Supreme Steak & Grill

營業中

休息中

牛魔王見倒SSP 有開左高質牛扒🥩緊係過去試下啦最多人推薦既安格斯級封門柳🥩就試一試佢我地order左 medium. 個封門柳都幾厚身. 最緊要係冇over cooked. 食牛扒好多時叫5成熟, 上枱時變左7成😂 切開入面勁juicy, 見倒已經❤️❤️眼左😆 食落好重牛味， 又真係幾正淨係食牛太heavy, 我叫左個沙律中和一下. 炙燒吞拿魚至尊沙律🥗配料有吞拿魚,蛋,紅蘿蔔絲,櫻桃蘿蔔,生菜, 羽衣甘藍,紫椰菜,黎麥. 淨係個賣相已經好吸引. 哩度既沙律係無沙律醬既, 食倒蔬菜最天然既味道. REAL FRESH🌱

價格偏高，但食物質素一般，本身食封門柳五成熟，出到嚟只有三成到，食完個餐，原先標明薯條可以任食，同店員講加薯條，都即刻收咗個碟同餐具，同佢講比番隻叉我，態度超差講sorry囉，唔講都好過講，勁晦氣，呢間嘢絕對冇下次，食到一肚氣唔記得食之前上嚟睇吓呢間嘢嘅評論，原來有好多人同我一樣都食食到一肚氣，究竟個冇禮貌態度差嘅人，係咪老細，點解間舖可以容納個咁差嘅人做前線嚟趕客，第一次寫食評就係為咗分享真實感受，希望大家唔好再去比錢受氣啦

想比起出面鋸扒 呢個餐廳價錢係比較平有8款晚市套餐 全部都有90分鐘任食薯條再包一罐汽水 仲要唔使加一 相對真係平安格斯級封門柳 ($190)叫左7成熟 唔會好韌 幾有牛味有200g 以呢個價錢 質素都算唔錯安格斯級肋眼牛排 ($190)同樣七成熟 200g 呢個冇乜牛味未到一般 比封門柳遜色🙁西班牙黑毛豬鞍 ($160)豬鞍都幾大塊 肉質幾鬆軟配埋佢嗰個類似香草醬食 都唔錯相比之下都好食過肋眼扒薯條方面 幼薯條 好似麥當勞嗰啲新鮮炸起都幾香口 都食左3兜🤣

讚1 一塊牛扒準確 肉味好 醬汁調得好2 雞翼燒得唔錯 皮脆肉香3 環境算幾企理彈1 另一塊牛扒就點5成熟得1成熟 再拎入廚房整過 出黎都係一樣2 薯條雖然係任食 但炸得唔夠香口3 咖啡爆難飲

今日2 個人點咗2 件封門柳，其中一件好多根，冇mood. 另外餐廳冷氣唔夠，食咁耐、流汗💦咁耐。chips 及意粉正常。 我下次唔會再叫封門柳。 希望大家運氣會比我好。

今次去開深水埗，之前有朋友介紹過，所以去試吓，雖然是平日，晚餐都有七成左右入座率。Menu選擇不多，方便選擇困難症朋友。雖然是西餐，但點餐就要用枱面上點餐紙。食物簡單，只係主菜及自選飲品，而且薯條可以任食。但在餐廳所見，都唔見有人追加薯條，因為配扒份薯條都唔少。我哋選擇了封門柳及肉眼扒，肉味夠濃，質素不錯，份量剛好。但服務真心一般，不知道是不是，無收加一服務費緣故，尤其門口收銀小姐，完全無對答，全程面黑黑無表情，好以嬲咗成村人。

深水埗原來有間任食薯條嘅扒房🥩🍟🤭薯條放題真係好正😆Supreme Steak & Grill 係一間主打扒房嘅餐廳🍴餐廳裝修簡潔✨晚市好多人😆好彩有提前book 位✌🏻性價比超高👍🏻90分鐘任食薯條🍟🍟🍟▶️每個套餐包一罐汽水或一杯熱即磨咖啡😋🥩安格斯級封門柳(肉味極濃) 200g 我哋叫左5成熟☺️超厚身😍外面有小小焦脆😛牛味好濃郁仲好juicy 😋小朋友都食到😚好軟腍🤪完全冇筋🤤點埋個黑椒汁會更惹味☑️😋🐷西班牙黑毛豬鞍 220g 火候控制得好好👍🏻完全唔難切😊肉呈微微粉紅色🤏肉質好厚身😚仲有少少肥油👍🏻完全唔膩😚好味😆🥔🍟薯條係幼身即叫即炸🤭炸得好乾爽🤩唔會油立立😉任食任添薯條🍟啱曬薯條控🥳

眾所周知小編係牛魔王🐮😈，一見到牛🐮就想試，無意之中比我發現到有間人均唔洗過200蚊既牛扒🥩就黎試下，味道唔錯，薯條🍟仲有得任食tim🤩 裝修方面行簡潔既工業🏭水泥風，深灰色既牆身🧱、配木枱🪵同埋銀色既凳🪑，光猛企理～(5 😍 係滿分，🤩係半分）安格斯級封門柳 🐮 - $190 (好味指數：😍😍😍😍)每隻牛🐮只有一條封門柳，因為呢個部位比較少活動，肉質開頭食落比較柔軟，之後慢慢咬就會發現比較有彈性，因為去左筋膜所以唔會韌～ 由於比較近肝等內臟，顏色會比較深，脂肪比較少同埋肉味會濃啲～ 煎得唔會過熟，入面仲有鮮嫩既粉紅色～ 配埋旁邊帶少少辣既自家製既黑椒汁⚫️就更加惹味～安格斯級肋眼牛排 🥩 - $190 (好味指數：😍😍😍😍)肋眼牛扒🥩屬於肋脊既位置，油脂比較豐富，有幾靚既大理石紋，味道甘香醇厚又唔覺得漏，煎得唔會過熟，入面仲有鮮嫩既粉紅色，口感軟腍juicy，有幾香既肉味～ 配埋旁邊帶少少辣既自家製既黑椒汁⚫️就更加惹味～薯條🍟 (好味指數：😍😍😍😍)薯條🍟係免費任食既🤤 上枱既時候仲keep到係熱辣辣既，唔會因為任食就提早炸定一堆～ 個薯條🍟炸到金黃香脆，偏向係幼切，但又未至於幼到法式

好耐冇据扒啦🥺俾我搵到間任食薯條嘅牛扒店 見都幾多好評 即刻試下先🤩🥩 安格斯級肋眼牛排 (200g) $190牛肉有油脂 咬落好香 入口嫩啲 肉味都幾重👍唯一要講就係 雖然叫左5成熟 但好似7成🙈🥩 安格斯級封門柳（肉味極濃）(200g) $190有理由懷疑佢將上一份嘅熟度調轉左🤣 呢份叫左7成 但明顯得5成 中間較厚嘅位都幾生🙈不過食落真係好重牛味 有嚼口得嚟唔會柴 又厚身 食完勁滿足🤤🍵 可樂（免費）蜜桃茶 +$10另外我哋2人total食左8兜薯條🤣 薯條新鮮即炸 條條都又熱又脆 而且唔係空心薯條 真係不停叫不停食都唔夠喉🤩 食完第二日冇喉嚨痛嫁🤣呢個價錢真係超抵食 加上入面座位鬆動 又乾淨企理 員工態度同服務都好好👍 一定要encore😍

同幾個朋友去食，經openrice訂位，已經寫明想安排一個闊落火竹少嘅位，點知去到佢明明有比較闊落嘅吉枱都唔畀我地坐。另外，坐cashier果個疑似外藉女人d態度差到呢....我入餐廳時拎住個蛋糕想請佢地放喺雪柜，個女人無尾音咁叫我揾第二個人做，然後我請佢地d同事一陣食完幫手點蠟燭上蛋糕，點知佢無幫手都算，佢將個蛋糕連盒大大力咁丟上枱面。如果唔係朋友生日我一定當場鬧佢。野食只係普通，服務勁差，等執笠

深水埗越來越多好嘢食，餐廳、cafe樣樣齊。今日行經呢間Supreme Steak & Grill, 見價錢親民，而且環境乾淨企理，決定一試。見到餐牌寫住「薯條任食(90分鐘)」已經心情興奮。分別叫左「安格斯級封門柳（肉味極濃）」同「安格斯及肋眼牛排」三成熟。兩個扒同樣充滿牛肉味，肉質鮮嫰，唔會靱，非常有水準。配上惹味洋蔥紅蘿蔔黑椒汁，將牛肉帶上另一層次。估唔到親民價錢都可以食到咁高質素嘅牛扒。幼身的薯條上枱熱辣辣，配埋茄汁同汽水真係完美嘅comfort food! 怪不得咁受歡迎坐無虛席啦！性價比高嘅親民牛扒餐廳，去開深水埗記得試吓！

呢度最好嘅係你叫steak set 佢比你薯條🍟任食啱啲媽咪帶小朋友去或者薯條愛好者去狂食薯條係幾好食嘅不過我覺得始終要睇主菜同整體 唔係單一樣嘢主菜叫咗兩份牛扒🥩其實就係牛扒囉你話好好食又唔係牛柳會好少少 但唔太夠牛味 我預期會再高質啲😞西冷牛扒簡單係又蟹又硬 好失望❌難為我daddy要硬啃咗成塊 叫錯咗我諗再貴啲差唔多要成500蚊嘅牛排先會好啲不過講真唔係好多人下下會用500食牛扒 又唔係高級海景餐廳 所以⋯你哋決定啦呢間餐廳開喺好多車房附近平時係真係難搵啲都係附近做嘢嘅人先搵到呢間鋪可能因為佢價錢唔算好貴由就腳所以好多人食😒但係你問我 如果我想食真正高質牛扒可能會有更好嘅選擇因為呢度一多人餐廳好急急腳會邀請你離開可能食一個鐘已經要交枱所以你要好似參加咗食牛扒鬥快大賽咁😆😂😂

Steak with unlimited fries | Supreme Steak & Grill @supreme_steak_and_grill 推介深水埗平價扒房‼️牛扒靚之餘，仲可以無限添加幼炸薯條🍟一個set都唔洗$200😋想鋸靚扒就一定要去試吓。晚市套餐🍽️人均：$200🕰️時間：平日晚市（建議先預約，因為都full house‼️）晚市套餐包括90分鐘薯條任食，同埋包一罐汽水，或者一杯熱嘅美式咖啡。其他飲品需要加$10🙌🏻我哋嗌咗兩份肉味極濃嘅安格斯級封門柳（$190），一份三成熟、一份五成熟。兩份都true to its description👍🏻以呢個價錢嚟講嘅牛扒，真係好高質🤤性價比極高！再配上自家調配嘅黑椒咖喱醬汁，好好味😋另外要提吓店員都好好👍🏻不斷幫我哋加水，唔會話人多就冇服務💯Bible rating: 9/10📍地址：Supreme Steak & Grill (深水埗)深水埗福榮街161號永邦樓地舖#香港美食 #香港好去處 #美食推薦 #美食日記 #foodbible #hkfoodie #hkfoodieblogger #hkfood #foodiehk #

想据扒唔洗去花園餐廳啦😂去深水埗呢間隱世西餐廳【Supreme Steak & Grill】就得！位置雖然唔係係地鐵站旁邊，但跟住google map都算易搵！估唔到都有咁多人去食，都會滿座～可見食物質素有保證！🤩呢度仲可以90分鐘任食薯條，即叫即炸，新嘅香脆！我哋都叫咗2 round 薯條🍟一路食一路傾偈好開心😀餐廳環境簡潔舒適寬敞，座位都很好坐！我哋兩個人一人叫咗個牛扒餐，相當豐富！🔸安格斯級封門柳 $190我兩款都是叫五成熟，但呢個比較生不過我喜歡，因為會比較嫩滑，而且呢款牛肉肉味極濃，配上蒜蓉汁，令牛肉更好味，一份的份量也夠一個人飽！🔸安格斯級肋眼牛排 $190呢份同樣叫五成熟，但比較熟，唔鍾意食生的朋友仔覺得呢個較好食，而且多了一份炭燒味道，令牛扒昇華！跟餐包一罐汽水或一杯熱咖啡，其他另加錢🔸凍檸樂 +$10🔸Ice Latte +$10呢度啲咖啡係另外落糖，所以好適合唔飲甜嘢嘅人，可以自己調配甜度，咖啡味好香濃！

一個 set有得 90分鐘任食薯條🍟 同埋一罐飲品🥤勁吸引😘 個薯條炸得金黃香脆，配上酸甜蕃茄醬🥫 好正✨ 而且牛扒質素都高💯・　安格斯級封門柳 ($190)封門柳即牛橫隔膜下方的一條小肉，每隻牛得2塊， 肉味特別濃而軟腍😘😘😘 叫左5成熟，煎得啱啱好✨ 一咬落去牛味勁濃，肉質柔軟、多汁，富有牛肉的自然香味，入口即化！好味道！200g 都夠食🤤・　安格斯級肋眼牛排 ($190)位於牛肋骨的中央，較少運動，油脂豐富而分佈平均😍 肉質比封門柳實，帶有豐富的脂肪，口感更加豐富🫶🏻🫶🏻 份量同樣200g，份量啱啱好💯