Steak’er

營業中

休息中

呢間係我覺得一間元朗性價比高既餐廳。但服務體驗欠佳..座位問題：我6點剛開店去到時，侍應話今晚訂位已滿。侍應最初安排我們坐在門口，後來才通知因客人訂位時間改後，我哋可以移至店內的座位。這種溝通雖然解決了座位問題，但也略顯混亂。另外，早幾個星期，有一次經歷係，walk in入到去坐低左，期間都有另外一對情侶walk in。但店員隔左10分鐘左右發現到我坐低左，無啦啦話有人訂左位..叫我離開，但唔係叫期後walkin既人走..飲品遺漏問題：今次用餐我使用儲印花卡換取意粉，並額外支付了 $38 轉套餐。然而，店員僅送上一碗松露蘑菇湯，從未有問過我地：飲咩… 因為我有兩道主食，是分開叫的。都係無問我地飲咩，導致整晚遺漏了兩杯飲料。店員雖然頻繁為我們加水，但始終未主動提醒有兩杯飲料。結帳時，同樣未收到任何關於遺漏飲品的提醒，亦都差啲唔記得左比印花卡我整體來說，今次用餐雖然用印花卡換左個意粉，但無左兩杯野飲…咁我加$38轉餐只換到一個湯…野食方面，黑松露薯蓉係好食，每次都會叫兩碗

今次人少少2個人選擇食好西，專登山長水遠入去元朗搵食，呢間steaker位置在元朗市中心好易搵，店內裝修一般枱數亦不多，我訂了6：30都已經坐了1半客人，如非已訂位應該要等好耐，食物選擇都有好多，因為朋友不食牛肉，所以我們點了1份黑毛豬胺跟餐包飲品及(無限食薯條)這是吸引我選擇呢間餐廳原因之一另外再叫1份大磨菇意粉，食物水準不錯，最後店員推介新出的甜品紅豆奶凍，不過可能唔夠凝固所以偏水狀但整體味道是不錯的，有待改善。

又去左雞地覓食，今次搵到呢間細細地嘅西餐廳，夜晚幾有氣氛。嗌咗個二人餐試下，入面包一個拼盤，有生蠔帶子凍蝦，都幾新鮮。另外一個扒一個意粉，仲有小食甜品，都幾多嘢食，質素唔差。

每逢假日元朗都會有好多人 好多時食嘢都要等位 商場更加係又迫啲嘢又貴呢間喺YOHO MALL行一陣就到 復活節假居然唔使等位直入 又估唔到啲嘢食都唔錯 又唔太貴牛扒🥩 $168好食 叫咗五成熟 生熟度啱啱好 有炭燒風味 蝦堡 🍔呢個唔記得咗幾多錢 係平過個牛扒嘅 嗰包外脆內軟 中間嘅蝦，爽口彈牙 套餐仲包嘢飲同埋湯 假期lunch好似都唔使+1總括而言 我覺得喺商場行多兩步出嚟有咁嘅質素同埋咁嘅價錢係幾抵食 ✨環境衛生: 7.5/10 （輸在唔係太好坐 不過食個快lunch冇所謂啦）✨味道: 8.5/10✨性價比：8.5/10

元朗Steak'er在區內小有名氣扒房，出名牛扒及西餐，於YOHO及元朗西鐵站對出，味道有驚喜!!🥂🥩- 炭燒澳洲穀飼肉眼扒(8oz)配蒜香薯條及田園沙律 HK$168 🥩招牌菜必試之選!!肉眼扒厚度十足，肉質幼嫩細緻，肉汁豐富可口。而且牛扒熟度非常完美，入口充滿肉香及炭燒香氣，超有風味!!- 鮮藍青口香辣蕃茄醬貝殼粉 HK$118 🍝青口新鮮蕃茄意粉!!藍青口非常鮮甜多汁，口感嫩滑，熟度控制得非常好。香辣蕃茄醬微辣充滿蕃茄酸甜香氣，搭配彈牙貝殼粉，非常濃郁美味，絕對讓人愛不釋手!!

捐窿捐罅搵好西食！😋😋👍🏻搵到呢間位於元朗唔起眼嘅西餐廳🍴但啲野食真係不得了！極度出色！！！首先先讚嘅係新鮮炸嘅薯條可以無限地refill🤣😋😋但食一桶，已經好夠，勁足料！醬料分別有黑松露沙律醬同經典茄汁，黑松露醬加分👍🏻👍🏻👍🏻🥰前菜叫左焦糖蘋果鵝肝多士🤤🤤蘋果酸酸甜甜夾住肥嘟嘟肥美嘅鵝肝，絕配！一啲都唔油膩👍🏻👍🏻超級讚！！！份鵝肝真係好加分！超級勁厚身😋👍🏻另外，主菜方面叫左個龍蝦汁大蝦意大利飯，呢個飯比起出邊嘅意大利飯冇咁生，啲飯嘅質地冇其他出面餐廳食嘅咁硬！啲龍蝦汁都好濃，但出奇地又唔會覺得鹹！調味調得好出色！！啲大蝦都好多，一個飯入面有5隻蝦🤣🤣好掂！！！西冷扒，叫左5成熟，真係5成😋😋而且啲肉汁鎖得好好！每一啖都係好juicy，啲網燒紋勁靚，切開塊扒，眼見啲肉好粉嫩🫶🏻🥰👍🏻👍🏻勁！好！食！！！！啲配菜都好多🤣有炸蕃薯條，勁甜！有燒車厘茄，亦都好甜！仲有配埋豆角嘅物體，都好淋甜！

男朋友帶我去提前慶生日食個飯睇住佢地係呢個鋪位都好幾年一路進步近排都少左黎 但每次想食牛排都會諗起呢到 😂呢間餐廳星期一至四都會有一個牛扒🥩優惠又夠大份又抵食 🥹首先有個餐前麵包 🥯非常喜歡食tomato bread 好軟熟香口😍之後因為叫呢個餐會奉送餐湯不過咁岩對南瓜🎃敏感比哂男朋友飲哂兩碗🤣🤣男朋友話呢個湯好鮮甜同埋好creamy 👍🏻到左主角上枱：西冷扒 6oz 叫左3成熟配薯條 🍟係用薯仔🥔刨出黎炸既 🙂好香脆 😉西冷扒唔算多筋同脂肪唔多而且炭香味好出、又juicy🫡百幾蚊食到呢種質素既牛扒🥩係價廉物美最後飲品都係叫左凍奶茶同凍檸茶 夠成飽好滿足

星期日行完山同男朋友搵野食 見呢度有仼食薯條上網book左6點食5點九打黎confirm 咁舖頭6點先開 去到叫左肉眼同西冷要5成同3成熟都煮得岩岩好食落仲好有炭燒味 勁正 仲好juicy 餐湯甘荀橙湯都好味好特別我想講佢d餐包都係好正同埋薯條熱辣辣即整俾你 醬都係仼添黑松露醬幾好味🤤不過其實份量好多 我地大食都係食左兩盤佢碟扒入面本身仲有蕃薯條會比薯條仲好食🤤同埋服務好好 環境都好舒服食完仲有張卡仔俾你儲印仔換野食其實仼食薯條餐真係超飽不過塊扒真係高質 會想再食🤪

鍾意食西餐嘅我今日帶大家去📍元朗雞地一間西餐廳-Steak’er我覺得呢間餐廳最吸引嘅係-- 佢個頭盤 ～ 鵝肝多士🤤🤤🤤🤤🤤呢個鵝肝多士 係我食過咁多間鵝肝多士裏面最大件嘅🙆🏻‍♀️所以我兩個人都叫咗鵝肝多士如果好鍾意食鵝肝嘅你 一定要去試下10分推薦 你應該都會好滿足我揀咗佢嘅西冷牛扒同埋牛柳食- 呢一間啲牛扒～ 西冷牛扒係好食過牛柳不過 烹調方面 如果大家唔鍾意食太熟嘅話我就建議叫三成我當日就叫咗5成熟不過個牛柳上碟比我都大概有七成熟- 餐湯方面我就叫咗一個紅湯一個白湯羅宋湯好足料入邊有好多牛肉蘑菇湯就有蘑菇味嘅 🫢你問我嘅話～係羅宋湯好飲啲嘅- 餐包就冇乜特別..普通麵包～ 軟林林- 飲品方面 我叫咗兩杯特飲都係有酒精嘅芒果味好飲啲如果影相嘅話 兩杯個賣相都差唔多都靚嘅原本有一個士多啤梨🍓調酒想叫不過當日佢冇士多啤梨…呢日食到好飽連甜品都食唔落所以冇叫到Lu評分如果為咗食鵝肝多士黎講佢係有10分真係滿分 鍾意食鵝肝嘅真係唔好走寶係鍾意食鵝肝嘅 就快啲去食啦唔知遲啲會唔會變細舊左架😆

朋友介紹元朗依間西餐都幾抵食，依日出開元朗，索性約埋朋友一齊嚟試下dinner。😋間餐廳睇落唔係好大間，但都坐得幾舒服。👍🏽我地叫左炭燒羊架配蕃薯條。朋友鍾意食羊架，佢都話羊架好OK。另外，仲有我最鍾意食嘅炸蕃薯條，甜甜地，又好似冇薯條咁邪惡。🤣我地仲叫左牛扒set，牛扒嘅水準都唔錯。餐廳提供仼食薯條，我地仲係咁添加薯條， 每一桶薯條都係好新鮮熱辣辣， 仲跟埋黑松露醬，蕃茄醬任我地蘸，可以試多啲唔同配搭。💜💜

🔖元朗都幾多西餐廳，今日食呢間既特色就係叫主菜，薯條就可以🍟任食😆。餐廳座位唔多，20多個左右，最好訂位來。🍽慢煮美國黑毛豬鞍扒$238此項主菜包了蒜香薯條、餐湯及飲品。個西蘭花薯仔湯又幾好飲喎!!! 佢d薯條新鮮炸起，上菜時真係熱到放唔到入口食，仲配上黑松露醬，好吃😋。豬鞍扒肉質柔軟，夠哂淋，入口有肉汁。邊邊位比較多油脂，同時亦會更香口。蕃薯條好甜，仲有兩舊燒菠蘿好多汁！🍽時令生蠔$218 半打呢個價錢既生蠔性價比都ok，唔會好腥，鮮味可以。🍽帶子墨魚汁扁意粉$148包餐湯及飲品。第一啖好香口夠味，食落偏鹹，再食仔細d，都幾鹹🫣

原定打算星期六晚去試吓，於是打電話去訂座，第一次打去響咗十零秒有人拎起聽筒便立即cut線，可能是錯手便再打多一次，又係立即拎起聽筒再cut線。所以放棄了勞動節行經餐廳見不用等位就入去試試！點了一份沙律，不過不失，份量比較少。點了一份任食薯條牛扒餐，牛扒一般，薯條配黑松露醬幾好食，不錯，所以添加了一次，另外再點了啤酒來配薯條，用餐之後有點口渴，要喝大量水。雖然食物還可以，但服務態度差，所以不會再去了。

周日諗住食個Brunch ， 行左元朗好幾間有人氣既小店都已經大排長龍， 行到身水身汗，見呢個無人唔駛排隊， 就走入去坐低。 本身想食ADB， 但佢既內容唔太吸引， 就叫左個外面比較少見d既蝦堡。 點知一上枱， 燶到咁既….早知去食mosburger 好過。跟住因為果兩塊包皮實在太bulky， 諗住無掂過掉咗去好浪費食物， 就叫店員俾個紙袋我包走返屋企俾， 佢地話無紙袋， 最後俾左個普通透明背心膠袋我， 最離譜係咁都當外賣盒收多咗我3蚊。 錢唔係多， 但呢間野d態度真係好唔make sense。 唔怪得周日中午佢附近間間餐廳都咁旺場，而呢間會無客。

元朗一間小扒房,只坐十零人。前點烘麵包不是那麼特別,特別是那些沾醬,增加不少食慾。點了兩個扒餐,因為炸薯條可以免費添加(朋友介紹的,所以這次試一試)。8oz澳洲肉眼 (HKD238)。斜格仔燒烤紋,睇到已經想食。五成熟恰到好處,肉中間保留牛的血水,暖暖的,肉質嫩滑。點小許芥辣,頗有大扒房的風味,只欠少少炭火味。燒羊鞍(HKD228)。呢份就有炭火味。已經去了肥邊,啖啖肉,用手揸住支骨食都得。半成熟又是恰到好處,留有中間部分有血水。個人口味,我鍾意多一點羊騷味道。喜歡食羊的都係必試。另外點了卡邦尼意粉 (HKD 108)。不過不失。其他食店食過意粉煮得太琳。這裏恰到好處,有些微硬身,沾上意粉汁送入口,口感平滑美味。是與剛剛食完扒之後對味蕾的一種舒緩。最後講下炸薯條,朋友冇介紹錯,的確好好味。外脆內軟,熱騰騰,點松露醬食十分配搭,超讚。加添兩份也無妨。

元朗真係美食天堂……好耐冇同McmugMa行元朗，今日天氣都唔錯，就走左去元朗行下食下。西鐵站落車，行咗去雞地嗰邊搵食，細鋪真係好多，想食乜有乜，選擇多到丫，選擇困難嘅人真係有啲辛苦。我地唔知點解就行左入左去依間貌似新開嘅細鋪，試試佢嘅all day breakfast。我地分別叫左兩個all day breakfast 同埋一份廚師精選意粉 - 蕃茄乜乜鮮蝦扁意粉餐湯 - 南瓜湯普普通通，帶好微嘅酸，南瓜湯帶酸味係正常？我唔知，其實我都幾憎食南瓜，所以，pass廚師精選意粉 - 蕃茄乜乜鮮蝦扁意粉好食，啲汁味道調得岩岩好，唔會過酸或者太甜，意粉軟硬適中，最基本嘅野，好多餐廳都做唔到👍可惜隻蝦……連埋殼嘅？乜食西餐嘅蝦唔係會剝埋殼上碟㗎咩？太耐冇食西餐叫蝦。始終食蝦最好味都係白烚，拍幾粒生蒜頭🧄撈埋啲豉油，點少少，只要啲蝦係新鮮就好好食，可惜依隻唔係話太新鮮，啲肉痴殼，所以，passall day breakfast我成日都覺得食all day breakfast 好蠢，又冇乜技巧可言，不過見McmugMa同Mcdull都食得開開心心，我都廢事多講🤐比較好食嘅有燒菠蘿（但係凍嘅），炸番