SUKIYA すき家 (彩明商場)

Sukiya滿足晚餐想不到吉野家都有對手。這間新式的牛丼我相當期待，而結果也是超出預期的好。雖然店鋪作為不多，但五臟雖小，格局尚算精緻。點了咖哩肉餅飯，咖喱味所有事如你想像中的日式咖喱，帶點甜味不會太辣，味道容易入口，而且吃起來非常順滑，拌飯一流，味道剛剛好，不會太濃或太淡。漢堡扒則還可以，如果煮到僅僅熟，會更為理想。肉質質感像吉野家水準。不過不失。份量頗多，足夠一人吃到很飽，二人分享兩個餐也不錯。還點了熱溶芝士牛丼。雖不然一看到照片便知道用的是件裝芝士，但味道都比想像中好，味道並沒有很假，而且芝士的份量充足，再配上放題式的日式芝麻醬，配飯是極致的享受，令人開胃非常。凍飲點了抹茶，味道偏淡，不過不失，優點是並沒有很甜，如果抹茶的味道再濃郁一點，便會更加驚喜。跟餐加20元點了炸雞。這個小食讓我頗驚喜的。首先價錢不貴，跟餐相當體貼人心，雞皮還炸得脆卜卜，熱烘烘的，未必即炸，但已經挺好吃的。雞肉一點也不老，而且調味恰當，算是有達標。值得一讚的是店員細心又體貼。下單時身手相當敏捷，而且非常勤快而有耐心，讓人感覺服務殷勤，而且等候的時間不算很久，服務算是水準以上，合格有餘。…查看更多

剛於調景嶺分店幫襯完，下午茶時間已經冇咩人，其實都趕趕地,想快食少少野就走，按鐘冇人理，a 覺得你去，因為我執枱，b 覺得a郁左去take order；到b小姐嚟落單，我兜口兜面指住餐牌落一個order都落錯，完左食晒先知落錯單（食果陣覺得多嘅，不過冇諗其他野，因為趕時間，又唔想嘥野），到埋單先發覺多咁多錢，最後原來發覺我指住M size，位侍應係落 mega size，平生第一次埋單係double 自己張order有突的一餐，真係畢生難忙！…查看更多

之前比男朋友荼毒咗，開始食Sukiya，第一次食佢嘅早餐，我自己試咗牛肉元氣早餐，男朋友就揀咗烤鯖魚早餐。真係俾佢嘅價錢震撼到，平時出去茶餐廳食早餐，就咁一個沙嗲牛加杯嘢飲都要＄40／$50 ，但係呢度嘅早餐先講緊＄29至$33。咁第一次食未試過，諗住安全啲都係食返牛肉飯啦。咁都好正常表現嘅有埋溫泉蛋同埋秋葵又有湯，仲有紫菜，其實我覺得比lunch仲抵食。因為佢碗飯其實冇世道都係同晏晝medium size一樣大。反而想講吓嘅係男朋友叫個烤鯖魚早餐，一開始諗住會好伏啦，會好油啦，食落去其實佢又唔會喎，仲有啲清甜，雖然你預咗佢都係冰鮮嘢，但整出嚟唔會覺得好大浸雪氣，係勁意外。可能本身真係冇太大expectation而呢個價錢佢做到咁嘅質素，我覺得真係好抵食。而家已經變咗我同男朋友嘅早餐飯堂。同埋好老土，啲人哋話早餐食飯比較正氣，身體會健康啲，而我又勁鍾意食澱粉質，所以真係一拍即合。同埋我想講早餐條魚佢會份量都唔細，完整正常size一條都完全夠食晒一碗飯，一個早餐又湯又醃菜（雖然我唔食）又有紫菜其實成個set都幾好，如果lunch都有就好啦！…查看更多

這間牛肉飯連鎖店全香港有很多分店，最奇怪的是無論那家分店都經常排長龍，今天首次幫襯，吃過他的牛肉飯後我終於明白為什麼那麼多人喜歡光顧，因為他的性價比實在太高。點了兩個餐，一個是普通的牛肉丼餐($41)，另一個是香蔥牛肉丼餐($47)，連一份野菜、一隻溫泉蛋再加一杯免費的紅茶或綠茶，老實說，除了那份野菜之外，其他的味道也很好。牛肉嫩滑不肥，飯也很香，雖然是不正式的珍珠米，但亦帶有珍珠米的口感，如此價錢如此質素性價比實在太高。…查看更多

有啲區域可能要多啲味精先至會多啲客，好彩終於有一間係極少味精，依然仲係可以接受嘅階段～仲要有時都仲會有問卷2蚊coupon，下次可以減兩蚊👍🏼🥰 啲汁都落得啱啱好，返到屋企都只係最底嗰啲有少少立，唔算太濕。洋蔥同肉量都適中。相比起行過橋嗰間嘅價錢同分量都好明顯優勝！👍🏼不過我都唔應該比較，因為我都無食嗰間起碼有6年以上，怕咗佢啲味精同太濃味，好明顯用味精同濃味來 cover up唔新鮮嘅肉。但係太多人鍾意食味精同濃味，所以做就咗好多重口味餐廳出現。試一次就怕怕，最好自己唔食。但係呢間掂呀！👍🏼暫時絕對值得推薦～（因為我唔知佢幾時會變㗎嘛！咁我梗係希望佢唔好差唔去，繼續做好食嘅嘢比我地食啦～）…查看更多