The Grove

營業中

休息中

本來想去吃附近的日式料理，不過要等位，所以轉戰其他餐廳。雖然呢間台式料理冇乜人，但都算乾淨企理，而且見好幾個人都吃小火鍋吸引到我！老公仲要懶有情調坐室外，本身覺得好凍，好彩個爐一開就暖晒。兩個人叫咗個牛肉湯底嘅一人火鍋、滷水拼盤飯，兩個都有配飲品，要咗凍珍珠奶茶加熱綠茶。滷水飯嘅雞翼、豆腐、牛𦟌就例牌野，都係大碗飯上盤就冇乜擺碟可言，不過勝在飯夠多，一定飽！火鍋可以牛肉或雞肉湯底，我地呢個牛肉湯底應該係紅燒牛肉麵果個湯，帶點惹味，係幾特別！最後配埋個夠煙韌嘅麵其實好正！可惜，最敗筆係佢個肥牛！老公最初話好韌我仲話佢咁高要求，點知自己一試，真係未食過咁韌嘅打邊爐肥牛！我唔係要求日本和牛，只係想有返大家樂火鍋質素啫。作為火鍋嘅最重要嘅肉類都咁，本身覺得幾好但即刻扣分！希望店家可以改善。不過見佢openrice咁多針對服務嘅comment，都要幫佢平反，因為當日serve我地嘅侍應都好有禮貌，態度好好。

呢間餐廳比狗狗同主人坐餐廳既露天位置👍🏻餐廳選擇唔算多，主要係食台式野，今次叫左佢個lunch set，台式香腸肉燥飯加一杯Americano，肉燥飯味道唔錯，香腸都煎得幾脆下😆而杯Americano就一般，咖啡味好淡，不過hkd 5x元一個set都不過不失既😊

唔行過個邊都唔知原來有一間台灣菜嘅店舖開咗，見佢門口都有啲人排緊隊，應該唔會係伏嘅，就決定試一試。等咗二十分鐘入到去，見到大部分人都係叫麵食，咁我就叫咗一份辛·牛腱涼拌麵，另外仲有叫一個秘製糖醋排骨飯同埋小食炸饅頭。首先炸饅頭上枱，個樣好似唔差。但食落覺得有啲未炸透，裡面饅頭唔係好熱，而且附上嘅煉奶係無乜味，甚至唔甜，點多啲個炸饅頭又會軟哂...個糖醋排骨飯呢，個飯底係足夠嘅，而且好味。但on top嘅排骨就真係相當普通，甚至唔係好覺已經糖醋過。而個牛腱亦都有啲我失望嘅，雖然個牛腱係厚嘅，但係都係個句喇，無乜味而且都要少少牙力，只係係咁咬緊一舊有辣味嘅野。個都就普普通通喇，唔係差嘅的確，而家個辣係逐啲逐啲嚟，ok嘅。食物嘅質素相對價錢嚟講，呢間係屬於有啲貴，樣樣都唔係做到入味，炸饅頭甚至唔係熱真係令我失望了。

身為一個鐘意食台式野食同飲珍珠奶茶既大圍人，開係大圍既台式餐廳當然要一試啦.....而且仲要開係我屋企既附近，如果好食既話都可以長期幫襯既。可惜是次飲食體驗非常差勁，首先一入去鋪頭店員既態度已經好差。我叫左肉燥飯同珍珠奶茶，肉燥好似即食肉燥咁，一啲都唔香又淡，飯就好似爛飯咁。珍珠奶茶就中下水平，總之就又貴又難食..仲要服務態度差，black list,永不錄用 !!!!!!!!!!!!!!!!!!!!!!!!!!!!!!

和距離田心村這裡約10分鐘腳程的下行徑口村一樣，一幢幢的村屋尤其向大馬路方的都做了食肆，密集而多選擇程度甚至熱鬧過屋邨商場，今日時間尚早，11:00am，想試的還未開舖，瞥見這間在咪錶停車場旁的走文藝風小店對此稍有興趣。店內大概十數張枱，位置不擠迫，感覺是給你和朋友吹水吹得下的好地方，由於等朋友關係，今餐橫跨了早午兩餐，先點了早餐：肉燥湯粉絲配多士配熱柑桔檸檬🍋。上多士時同時給刀叉，擺明想著我斯文地吃，我就偽文青地當牛扒一樣地切，可能是多士烘得夠脆的關係，一邊切麵包屑一邊飛到枱面，著實有點過意不去，不過要讚一下多士模樣一般但很香口，而且吃後也不感熱氣。肉燥湯粉絲碟頭比想像中大，肉燥份量也足，另柑桔檸檬🍋清得來不太淡。及至朋友來時已11:40，已值午餐時間，點了阿roy牛肉麵，因其沒預料這麼辣，已清走所有辣椒🌶️粒，邊吃還是邊冒汗，飲奶茶也解不到辣。表面上任意吹水，但感到店員有偷聽食客話題的感覺而有點不自在。

以現時香港經濟環境唔好， 梗係要多啲去幫襯小店表示支持。 印像中有傳媒訪問過， 不過 唔順路一直都冇特登過去。 今日特登抽時間喺午餐時間去試一下。午飯時間店內位置差不多坐滿人， 雖然店外露天位置有位， 因為天氣太熱， 點都要等店內 有位先入去坐。 店內環境， 座位 舒服 ，文青風格。價錢親民午餐只需要52蚊 連餐飲。穿著校服仲可以減十蚊。點了招牌阿roy牛肉麵， 牛肉味濃肉質軟淋， 麵條彈牙，好味。餐飲加8蚊升級做珍珠奶茶， 珍珠煙韌， 奶茶夠台式，好飲。雖然午餐時間店內繁忙， 但係點菜，上菜時間 都很快。

呢晚去大圍食飯，但係唔知食咩好，最後搵咗間食台灣野嘅，貪佢唔使等位可以即刻入去坐低。見到餐牌其實唔太多選擇，而且睇落去唔太吸引，最後我叫左牛肉麵同一杯嘢飲就算呀Roy牛肉麵睇落去正正常常，份量一般，牛肉大概有四至五塊，都唔算太薄，食落去有咬口，不過唔係好腍，感覺似牛𦟌，麵就硬硬地乳酸點子我叫嘅嘢飲係青蘋果乳酸加綠茶啫喱，飲落去嘅時候發現唔係好凍，味道一般，似飲益力多，而底部嘅啫喱都冇乜味道感覺呢間舖頭既食物只係一般。。。

家住大圍，有數次經過The Grove ，奈何未有機會一試，今日終於一嚐。我到小店時剛好是中午，由於時間尚早，我是第一個客人。看看是日餐牌，點了我喜歡吃的牛肉麵，餐飲點了熱綠茶。無聊看OpenRice食評，發覺負面評論較多，即時有些擔心。店主先端來熱綠茶，不太甜，有淡淡的茉莉花香味，即時加了分。然後到牛肉麵，賣相不俗，熱騰騰的麵上有4塊厚厚的牛肉，比著名食店$100一碗的牛肉麵厚得多。湯底出奇地甜，不是加了味精那種，忍不住喝了半碗。麵條亦有咬勁，份量足夠，跟評論不太一樣。環觀在場食客，全部點了牛肉麵，相信此乃鎮店之寶。平心而論，$52的午餐價錢可以吃一碗好味的牛肉麵，我覺得物有所值。雖然店主不是笑面迎人，也並非如評論般黑口黑面，因此忍不住要寫食評撐一撐小店！

之前都有黎食過，野食唔係特別好味，但係都未至於要上黎寫review。今日星期日family day 特登帶埋爸爸媽媽屋企四個人黎試。一入到餐廳，我地4個企左喺到好耐都無人理我地，只係見到全部3個staff，兩女一男，喺bar枱到吹水，一人拎住一部電話喺到禁！我目測大部分都係4人枱，但係每一張4人枱都係兩個人坐，大部分都食完野喺到坐。有個staff終於過黎，態度差到爆，一句”無位喎，喺出面等下啦”就完。但係無所謂，我地想食就等下啦，我地全家係出面30幾度等咗超過25分鐘，全程25分鐘只係見到3個staff無動於衷，一直喺到玩電話，到最後真係忍唔住，見到兩老都熱到出哂汗，最後等左25分鐘都由佢，去左鄰近榮發茶餐廳食。我發誓我以後唔會再為依間”The Grove”浪費我1秒！

最近係韓國食過同款料理 牛肉麵 本身都覺得普通 應該唔算係特別好食 但返到香港之後 係過經大圍 見到就入咗去食同樣叫返牛肉麵 睇吓有咩唔同                                                                               相比下韓國個間竟然仲好食過 明明係韓國人住 諗返起 湯底材料足 濃郁D 牛肉都好入味好軟但呢到湯底好唔掂 唔夠香 牛肉都唔夠林華人嘢食 韓國人仲煮得正宗D好味D 唔係好明最重要係態度唔好 店又唔係大 客唔多唔忙 都咁....香港慣哂態度唔好 咁我不如去間好食嘅!以前老人家冇讀書 就話咁樣 明明後生仔 咁樣態度真少見

一入到去直到走店員的態度也很差。沒有禮貌坐低等左好耐也沒有店員黎落單，終於叫左佢黎，落單時又黑哂面好似阻住佢咁，問問題也不太樂意回答食物質素一般，叫左牛肉麵，牛肉有d un湯底味道感覺不太正宗價錢一般偏貴 沒有下次了

食過兩次，呢度啲野食份量太少，啲餸少就連啲飯都少，野食既質素又非常一般，可能因人而異啦，不過咁樣質素都仲賣成50幾60蚊up，貴成咁食完好似冇食野落過肚既話唔會再黎

呢間The Grove ，其實之前都嚮下徑口村一條小路果度，開左2年左右，一次都無試過，最主要原因係當時間店太細，完全唔想座得咁辛苦去食。之後見個店位換左第二間食米線的，以為倒閉了。今日想揾下附近有乜店未食過，就試下。居然發覺原來它搬左去田心，店面積大好多，位又闊d，就走去試下。點知，hmm....個人意見，唔係咁啱我同太太的口味。我們點了1) 台式牛肉面2) 台式牛肉泡飯3) 扭扭薯條4) 葱肉餡餅全個場，依家應該有12張枱，應該座到48人左右。我用餐的時候，都座了一半有客，見到大部份人都係食呢個阿Roy 台式牛肉麵。但係，這裡提供的牛肉，對比出面其他地方，無可否認，份量算係多，有4大舊。可惜，完全唔柔嫩，真情係硬，咬都咬唔開。麵，煮得唔夠時間，好像未熟。泡飯，第一次食台式牛肉泡飯，我只能說，不配的一種食法，所以好少見有提供。可能真係唔夾。

紅色暴雨俾個紙袋你裝外賣，已經唔敢用條手抽繩，用手抱住走，行到一半都係穿袋，跌到一地都係。返到屋企打電話去反映下，串串貢話我自己整爛，又話做乜咁遲先打返黎，以為我想挖着數，態度極差。我一早買左其他野食，得鬼閒返去你間野攞你d飯，仲要受你氣。鐘意黑面待應就去呢間啦

店員態度同服務完全唔掂！嘢食唔係好味，價錢又set得貴，唔抵食，仲要食到一肚氣由踏入餐廳果秒開始，啲店員都係懶懶閒，唔多理我地，似黎hea多過黎返工。明明得兩三個客，有三四個staff，但咩都要等好耐，答嘢又答到一舊舊唔想啋你咁全程西口西面叫左兩個食物諗住食住先再叫其他。宜蘭餡餅都幾特別，豬腳飯啲豬腳咸但飯汁完全冇味，飯米太多水焗太耐，林晒。兩樣嘢已經90幾蚊，由入門口開始到俾錢果下都俾staff西面，免費都唔會再去