THE MATCHA TOKYO (創紀之城五期(apm))

今日第一次幫趁這間餐廳！單單落單便花了30分鐘！因為在店裏的網絡頗差！令花在〇落單的時間大增（嘗試了好幾次才成功）！店內的桌子有一個叫你用QR code 自行落單的東西，因此不會留意到店前有一個小小的落單處！叫了焦糖海鹽咖啡 及 焦糖海鹽抹茶鮮奶雖然叫了少甜但仍很甜！食物味道偏重工作人員冇態度，基本上係一零交流！…查看更多

生日有免費雪糕食。抹茶味雪糕超好食，仲有抹茶粉喺上面，抹茶味非常濃郁。另外推薦大家用雪糕筒，因為雪糕筒非常外脆，食到筒底可以連同抹茶雪糕一起吃，非常美味。份量也不少。記住生日當月要去apps換領。…查看更多

呢間平時係出名綠茶，但喺APM呢度係有埋嘢食，間唔時我都會嚟依度食，之前佢有個烏冬都覺得幾好味嘅，最近就轉咗餐牌，即管就試吓啦。最近好興扭扭粉，見到佢有一個卡邦尼扭扭粉，就試吓啦，嚟到嘅時候個樣都唔錯，啲醬汁都足夠，中間有一個蛋黃，賣相都唔錯。平時有食開卡邦尼，都好鍾意食，鍾意Creamy嘅口感，但係呢個意粉，我食唔出佢嘅味道，又唔覺有Creamy，又唔係鹹，唔知係咩味。佢個意粉，唔算好彈形，覺得有少少生生地，唯一我覺得好食係反而佢嘅煙肉，下次唔會再食。評分：👍🏻👍🏻/5整體味道指數：😋😋/5性價比：💰💰/5環境：❤️❤️❤️❤️/5服務：✅✅/5…查看更多

日本人氣過江龍 THE MATCHA TOKYOFb:下一站豬欄; IG@Pig7station去完APM行街，又想搵個地方坐吓，就搵左呢間日本人氣過江龍Cafe，抹茶好出名架☺️Order左個溫泉蛋明太子意粉加牛角包窩夫，意粉都夠煙靭，味道好濃郁😀同埋朱古力開心果牛角包窩夫，都唔錯呀，隻碟都係冰凍，幾有 heart 😗另外加咗杯抹茶雪糕，係signature😌抹茶味好濃，雪糕都好香滑🫶🏻下次試吓第款甜品先😛…查看更多

Matcha tokyo 嘅抹茶咁出名，今次就試咗抹茶軟雪糕🍦抹茶軟雪糕⭐️⭐️⭐️⭐️⭐️雪糕當然就好重抹茶味，奶味唔太重，係真才實料👍🏻雪糕上面都有好多抹茶粉，加重抹茶嘅苦澀味🍵食嘅時候要小心唔好一次過吸晒啲粉入個口度🤣佢嘅雪糕筒都好特別🍦唔係普通嘅雪糕筒🤩…查看更多

條隊唔長，3-4個人，應該10分鐘點都排到我？最後排左半個鐘🙂想食意粉，到我order要意粉時先話電跳制，煮唔到意粉，哈哈真係多謝哂…（btw店員有講sorry ge..腦袋空白，最後正係叫左一個雞胸凱撒沙律餐（其他正餐都係意粉）…個沙律幾好食，雞胸肉唔柴，但個人覺得沙律醬有d多加飲品可以減$30，覺得幾抵👍🏻，所以加左$8去要多杯上級抹茶，有回甘。冇加一！💯💯 （自己排隊order自己拎野食冇加一係好正常，但香港唔少餐廳冇乜服務都要收加入，所以變咗加分位😂冇加一所以服務係4星如果唔計一開始排隊，係開心既一餐希望下次有得食意粉🥹…查看更多

🥚溫泉蛋明太子意粉套餐 $78撈勻後唔太食得出明太子味味道不錯，但未到好好食抹茶先係呢間嘅主打(´>∀<`)🍵抹茶鮮奶麻糬 12oz +$15好好飲！鮮奶抹茶充滿抹茶香(⁎⁍̴̛ᴗ⁍̴̛⁎)麻糬好滑溜🍵凍抹茶黑朱古力忌廉鮮奶 +$18飲落就係朱古力加抹茶味 by my fd~叫嗌主食加$1X就有抹茶飲品，好抵XD仲有其他分店的但應該只有部分分店有主食（意粉）嗌多謝你睇到呢度🤍有興趣嘅朋友快啲share比fd一齊去啦！٩(๑>∀<๑)۶…查看更多

呢間抹茶店係小熊貓成日幫襯嘅舖頭之一～ 每次order完就會見到店員們都好認真製作抹茶，見着佢哋製作嘅過程都會覺得好療癒🥰小熊貓嘅最愛就係凍抹茶特濃咖啡鮮奶，見到飲品係三層layer, 綠色白色啡色相間～ 入口順滑，抹茶牛奶同咖啡味相當配合，清楚品嚐三款嘅獨特味道，既提神又清新☺️…查看更多

經過APM好想食雪糕，精挑細選之下選擇咗呢一間The Matcha Tokyo~試吓佢個抹茶雪糕，第一個選擇嘅係抹茶特濃咖啡啫喱芭菲，由於時間已經太晏，唔想食任何有咖啡因嘅嘢，問店員可唔可以走咗嗰粒咖啡啫喱，佢話唔可以，咁轉做抹茶啫喱呢佢都唔可以，咁我唯有自己唔食嗰嚿啫喱啦另外再叫咗個北海道牛乳雪糕抹茶，果然抹茶味真係好重！而且個雪糕好好味，抹茶軟雪糕甜度適中，牛奶味重又軟熟，北海道牛乳雪糕都好正，奶味濃郁，另外個抹茶我試過咁多抹茶最濃茶味嘅，可能係因為佢哋嘅抹茶係即時焙製，所以味道口感都唔一樣，整體都好評，室內設計都唔錯…查看更多

昨天下午6時到訪 。眼見近大門位置高枱沒人 。但枱上有上手食客飲完的吉杯 。於是走到店舖最入看看有沒有其他座位 。但店舖內最入面座位格局很不舒適，裝修比較簡陋 。而且有人在食一些濃味東西，令到店內充斥着麻辣味道 。所以我最後還是決定出返大門口那一張高枱坐下 。起碼空氣比較流通 。由於還未執枱，我通知裏店員唔該執一執枱，她出來只是把飲品杯拿走，但沒有抹枱，枱上還有一攤水，一條長頭髮 。我以為過一會她會回來抹枱，等了一會 ，但是她沒有再回來 。於是我再通知另一男店員唔該抹一抹枱。他才來抹枱。我坐在高枱上跟後面一張枱的男食客，簡直是背貼着背。明明有好多空間，不明白為什麼要把座位整到咁近。我跟背後男食客經常用背脊磨擦對方背脊坐得很不舒服 。…查看更多

聖誕牛角包窩夫是一道令人垂涎的節日甜點，結合了經典牛角包的酥脆與窩夫的柔軟，帶來了獨特的口感體驗。它不僅美味，還充滿了節日的溫馨氛圍，非常適合在聖誕聚會中分享。這家抹茶專門店在香港擁有多家分店，方便顧客就近打卡，成為抹茶愛好者的天堂。店內環境舒適，氛圍宜人，適合與朋友聚會或獨自享受抹茶時光。…查看更多

食物方面：牛肉烏東：當你好攰，諗唔到食咩既時候，就食呢個烏東啦😆簡簡單單，好好味道😋牛肉湯好濃郁！😆😆開心果窩夫：呢個甜品真係好正😆😋濃郁開心果醬，加上鬆脆窩夫，一流😋😋同埋唔會太甜！抹茶蘇打：感覺似有氣既抹茶，好清新，口感幾特別下😆抹茶鮮奶：招牌凍飲，必叫！服務方面：ok環境方面：ok性價比方面：ok如果覺得我寫既食評幫到你既話，記得follow，like，同埋share俾你身邊鍾意食好味嘢既朋友，感謝！😋😋😋😆😆😆…查看更多

期間限定聖誕🍓抹茶士多啤梨芭菲🍦 THE MATCHA TOKYO頂層係綠茶雪糕， 配上🍓士多啤梨味脆脆和🍓糖漿， 中層係鮮忌廉和士多啤梨雪糕， 底層係小丸子(大約有四至五粒)再配上薑餅人餅乾， 好有聖誕氣氛🎄 芭菲甜品好有特色，綠茶味好重，雪糕好滑👍薑餅人餅乾有D硬身，不過價錢好優惠$68🤩值得推介熱美式咖啡 $30環境好日式現代設計👍📍觀塘觀塘道418號創紀之城五期(apm)1樓L1-9B號舖#MATCHATOKYO #觀塘 #apm#期間限定 #聖誕 #抹茶士多啤梨芭菲 #薑餅人…查看更多

今日去到叫咗杯凍抹茶特濃咖啡鮮奶， 飲嘅時候發覺唔夠冰唔夠凍， 我出去問個男店員攞冰塊， 但係個男店員堅持要我攞杯飲品畀佢哋睇。 杯飲品其實我未開始飲，但係已經唔夠冰塊唔夠凍， 所以我原意係想佢比啲冰我自己番位加。但係佢就要我攞杯飲品出去畀佢加冰落去， 當佢發現我杯飲品未飲， 所以冇位加冰落去， 佢就要我飲咗部分咖啡等佢有位加冰落去。 我覺得個男店員待客好有問題， 原本我只係杯飲品唔夠凍想攞啲冰， 但係就畀佢搞咗一大輪 ， 呢間嘢唔會再幫襯。…查看更多

If you're a fan of matcha, The Matcha Tokyo is a must-visit destination. Located in the heart of Hong Kong, this cafe specializes in authentic Japanese matcha beverages and desserts. One of their standout offerings is the "Matcha Latte Float with Hokkaido Milk Ice-Cream," a delightful treat that perfectly balances the rich flavors of matcha with the creamy goodness of Hokkaido milk ice-cream.Matcha Latte Float W/ Hokkaido Milk Ice-CreamThe Matcha Latte Float is a visual and culinary delight. Served in a tall glass, the drink features a robust matcha latte base, topped with a generous scoop of Hokkaido milk ice-cream. The matcha used is of the highest quality, offering a deep, earthy flavor that is both refreshing and invigorating. The bitterness of the matcha is perfectly complemented by the sweetness of the Hokkaido milk ice-cream, creating a harmonious blend that is both rich and smooth.As you sip the latte, the ice-cream slowly melts, infusing the drink with a creamy texture that enhances the overall experience. The Hokkaido milk ice-cream is incredibly creamy and has a subtle sweetness that doesn't overpower the matcha, making each sip a balanced and delightful experience. The combination of hot and cold elements in this drink adds an interesting contrast that keeps you coming back for more.Ambiance ServiceThe Matcha Tokyo boasts a minimalist and modern interior, with clean lines and a calming atmosphere that makes it an ideal spot to relax and enjoy your drink. The staff are knowledgeable and passionate about matcha, always ready to provide recommendations and share their expertise. Their dedication to quality and service is evident in every aspect of the cafe, from the carefully curated menu to the meticulous preparation of each drink.Final ThoughtsThe Matcha Latte Float with Hokkaido Milk Ice-Cream at The Matcha Tokyo is a must-try for any matcha enthusiast. The combination of high-quality matcha and creamy Hokkaido milk ice-cream creates a unique and satisfying beverage that is sure to delight your taste buds. Whether you're a long-time matcha lover or new to the world of green tea, this drink is a perfect introduction to the rich and complex flavors of authentic Japanese matcha. Be sure to visit The Matcha Tokyo and indulge in this exquisite treat!…查看更多