THE BOTTLE & STEAK

營業中

休息中

🩵 Bottle and Steak @thebottleandsteak | 灣仔前幾日見到呢間餐廳做緊試業，做緊$98一個lunch，決定試一試佢我地叫左一份牛扒，一份油封鴨髀；加左一杯 house beer！一邊等一邊滿心期待，呢個時勢有$98一個lunch究竟會係咩質素呢？唔知會唔會係我大驚小怪，但我食港式扒房都要$120，$98真係好高興。一黎到，我地見到好大份：一份沙律菜、一份粗薯條、一份意式白麵包，再一份肉～ 本身我會覺得個麵包有啲多，但見到麵包熱辣辣，香草香清新，反而覺得好夾！講番件牛扒，牛扒比較細塊，但切開有肉汁，粉紅色，medium rare，煎得好好！兩邊有燒烤香，感覺個爐夠火候，封好肉汁，胡椒入味，好食！鴨髀本身以為比較乾身，但點知拆開少少，感覺成塊髀都好入味，偏咸，肉質剛好，夾麵包真係好好食！兩個餐佢亦配左一個gravy 醬，同肉都好夾～我地一邊食依然係一邊驚嘆點解做到呢個價錢～佢一至五晚餐仲有個任食牛扒嘅menu，好想試！餐廳嘅啤酒款式同酒款都好多，雪櫃好多野款imported beer，可以慢慢揀～ tap方面，我地去到有佢嘅house beer同 bla

牛扒都有放題？！係利東街睇完聖誕燈飾，就去咗隔離街有間酒吧扒房 The Bottle & Steak, 依加有牛扒套餐放題FRI TO SAT SET DINNER WITH FREE FLOW STEAK$298呢個牛扒放題套餐，真係性價比極高，除咗套餐包餐湯同蒜蓉牛油包，仲有任食配菜、小食同美國安格斯牛板腱扒！講到任食配菜必食澳洲雞鹽薯條，薯條極為香脆，真係唔停！encore幾次😂而黑醋橄欖油沙律菜同焗香草車厘茄，帶微微酸辣非常開胃，可以食多幾塊牛扒！小食有5 款揀， 带頭吉列虎蝦同墨西哥脆辣雞翼鎚，虎蝦係外層香脆內層彈牙，而且都幾大隻！雞翼鎚味香好豐富，辣辣地帶油香！講到主角美國安格斯牛板腱扒，牛扒幾大塊，口感較有嚼勁，香濃軟嫩，加少少鹽做調味，已經好夠，作為食肉獸，呢到真係好岩你！牛扒套餐性價比高，小食、配菜、飲品同牛扒都係任食，而樹餐廳裝修好有格調，最岩依加睇完燈飾就過嚟食！

最近朋友帶我去灣仔吃一間牛扒任食 🥩，這間餐廳在西環也有分店 🌆。餐廳設有兩層，下層比較像是酒吧 🍷，而上層則是正常餐廳的座位 🍽️。燈光昏暗，配上浪漫的音樂 🎶，氣氛非常有情調 💖。‼️ 星期日至四牛扒任食100分鐘 $258/位 （餐廳不設加一服務費）👍🏻前菜 （每位贈送一客）🥦 是日濃湯 - 西蘭花湯，味道很好，配蒜蓉包一齊食啱晒。🥖 蒜蓉牛油包 - 蒜蓉味濃厚，包的外皮很脆 。任食牛扒🥩 美國安格斯牛板腱扒 - 牛扒超高質素，上面灑上不同的調味料，再配上Gravy，難以置信這個價錢可以任食！任食配菜🍟 澳洲雞鹽薯條 - 薯條外脆內軟，加上獨特嘅雞鹽，很有風味。🥗 黑醋橄欖油沙律菜 - 新鮮嘅沙律菜搭配黑醋同橄欖油，清爽可口，很健康。🍅 焗香草車厘茄 - 焗到微焦嘅車厘茄散發住香草嘅清香，配上橄欖油，好正！任食小食🍗 墨西哥脆辣雞翼鎚 - 肉質鮮嫩，配上香辣的調味粉，好食到停唔到口。🥟 卡真炸雲吞 - 雲吞外皮炸得很脆，內裏很Juicy，絕對有驚喜。🐟 脆脆魚手指 - 魚肉鮮嫩多汁，裹上金黃酥脆嘅外衣，簡直係小朋友同大人嘅最愛。🍤 帶頭吉列虎蝦 - 虎蝦炸得好酥脆，炸粉唔會太厚，熱辣

THE BOTTLE & STEAK 最近喺灣仔開咗間新分店，午市只需$98就食到牛扒餐；而晚市仲有得食牛扒放題，以$258可享100分鐘任食美國安格斯牛板腱扒🥩，當中亦包含特色配菜及脆炸小食🍟，再另加$98更可任飲紅白酒啤酒🍷🍺 全日更免加一收費，真心抵食😆 餐廳揀裝飾得好靚，佈置晒聖誕裝飾，快啲bookmark定帶屋企人朋友嚟食😋.🔸100分鐘任食美國安格斯牛扒及配菜晚餐🔸▫️前菜（每位贈送一客）▫️是日濃湯 —— 忌廉蘑菇湯蒜蓉牛油包▫️任食牛扒▫️美國安格斯牛板腱扒: 牛板腱扒一塊份量都唔少，5成熟嘅牛板腱扒grill得剛剛好，帶濃濃肉味同焦香味，肉質軟腍帶粉嫩又juicy，唔算多筋位，配上自家製蘑菇燒汁，份外惹味～▫️任食配菜▫️澳洲雞鹽薯條黑醋橄欖油沙律焗香草車厘茄: 即叫即炸嘅薯條熱辣辣，好鬼脆口；另外配有橄欖油沙律同焗車厘茄，可以中和牛扒同薯條嘅油膩感～▫️任食小食▫️墨西哥脆辣雞翼鎚卡真炸雲吞脆脆魚手指帶頭吉列虎蝦吉列酥炸生蠔: 5款炸物包括炸雞翼鎚同炸海鮮，最啱配啤酒一齊食～▫️甜品（每位贈送一客）▫️是日雪糕配焦糖醬: 仲有是日雪糕曲奇雲呢拿口味配上焦糖醬，作一個圓滿嘅總結～

早排見到好多平台賣哂廣告價錢百令蚊內又好似幾抵 一於試一試但….食完都幾失望🫠首先 坐樓上冷氣凍到傻左係凍到一路食一路震同職員講左但冇用然後樓底好矮 成個環境係好封閉好暗職員得一個但佢又要上上落落出餐極慢每枱都等最少30-40分鐘總要漏單...D食物黎到已經唔係熱加埋咁凍既氣溫好快就凍哂用既所有餐具都係即棄連隻碟都係 冇擺盤可言好啦吾講咁多 講番食物質素先✨美國安格斯牛板腱扒$98✨老老實實塊扒係幾好食煮得幾香不過有D位都幾靭但好細塊！薯條凍左 塊包唔好食重點係第一次食到咁唔新鮮既沙律菜✨烤美式豬頰肉$78✨呢個幾好食 份量正常而且juicy不過個 source 好唔夾個人覺曬左個豬頰肉大家睇D相幾暗同黃就知間野幾封閉🤣✨皇牌慢雜菜安格斯牛肉粒$88✨3個餐入面最嬲係呢個牛肉粒加埋唔知有冇5粒而且佢係炆到勁淋淋到我唔覺得我食緊牛似豬多 D而且個味唔好食！！完全曬左我quota 同金錢佢個名總要寫係‘皇牌’真心食完好嬲

之前食過西環店覺得𣎴錯～見到灣仔開左新分店又黎試下～仲要有100分鐘任食美國安格斯牛扒😍😍👉🏻100mins Free Flow Steak $258/ppl一開始店員會送上每人1碗是日濃湯及蒜茸包當晚是菠菜蘑菇濃湯～香濃又Creamy菠菜味好出，濃稠度剛剛好👍🏻暖胃一流之後就會上小食· 帶頭吉列虎蝦 - 蝦滿大隻的～啖啖肉👍🏻好味·吉列酥炸生蠔 - 雖然唔大隻，但蠔味都幾濃👍🏻忍唔住食多左幾隻😍😍·墨西哥脆辣雞翼鎚 - 有明顯的香辛料味，但不會好辣～肉質有少少乾，但整體不錯·卡真炸雲吞 - 內裡有大大隻蝦肉😍好味·脆脆魚手指 - 正常 👉🏻美國安格斯牛板腱扒到主角上場～煎得好靚仔😍😍切開仲有肉汁～熟度約係medium rare～牛扒偏瘦但肉味濃👍🏻不會好韌，容易切開～同附上的醬汁好夾☺️對於食肉獸來說會很滿足🥰底下的薯條都好正🙌🏻  🎈總歸一句： 上菜速度都ok~有成100分鐘任食～一定食到幾轉～輕鬆回本🥰🙌🏻另外店裡仲有好多手工啤～好酒的人一定愛👍🏻

朋友話帶我去灣仔鋸扒😚仲話呢間扒房有得任食㖭啊🤩坐低無耐店員先送上是日蘑菇濃湯同埋勁軟熟嘅蒜蓉牛油包🥰主角任食嘅美國安格斯牛板腱扒炭燒香味超濃郁😋爆多肉汁，肉味都好重💓任食嘅配菜有粗身有薯味嘅澳洲雞鹽薯條🍟解油膩嘅黑醋橄欖油沙律菜🥗好清新嘅焗香草車厘茄🍅小食都有好幾款可以任食😎我最推介食脆卜卜嘅卡真炸雲吞同外脆內Juicy嘅魚手指😌另外墨西哥脆辣雞翼鎚、帶頭吉列虎蝦、吉列酥炸生蠔都係任食架✨食到最後已經超飽啦，但梗係要食埋甜品啦😇每人仲包咗一杯雪糕配焦糖醬🍧

今日晚餐去了這間牛扒店。跟上次比較可能因為時間關係人沒有太多。一名女店員我們選擇任食還是單點。我們選擇了任食他叫我們到樓上B6枱。B5/B6枱是並排的。而當時B6並沒有擺放任何餐具。而B5已經有餐具在枱上。之後這位女店員過來問你們會不會坐B5好一點。我們轉到B5並指出是她叫我們坐B6的。她竟然反口說，我說B5B6。我和朋友只好對望一下。然後第一round無需下單。店員會自動先上菜。她把食物送過來的時候說加單可以用這個二維碼。我們準備加單的時候，菜單上根本沒有可以點的菜式，我們便問同一位店員應該怎樣點餐，他看了一下說這個系統。。。然後她走去樓下再回來說你在看一下。其實那個菜單就只剩下「與店員下單」，這個選項。其他都是不包括在飲食菜單中的。而所有對話，這位店員一直天然西面，態度惡劣。我們加單說要雞翼和炸雲吞她問要多少份？我說要四隻雞翼和雲吞。他回答說以人頭算，每次最多一人一份。如果這樣為什麼要問呢？牛扒方面，明顯俾我上次吃的差很遠。基本上不會再有下一次。如果在同區想吃牛扒，我寧願去新開的Flat Iron。價格可能貴一點點，但是品質和服務絕對有保證。店內空間有限。可與枱之間非常密切。另外一

之前試過其另一間分店，依次和同事在午餐時一同前來試試灣仔這間新分店。餐廳共有兩層，環境整潔舒適，上層位置較為寬敞，特別適合一班人聚餐 🍽️🙌🏻這次我點了烤美式豬頰肉，配菜是薯條沙律🥗。豬頰肉烹調得不錯，調味偏向美式風格的蛋黃醬，但味道整體來說比較中規中矩，沒有特別驚喜。配菜的薯仔也算合格。整道菜的價格是$78，以灣仔的消費水平來說還算合理～👍🏻🐷需要注意的是，餐廳在午餐高峰期的上菜時間較長，用紙碟上菜亦不是太理想。另外，點餐需要透過手機App完成，需特別注意加配飲品的選項，App 預設為不附飲品，需自行挑選🙈整體而言，人均消費約$100的西餐在灣仔來說算是合理的選擇，特別適合一班同事聚餐。如果餐廳能在點餐流程和出餐速度上有所改進，整體體驗會更好 🤔🤔

昨晚到咗灣仔品嚐這間牛扒放題 好老實講 真的好失望 第一塊牛扒 都叫做可以接受 再order第二快已經份量係畀原先個快細好多 奈何 完全係好生 及韌 完全食唔到但值得一提 炸物真的畀 塊牛扒好好多我們連最後杯雪糕都完全都冇食就已經離開不過 灣仔這間店嘅服務真係比想像中差好多 因為我們坐樓上嗰層 根本就難有服務員 會standby在這裏 因此除了我們之外都有好多客人坐喺度不斷等服務員 上來才可以再order食物 而且個環境係好侷促 講真我們 連同飲品300多元 如果我們在出面去食所謂嘅放題真的有好多選擇所以真的唔會再有第二次 到訪

5成熟，都遇左叫外賣唔會係好好食，但塊扒係成塊都係筋，可以食嘅部分連10%都冇成個餐基本上只係得薯條同埋個舊麵包可以食😁留意返個餐係$118打左過去問，個店員寸到乜咁，話呢個部位係咁架，top blade係點都有筋💁🏻‍♀️我都明有筋但會唔會成塊扒都係筋💁🏻‍♀️然後連沙律菜全部都係黃哂唔知擺左幾耐咁👍🏻然後個車手送餐過黎個時遲左成半個鐘，佢同我講話呢間野出面有成十幾廿個外賣平台車手等緊餐⋯大家諗下值唔值得試💁🏻‍♀️

琴日見到IG show 咗呢間喺灣仔新開嘅餐廳有得鋸扒，擺盤又好似好靚咁，今日就嚟咗食lunch試試佢。入到去全場都坐爆曬，安排咗坐2樓。有一個好奇怪嘅現象出現咗，每次一有店員上嚟，全世界都望住佢，好似個個都諗緊拎上嚟嘅餐係咪我嘅。最後我哋明啦，因為我哋叫完嘢食之後等咗半個鐘多啲先有飯食，上到嚟啲嘢仲要係凍嘅…叫左3個lunch sets:★̆̈ 美國安格斯牛板腱扒 （$98）叫咗5成熟，牛扒好香有炭燒味，咬落肉味都好香同個烤汁都唔錯，但係好韌，有啲失望。★̆̈ 烤美式豬頸肉（$78）豬頸肉係叫嘅三樣嘢當中最好食，豬頸肉肉質鬆軟，油脂豐富，食落都有肉汁出嚟。★̆̈ 皇牌慢炆雜菜安格斯牛肉粒 （$88）個汁有啲似薯容味，牛肉粒完全煮到冇肉味，如果唔睇menu完全估唔到係咩肉，入面有啲紅蘿蔔仔，完全唔吸引。每個lunch set包左✐ 橄欖油香草中東包✐ 澳洲雞鹽薯條✐ 特式沙律✐ 果汁梳打/梳打水/罐裝咖啡（星期1-5先有）中東包食落幾香，但好少橄欖油，有啲乾；薯條唔脆，沙律睇落唔太新鮮。總括嚟講，都好失望 🫠

呢間餐廳一直都有bookmark到，第一間鋪係向西環個邊，既然開到嚟灣仔咁近返工位置，就要試試啦。初初睇門面以為得地下一層幾張枱，原來仲有一層，不過樓上樓底比較矮，所以當日lunch太多人嘅時候，就會有啲太嘈嘅感覺，上到去qr code落單，會有店員送餐上嚟。今次試左個法式油封鴨脾<$98>已經包左薯條沙律同中東包，再加1罐嘢飲，所以性價比都幾高，鴨脾幾好食有少少juicy唔會太乾，薯條佢係用粗薯條，所以口感一流，中東包亦都好驚喜幾好食，美中不足嘅係用紙碟上菜。

因為要去港島區上堂，放學後趁機約住在港島區的朋友，來了這間。事先預約下午茶時間，結果係包場，心諗點解咁少人，原來係試業同主打夜晚吃吃喝喝。後生仔店員好客氣又有禮貌，仲安排我哋上二樓乾淨闊落，又坐得舒服，不過唔記得影相。和友人同時吃了安格斯牛板腱扒：塊牛扒都幾入味，而且嫩，汁還好，個包一般，薯條唔夠脆。（友人：手機落單的選項幾好，幾成肉熟都可以選well-medium，而且又可以轉晒沙津同薯條。)（我：係咩？唔係間間都得？是但啦，快啲叫。)加點烤豬頰肉：係好食既，煙韌爽口，如果係配埋叫枝酒，應該好正。下次夜晚再出灣仔而又有時間，都會選試下佢個任食同其他小食。

有一晚行過先知開咗呢間The Bottle & Steak，上OpenRice先知原來係西環總店開既分店，試業中。晏晝試，以為得下層，點知上層都幾大，QR code落單，叫咗美國🇺🇸牛板腱6安士$98，有埋沙律🥗，我走醬同薯條🍟，可以再脆d，有埋牛扒gravy汁，牛扒🥩炭燒有網紋，性價比高，不過紙碟就格調低咗，餐湯加$15，今日係粟米🌽磨菇，比較細碗，但都好飲，上層冇侍應，要走落樓搵人