SUKIYA すき家 (淘大商場3期)

去到Sukiya望到menu，忍唔住揀咗「牛肉烤雞雙拼丼」，感覺可以一次食晒兩款經典。 牛肉薄片鋪得滿滿，微甜醬汁滲入每條肉絲，油香同洋蔥嘅清甜交織，味道帶住熟悉而舒服嘅親切感。一嚿飯配一夾牛肉，簡單卻止唔到口。 另一邊嘅烤雞走唔同路線。雞件表面稍微焦香，帶輕微煙韻，肉質結實得嚟仲保留肉汁；醬汁收得緊，味道偏鹹香厚實，咬落去同牛肉形成強烈反差。 白飯粒粒分明，吸收咗牛肉汁同雞油，食落有層次唔會單調。雙拼設計令你每一口都可以自由轉換，牛肉溫柔、雞肉濃烈，互相拉動食慾。 成碗丼飯份量夠足，價錢親民，但味道上依然保持到穩定度。食完會覺得係日常可依賴嘅comfort food，樸實中見心機。…查看更多

平時尖沙咀個間分店成日都好多人等位，今日去完MegaBox溜冰，知道附近有Sukiya，就緊係過嚟試一試啦！我去到嘅時候，我係第三組人，但係排隊入店嘅速度都尚算快，排咗都唔使五分鐘就到我同友人入去啦！我哋被安排坐喺落地大玻璃窗嘅隔離，光線充足。我同友人對住面坐，位置都十分舒適！餐牌設計簡潔，價錢亦都相當親民經濟。原來唔同嘅飯都有分唔同嘅size，我要咗個S size嘅牛丼再加「青菜套餐」。（佢個青菜套餐係有一碗時菜同埋一杯飲品）聽友人講，平時佢嘅青菜係油麥菜，今日轉咗做通菜。不過，佢話兩樣嘢都咁好食，最緊要價錢相宜！至於冰紅茶甜度適中，夠晒凍，啱晒夏天飲！…查看更多

外賣買燒肉丼，回家打開發現是用牛肉丼的肉配上燒肉丼的醬汁，這完全違反商品說明條例。我立即拿回去給職員看，職員有疑問不了解這是否牛肉丼的肉，便去詢問經理，當時理經在廚房。他告訴我：燒牛肉是用牛肉丼的肉。我不相信得到一個天大的秘密，原來燒牛肉的肉是牛肉丼的肉是正常的。那為什麼叫燒牛肉？燒牛肉跟牛肉丼的肉口感完全不一樣。食過的人一定能分清楚，好明顯沒有被燒過，那怎叫燒牛肉呢？為什麼要分兩種價錢？燒牛肉只是指燒汁嗎？其實說一句弄錯了很難嗎？…查看更多

一貫呢間門口要排隊等位到咗晚上9點，門口一個人都冇好順利咁一人入座位都唔洗等舖頭唔大 坐吧台食飯好有日式風格（多人嚟可以坐有4人座位）餐牌價錢十分親民低至$39有隻有茶有嘢飲冰紅茶或者汽水都冇需要額外加錢平平哋食到一餐比較有營養（有肉有菜）嘅一餐上餐速度算快味道方面 冇突出表現主要係填肚同吉野家嘅風格有啲似兩者都係賣丼飯加嘢飲唔同在sukiya 有按鈴服務同埋呢度嘅選擇比吉野家多 相對價錢較平食飽至埋單👏…查看更多

同🐻仔行過SUKIYA，見到難得唔係好多人排隊，仲要出咗韓式拌飯系列🤤，就即刻衝咗去排隊。眾所週知，依間餐廳都要等一段時間先有得人座，而我哋只係排咗大約15分鐘，就有位lu，真係好好彩🤣！-🍴熱溶三式芝士牛肉韓式拌飯炸雞套餐🥘(M)($84)炸雞套餐包咗三件炸雞🍗同埋一杯飲品🥤。韓式拌飯有唔少配菜，包括涼拌芽菜及紅蘿蔔絲、通菜、泡菜、紫菜同埋溫泉蛋🥚。佢哋嘅韓式辣醬會分開一小碟提供👍🏻，食客可以按自己的口味喜好選擇份量，雖然見到好多辣椒籽，但係味道上唔會話好辣🌶️。飲品方面因為唔想飲有氣嘅飲品，最後揀咗冰紅茶。-🍴 牛肉韓式拌飯炸雞套餐🥘(L)($71)同以上套餐一樣，只係個飯叫咗大碗嘅，同埋冇叫到芝士🧀。也米😍認為有芝士會令到個拌飯更加有層次，作為芝士愛好者，一定要食😋！…查看更多

入面啲飯好難食 溶溶爛爛有酸味 牛嘅味道還可以 湯嘅味道一般 但係畀料足 佢嘅咖哩味道唔係偏日式 得個辣字同鹹味 食唔到辣嘅要衡量一下 燒肉丼啲肉 口感唔錯 服務方面 連基本要求都做唔到 兩次過去 兩次都畀漏嘢同埋畀錯嘢 溫泉蛋可以理解可能睇漏眼 但係連飯嘅大細同埋款式都畀錯 係唔係有啲過份 第一次我當係繁忙時間 手忙腳亂好正常 但係非繁忙時間都比錯嘢真係抵鬧 不過以呢個價錢嚟講就算係抵食 填飽個肚冇問題 但你要求味道就直行轉咗第二間 以後唔會再幫襯…查看更多

非常高興淘大商場終於引入吉野家以外的牛肉飯店，我最喜歡他的牛肉飯及豚肉飯，牛肉飯比吉野家分量多，價錢平，我會自己到DONKI買納豆，外賣自取回家之後將兩種食物混合在一起吃，很有在日本吃飯的感覺，外賣自取不用等很久，反而堂食由開張到現在每次經過都是一條人龍，另外試過他的秋葵也很好吃，有紫菜絲混在一起，再加埋納豆，成碗飯超級好食。我亦會買一碗豚肉飯給不吃牛的家人，豚肉飯也很香，但是有時候會吃到雪味，飯的份量很多，每次都食唔晒，係一個唔使諗價錢平取餐快捷嘅好選擇…查看更多

見到佢門口長期有人龍，呢日湊完仔放學，佢話想食牛肉飯，我哋就入去試吓！泡菜燒肉丼餐燒肉入味，都算多塊，配埋泡菜，酸酸辣辣好開胃。呢日嘅是日蔬菜係蒜蓉油麥菜，個菜蒜味重，好食。炸雞咖哩炸雞夠熱，外脆內軟，肉質嫩滑，不過咖哩太辣，不是日式果種咖哩，本身阿仔食呢個餐，結果同我交換。…查看更多

👨🏻‍🍳SUKIYA すき家 (淘大商場3期) (九龍灣)📍九龍灣牛頭角道77號淘大商場3期地下G284號舖 「抵食牛肉飯😋但都系吾及吉野家🙈」 🍽️W溫泉蛋牛丼 M size $38溫泉蛋自己落🙈跟炸雞套餐 +$20正常和風牛肉味，牛肉較乾身，無吉野家咁多汁🙈不過雙溫泉蛋牛丼黎講，都幾抵食🙈👍🏻無比較無傷害🙈🙈炸雞就系普通日式唐揚炸雞 都會再想試下其他款式，可能有驚喜😽前提吾使點排隊🙈🤣…查看更多

行行下唔知食乜好，見到呢間日本餐廳好多人排，就揀左呢間試試。等左大約15分鐘先有位，見到有唔少選擇，價錢都幾實惠高菜名太子沙律醬牛丼配炸雞有一個罐飲品、一個丼配炸雞，用料幾足，望落去都知道會食得飽。牛肉量非常多😍 牛肉切得厚薄適中，唔老，幾嫩口，明太子醬好重味，唔會好稀。配上熱辣辣炸雞，好多肉汁又脆，成個餐實在幾抵食同質量都唔錯，性價比真心高👍🏻!…查看更多

今次去左淘大間Sukiya食牛丼，呢間餐廳出名平，所以長期都要排隊，而且呢間分店職員唔多，㩒鐘叫職員過黎落單都㩒左幾次先有人應。第一次食試左個牛丼加青菜套餐同燒牛丼加炸雞套餐。每個丼飯都有S /M /L/ LL四個size揀，我地揀左LL，飯既份量好多而牛肉既份量偏少，牛丼既肉口感好似肥牛，略嫌太少牛肉汁，搞到個飯無乜汁，食落好乾。加配個菜係蒜蓉炒通菜，味道同份量都夠，跟餐個杯冰紅茶唔記得嗌少甜，以正常甜度黎講都幾甜。另外個燒肉丼既肉口感都係似肥牛，但用左燒汁去煮就濃味過牛丼既肉，個燒汁配埋蔥花伴飯咁食都幾香口。加配個炸雞有三件，上到黎已經係暖既，明顯係炸完放咗好耐，一咬落去有一半係炸粉，雞肉勁細塊，建議大家唔好加配炸雞。總括而言，呢間係價錢反映質素既平價丼飯，試過一次就夠了。📍九龍灣牛頭角道77號淘大商場3期地下G284號舖位置就腳：🍊🍊🍊餐廳環境：🍊🍊食物味道：🍊🍊整體CP值：🍊🍊🍊…查看更多

Sukiya 呢間日本牛肉飯過江龍喺淘大開咗分店，今晚突然諗起就去試吓。個人覺得Sukiya嘅選擇比吉野家多，款式又夠多元，而且裝修同餐牌設計非常日式，入到去有種無名以狀嘅親切感。今晚叫咗一個M size 牛肉飯加溫泉蛋，加$20 有炸雞套餐，餐飲例牌叫紅茶。炸雞水準不俗，但連埋飯就食唔晒。一人晚餐來說，Sukiya 係一個非常好嘅選擇。今晚坐我隔籬嘅客人都係一個人食，我仲偷偷佢個mon啲貓貓片。…查看更多

下午買外賣，等約半小時，只見出餐員工只顧出堂食餐，外賣只放一邊沒人理會，於是上前詢問，換黎員工一句唔關佢事，一嬲之下要求經理出黎了解下，無經理，詢問果位極不禮貌員工點稱呼，唔出聲，繼續講一d不負責任說話，之後話外賣號碼出單係隨機出，唔係按購買先後順序出餐，即你遲買係會出餐先？？咩道理？？？無投訴電話，無經理，無人管，呢間野服務係點運作？？？？唔會再幫襯 …查看更多

買外賣記住記住記住打開check買左一個牛丼飯加溫泉蛋！行番屋企打開發現無左隻蛋 餐廳又唔忙，門口又無人排隊，咁細嘅order都汁漏嘢！！！！！！！一個溫泉蛋牛丼飯加抹茶牛奶，好難咩？咁都可以漏係咩做法？最重要係單據竟然無餐廳電話，要我自己再搭番車去拎？係咪搞笑？！！！！！垃圾！！！！！發現原來其他門市都有類似情況，投訴無門想追番隻蛋都要自己去番門市，係咪痴線架！！！！！提大家買外賣一定要自己check!!係一定要！！！…查看更多

すき家的溫泉蛋燒肉丼今次去了すき家，點了溫泉蛋燒肉丼，真係好好味！肉質鮮嫩，加上滑溜溜嘅蛋，食落好有口感。另外啲配料都好豐富，有鬆化嘅洋蔥、爽脆嘅黃瓜同新鮮嘅青蔥，一齊混合落去，真係增加啲口感同鮮味。好好味!!!仲有就係佢嘅飯，個粒粒飯粒好飽滿，又彈牙，唔會好軟爛，個飯味道亦都好夠味，好岩配埋啲肉汁，入口仲有陣陣嘅香氣。個人覺得呢間店嘅燒肉丼真係相當平民化，係一啲繁忙嘅時段都有優質嘅服務，好方便又實惠！…查看更多