Tapas Brew (Mikiki)

營業中

休息中

喺Mikiki 上面，買完餸，拎住一袋二袋諗住搵個地方歇下，休息吓......見到樓下有間食西班牙菜嘅，平時行過見到好多人喺度chill 緊🌞 同三五知己飲番杯啤酒 🍻 談笑風生咁!!!! 佢出邊有啲outdoor 位，如果秋涼嘅時候或者有冬天太陽嘅日子過嚟坐吓，應該超正!!!!! 不過最近咁熱，喺條街棋一陣都出晒汗，就真係咪搞我😆 ...... 我都係坐返indoor 算!!! 其實I am not an alcoholic person..... 就算見到隔離一個二個叫晒啤酒喺度chill，我都冇意欲叫返杯🍺 我最後都係安守本分要咗兩個小食，衣下個肚仔算🤣🤣🤣話晒呢間都叫做係西班牙餐廳，我叫咗個豬手試試佢!!!! 坦白講，個豬手份量的確有啲細....打咗個特😆 食完都真係唔係好夠喉...... 可能呢間餐廳係重質不重量!!!! 個豬手肉質真心鬆化👍🏻 而且個皮超級薄，唔會好似出邊食開嗰啲皮咁，韌到咬都咬唔開!!!! 又薄又脆，係正嘅🥳 食完個豬手，忍唔住再叫多碟小食，叫咗個上面係scrambled egg，下面係鋪咗啲薯仔薄脆，幾light，唔錯，拎嚟過吓口人都幾好!!!!!

之前係太和食過呢間 對個西班牙烤乳豬念念不忘今次係MIKIKI又見番佢 決定坐低食多次Tomaine Vegetable Wrapped Beef Steak $98牛小扒外層富焦炭香 顏色粉嫩 充滿肉汁而且肉味突出用羅馬生菜包住再加烤肉醬 立即有韓式烤肉既感覺美中不足係牛肉帶少少筋 略有嚼勁 Scrambled Eggs with Chorizo & Crispy Potato $88同平時食pizza既辣肉腸唔同 佢比較深色同有鹹香 厚切有口感炒蛋都算滑 馬鈴薯絲幼切酥脆香口 濕潤既滑蛋配上脆薯絲又幾有趣Tapas Brew Roasted Suckling Pig $188同上次係太和食一樣 keep到水準 份量睇落唔多但絕對夠2個人食即烤即食外皮超級香脆 一切開肉汁即刻流出尼厚肉得尼好juicy 豬油味香濃 原汁原味都已經非常不錯另外今次配既醬汁係磨菇汁 好似磨菇湯咁濃郁 用個醬尼點牛小扒都好夾咁岩呢幾日都唔熱 夜晚仲涼涼地 揀左戶外座位 好舒服可惜因為要揸車 無得飲酒唯有叫西瓜汁 如果唔係一定叫杯啤酒/SANGRIA

又係我經常去嘅新蒲崗🚶‍♀️今日過嚟茶記下午茶，之後去買D日用品，行咗去Mikiki，見到地下嗰層嘅店舖招牌，有間西班牙餐廳Tapas Brew本人未食過西班牙菜，於是諗住今晚試吓，就順便行過去book 定位先，員工禮貌地問我：坐入去定outdoor ？雖然出面環境幾好，但可惜天氣太熱頂唔順，最後決定坐入去，行咗一陣、話咁快就到左我booking 嘅時間，今日下午茶時間太晏、所以仲未肚餓，唯有剩係order呢度最出名嘅「西班牙」特色烤乳豬一客試吓、後來再加一客「黑松露醬配炸粗薯條」西班牙特色烤乳豬👉🏾乳豬旁陪有少許蘋果醬，另外跟一小碗燒烤醬汁👍，乳豬皮脆肉嫩黑松露醬配炸粗薯條👉🏾跟一小碗千島沙律醬上，炸到啱啱好、非常鬆脆，食落有黑松露味下次嚟幫襯我會試吓以下呢個Set👇

朋友嚟接收工, 去咗隔離Mikiki食個飯, 我哋揀咗呢間西班牙餐廳, 佢有分室內外座位, 室外座位都有遮陰咖, 外面仲有啲燈飾, 好有feel咖~ 不過當晚落雨, 我就揀咗坐入面~🐷 特色烤乳豬 ($188)呢個烤乳豬真係比起平時喺德國餐廳食嘅豬手好唔同, 佢嘅肉質係比較實嘅, 好似係白肉, 朋友一度以為係雞肉嚟🙈 乳豬嘅皮烤到超級脆, 脆到薯片咁! 正!🍳 西班牙辣肉腸炒蛋配脆馬鈴薯條 ($88)估唔到呢個薯條係咁樣! 佢好似炸起咗嘅麵咁, 切到非常幼身再炸, 唔講真係以為麵條嚟! 炒蛋夠滑又香, 加上西班牙辣肉腸嘅味都幾match~ 西班牙辣肉腸係好香, 少少鹹然後有啲香濃嘅pepper味嘅, 肉質煙韌好味!

今日嚟到mikiki呢間西班牙餐廳。因為平時行過見到覺得環境幾romantic，就帶老公仔來二人世界下啦。入去發現除咗有Tapas Brew嘅menu之外，仲有隔離德國餐廳都一樣可以嗌，原來兩間係同一個老細嘅。Menu上面除咗main course, 仲有啲appetizers可以叫下。今日試呢個西班牙海鮮炒飯（＄198）、羅馬生菜包牛小扒（＄98），再飲多杯Mint chocolate ($68)羅馬生菜包牛小扒: 賣相討好，肉色粉嫩，外層微焦，板上都 有啲肉汁，幾juicy。諗咗好耐啲酸酸甜甜醬汁係乜嘢😂原來係豆瓣醬。羅馬生菜塊數偏少，成塊包住牛小排有啲難入手，最後決定撕開佢易食的。不過小扣分：啲菜開始有黑色西班牙海鮮炒飯：上碟見到海鮮好多種類，同埋數量都唔少。配料有橄欖、洋蔥等等，好豐富食落同想像中嘅味道都好唔同 。可能係正宗西班牙式嘅煮法？以為會重番茄醬味，點知原來係紅椒、番紅茄嘅味道。飯嘅質感有啲似糯米飯，但又再粒粒分明啲。海鮮嘅味道正常，個人比較鍾意魚塊，其他海鮮可以用檸檬吊下味。薄荷朱古力：除咗大杯之外，有少少失望。冇乜薄荷味，就係一杯幾貴下嘅朱古力沙冰。不過計埋食環境，

呢排日日放工都約咗朋友食飯仲要食唔同國家嘅菜式😅今日就揀咗嚟到Mikiki商場嘅西班牙餐廳食飯間餐廳細細間但係都相當熱鬧，而且裝修亦都好有西班牙風味特色，又見到有一大個酒櫃，幾有氣氛～餐牌都有幾多選擇，最後我哋揀咗呢間餐廳嘅signature烤乳豬、生菜包牛小扒、火腿野菌闊條麵！我同朋友仲一日嗌咗一杯draught ，佢飲黑啤我飲白啤！我鍾意個黑啤多啲，飲到麥味都好重！正！乳豬脾燒得好脆好香口，又保持到好多肉汁，仲要啖啖肉好鬼正！另外佢配埋個sauce點嚟食，酸酸甜甜更加惹味！呢個牛小排上碟個賣相同餐牌上面嗰張相真係有九成似！個牛小扒燒到medium rare，中間勁粉嫩勁Juicy，包生菜食可以低油膩感，再連埋佢配嘅嗰個paste食真係幾好味！條麵都做得唔錯，應該係自己搓嘅，口感紮實彈牙非常好，朋友話仲食到有少少蛋香味！唯一美中不足嘅地方係佢落西班牙火腿嘅份量偏少～聽嚟講一間係高質嘅西班牙餐廳！

很久沒有吃西班牙菜，今天相約朋友一起到新蒲崗是這一間西班牙菜。Seafood paella 西班牙海鮮飯 $188西班牙海鮮飯是以鮮蝦，青口，蜆等海鮮，加上海鮮湯慢慢煮成，飯有濃厚的海鮮味，飯大粒又飽滑，每口也有濃厚的海鮮味，鮮蝦大大隻， 富有西班牙風味烤吞拿魚半芒果莎莎 $165高質素的吞拿魚已火槍烤過表面，再灑上黑白芝麻，雖然還肉是紅色，每口也有濃厚的魚味羅馬生菜包牛小排 $98牛小排五成熟，切成方形， 外表輕輕煎過封住肉汁， 牛味重而且肉嫩，羅馬生菜清甜，包上羅馬生菜一起吃，口感豐富！

突然有個朋友話想食啲平時無食開嘅菜式，好彩地比我搵到間西班菜嘅餐廳，所以呢一晚我地去左新蒲崗Mikiki商場個邊食啦。店外已經坐滿啲客，走入黎店內發覺環境好舒適，同埋好有係當地食野嘅感覺。餐牌上面有好多西班牙菜式，首先我地叫生蠔先，因為我朋友好想食，一盤有六隻，而且都算大隻嘅。之後就係羅馬生菜包牛小排，都有好多粒，依家內裡係粉紅色，外面燒得脆，再配醬料黎食係好夾。烤特色乳豬配香菇鴨肉燴飯係性價比高之選，乳豬份量好多，個位置比得幾靚，多肉少骨，而且皮脆肉係有肉汁，有秘製乳豬醬同青蘋果醬揀，我個人就鍾意乳豬醬多啲。而鴨肉燴飯係啖啖都係好濃郁，香菇落得唔少，所以口感提升左唔少。呢間絕對有下次，西班牙菜唔係度度有。

依家去唔到旅行，但係又想過下旅行癮，究竟可以點做呢？就係食當地菜式啦，呢次我地黎到新蒲崗Mikiki商場地下嘅西班牙餐廳食晚飯。首先，我地叫左生蠔做頭盤，吱啲檸檬汁落去提升鮮味，蠔肉都大細適中。之後，羅馬生菜包牛小排係好精美，牛小排切成好似一粒一粒骰仔咁，內裡係粉嫩，外皮仲燒得好香。主食方面，烤特色乳豬配香菇鴨肉燴飯，呢個餐店員係用一塊大木板裝載住乳豬同埋燴飯。乳豬皮脆，唔肥膩，有青蘋果醬同秘製乳豬醬去點乳豬肉，而燴飯每粒米都吸收了醬汁，每一啖飯都係好入味。整體上，呢間店環境舒適，仲有西班牙實境照做牆紙，令到客人好似去左當地一樣，而味道方面都幾岩香港人食，真係滿足到我嘅旅行癮。

作為都市繁忙既九龍人，經常都會周圍去搵d好野食慰藉下個肚，近依幾年發現新蒲崗多左好多吾同既新餐廳，就以Mikiki商場來講，最近年新加入吾同既多國菜餐廳，但鐘情西班牙菜既我，想系香港搵到一間正宗同好食黎講確實系好小，而朋友知道我系西班牙菜既粉絲，就預早book定位帶我去Mikiki商場既Tapas Brew食生日飯啦鐘意食生蠔既朋友有口福啦，依到竟然有即開生蠔食呀，第一道菜系生蠔，海水味不能缺少，加上滑溜既肉身，配上鮮甜爽口既口感，吾經吾覺兩分鐘內已經食哂，同朋友都大讚呀。第二道菜系八爪魚小食，酸酸甜甜甘，好開胃呀。第三道菜系西班牙燴蜆伴檸檬橄欖油，每一口蜆食落去吸收哂檸檬汁，好清香既味道，而d蜆系煮到岩岩好，冇過生亦冇過熟（因為食過有d蜆過熟好難食架）第四道菜系炭燒烤羊架，羊架烤得好食，生熟5：5比例，配上沙律同薯條，岩哂吾同口味選擇既朋友，依樣野做得非常貼心呀。第五道菜系西班牙海鮮飯，食得出系正宗既西班牙味道...讚呀，配上多種時令海鮮，飯索哂d海鮮味，好正呀，好好食呀。第六道菜系燒比目魚配原隻大蝦，比目魚燒到皮系脆卜卜，入面d魚肉仲系保持滑溜既，咬落去有肉汁bi出黎，配埋原隻大蝦

疫情期間想離開香港都難，朋友話想試吓呢間西班牙菜，當去咗旅行🤣入到餐廳見到牆身掛咗一幅好大嘅西班牙街道嘅畫，另一邊牆身放滿左唔同嘅紅酒，充滿異國風情。一打開個餐牌我哋樣樣都想食，最後叫咗三樣前菜、小食，同埋五樣主菜🤪首先，呢個傳統醃八爪魚配香檳醋甜椒有橄欖、青椒、紅椒、黃椒、洋蔥等等嘅蔬菜，加上香檳醋配橄欖嘅味道清新，酸酸地好開胃。生蠔肥美，鮮味濃郁，淡淡嘅甘甜，唔會太咸/太大陣海水味。西班牙燴蜆伴檸檬橄欖油真係冇得彈！佢哋嘅蜆係每一粒都非常大隻同肥美，我哋都話從來未食過咁好既蜆！絕無誇張！完全冇沙！橄欖油帶出勁鮮味！！豬手就食得多啦，呢度竟然有鹹蛋黃豬手，因為本人勁鍾意食鹹蛋黃，豬手配埋歌蛋黃醬真係冇得頂，勁香口！都有配濃郁芥末醬同淡酸味芥末醬。特色烤乳豬配秘製醬汁，旁邊仲有蘋果蓉，乳豬外皮香脆，肉質嫩滑。燒比目魚配原隻大蝦啱晒啲食唔到有魚刺既人，比目魚燒完一啲都唔乾，仲有啲肉汁鎖住系魚入面。隻大蝦成隻手掌咁長，肉質彈牙。食西班牙菜又點少得西班牙海鮮飯，之前去西班牙食海鮮飯都偏硬身，呢度嘅飯較為軟身，比較適合香港人口味。海鮮飯入邊嘅海鮮都好高質，真正有質素嘅海鮮飯。飲品方便我就叫咗一

啟德放工後四圍走，有時到mikiki 搵餐廳食，曾經lunch time 食過既，今日帶朋友食。餐廳室內位置真係吾多，其實走廊吾係好闊，但係一坐落又覺得幾舒服，可能因為環境吾錯，而擺設，裝修都好靚，所以你會好投入係裡面。西班牙風味，西班牙特色。迷你漢堡配黑松露醬，一共有三個，吾係睇佢細細個，但其實一d都吾簡單，裡面除左有牛肉，仲有洋蔥同菜，而且連包都係烘過，絕對有誠意。仲配有粗薯條，我自己就好鐘意食粗薯條，又脆。西班牙海鮮飯，個人覺得係必叫。同朋友食飯去西班牙餐廳，總有人提出叫西班牙海鮮飯，的確係好味，海鮮既味，大家share 食。最重要海鮮多，飯又煮得好，千萬不要過硬過軟。牛小排，都相當吾錯架，肉香，牛味都好。Smoothie 佢有好多口味，今次揀mocha，好味，因為夏天真係好熱下，冰就更加令人覺得好爽，去一去炎熱先，再大吃一頓。

獨愛西班牙海鮮飯，朋友每次去西班牙餐廳都必定會叫西班牙海鮮飯。今日都吾例外，放工就係要食，西班牙海鮮飯有兩人份及四人份可以揀既。餐廳選擇好多，仲有室外室內可揀，室外都幾靚架。我地當然係兩人份量，海鮮好足料既，有青口，大蜆，蝦，魚柳，等等。正！海鮮味都滲入飯料，而且餐廳都好有心煮海鮮，例如魚柳本身都輕輕煎過及調味。另外，飯粒都煮得粒粒分明，應該係龍蝦汁味鮮味，吾錯。另外，叫既係羅馬生菜包牛排，如果幾個朋友share食係一幾岩，如果食排覺得膩的話，包包生菜更加加了一陣清新，再加上佢個醬，就更加fresh.牛肉本身都好香肉味，吾會硬，都幾juicy ,一度食一度傾住計，訴下生活上既苦。另外一份係茴香蜜汁蒜蓉雞翼伴檸檬汁。本身以為只係，雞翼，原來仲有雞槌，一共有6件。蜜汁都幾足下，而且雞翼係焗得幾香口，甜得黎有少少脆邊。飲品，一杯簡單pench green tea已經夠，桃味好濃，而飲少少甜甜地清新既飲品更好，夏日炎炎，最緊要冰凍。

屯馬線開通後搭車去Mikiki方便左好多，由啟德站行過去只需要十分鐘。今日就約咗朋友係Mikiki食西班牙菜，佢話係openrice見到個海鮮飯好吸引。西班牙辣肉腸炒蛋配脆馬鈴薯絲呢個炒蛋唔會好油但食落好滑，辣肉腸切得細細塊，咬落啱啱好，馬鈴薯絲切得幼條，炸得香脆，好少食炸馬鈴薯絲，幾鍾意佢嘅口感，配埋炒蛋食一流。特色烤乳豬乳豬皮好脆，肉質鮮嫩多汁，配埋啲汁食好夾。乳豬烤得好軟身，而且餐廳俾嘅位置喺近豬腿，所以非常肥美，皮下有少少膏而且好滑。西班牙海鮮飯呢個超吸引，有好多不同種類嘅海鮮，包括魚、青口、蜆、蝦、墨魚，海鮮飯嘅汁帶有香濃蕃茄味，而且夠濕，好有傳統西班牙風味。Chocolate & Mocha Smoothie 呢個外型好吸引，面頭有成個冰，我個杯朱古力味好濃，飲落唔係好甜，感覺好解喝。朋友個杯Mocha都唔錯，佢話唔太苦，味道略淡。總括而言，香港西班牙菜餐廳選擇唔多，可以一試！

起新蒲崗Mikiki有幾間異國菜行過呢間個menu好似ok就入左去星期六去都唔算好多人有得揀室內位或者露天位置如果起露天位置一定會好chill~~不過呢排天氣一般又會好熱所以都係揀返室內喇~~set lunch 揀左個意粉意粉正正常常個汁都做得幾香同埋creamy唯一爭dd係只係得好少配料特色烤乳豬 呢個真係有少少失望係lunch set無既, 得散叫本身我expect個皮係會脆口可惜佢唔脆仲要無咩味仲要好大陣豬騷味真係同想像中好大分別呀!!!真係明點解佢無咩人排隊 ><下次真係要睇清楚先~~