T.Co (開源道)

營業中

休息中

T.Co現時開到第四間，今日去咗觀塘分店，以外賣為主，入面冇任何堂食座位。落單後大約2分鐘後就可以拎到外賣👍🏻每次食T.Co都會食烤卷，今次都唔例外，雞肉同牛肉各叫咗一份，牛肉味道香濃，而且設成一粒粒，非常易咬。雞肉就幾嫩滑。另外配料有青瓜、洋蔥同芝士，無論味道同口感都非常豐富。即使加咗醬汁，食落唔會話好膩🤩大碗飯亦係T.Co另一個賣點，我叫咗牛肉，材料同烤卷基本上差唔多，只不過係芝士片變咗芝士醬，同埋多咗飯。餐廳用嘅飯唔係普通白飯，有少少香料味道，特別好味😋飲品方面，除咗罐裝飲品，餐廳仲會提供即沖咖啡，款式幾多，由拿鐵咖啡、美式咖啡去到泡沫咖啡都有。可惜我返工附近冇T.Co，如果唔係我日日都會食烤卷，絕對係平價美味首選🥹

對我呢個麵包控黎講，TACO🫔真係幾時都岩食既食物，竟然畀我係觀塘發現到呢家小店。牛肉烤卷、雞肉烤卷🌮叫完店員會即刻包，唔係現成貨。肉味食落去都唔會話好硬同埋凍冰冰🔥，最重要係個餅皮係軟身有咬口，食食下仲有肉汁。不過我最欣賞係佢地既醬汁味，甜甜地又有少少辣，好開胃😋。細碗飯🍛用既食材同烤卷差唔多，但佢個飯幾特別，係偏向似香料飯、有味飯，就咁食飯都好好食，當然混埋醬汁就更加好👍，天氣咁熱食呢D飯就最適合啦。呢間開係馬路邊，以為佢地既TACO都係以效率行先，快快整完再到下一個。但係估唔到佢地做烤卷同飯都幾細心🥰，我仲叫左包LATTE返屋企慢慢嘆添。我見佢地都幾多分店🤩，下次如果經過開一定會再去試下。推介大家黎試下！@t.cohongkong#chillchill_aloye#烤卷#TACO#觀塘美食

T.Co今次要介紹喺觀塘開咗無幾耐喺菲律賓最紅嘅烤餅叫「T.Co」，依家終於進駐香港，唔洗飛去菲律賓都可以食到喺菲律賓非常出名嘅小食，原來喺菲律賓已經有600間分店，依家只要買兩卷烤餅只係比$75，即磨咖啡仲買一送一添，仲唔快d去試下啦！1.滋味牛肉烤卷$45（原價）$75/兩卷（8.5/10）呢個牛肉烤卷原本以為烤卷會好脆，原來口感係好煙韌，牛肉味夠濃，仲有沙律醬，配埋蕃茄、青瓜、芝士等配料，口感非常豐富，味道甜甜辣辣，唔錯！2.香嫩雞肉烤卷$45（原價）$75/兩卷（9/10）呢個雞肉烤卷原本以為烤卷會好脆，原來口感係好煙韌，雞肉肉緊嫩滑唔韌，配埋蕃茄、青瓜、芝士等配料，口感非常豐富，味道甜甜辣辣，個人鍾意雞肉烤卷多少少！3.香煎雞肉飯$55（9/10）呢碗香煎雞肉飯只係烤卷皮轉為黃色飯，味道同配料跟香嫩雞肉烤卷一樣，份量都好多，夠兩人食！4.即磨咖啡$25（9/10）呢杯即磨咖啡唔會好苦，又唔會酸，非常好飲！依家即磨咖啡仲做緊買一送一，單叫都得嫁！2人總共價錢$155個人口味總評分：8.875/10@t.cohongkong 地址：觀塘開源道63號福昌大廈地下A6號舖Please

呢間菲律賓小食店喺菲律賓係超強嘅人氣品牌，係 觀塘開咗幾個月，每次經過都見到好多人排隊一直好想試, 今日唔想食得太飽，同同事諗住入去買兩個特色烤卷返公司試下， 見多人買飯個樣都好吸引，最後我哋買咗 滋味牛肉烤卷， 香嫩雞肉烤卷同 香嫩雞肉飯返去share食，佢哋嘅烤卷係即叫即整新鮮熱辣。👍滋味牛肉烤卷：入面有新鮮嘅蔬菜， 美國牛肉，洋蔥， 芝士加埋 蒜蓉醬好惹味。香嫩雞肉烤卷：入面嘅雞肉好嫩滑， 另外仲有蕃茄，青瓜， 酸酸辣辣 越食越開胃😂。香嫩雞肉飯： 大大碗配料豐富， 加埋幾款佢特製嘅醬汁， 濃郁好味

今日同朋友觀塘整完指甲，見有少少餓行經開源道見到呢一間幾特別嘅嘢食，原來係菲律賓菜，見到佢有個捲餅我想買來食。性價比非常之高，一個捲餅已經勁飽肚。我叫咗呢一個牛肉卷，店員即叫即整，捲餅入面包住洋蔥絲青瓜絲蕃茄等，牛肉味道濃郁，好有咬口，醬汁大有少少辣味，很惹味，但一定要趁熱食超級正。朋友就叫咗大碗飯，入面嘅餡料係雞肉，顏色比較豐富，個米飯係黃色嘅，醬汁味道比較濃郁。另外見佢凍咖啡同叶咖啡都做緊買一送一，剛好可以同朋友一杯，我就叫咗美式咖啡，幾好飲。

觀塘TCO🤩烤牛肉卷✨🥗牛肉片經過精心烤制，保留了肉質的鮮嫩多汁，搭配上特製的墨西哥辣椒醬和濃郁的芝士，一口咬下去，既有肉質的嚼勁，又有醬汁的醇香，實在讓人欲罷不能。🔥🔥烤雞肉✅雞肉經過慢烤後，肉質更加鮮嫩，再搭配上秘制醬料和新鮮的蔬菜，口感層次豐富。每一口都能感受到雞肉的鮮美和醬料的濃郁。🤣🤣雞肉飯🌟簡單的食材，卻能做出不簡單的味道。每一口都能吃到肉質的鮮嫩和蔬菜的清爽。✨✨✨✨✨

一直都好想試呢間T.co，主打墨西哥卷，亦有飯類可以選擇，中意食快餐既朋友仔又多一個選擇， 店內有個企位亦都可以外賣打包😆所有產品都係即叫即整，建議熱辣辣食比較好🤭🌯滋味牛肉烤卷結合左菲律賓嘅烤肉技術同墨西哥嘅傳統卷餅，外皮酥脆帶點甜，入面嘅牛肉又香濃又多汁💦再配埋蕃茄青瓜等配料，食落好有層次😚香嫩雞肉烤卷雞肉經過特製醬汁調製，食落味道好濃郁又juicy💦入面包住芝士、番茄、青瓜、洋蔥，超足料🤩🥩滋味牛肉飯牛肉巨多之餘仲好軟嫩，金黃色嘅米飯粒粒分明，醬汁濃郁得黎又唔膩，配搭埋洋蔥同蕃茄等配料，啖啖滿足🥰咖啡好香濃順滑，配埋一齊可以解解膩😊

今日放工經過開源道附近， 見到有間新開店舖T.co , 上網睇吓有冇其他comments , 原來係菲律賓連鎖餐廳賣墨西歌烤卷， 菲律賓都幾出名， 賣相好似好吸引， 同埋平時好少地方有得賣, 所以每樣買d 返去試吓大牛肉飯： 大碗，正常食量食曬都夠飽牛肉烤卷： 2 款烤卷都買曬， d 款就比較惹味， 內有香辣醬， 青瓜， 雞肉，蕃茄， 但又係真係好辣， 食完好想再食.豬肉烤卷： 烤卷皮唔會好厚， 食落煙煙銀銀，即烤， 熱辣辣， 饀料都多， 有芝士， 蒜蓉醬， 洋蔥和牛肉， 啖啖肉， 小朋友都鍾意食凍美式咖啡: 好香咖啡味， 提神之選

自從觀塘開左T.Co，一直都好想去食，咁啱今晚唔想煮飯，所以決定外賣自取。烤雞卷烤雞卷以熱辣辣的餅皮包裹住嫩滑的雞髀肉，餅皮外層烤得微微酥脆，內裡的雞肉則保持著豐富的汁液和鮮嫩的口感，再配上新鮮的蔬菜和自選的醬汁，出色！烤牛肉卷烤牛肉卷同樣即叫即製，它選用美國優質牛肉，食落去感受到肉質的鮮美與彈性，超級Juicy，而且帶一點微辣，搭配上新鮮的蔬菜，真是美味。雞肉飯雞肉飯的特色在於菲律賓式的黃色米飯，色澤鮮艷，口感香軟。配上嫩滑的雞肉，新鮮的蕃茄、青瓜和洋蔥等配料，絕對是一個不錯的快餐選擇！

成日見好多foodie 介紹，今次終於有機會食到，依間超搶眼嘅地道菲律賓卷店😋 店舖以牛肉和雞肉為主，有多款套餐組合任㨂👍 咖啡仲買一送一tim😋超級抵食喲😘 今次🐧 就各要咗一個牛肉烤卷同埋雞肉烤卷😋 兩份烤卷都係即叫即包，保證新鮮唔會冧曬😚 牛肉粒濃郁辛香，每一啖都滋味滿分😘 雞肉又嫩又滑，令人食唔停口👍 加上大量多樣化嘅配菜醬料，口感極佳❣️ 多叫咗一客香嫩雞肉飯俾🐧🐧 buddy🥴 客飯好重份量，內含大量雞肉、滑蛋白同埋特色米飯😘 食完保證包到上心口🤣 雞肉一樣咁嫩滑美味👍 好高質❤️

今日放工夜了，回家唔想煮飯，經過呢間菲律賓連鎖店，有菲律賓飯同埋烤卷賣，覺得幾新奇，試吓買外賣回家吃。烤卷套餐$75套餐包一個牛肉烤卷及一個雞肉烤卷。烤卷係即叫即做，烤卷焗得少少香脆，中間夾了豐富餡料，蕃茄，青瓜，洋蔥，雞肉/牛肉。食落去幾爽口，而且感覺幾健康。唔好睇佢細細一個卷，都幾飽肚。牛肉烤卷牛肉餡料肉味濃，加上沙律醬，好好味。雞肉烤卷雞肉嘅惹味，帶點甜辣味道，好開胃。烤雞肉飯（大） $55 雞肉飯大大碗，用咗傳統菲律賓嘅醬料，白米飯亦都混合咗菲律賓嘅香料，凍Latte $35 $35一杯咖啡，而家仲做緊買一送一，好抵飲。

唔知食咩好經過就試吓呢個 近排好出名嘅菲律賓卷 平時見到好多打工仔排隊外賣 今次就真係試吓佢🌮香嫩雞肉烤卷雞肉比想像中嫩滑 唔會好乾好柴 成個卷都幾足料食落亦都唔會有太多醬太漏嘅感覺 整體嚟講都算唔錯🌮滋味牛肉烤卷相對牛肉卷感覺比雞肉卷乾淨少少 但好彩卷入邊啲蕃茄青瓜配菜都足夠水份去平衡返牛肉卷🍛香嫩雞肉飯大大碗飯嘅雞肉同卷材料一樣但相對嚟講都比較濃味 因為按比例上佢嘅醬汁比較多男士們應該喜歡食呢一碗因為又大又飽肚

菲律賓非常出名嘅小食終於進駐到香港今日午餐特別嚟試吓佢嘅烤卷同烤肉飯係一個女仔嚟講食一個烤卷已經好夠飽雞肉烤卷雞肉十分入味有一片芝士同埋蒜蓉醬加香辣醬配上蕃茄青瓜夠清新香烤餅皮夠煙靭口感好豐富牛肉烤卷牛肉味濃同有咬口相比雞肉烤卷牛肉會更濃味雞肉飯十分大份量飯底好出色係飯黃飯配上濃濃既蒜蓉醬將醬、飯、肉拌勻每一啖都食到好滋味lattee最近做優惠有買一送一咖啡味好出但又唔會過苦係好適合女仔嘅一款咖啡

⭐️T.Co為菲律賓人氣美食之一⭐️佢係菲律賓有連鎖品牌特色烤卷，當地有超過600間分店憑著秘製滋味醬汁以及高質食材，成功俘虜萬千國民佢係舊年12月登陸香港，總共有4間分店，咁岩有間好近我，係觀塘，所以去試試佢～而家做緊優惠$75就有兩件烤卷，$95有兩碗大碗飯，$60有兩碗細碗飯，咖啡買一送一，優惠超級抵！🔸牛肉烤卷呢個有驚喜，牛肉碎粒夾係裡面，容易咬開，裡面有蕃茄青瓜，健康又好味，配合獨有的醬汁very good🔸雞肉烤卷唔食牛嘅你可以試吓雞肉，同樣都好味😋都係好清新好健康🔸牛肉大碗飯啲飯係黃色，係菲律賓特色飯，同樣都係牛肉碎配菲律賓獨有的醬，加蕃茄片青瓜片🥒🔸即磨咖啡（凍）咖啡可以自己落糖，所以唔會太甜，好濃咖啡味之前都未試過菲律賓菜，原來菲律賓菜都咁好味，唔怪之得係菲律賓人氣美食之一，好開心進駐嚟香港🇭🇰

菲律賓既快餐，其實都可以好好食。所以呢間喺菲律賓有超過600間分店既烤卷/飯快餐店，都值得試一試！餐廳主打外賣快餐，店面無座位。至於佢有咩嘢食呢?主要就係主打嘅烤卷pita wraps，另外有飯餐同咖啡。Set meals都幾抵食，烤卷有牛肉同雞肉，一個set就可以試曬兩隻味！全部烤卷見住佢即叫即制！烤餅即烘，保證熱辣辣，正！豐富粒粒牛肉或雞肉，除左青瓜蕃茄增添清新外，仲有濃濃芝士同香辣醬汁，非常juicy惹味。想飽肚d食飯嘅話，有碗飯餐，同樣係雞肉/牛肉選擇。粒粒黃色嘅米飯，配上豐富醬汁，開胃惹味。咖啡做緊買一送一，熱americano非常香濃。