The JANG - Pocha & Korean Cuisine

營業中

休息中

秘製滷豬腳 $208一心諗住食豬手 點知得豬腳🤓都係咁上下既野 無得飛韓國終於係香港忍唔住要食🐷 一上枱 哇哇聲 好香韓式滷水味☺️係膠原蛋白 雖然不及係韓國食咁傳統但叫做過下口癮🇰🇷海鮮蔥煎餅 $108同我想像既都好大出入 中間有隻雞蛋 仲要煎餃偏厚 我就偏向中意薄身同脆口既煎餅 有少少失望🤏🏻辣海鮮豆腐鍋飯 🥘$98不過不失 送飯一流同埋豆腐加雞蛋真係絕配 海鮮就都係個幾樣 青口蜆魷魚蝦等等 都係急凍貨仔記得如果2個細食既人嚟 嗌2個餸好啦😂如果唔係就好似我咁打包返屋企！同埋記得訂座 walkin 就要襯早食 7點打後好多人係門口等位🥸

最近好hit嘅魚糕湯章魚鍋～一直都好想食返係韓國食過嘅炒辣章魚，所以見到呢個鍋嘅時候即刻🤩-🔸鐵板熱炒海陸空 $258有個爐係海陸空下面燒住，等到魚糕湯滾就可以食。另外要揀3款送［章魚+豬腸/豬皮+雞腳/雞肉］，仲有杯嘢飲今次揀左豬腸同雞肉；魚糕湯好飲，有白胡椒辣味，魚糕吸晒湯汁；3款送係同一個醬汁嘅，偏甜少辣，啲送感覺係已經炒好跟住擺落去個鍋邊🥲個火又燒唔到側邊，所以….冇鐵板嘅feel；豬腸乾淨冇肥膏；雞肉正常未到嫩；章魚都大隻嘅🔸莞島鮑魚粥 $72cp值幾高，每啖都食到鮑魚，粒粒飯嘅粥不錯，韓國會再綿少少但都見到飯嘅～-整體感覺一般，唔需要突登過嚟〰️〰️〰️〰️〰️〰️〰️〰️〰️〰️〰️〰️〰️〰️〰️▫️The JANG - Pocha & Korean Cuisine📍尖沙咀K11購物藝術館1樓107號舖

第一次寫食評，因為真心呢間嘢有大量改善空間，亦都提醒韓迷，對韓食有要求嘅朋友去之前諗清楚🫣有日路過見到餐廳好靚，好多人，二話不說，未有爬文，即book 左同5個朋友嚟😓😓😓後悔了環境寬敞👍🏽冷氣充足👍🏽韓燒鐵板未用已經有鑊燶😵‍💫叫左牛用拼盤🥩燉牛骨🦴生牛肉🐂豬手🐷飲品有瑪格利酒，同兩杯cocktail 🤮🤮🤮牛肉無牛味，無油脂香，肉質欠彈性，少少梅生牛肉繼續無牛味，同「梅」，食開都係有雪梨撈一齊食，今次係撈白汁，類似沙律醬加芝士咁嘅，唯有當fusion 啦🙄燉牛肉算係較為有味，但就係有陣「蘇」味😅豬手凍到硬嘅，豬手皮硬嘅，唔係正正常常嘅軟軟彈彈豬皮，感覺唔到補緊collagen 囉😅，無蒜頭同青陽辣椒🌶️，不過生菜新鮮，爽脆👍🏽最後飲品就得人驚啦，兩杯cocktail, Hongdae and Jang, 都唔識得用筆墨去形容咁難飲🤮🤮🤮飲咗一啖就放棄了😩另外瑪格利酒就怪怪味，不過都入到口嘅，點知最後發覺原來過咗期😠職員仲一翻解鎖話屋企過一兩個月都冇問題😡總括嚟講，如果你鍾意食較為正宗韓國🇰🇷嘢嘅，呢度唔係一個好選擇🫣但如果你想試fusion突破d 嘅😅

今日行完k11,去到街外至見到大大幅廣告呢間新開的韓店，咦，影得幾靚喎，去到門口，都幾大下裝修得幾靚幾好咁，唔使等位得個幾枱客，咁我地話想坐入的，個店長就話邊度邊度係燒烤區，你兩個燒定唔燒？唔燒就坐門口位啦，見到4張細細的四方枱仔就係門口位登記枱後面泊埋一邊，再行入啲先至係用餐位，嚇，乜而家的韓食店咁設計嘅？梗係唔食啦，食得咁可憐，算，走人，去咗另一間韓食店食白飯神偷。剛剛再睇下呢間舖的食評照片，真係好彩，的相全部都似足以前的任食韓燒咁，又話自己係food court,集幾間名店一齊的？原來前面4張枱仔先至係food court🤪

今日帶埋家人一齊出去K11 Art Mall家人喜歡韓國美食於是試了韓國餐館The JANGThe JANG集合五個韓國美食品牌包括香港人至愛食炸雞的 NeNe Chicken主打韓國粥品 Juk Story韓國路邊攤熱炒美食的 Jang Pocha韓式中華料理 恭合春(又名共和春)和韓燒的Modern Majang BBQ~ ~我們點了海鮮炒碼麵（辣）、莞島鮑魚粥、秘製滷豬腳，性價比真的很高啊！❤侍應先送上前菜都很好吃又開胃泡菜辛辣入味該有的辣味、香氣都沒少...麵條口感挺彈牙的辣、香、口感都俱備了麵條非常掛湯，所以辣味很夠，味道很不錯吃起來滿足感和飽足感都兼俱了...粥底十分綿密且粒粒分明，家人很喜歡吃，鮑魚粥吃起來啖啖鮑魚粥的味道很濃郁，非常鮮甜可口香香甜甜的，是非常有韓國風味的粥...豬腳切好一塊塊，滷味酥香可口的，份量十足~ ~包菜蘸辣醬油跟蘿蔔一起吃很不錯吃入去就是滿滿骨膠原肉質煙韌且沒有油膩感，非常喜歡~~..環境和服務也不錯，重點是味道都做的挺好的，是很棒的韓國美食.....❤️💛🧡

為左cocktail買一送一而去既門口都見到有塊牌寫住買一送一入到去坐低左手機order 見到冇得order 就問職員原來係負責cocktail既同事放假其實依個優惠total只係做8日但竟然會比同事放假😅😅我地真係好無奈唔知係有心定冇心啦我地真係好失望 好似比人呃左入黎咁不過唔緊要啦坐低左我地都照食總括黎講野食ok既海鮮煎餅最好味 個汁會加分炸醬麵味道ok 夠大碗個莞島鮑魚粥好腥炸雞拼盤ok 環境坐得舒服食滿500蚊唔洗收切餅費

各方面都好差！首先食物質素好差…叫咗個豆腐海鮮湯 青口未開口 成碗嘢好淡又冇味 啲飯勁硬連出名嘅鮑魚粥都好差 第一淡比啲麻油味蓋過都還好 食多兩啖就係鹹腥味 似海味味 完全唔鮮甜 食到一半更加唔想食會話成餐飯最好味係前菜…跟住店員態度都一般 7:30就突然叫人唔好攞2人位飛話冇位 但係明明9:00先cut單 而且8:45左右我地都仲見到後面有其他人新客入 似係店員唔想做所以隨便叫人唔好攞飛 衛生情況都一般 入去就見到筷子有污漬…

之前係佢啱啱開，仲未有好多人嚟食嘅時候食過一次，當時叫咗豬骨湯同年糕 印象中menu啲野多過依家…服務態度都好好，今次係同朋友嚟食生日飯，叫左個海陸空同蒜香醬油雞。食物味道同賣相其實都ok，炸雞偏貴，因為得8件。服務態度真係差到不得了，我眼都突埋。首先係撻爐冇睇清楚係咪撻著，撻完就走左，點知原來個爐一直冇著到。後來店員上炸雞果陣 死都要擺碟炸雞係入面，然後整跌左成串魚糕落枱面…咗佢唯有拎過串新嘅比我地。最令人無語係，當我地食完哂野，我朋友叫佢地上蛋糕，有個疑似新黎嘅pt員工走埋黎幫我地收野，連我地杯水同紙巾都收走埋😑 跟住又再好大聲問我朋友個蛋糕留左咩名，因為有幾個蛋糕唔知邊個係！雖然我都預左朋友買蛋糕同我慶祝，但聽到個店員咁講其實都幾冇癮🙄然後同一位店員拎蛋糕比我地，佢真係成個蛋糕連盒咁拎出黎比我地，只係比左3隻碟同叉我地😑 跟住突然有個應該係senior既店員就大嗌「切餅費$100呀！」，而呢位新仔店員都重覆多次呢句野….🙄 成件事真係好尷尬，其實你應該由我朋友一早擺低個蛋糕係餐廳果陣就同佢講，而唔係呢個時候先咁…..而果位大聲嗌嘅senior店員都唔係第一次隔住條街咁樣嗌比個客聽

📍餐廳裝修好吸睛 一睇原來用上food court嘅概念 將5間有名韓式餐廳 各種韓式菜餚結集埋一齊 方便客人可以點選唔同嘅食物😙🌀芝士炒年糕配拉麵芝士份量超多甜辣醬十分惹味 有一定辣度 入面有齊雞蛋 年糕 魚糕 小熊魚蛋 韓式拉麵 幾足料 撈埋芝士食有少少肥膩 不過share脂肪係開心嘅😂😂🙈🌀 炸雞四重奏有齊招牌 韓式甜辣 白郡主 蒜香醬油口味 各兩件 份量唔會太多 又可以一次過試齊4種口味炸雞係無骨雞件 食落好方便 雞肉雖然唔夠滑 但炸得夠脆 味道尚可!

而間餐廳好似小韓國村咁🇰🇷集合左5大韓國品牌既餐牌俾大家揀🤩1️⃣恭合春 - 百年老店 主打韓式中華料理🍜2️⃣Nene Chicken - 知名連鎖韓式炸雞店🍗3️⃣Juk Story - 全港首間韓國粥品品牌🍲4️⃣Jang Pocha - 主打路邊檔既布帳馬車菜🍢5️⃣馬場洞 - 主打韓燒🔥今次我就試左1️⃣同5️⃣既菜式, 好有家鄉既味道😍🔶鐵板熱炒海陸空 配 西柚乳酪沙冰 ($258)海: 辣炒小章魚🐙陸: 辣炒豬腸 (可選甜辣炒豬皮) 🐷空: 香辣無骨雞腳 (可選春川炒辣雞) 🐔湯: 魚糕湯🍥超豐富😍😍😍 辣度岩岩好, 勁有韓國街邊檔既風味😋西柚乳酪沙冰幾好味, 唔會太酸😍 可以中和辣味, 正👍🏻🔶炸醬蝦仁炒飯 ($88) (+$22 配海鮮炒碼湯)炸醬係由黑豆醬, 豬肉, 洋蔥, 薯仔同蔬菜炒成咸中帶甜, 一D苦味都無😋 炒飯好有穫氣, 撈埋炸醬食超正, 百年老店, 名不虛傳👍🏻最緊要一定加埋佢個海鮮湯‼️😍湯底又係有穫氣, 咸辣適中, 仲好足料🦑🦐 必點‼️幾高質, 而且唔會好貴, 仲有好多選擇😚 唔錯唔錯😉評分: ⭐️⭐️⭐️⭐️

第一次試這間K11的韓燒，雖然是星期日，但中午仍有套餐。套餐有韓燒和韓式定食，兩者都會包前菜，紫菜飯和飲品。免費嘅飲品基本上就係罐裝汽水，加8蚊可以改為柚子茶或者蜜桃茶，加18蚊可以轉做特飲。目測店舖入面有四分一 地方是闢作韓燒的。星期日中午一時左右到達，基本上不用等位。入到舖頭之後，都尚見有空座。入門口嘅時候，有問我哋食韓燒定韓食。坐低咗喺韓燒區嘅時候都見有其他枱並非食韓燒的。我所認知嘅韓燒有兩種，就係有醃製同冇醃製。佢哋供應嘅中午套餐係冇醃製的。我就選擇了 148蚊全牛式套餐。有三種牛 : 牛腱 ，牛橫隔同霜降牛。根據menu 係每樣60 grams。我覺得冇醃製有個好處，在上枱嘅時候，質量同分量都可以一目了然。感覺上180 gams係應該比其他同一級價錢嘅燒烤份量係比較多少少嘅。前菜有四小碟，分別係芽菜，醃菜，酸蘿蔔同沙律醬蟹肉西蘭花。食完四碟之後問佢哋，原來係可以不斷添食的。雖然食過幾次韓燒，但係都係唔係好明白，點解有時係一塊鐵板，有時又係網燒。呢一間係基本上一塊鐵板嘅。牛肉旁邊有三舊類似牛油嘅物體 ，初時唔知道點煮，淨係放咗嚿牛喺塊鐵板上面燒，發現都好快熟，但就比較乾。調味方

行開尖沙咀，發現K11 art mall 裡面個間Pizza Express 冇左，轉左做一間叫<The Jang>嘅韓國餐廳，餐廳嘅裝修都幾靚，好快就吸引左我去試下👍🏻 呢間餐廳有得選擇食唔食韓燒，提提大家要入座前諗好啦～ 因為食嘅話先會比有爐嘅位你地～ 而我地就諗住下次先試啦，先試下佢地嘅其他野掂唔掂先🤓1. 《鐵板熱炒海陸空》- $198 呢款咁豐富嘅熱炒係佢地嘅主地之一，你可以選擇3款唔同嘅熱炒，我地就要左春川辣炒雞、甜辣炒豬皮、辣炒小評魚🐙果然，呢款主打都冇令我地失望😋 佢好夠重口味，辣度亦岩岩好，唔會話得陣甜味又或者辣到好辛苦咁，中間配有魚糕湯，其實食落好似魚蛋咁，食落就幾煙韌👍🏻 198大大份仲配埋真露燒酒一支，抵！ 2. 《芝士炒年糕配拉麵》- $98 之後嗌左份炒年糕，其實個甜辣醬都係熱炒個種嘅味道，入面都係有啲魚糕，配隻蛋，拉麵，再淋上濃味嘅芝士係面頭，撈埋一齊食都幾正，好邪架，食完好有罪惡感🤣 晚市食到勁飽，埋單都係300幾蚊，性價比都幾高👍🏻 下次會試下佢地嘅炸雞或者燒肉再同大家報告🤓

今日和幾個朋友一齊去食飯，試吓呢一間韓國嘢，因為比較早去到（6pm)所以不用等位！我們叫咗芝海炸雞四重奏、炸醬麵、石鍋牛肉拌飯，飲品有柚子乳酪梳打、檸檬薄荷乳酪梳打（期間限定）…入座嘅時候店員會比三份前菜（泡菜、涼拌芽菜、酸瓜），炸雞是nene chicken 出品唔會難食得去邊，不過不失，但芝士好快會變「傑」身，不容易撩開！炸醬麵的份量很多，味道很濃好味，面條質量偏軟；石鍋牛肉拌飯的牛肉很新鮮！擺耐咗飯會有飯焦！好食😋

去K11購物藝術館Shopping💃見到有間餐廳門口有好多人排隊👬👫👭所以就埋去睇下有咩好野食😋今次就試左佢嘅精選午餐🍽人參雞肉粥🍚🍗呢碗人心雞肉真係好足料！粥底十分綿密唔講仲以為佢係一碗落多咗水嚟煮嘅飯🤣人參味唔太濃🙈唔洗怕食到人參嘅苦味水冷麵配烤牛肉🍜🥩同一般水冷麵唔同佢嘅水冷麵同烤牛肉係分開上㗎咁就唔駛令到牛肉索咗湯啲酸味😙而且牛肉有配埋蔬菜一齊炒好大咁提昇咗牛肉嘅香味😍🤤🤤水冷麵夠凍夠煙韌仲有青瓜🥒酸甜蘿蔔🥕雞蛋🥚做配菜

「美食匯聚」簡單而又精準咁形容呢個地方充滿韓國原素嘅玩味設計及裝修唔講真係唔知呢到係韓式ғᴏᴏᴅ ᴄᴏᴜʀᴛ⸜♡⸝‍集齊五間知名韓國美食品牌 唔洗周圍走喇🙃🔖韓式中華料理 恭合春(又名共和春) 炸醬麵貴為百年老店 是韓國仁川中華街的代表美食麵條即場製作 並淋上烏黑但帶有甜味的醬汁將其與熱騰騰的麵條攬拌進食 簡單而美味🔖 ᴊᴜᴋ sᴛᴏʀʏ 韓式章魚醃辣白菜粥韓國旅行 其中一日早餐少不了食翻碗韓國粥因為香港鮮有售賣韓國特式粥的餐廳幸好 遇見 主打韓式養生粥和釜飯的ᴊᴜᴋ sᴛᴏʀʏ以韓國本土食材研發而成 別具特色而且用海鮮自身嘅鮮味配搭軟綿的白粥 正🤤🔖 布帳馬車 ᴊᴀɴɢ ᴘᴏᴄʜᴀ 鐵板熱炒海陸空ꔛ‬(海)辣炒小章魚ꔛ(陸)甜辣炒豬皮ꔛ(空)春川炒辣雞ꔛ魚糕湯ᴊᴀɴɢ ᴘᴏᴄʜᴀ 主打各種韓國路邊攤熱炒美食有時心思思 樣樣都想食啲啲⁉️小編私心推薦呢個海陸空鐵板*´ᵕ`)ﾉ除咗可以一次過叫三款不同小炒外仲可以品嚐到每次去韓國都必食嘅魚糕湯其餘兩個品牌則分別是ɴᴇɴᴇ ᴄʜɪᴄᴋᴇɴ和馬場洞烤肉專門店🥰