TakEateasy X FirsTeǎ

營業中

休息中

#20230708 💛📍 TakEateasy X FirsTeǎ @takeateasy_×_firstea 大埔美新里7號地舖➖➖➖➖➖➖➖➖➖➖➖➖➖➖➖➖➖➖#積及橙朱古力雞蛋仔 $26#雀巢雪糕 #曲奇味 +$7💭 唔check都唔識，原來積及橙朱古力係一個牌子😅本身唔識所以無得評論佢還原度高唔高，只可以講個雞蛋仔係有橙味🍊都有朱古力味🍫口感做到外脆內軟，本身雞蛋仔唔係好甜，加左雪糕就岩岩好🍦簡直係一大消暑享受☀️太陽曬住其實個雪糕溶得好快🫠要同時間競賽咁食，不過佢都好貼心咁比左個杯仔裝住，唔會滴到成手係👍🏼.#大埔美食 #大埔黃店 #🐷_食

呢間鋪頭，之前仲喺寶湖商場開果陣，已經嗌過幾次外賣，每次都會食佢地既格仔餅，尤其係脆莎榛子朱古力、同埋懷舊積及橙。前者同區有另一間店都有賣，後者真係第一次見。今次閒日晏晝時間黎到 (1點幾)，前面冇其他單既情況下，等左8分鐘，等候時間合理。嗌左兩樣野，第一樣係懷舊積及橙格仔餅 ($30)。格仔餅既口感外脆內軟，面頭加左少少既糖霜。而餅入面夾左非常多既朱古力醬，基本上唔洗嗌多醬都夠，每次食果陣啲醬都會食到成手都係。鍾意食積及橙餅既人會好鍾意，係童年回憶既味道，唔鍾意既可能會嫌太甜。另外嗌左黑糖泰式珍珠奶茶 ($30)，入面既珍珠偏冧身，如果硬翻啲啲就perfect。奶茶好滑唔鞋口，幾醇厚。自己要求少冰+少糖，甜度ok。唯一要改善既係，膠袋要加一蚊，其實睇翻環境保護署既網站，「盛載非氣密包裝餐飲外賣的塑膠購物袋，每單一交易的首個塑膠購物袋可獲轄免收費」，正常應該唔洗收既，希望店家可以留意下。

每次經過都想試佢個格仔餅但次次食完飯都好飽今日未食正餐前就order咗先比利時蘋果餡一拎到手就好想食個餡超厚有甜甜嘅嘅肉桂香味做飯後甜品一流不過建議即場食可以食到個面脆脆但入面冰涼同清新嘅蘋果