘ (ᴍᴇᴅɪᴜᴍ ᴘɪᴢᴢᴀ 𝟷𝟻'') $𝟷𝟿𝟾▫️車打芝士▫️水牛芝士▫️鮮蝦▫️牛油果醬▫️蕃茄莎莎▫️芫荽辣醬茄醬長形ᴘɪᴢᴢᴀ份量都唔少，係我喜歡的脆批，用料豐富，以石爐烤焗，餅底烤好香脆，芝士味濃郁好香口，味道帶點辣，最特別嘅係加咗芫荽辣醬，好香芫荽味，好有驚喜！▪️𝟻𝟼ʜ sʟᴏᴡ-ᴄᴏᴏᴋᴇᴅ ʙʙǫ ʙᴇᴇғ sʜᴏʀᴛ ʀɪʙ $𝟹𝟶𝟾豬肋骨平時就食得多，牛肋骨真係第一次食！肉質非常之腍滑，好厚肉，就算根部位置都好夠淋但又帶點彈性，配合免層既ʙʙǫ醬汁，非常不錯🤤底層仲有啲菠菜可以平衡一下🥬▪️ᴄʀɪsᴘʏ ᴄᴀʀᴀᴍᴀʀɪ $𝟷𝟹𝟾魷魚大大嚿，份量都唔少㗎✨

舖頭裝修座位都算闊落坐得幾舒服，仲有室內同埋室外可以揀，🙌🏻員工服務態度仲要非常友善，🍕嘢食質素亦都非常唔錯。.🐷香芒牛油果鮮蝦沙律 👅8.5/10 $168呢個沙律非常惹味 而且好豐富😗 個味道有啲似係泰國風味😂 啲蝦仲要都幾爽口🦐 成碟沙律份量亦都係好多😍.🐷烤斧頭豬扒 👅9.5/10 $298呢個豬扒size好大😚🤩🤩🤩 豬皮燒到超香脆😙 豬肉部份亦都好香 索曬啲汁 又唔會嚡熠熠🥹 另外仲有啲菠菜做伴碟 菠菜都幾甜😌😍 個combination好唔錯😌.🐷 tiramisu 👅9/10 $88最後叫返個小甜品😌 呢一個Tiramisu都算幾正宗😙 味道好香濃 又唔會有太膩嘅感覺🤣.📍 The Pizza Pig (將軍澳)將軍澳澳南海岸唐俊街23號MONTEREY Place 地下G10-11號舖.

SIGNATURE PIGGIE (M) $198叫左M size嘅pizza，都有15吋長，適合幾個人share～選擇了他們招牌的豬肉pizza，除了手撕豬手，還有意大利香草肉腸、辣肉腸、火腿等作為肉類。啖啖都係肉的感覺好滿足！Pizza上還放了一些十分脆口的豬皮增加口感呢。蒜辣白酒煮蜆 (S) $138每隻蜆都很飽滿，而且沒有沙。鮮甜的蜆浸上充滿牛油香及淡淡白酒的湯，再用麵包沾上而吃，很是美味。吞拿魚他他 $148這個吞拿魚他他，是不同於出邊其他餐廳吃到的味道。用上了墨西哥辣椒，牛油果及蓮藕脆片。帶些辣味，而又有不同口感的食物作襯托。Tiramisu $88Tiramisu 十分綿滑，帶有很濃的咖啡味及淡淡酒味，很適合香港人的口味。

今天興祝朋友生日，所以去了有趣的餐廳，我們4個人點了30吋pizza、炸蕃薯條和烤斧頭豬扒。真係食完個PIZZA都勁飽了。首先，pizza的餅皮薄軟熟，配料的配搭相當恰到好處，味道濃郁而不膩。炸蕃薯條的口感也很出色，外層炸得酥脆，內裡軟嫩，味道清新自然，沒有過多的油膩感。烤斧頭豬扒也很棒，豬肉質地柔嫩多汁，烤得恰到好處，讓人回味無窮。除了食品本身，餐廳的服務和環境也非常出色。員工非常熱情友善，能夠提供周到的服務，讓人感到舒適和放心。餐廳的環境也很優雅，裝修風格簡潔大方，氣氛舒適，讓人感到放鬆和愉悅。

呢間位於將軍澳海濱附近嘅餐廳🌊原來係一間主打食豬嘅專門店嘅姊妹店，呢間就主打食Pizza🍕同時都有供應集團最signature嘅豬手，餐廳有室內同室外座位，如果帶寵物嚟就可以坐室外🐾招牌鬼馬豬意薄餅 $198呢度嘅Pizza就算M size都有15吋，兩個人都食唔晒😳呢款招牌Pizza就將豬手擺落Pizza度做配料，夠晒新意😝另外仲有加啲辣肉腸、香草肉腸、烤燈籠椒、紫洋蔥等，最特別嘅係面頭加咗啲鬆脆嘅炸豬皮🐷入口以肉腸嘅味道比較突出56小時慢煮醬燒牛肋骨 $308雖然佢最出名嘅係食豬，但係見到餐牌上面嘅慢煮牛肋骨都好吸引🐮牛肋骨好大件，已經起咗骨，可以啖啖肉咁食🤩慢煮上嚟嘅牛肋骨令人聯想起平時食嘅牛腩，上層嘅肉煮得非常軟淋，可以一絲絲拆開🍴可能加咗燒烤醬嘅關係，質感同味道都竟然有啲似食豬肋骨🤣而下層嘅肉就連埋多啲肥膏同埋筋膜，比較有咬口，底下仲墊左啲清淡嘅菠菜可以平衡一下🥬意大利芝士蛋糕 $88甜品就試咗佢嘅tiramisu，比想像中大件😋足夠3-4人share食，mascarpone部份質感軟滑，比較厚身🍼而手指餅以咖啡液浸得非常濕潤，酒味就唔太食得出，啱晒唔鍾意重酒味嘅人☕️

好耐之前食過一次，記得都係好食嘅。今日再去食，叫咗個signature pizaa,上面有菠蘿火腿，仲有啲炸豬皮😍雖然有d heavy…不過好好食😝碟炸雞翼又系好邪惡，外脆內juicy…配埋個甜酸醬，勁好味🤤 卡邦尼意粉就一般般，可能係個芝士味太重，隻芝士味我唔太鍾意🤨魷魚就一般般啦，不過不失。服務員態度好好，好友善的👍🏻👍🏻

咁啱去將軍澳海旁食飯 想去嗰間冇開到 然後見到呢間好多人排隊門口個vibe又幾好 諗住冇死，所以排咗20分鐘入去。一坐低已經feel到冷氣好勁，喺頭髮都郁個種 問waitor 可唔可以較細d 答話因為有蚊所以專登開大佢😑食物方面係好失望，叫咗一份海鮮Pizza一份青醬雞肉意粉 一個炸魷魚小食 兩杯MocktailPizza 送到黎樣貌好好 點知食落口 d海鮮鹹到癲 估計係醃耐咗d冰鮮海鮮 實在好難擺入口 所以刮走曬食批底算 但係一份M size 15寸都要$198加一 呢個價錢食呢個味道實在好失望。到香煎雞肉青醬意粉 本身係跟貓耳朵粉 同行朋友唔食 所以問可唔可以轉意粉 黎到個樣好頹😂 上面係大件切片「雞胸」即係Aeon $20個d 嘅樣貌 然後d 意粉一睇就知冇鑊氣 食落就合乎想像 好似屋企撈意粉咁 價錢係$178加一😶‍🌫️ 炸魷魚可能係最正常 配茄汁同蛋黃醬 不過冷氣太大 食咗10分鐘都凍晒 飲品都係正常發揮 ～$68 加一 絕對唔推薦黎食亦不明白點解咁多人排隊😂埋單$708 絕對可以食好多更好食嘅餐廳

平時放假去開將軍澳踩單車，將軍澳海旁附近有一堆餐廳，今次就選擇咗Pizza Pig，環境寬敞得黎又唔會太嘈吵，一班朋友或者兩三個黎食都好chill🫢🔎 PORK TOMAHAWK (500g) $298燒斧頭豬扒，配辣肉腸醬、菠菜、忌廉、蒜香蜜糖汁佢斧頭扒整得啱啱好，食落去完全唔韌，而且佢配嗰個辣肉腸醬令到佢成個肉提升左一個層次，食落去味道有少少乾身嘅肉到勁多醬汁，仲帶有少少辣味更加惹味🤓；除此之外，佢嘅配菜忌廉汁菠菜咁樣同肉醬去做一個配搭，食落去好 fresh 😚🔎 HAWAIIAN 🍕 (Medium) $178一個好經典嘅夏威夷pizza，即叫即整大大份，個批底唔會太厚，食落淡淡芝士、菠蘿、煙肉，同埋依個size已經係Medium嘅份量，都大得好誇張，15寸好American式 style嘅pizza值得一試😍🔎 Somersby Liquid Sunshine 🍹 $88同Somersby 蘋果酒合作整嘅一款 cocktail，加咗薄荷同埋士多啤梨🍓，飲落去甜甜地配肉同埋pizza 都係絕配😌🔎 Tiramisu $88呢個甜品都拍得住出面嘅Cafe，酒味唔算好濃，咖啡味都好出