The Pizza Pig (MONTEREY Place)

營業中

休息中

Pizza可揀15吋或30吋，15吋其實都已經相當多～▶️Signature piggy 🐷 🍕15’ $158有手撕豬手、意大利香草肉腸、辣肉腸、火腿、燈籠椒🫑、紅洋蔥🧅、芝士🧀、番茄醬🍅餡料相當豐富，Pizza夠熱、pizza邊煙煙韌韌～Pizza底有香脆～真係唔錯！▶️Smoked salmon 15’ $198呢個Pizza清清地但係幾好食😋煙三文魚多，有菠菜、紅洋蔥🧅食多多都唔會覺得飽濟～▶️蒜辣白酒煮蜆$138蜆都幾鮮甜，夠香蒜蓉味辣辣地～仲配有法包🥖▶️酥炸脆魷魚圈$132鍾意呢一種酥炸風味，好好食😋食唔停～有青檸蛋黃醬點～▶️豬肋骨$258佢有薯條🍟及烤粟米🌽我覺得佢烤粟米好好食好甜～豬肋骨都夠蜜味～▶️意大利香草辣肉碎貓耳朵粉$168較為有咬口，醬汁濃郁▶️意大利芝士蛋糕$88味道唔錯，軟綿綿的感覺，一層cream一層蛋糕～帶有少少酒香▶️香橙朱古力布朗尼伴莫卡朱古力泡沫$88面上朱古力泡沫好似cream，下邊就有布朗尼好特別呢一餐相當滿足又滿意！

呢日同朋友去donki買齊聽日party要準備既野之後，我地就落去黎開餐~呢度喺正donki樓下，近住海旁，容易搵到之餘，環境仲非常唔錯添！！！店名為，咁又點可以唔嗌返同pizza同豬類既主菜呢xpp除此之外，我地仲要左一份青口作為前菜，亦為主菜加配薯條添～我地見到呢度既夏日特飲好似好正咁，仲要有無酒精既version，連小朋友都岩飲xpp無酒精既夏日特飲有兩款，我地一人要一款，兩款都加入新鮮既生果，所以飲落好清新，的確好適合呢個天氣飲=]作為前菜既青口以蕃茄味為主，混合左不少辣肉腸粒～食落味道帶有微酸同微辣，感覺惹味又開胃=）呢度既薄餅為左做兩個size，一款長15吋，另一款就係30吋～我哋人少少，要左一份15吋長既墨西哥大蝦口味既薄餅=]薄餅餅底厚薄適中，微辣既茄醬同牛油果醬同大蝦既味道好夾呀！！主菜方面，我地要左份烤豬手，meun上寫住適合二人分享～但份豬手黎到既時候，我地都覺得即使三四人分享都無問題！！！豬手皮脆肉香，最中意夾埋酸菜一齊食;]加配既芝士薯條都好出色，絕對值得一試～呢度既tiramisu同樣無令人失望～作為飯後甜share食啱啱好xppp

位於將軍澳Pizza pig高質素西餐，拍拖聚會好地方，環境服務都好好，野食味道有驚喜。香芒牛油果鮮蝦沙律🥗沙律菜新鮮，加上青瓜牛油果，芒果超級甜，蝦肉新鮮彈牙，又大大隻，成個沙律超開胃墨西哥鮮蝦薄餅🍕薄薄餅底新鮮烤焗，蝦肉配上車打芝士、水牛芝士、牛油果醬，辣蕃茄醬，味道酸酸辣辣，忍唔住食左2件。美國安格斯肉眼扒（12安士）配薯條🥩大大塊厚身牛扒Medium肉質岩岩好，切開中間肉質粉嫩，唔韌軟霖，牛味重。薯條脆口炸得唔會太油，好味。Tiramisu🍰推介order意想唔到好味，中間用叉壓落蛋糕好濕潤，每啖入口唔甜超浓咖啡味，就算好飽都繼續一口接一口。😋

☆ 𝙏𝙝𝙚 𝙋𝙞𝙯𝙯𝙖 𝙋𝙞𝙜將軍澳澳南海岸唐俊街23號MONTEREY Place 地下G10-11號舖✦ Signature PiggiePizza雖然係Medium size但都好大個咁，Pizza好足料，有好多手撕豬手肉、肉腸、火腿、燈籠椒、洋蔥各樣配料，一上枱我仲見到有好似豬皮嘅嘢，食落真係豬皮黎，幾攪鬼。✦ Mussels青口唔算話好大隻不過都好飽滿，個青醬汁幾清新幾好味，伴碟個2塊酸種麵包都幾好食。✦ Grilled Pork Tomahawk 好食，d肉仲係有少少粉紅色，剛剛好，伴碟個舊薯又幾好食喎，多面脆卜卜架(不過遮住左唔係好影到XD)✦ Tiramisu 好好食！我偏心咁比左佢做呢餐嘅No.1，每樣野都幾平均，咖啡個味、質地呢d都做得幾好(〃ω〃)✦ Vodka Punch✦ Elderflower Highball2杯cocktail都無乜酒味，不過都幾好飲嘅。

餐廳好大好舒服，仲有戶外座位🥰特級意式凍肉芝士拼盤、意大利風乾火腿（24個月）、沙樂美腸，意大利熟火腿、雜錦芝士、酸麵包～超濃味的芝香和酸麵包好夾👍火腿又唔會太鹹👍👍香芒牛油果鲜蝦沙律、車厘茄、甜辣沙律汁～賣相好得👍非常清新又開胃，鮮蝦新鮮又彈牙✌️自家製煙燻三文魚、煙三文魚、菠菜、紅洋蔥、酸豆、酸忌廉刁草醬～我哋對pizza餅底好有要求的😄呢度的pizza超水準👍厚薄剛好，而且脆脆的😋😋材料又多香脆德國鹹豬手～好大份量，外皮香脆，裡面肉質香滑😋抵食又好味，食到停唔到口😄慢煮醬燒豬肋骨、椰菜沙律、粟米、薯條～慢煮令到肉質非常軟滑而且不會乾，還有粟米和很多薯條伴碟🥰意大利芝士蛋糕～咖啡味香濃🥰又香又軟滑，好creamy👍

將軍澳越來越旺，在海旁開左好多舖頭，環境都係幾chill ☺️適合星期六日坐係度傾下計。平時見the pizza big-都好多人排隊，今次夜晚8點經過冇人排隊就決定試下。兩個人點左兩個主食 一個小食 兩杯嘢飲 已經非常飽非常滿足。經理一直有強調佢哋嘅口味比較清談🤭BBQ chicken 有別於傳統的Pizza，係長型嘅圖片可見已經好足料餅底烤得好香脆可口，配料有可以保留水份唔會好幹，有啲juice 見到依個真係好特別，口感似係薯仔➕高筋麵粉，整成嘅，口感彈牙有啲似食緊密度比較高嘅cheese望落去份量好少，但係好有胞腹感配搭算算甜甜嘅番茄再好開胃強烈推薦炸魷魚圈：炸粉做得夠薄身，同埋每條魷魚都係好爽口，重點係夠新鮮，配搭佢酸甜嘅醬汁，完全係食唔停口

同朋友gathering 之下黎到將軍澳😌揀左呢間網上評語好抵食嘅餐廳☺️.Signature piggy $198🐷Pizza medium size 切開有8塊大大塊 好抵食🐖配料豐富而且餅皮都烤得好鬆脆💥pizza邊邊脆脆地 中間鬆軟 口感好正 必點之選！🍕🍕🍕.🥩Slow-cooked BBQ baby pork ribs $258塗上燒汁醬料烤焗過既豬肋骨🤎食落肉質嫩滑 肉同骨好易分離🥢薯條炸得脆卜卜仲有粟米香甜可口🌽仲有配菜酸椰菜食落開胃！🤤.🐣Chicken Florentine orecchiette $168雞扒外層輕輕煎香 食落雞肉肉質都算鮮嫩👍🏻.🍫Banana Nutella pizza $88（推介）用作飯後甜唔都唔覺得膩pizza食落去煙煙韌韌😋加埋Nutella 一齊食好好味 🥰表面既紅桑子大大粒 新鮮又清甜 🌱.🍸Apple Gin Mile$68🍸Apple Mojito$68兩杯都好岩唔飲甜飲既朋友 Apple Mojito味道比較清新 食完pizza飲好正 記得要少冰❄️

食物味道一律偏咸，特别是個White Truffle Spaghetti Carbonara 咸的程度，令人想叫碗白粥。睇其他食評個個都讚話好好食，唔知我呢次係遇到廚師失手定係點呢？

曾經覺得將軍澳係好遙遠嘅地方😂 機緣巧合之下搬咗去附近，發現其實搭車去都好方便。將軍澳南開咗好多新餐廳，趁好天氣就過去行吓同食嘢☺️📍Oreo Madness $72 🥤啖啖都係Oreo味，濃濃嘅朱古力味但又唔會太膩📍Mango Smoothie $72 🥭 涼爽之選😌唔算太甜同重芒果香味📍Premium Italian Cold Cuts & Assorted Italian Cheeses $188Ham 同芝士🧀都各有三款，份量都幾多，用嚟配麵包食就唔覺得太咸，仲有蕃茄仔醒醒胃。貪心仔表示如果有蜜瓜仲正😌📍15" Medium Pizza - Smoked Salmon $198 🍕 一場嚟到點都要叫Pizza啦，Medium Size其實都幾大份，餅底鬆脆，配料有芝士同煙三魚，咸咸香香好食又飽肚📍Slow-Cooked BBQ Baby Pork Ribs $258 🍖Signature Dish嚟，慢煮過嘅Ribs 肉質軟腍又夠Juicy，BBQ醬又夠惹味。配菜有粟米沙律同脆脆嘅薯條🥳📍Tiramisu $88 🍮咖啡味濃，中間Cream部份夠軟滑又重芝士味其實今餐感覺都幾開心

將軍澳人表示 將軍澳是個好地方🥰星期日懶懶閒想chill就去海旁嗰邊嘅餐廳呢間薄餅豬長期滿座 食完我就明點解了👀-🦑Crispy Calamari $132魷魚圈即叫即炸 外皮香脆可口😝而且炸粉份量適中 脆得黎保持魷魚嘅鮮味Sauce分別有意式番茄醬同青檸蛋黃醬個人覺得點青檸蛋黃醬夾啲 yumyum😚-🍕Signature Piggie $198/15” medium 黎到依啲梗係要試佢地嘅長方形pizza😌依款pizza嘅特別之處係配料除咗有平時食開嘅意大利香草肉腸 辣肉腸 火腿同水牛芝士仲有招牌手撕豬手🍖 啱晒食肉獸😈連埋烤燈籠椒同紅洋蔥 充滿口感🫑😼-🥩USDA Black Angus Rib-eye Steak $310有驚喜加性價比頗高嘅main!! 推介😎餐廳用高溫烤熟牛扒 鎖著肉汁牛扒脂肪分布均勻 每啖都食到香醇濃郁嘅牛肉味同埋我估餐廳使用嘅薯仔應該幾新鮮🥔炸出黎嘅薯條內裡軟熟充滿薯味🍟☺️-🍫Chocolate Orange Brownie $88用咖啡杯端出黎嘅甜品☕️上層係濃濃嘅朱古力加mocha foam🍫內層係brownie同椰子雪糕🥥一羹食晒所有料 充滿層次又好味

今日係海傍試了一間好chill的餐廳，依度可以飲酒、食pizza，而且服務、環境都好好，難怪咁多人幫襯！前菜叫咗個生吞拿魚+蓮藕脆片的東東，啲吞拿魚都幾好質素，唔會好粗纖維。主菜當然要叫牛扒同出名的 Signature Piggie Pizza，叫咗 15寸，一共有8塊，舊舊都好大塊啊！抵食～上面有啲手撕豬肉，個pizza都算厚底批，芝士份量多，不過佢應該無落Mozerella？所以唔會超級拉絲！但係芝士味係有geh主菜叫多咗個美國安格斯肉眼，5成熟。煎得幾好，牛扒最怕太熟。不過要注意牛扒調味相對輕手。餐廳好好人幫我地將薯條轉薯蓉，因為當日唔想食炸野。飲品方面，經理推薦我地叫人氣嘅Oreo Madness，杯嘢Cream味好濃郁，真係好Oreo！另外叫了一個Somersby 合作的Cocktail，叫Liquid Sunshine ,有少少Strawberry同薄荷味。不過主要都係蘋果酒味道，我覺得好清爽，好好味。甜品叫左個Banana Nutella Pizza，哇，真係好鬼飽肚，大家要注意！我地一開始以為係crepes，原來係pizza，不過真係好食的，Nutella加香蕉同ber

聽個fd 介紹話呢度嘅pizza唔錯今日就黎試新店～Pizza 選擇好多～我鍾情啲鮮味配搭所以揀左signature piggie想有蕃茄鮮甜廚房出菜嘅速度好快～唯獨係pizza 即焗，當主菜食就啱啱好！Tuna tartare作為前菜冷盤夠開胃味道竟然帶微辣感覺新鮮！Grilled USDA black Angus ribeye steak 12Oz勁大份肉味好濃又juicy我鐘意原味配pepper & salt但配上gravy，又有另一種風味～薯條炸到超級脆！面層食得出有炸粉感覺特別香脆調味剛好薯條係hidden gem呀！Signature piggie超巨型我地只係揀medium size 15”仲有款large size 30”不敢想像🤭🤭面層多左炸豬皮同手撕豬肉豬皮好脆為pizza增添了口感批底唔太厚但又唔係薄到脆口果種有返啲質感蕃茄配辣肉醬真係無敵！呢排成日見到人post tiramisu一直都想食今晚終於食到又香又滑咖啡味濃Mascarpone cheese好滑～自己一個食晒全個都唔膩！正！

第一次嚟呢邊，環境好靚，有好多餐廳～見到呢一間較為多人，入咗去食！小食前菜揀咗蒜辣白酒煮蜆，我覺得蒜蓉同白酒未味都突出，但係又唔會過火，配蜆好食！炸魷魚非常出色，佢炸粉好食，魷魚易咬～好耐冇食過豬肋骨，咁大份，幾個人食最好每人食少少～肉質林好味，店員仲幫我哋切埋好好服務！Pizza揀咗兩個，煙三文魚及signature piggy ~ 兩款口味都好食一個清新味、一個濃味～各有各好食呢度嘅tiramisu 係必叫！芝士及咖啡味都香，好食！

-𝙏𝙝𝙚 𝙋𝙞𝙯𝙯𝙖 𝙋𝙞𝙜 🍕The best way to start Sunday is to get yourself one freshly Mojito 🍹 , served with pizza, sauteed octopus and chorizo, and then order a perfect quality Tiramisu to end the Sunday Brunch💃🕺💁今個星期日想過得chill d 就同蘿蔔先生去左將軍澳既海濱公園附近試下學啲外國人咁來個chill chill 的brunch 果度附近都有好多唔錯既餐廳 一見到The Pizza Pig 既裝修 呢個就係我想要既氣氛啦😍！餐廳入面有好多外國人坐係門口有啲人仲會帶埋狗係外面食住pizza 加埋餐廳既歐陸式既裝修 非常有度假風😎🍕Signature Piggie - 15” Medium ($198)招牌鬼馬“豬” 意薄餅啲數字冇乜概念既我....估唔到15” 係咁大個pizza... 入面係有手撕豬手/ 意大利香草肉腸/辣肉腸/ 火腿/ 烤燈籠椒/ 紅洋蔥/ 水牛芝士薄身餅底 + 內容

7點半嚟到已經好多人排隊等緊位，餐廳氣氛好唔錯，由其係呢到既招牌長pizza，一班朋友一家大細食，淨係見到都覺得開心，鋸個扒飲下酒吹下海風🥰 食飽仲可以行下隔離海旁❤️ 餐廳既Open Kitchen可以望到師傅即叫即整pizza新鮮滾熱辣🤩𝙋𝙄𝙕𝙕𝘼🔸𝐹𝑜𝑢𝑟 𝑆𝑒𝑎𝑠𝑜𝑛𝑠 (𝟷𝟻” 𝑀𝑒𝑑𝑖𝑢𝑚) $168因為2個人所以只可以食15吋，如果人多既話嗌30吋真係成張枱咁長，有圓桶晾住係枱到真係相當震撼🙊 我地揀既呢款Pizza 以水牛芝士，蕃茄做底，餡料以parma ham, 蘑菇, 橄欖, 雅枝竹, 羅勒, 蕃茄仔！薄批底好鬆脆❤️ 不過味道偏重小小橄欖🫒𝙎𝙏𝘼𝙍𝙏𝙀𝙍🔸𝑀𝑢𝑠𝑠𝑒𝑙𝑠 $188近呢2年真係變佐青口迷，而且以青口為主題既餐廳都愈黎愈多～ 呢個以青醬+蘋果酒做汁底既青口都好出色👍🏻 酒味恰到好處，就咁飲啲汁都好好味😋而且佢仲加佐少少西班牙辣肉腸粒係入面，令味道更豐富🥰𝙈𝘼𝙄𝙉🔸𝐺𝑟𝑖𝑙𝑙𝑒𝑑 𝑈𝑆𝐷𝐴 𝐵𝑙𝑎𝑐𝑘 𝐴𝑛𝑔𝑢𝑠 𝑅𝑖𝑏-𝐸𝑦𝑒 𝑆𝑡𝑒𝑎𝑘 (12𝑜𝑧) $310沒有太花巧既攞盤，薯條同醬汁加燒蕃茄洋蔥，Rib Eye Medium真係煎得岩岩好，冇ove