Sugar & Spice

禮拜日同另一半去Sugar & Spice歎下午茶，想試吓佢哋嘅歐陸甜品。餐廳裝潢歐陸風格，牆上掛住油畫，氣氛浪漫我哋坐窗邊可以望街景。餐單上有焦糖柚子蛋糕、藍莓芝士餅、英式鬆餅同兩杯玫瑰拿鐵。蛋糕賣相甜美，入口細膩唔會太甜，帶柚子果香幾清新；芝士餅濃但唔焗口；鬆餅外脆內軟，配果醬正；拿鐵拉花靚，玫瑰味淡淡唔會蓋過咖啡。侍應服務友善，落單後上甜品速度快，仲送咗一杯熱茶嚟清口。整體體驗好寫意，兩個人食完心情都幾放鬆。雖然人均一百五，但食物質素高、環境又好，適合情侶度過Lazy Sunday afternoon。…查看更多

有時喺附近做嘢，見到有間泰國餐廳，人流都唔少，就諗住過嚟試一試，點知大伏🥲因為每次食完都會肚痾🫤雖然菜式嘅味道都OK，我total係呢間舖試過三款唔同嘅菜式，但三款都中招肚痛肚痾，認真希望店主可以改善餐廳嘅嘢食素質😵‍💫😵‍💫😵‍💫🔖乾炒豬肉河有嗰句講嗰句，真係炒得幾好食嘅🔖黃咖喱雞飯黃咖喱唔夠熱，就算係叮熱都要煮滾比客㗎🥲🔖青咖喱雞飯都係青咖喱汁唔夠熱總體嚟講，我覺得呢間位置方便，上菜嘅速度都OK，但食物質素令人擔憂😕…查看更多

收工做d野後, 過來試下, 一直經過未食過, 見到有午餐同下午茶餐, 都係唔好食敢多🤪揀下午茶餐, 叫左香茅豬扒🐽湯金邊粉🍜有配小食, 要左炸魚餅🐟, 配凍🍋茶走甜, 等左一陣飲品先到, 估唔到下午茶都比敢大杯, 雖然唔係好重茶味, 但飲落幾好飲😄, 之後碗粉同小食也一起來, 又估唔到下午茶餐比敢多件豬扒🐽🐽, 飲啖湯先, 係幾好味, 不過知道之後一定好口渴😜, 食d金邊粉先, d份量都比得好多, 好耐無食金邊粉, 好味😍再食件炸🐟魚餅, 其實唔係好知食緊乜嘢🤭不過入面好多香料, 所以都幾好味🤩 舖頭細細只有6,7張枱, 真係最多坐18-20人😅有d都似乎係附近工作的熟客, 不過敢多野收60元,凍飲無另外加$, 其實幾抵🤩🥰都有下次, 不過確實會好渴😄😄…查看更多

最近朋友搬咗入東涌住 我就千里迢迢去搵佢一齊食下午茶 行outlet 再拜訪新居！😙朋友帶咗我去一個比較平民嘅商場覓食🥰我哋好快就俾一間泰國餐廳吸引！🤩餐牌上面有好多嘢都想試想食🥹 最後主食揀咗雞絲湯金邊粉同埋泰式乾撈檬配豬扒 而小食就揀咗無骨鳳爪同埋雞翼☺️上菜嘅時候真係嚇親 因為勁大碗！！特別係個撈檬 啲檬粉多到成座山咁😱豬扒皮脆肉嫩 好juicy! 而雞絲唔係乾爭爭嘅雞絲 而係將海南雞切成絲 所以好嫩滑好有驚喜☺️小食方面 無骨鳳爪正常發揮～ 而酥炸雞翼配上泰式辣醬 香脆可口 但略嫌乾身🥹以下午茶嘅價錢嚟講唔算平 但$60 包小食 主食 同飲品 所有嘢都係正餐份量 配以優惠價錢 所以都係抵食嘅！不過環境比較狹窄 陰暗 感覺唔係特別舒適 但食物質素不俗！…查看更多

今日去outlet前去醫肚，2點鐘下午茶時段，我嗌左個香茅辣椒肉碎飯、熱黑糖珍珠泰式奶茶，男朋友都嗌左個下午茶（E餐，唔記得叫咩名）、一樣熱黑糖珍珠泰式奶茶。食完兩個幾鐘就肚痾（期間冇再食其他野）、夜晚再痾2次又作嘔。男朋友夜晩先開始肚痛肚痾，非常覺得佢地食物衛生有問題。…查看更多

呢個冬陰公湯檬粉真係好好食呀！ Sugar & Spice 係富東一間泰國菜館，小館形式，泰國廚師，食物好多選擇。唔想叫餸太飽，我點咗個一人晚餐，就係 #冬陰公湯檬粉 啦！ 佢有泰式河粉或檬粉選擇，而我選嘅檬粉份量超多，食唔哂😂。 湯底嘅冬陰公唔算太辣，好足料，好香嘅泰式香草味，好啱香港人口味！ 隻蝦好大隻，有手掌咁大！ 蝦肉彈牙爽口。飲品仲可以加錢轉特式飲品，呢個 #珍多冰真係超抵！ 勁多泰式jelly, 顏色鮮艷，飲品底嘅椰汁都好厚實，唔係溝水！ …查看更多

呢間都算東涌居民嘅飯堂，佢主打泰國菜，單價又平又抵食，仲有好多款選擇，我諗個menu 有過百款。主打海南雞，好香好滑，雞皮中間仲有層凝脂，好好食。份量都好多下，而擺盤就好街坊啦🤣大嘅冬陰功湯連火鍋上，熱辣辣🔥但好好食，個湯好多泰式香料同香茅，仲有草菇、秀珍菇、蕃茄仔、雞肉、同埋好大隻大蝦。加上芫同香草🌿，酸 辣共冶一爐，味道好有層次！ 炒通菜當造，無渣好嫩，好有鑊氣。加上佢面頭有炸蒜，好香口。最後加上一個凍冰冰椰青，真係一餐好正好地道嘅泰國餐！ …查看更多

夜晚如果要抵食，通常就黎富東呢邊。晚餐今次點咗個豬扒湯河，黎到都幾大碗。豬扒香茅味，唔會太乾，都算juicy。總共有一塊，大大塊，有骨豬扒。仲有個泰式汁可以點豬扒，酸酸地好開胃。配菜有羅白，入口無渣，好淋好入味，呢個真係好好食。 碗內仲有炸蒜、芫茜、通菜等，好有泰式風味，都幾豐富。用一次性餐具，幾好，衛生乾淨。加咗少少裝飾，張枱都好似換過新嘅咁，乾淨咗好多。服務都好咗好多，上菜快手，餐牌都好似換咗新。…查看更多

第一次去呢到買外賣做lunch返到office 一打開🤮🤮🤮🤮🤮🤮我即刻無哂胃口好彩只係食左一嚿雞其實d雞都好普通😓永久blacklist 🫠🫠🫠…查看更多

【離島區】【Sugar & Spice】又同大家嚟到離島區，不過今次就唔係出去啲島仔，而係喺返大嶼山。同上幾次一樣都係喺返東涌搵嘢食，好似都唔係成日有人寫呢頭啲餐廳，所以我覺得寫佢哋都係一件對廣大讀者有益同埋對餐飲業有意義嘅事。講少少用餐嘅背景，唔瞞大家，誠然係同上兩個東涌用餐體驗係喺同一日發生嘅。個時序應該係先去飲手搖杯，再去食拉麵，然後再食呢餐。係呀，我係一起身空肚飲手搖杯，冇計，都係中意做咗正經嘢之後先開始做自己嘢。咁大家又唔好怪我，入得嚟東涌，車費同時間成本都比其他區開支大，一場嚟到就梗係食多幾間至走。喺一間食多幾樣嘅話，我就只能夠出一個 post，有啲蝕。因此我係兜咗 n 個圈，先嚟返東薈城對面嘅富東商場地下食。見到係呢間未食過又好似出面冇，咁就入去食返個「下午茶套餐」，都係呢個最抵，同埋都有泰國嘢食，對我寫嘢有幫助。主菜係「香茅豬扒金邊粉」，一個亂局咁，味道上塊豬扒可以，但其他嘢就冇乜味，都幾平庸吓。小食我揀咗「炸魚餅」，有兩塊，上面已經放好咗泰式辣醬，不過佢本身都好辣好惹味。飲品加 $15 要咗「黑糖珍珠泰式奶茶」，係手搖杯咁出，味道冇想像中咁好咁邪惡，一般咗啲。埋單 $73，爭啲收多咗我十蚊，記住睇單。。。（地址：東涌富東邨富東廣場地下4-5號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am離島區 #東涌 #富東廣場 #富東邨 #Sugar&Spice #SugarandSpice #下午茶 #香茅豬扒金邊粉 #炸魚餅 #黑糖珍珠泰式奶茶 #1am0815 #1ambackup…查看更多

午餐：泰式炒金邊粉（$55）黑糖珍珠椰汁冰（+$15）賣相不錯，份量亦足，味道合格以上。金邊粉炒得幾好，唔會濕淋淋，鑊氣是有的，但火候差啲啲。有三隻大蝦，肉質唔梅，但冇乜味。黑糖珍珠椰汁冰味道正常，唔會太甜。下午茶：雞絲湯金邊粉（$52）凍檸茶（+$0）普普通通，味道正常。凍飲唔使加錢。仲有小食一款，揀咗春卷，即炸脆卜卜唔油膩。整體食物質素十分普通，店內坐位比較逼，而且衛生不算理想。…查看更多

東涌本身其實都已經冇乜嘢食好選擇見到泰國菜未收就入去食個晚餐先返屋企點知都係失望！叫咗個茄子肉碎飯！唔知係咪因為就嚟收工~成碟嘢嚟到我面前完全感覺到個飯同埋啲餸係凍冰冰啲飯超級凍明明糖食就係想食啲新鮮熱辣辣嘅嘢就連炒嗰個茄子肉碎都完全唔熱個感覺好似食隔夜飯咁好似堂食變咗外賣咁樣！跟住加$10嗌咗個青檸梳打嚟到嘅時候成杯嘢飲得嗰一細片青檸完全冇味道如果唔係冇乜選擇都真係唔會再過嚟食超級hea衛生程度一般下次不了🥲連相都唔想影食完就走…查看更多

有事急趕，到達東涌搵食，求其街市門口依間，快趣叫個黃咖哩牛肉飯午餐送奶茶。講真碟飯嘅味道唔係話好出色，只可說是正常；熱飲夠熱，咁嘅價錢 天地良心。另外 炒貴叼配龍眼冰只係加 $10…查看更多

嗰日去完街市買餸，出嚟見到呢間泰菜小店，裝修都好由泰國感覺所以入去試吓。叫咗炒金邊粉，乾炒肉片河，同埋菠蘿炒飯。 睇圖就知碟碟都好大碟，幾好食！炒嘢有鑊氣真係好重要，不過環境略嫌唔算好乾淨。…查看更多

唔會再有下次。呢間講真唔係第一次幫襯，以前久唔久都會同屋企人食，以前食開靑咖哩雞味道係唔差的，只係雞肉份量一次比一次少⋯增量咗嘅係茄子，搞到好似雞肉係配菜咁⋯但有時諗唔到食乜或者其他食到厭嘅時候都會嚟食嘅。價錢唔係特別平，咁樣細細兜$58唔連飲品，肉鬆少香味唔夠，比起市面我食過嘅菠蘿炒飯係偏淡嘅。話雖如此，但我都叫過幾次佢哋嘅菠蘿炒飯食，因為係今次之前講真我認為只係比市面差，但未到放唔到入口咁差嘅。但近排好多地方都早收冇乜特別可以選擇。唔攰嘅話自己多數會出旺角買飯，但今日返工真係好攰所以冇特登出去買飯。放工搭到返去東涌8點幾9點都冇乜選擇可以揀。M記、民華、呢間。另外嗰兩間真係食得太多，所以揀食呢一間。食到一半見到隻咁嘅嘢乜心情都冇晒⋯到頭嚟又要再煮飯。本身平時返工嘅日子我都唔想煮飯就係因為返完工攰，而家到頭又係要煮，仲要貼咗錢去買難受。真係搞唔掂。…查看更多