SOYmart by 豆乳狂人

營業中

休息中

荃灣西最近開了一間專吃豆乳食品的輕食餐廳，位於荃灣西地鐵上蓋地點超方便，🥰店舖是開放式設計，比較開揚，產品種類很多，提供甜吃及輕食😋。這裡走年輕人路線，還有設計了很多可愛的卡通公仔，主打紫薯產品，當然要叫紫薯甜品試下啦。今次點了💥紫紫之選，裏面有好多配料：豆腐花、麻薯、紫米、芝士奶蓋等，真係好好食呀，一次過滿足曬。另外，因為未食午餐，我哋都有叫咗一啲輕食，💥招牌粢飯份量足夠飽肚，💥Gold純度鹹蛋黃炸脆雞，估唔到有好多隻，鹹蛋黃包住晒成隻雞翼，真係好好食。💥超強芝士醬雞軟骨，配香濃芝士醬。飲品好想試下特濃豆乳，分別點了原味7度特濃豆乳（無糖），鮮芋泥豆乳，豆乳好香濃，包裝設計好靚♥️

🧡💜💛為豆乳瘋狂🥛可以將豆乳玩到岀神入化，睇嚟就係依間SOYmart！超多款配搭，但主角依然係「豆乳」🤭企喺玻璃窗外，可以見到製作過程！見佢哋新推岀紫薯系列同埋榴槤系列🤤睇嚟要try try佢！💜紫紫之選💜 $63集紫色乜乜於一身嘅甜品！入面有紫糯米、紫薯泥、紫薯芋圓等等，口感豐富超滿足！🍠紫薯泥綿密又香甜，紫糯米同芋圓帶來煙韌口感！💛超煙韌榴槤奶蓋💛 $80榴槤控必食！陣陣榴槤香令人無法抗拒🤪榴槤肉份量十足，入面仲有麻薯、小丸子、珍珠增加口感🥰食完飽腹感滿滿！🤎7.6豆乳焙茶🤎 $36依個豆乳焙茶超級濃郁！焙茶味濃而不苦澀，豆乳令口感感順滑，入口仲有絲絲香甜！🤍鮮芋泥豆乳🤍 $32經典之作豈能錯過？仲要係銷量冠軍添！🤭豆乳香滑，仲有芋泥甜味🥛整體味道溫和順滑 易入口！🧡GOLD 純度鹹蛋黃炸脆雞🧡 $38淨係飲嘢食甜品邊夠㗎？嗌埋個小食就啱啦！金黃色嘅鹹蛋黃炸脆雞真係好吸引🤩即叫即炸，酥脆誘人🐥雞翼仲好嫩滑添！😚依度雖然係飲品店，但空間感十足😛平時買完嘢飲都係邊行邊飲，今次搵個位打完卡之後放鬆一下，又飲又食 嘆下豆乳🥰好寫意！BTW記得save post，方便向店員查詢豆乳乜乜啦❣️📍

已經第三、四次到訪「豆乳狂人Soymart」，絕對係作為豆乳控嘅私心推介！最欣賞店家將傳統結合創新，豆品配合較為西式產品，例如招牌7.6特濃豆乳、豆乳茶飲系列、豆乳雪糕、炸木棉豆腐，更設自家廠房，款款都好有驚喜！今次呢間荃灣嘅豆乳狂人環境相當「小清新」，木🪵系的裝潢，仲有仿真植物、小樹，充滿大自然氣息～裝潢絲毫不比cafe 遜色。 🌸🌸🌸🌸🌸🌸🌸🌸🌸🌸🌸🌸🍃紫麻薯小丸豆花推介呢個新品！召喚紫薯控！🍠紫薯蓉幾多！仲有好多小丸子，煙煙韌韌，好有口感同質感。底下嘅豆花嘅口感好滑，豆味相當濃郁！甜度啱啱好，好清爽，夏日炎炎食呢個豆花甜品就啱晒啦！🍃7°6 特濃豆乳呢款豆乳係咁多款豆乳產品之中，小編最常購買的一款！好多時都買來做早餐🥣不含添加糖！味道純粹，口感濃郁，入口滑順，豆香好濃！好健康！🍃黑糖3.6牛乳桃膠女士嘅恩物！桃膠係平價版嘅燕窩，加埋牛乳入口真係滑嘟嘟！黑糖唔會太過甜，更能突出牛乳味。桃膠滑溜，膠質嘅嘅口感，令人想一食再食🍃黑芝麻奶蓋呢款就真係「好味擔當」😋，大人小朋友都會喜歡！奶蓋嘅濃稠度啱啱好，口感好滑，好邪惡啊！甜度適中，而且黑芝麻嘅香氣馥郁！再加埋底下嘅軟糯小丸子實在係10

荃灣西嘅食肆都幾有特色, 下午茶又係食甜品嘅時間, 豆乳狂人甜品選擇都唔少。剛好找到座位, 可以慢慢品嚐成個場都係SOY Jai 同AhSoy 真係好歡欣，周圍都可以打卡，食嘢都開心d!食甜品之前，食d鹹嘢先！狂人粢飯熱暖又煙韌, 油條肉鬆餡料夠惹味, 招牌食品係唔同。難得輕鬆舒閒, 揀番幾款甜品食吓。榴槤奶蓋豆花榴槤肉勁厚, 飄香清甜, 稠厚嘅芝士味奶蓋帶著鹹香, 兩種味道平衡得唔錯。紫紫之選紫米粒粒爽脆口感和滑滑紫薯蓉, 加上適中嘅甜度, 健康又美味。薑汁夠薑豆花滑滑豆腐花加上清甜薑汁糖水, 最佳配搭。鮮芋泥西米露西米露大粒又淋滑, 微甜嘅鮮芋泥增加口感。特濃豆乳雪糕筒雪糕非常香滑, 豆乳味道香濃, 甜度亦啱啱好, 冰冰涼涼幾好味。今日同呀SOY Jai 同AhSoy玩得咁開心，樂而忘返呀！#豆乳狂人 #荃灣 #港式 #甜品 #榴槤 #奶蓋 #豆花 #紫紫之選 #芋泥西米露 #香港美食指南 #soyabean #親子好去處 #荃灣美食 #hkfoodie #foodporn #hkfoodblog #foodies #foodiehk #instafood #hkfoodp

這間餐廳廚房外係大透明玻璃 可望入廚房做豆漿的機器 好特別買咗一樽特濃豆漿非常香黃豆味 又不會太甜 健康之選另外再order咗呢碗芋圓豆腐花 味道偏淡味 健康的甜品芋圓份量剛好 連埋熱豆腐花豆腐花好滑而且好濃黃豆香味道特別想讚個膠碗質素非常高 就算外賣帶走也不怕會漏出來order咗經典粢飯粢飯的飯一粒粒 煮得剛剛好 不會太硬粢飯入面料好足 同傳統上海店賣的粢飯一樣有油炸條有肉鬆 好味午餐食一個粢飯加豆漿都足夠飽餐廳外有open area餐台櫈可以從旁邊大玻璃向外望到海景 和園景

•荃灣｜豆乳狂人成日都見到人試今日咁岩係海之戀 緊係要買嚟試吓喇店舖有堂食嘅位置 亦有唔同嘅打卡位望住出面草叢樓景食甜品都幾寫意🤩超煙韌榴槤奶蓋見到餐牌寫住 -全新限定-身為榴槤愛好者就緊係要試吓喇💛奶蓋上面鋪滿咗榴槤果肉 好香濃入面仲有大量嘅珍珠 小丸子 芋圓好有飽肚感 好岩同朋友share🤍紫紫之選🍠🍠紫薯蓉好香滑配埋芋圓 豆乳布甸 口感好豐富紫麻薯豆乳入面有少小嘅紫米增加咬口配埋香濃嘅豆乳 做下午茶都係唔錯嘅選擇桃膠豆乳香濃嘅豆乳配埋滑嫩嘅桃膠簡單得嚟又好味嘅配搭🫶🏻

📍 SOYmart by 豆乳狂人 (荃灣)荃灣大河道100號海之戀商場2樓2036號舖行完海之戀Donki，順便搵個地方食個地方CHILL下 〰️朋友介紹左呢間豆乳狂人 店鋪主打新派豆乳 🥛而每個角落更有自家設計嘅公仔主題 相當有趣 😎😎🥣 鮮芋泥豆乳皇牌鮮芋泥豆乳 飲嘅時候用飲管攪勻啲芋泥先 🥄芋泥口感綿滑 兩者都好夾 絕對唔會令你失望🤍🍼 黑白芝麻豆乳飲落去甜比鮮芋泥豆乳甜少少 採用黑白芝麻🫶🏻味道特別香濃 感覺很健康 💦💦🍡 蕨餅丸子仙草，小丸子，芋圓，特調椰奶，蕨餅及黑糖 🧂芋圓及小丸子咬落Q彈，好彈牙 😈😈蕨餅口感夠軟糯 非常足料😋 煙韌控既福音 🙌🏻🥣 黑糖桃膠豆花黑糖桃膠代替糖水配豆花 豆味超級濃郁 🫘加埋桃膠十分美顏 超級推介大家 ⛳⛳🌯 狂人粢飯呢款係原味口味，糯米軟糯濕潤軟棉棉 入面仲夾咗油炸鬼 👅👅咬落仲係脆卜卜添 👄 簡單的材料走出的美味 成個栥飯都好好食啊！🥡 海苔肉鬆脆皮木棉豆腐 新鮮現炸 外脆內嫩🤤，包裹著嫩滑的豆腐 ✨加埋肉鬆 超惹味😋

豆乳狂人其實一聽聞那一食上癮的豆乳，今日來到在海之戀，又點可以不吃！他們以半開放的座位，再配上淡綠色的調裝，再用淡白木系傢具，帶出舒適悠閑的感覺，不自己會打卡一番！奶蓋紫麻薯波波豆乳他們的大熱紫薯飲品，入口豆味濃郁，食到啖啖的厚身的奶蓋，亦不失口感綿綿的紫薯，一口愛上。榴槤奶蓋豆花他們先用上綿密清爽的豆花，再加入濃郁滑順的奶蓋，最後更放上濃郁香甜的榴槤，彈牙煙韌的丸子，真係啖啖滋味。Gold純度鹹蛋黄炸脆雞以單骨雞翼作香炸，結合了鹹蛋黄和炸雞的味道，濃郁脆口，咸香嫩滑，讓人吃了之後，能夠感受到多層次的風味。牛油果鰻魚玉子粢飯一打開已見到其豐富的食材，柔軟牛油果、鮮美鰻魚和香甜玉子，而且他們的米飯軟腍可口，真係一食上癮。

間唔中就好想飲Soymart既豆乳飲品, 中意佢地濃度夠性價比又高😋今次同幾個朋友黎飲可以試到更多唔同味道!😝荃灣店我都唔係第一次黎, 次次黎都超級多人, 今次都唔例外! 不過個環境的確係幾舒服又悠閒, 我地一口氣叫左5支飲品, 2個小食同一個甜品🥰1/ 紫麻薯小丸豆花 $58細細粒既丸子粒粒Q彈口感綿密, 而紫薯甜而濃味加埋豆花有多重唔同既口感😋2/ 桃膠豆乳 $32平時飲開桃膠配牛奶估唔到配豆乳都可以咁夾! 清新得黎又有咬口！3/ 鮮芋泥豆乳 $32濃郁既芋頭甜味但加埋豆乳飲落好順滑, 我既首選！4/ 特濃可可豆乳 $28好似飲緊朱古力奶但濃郁版本！直頭可以變成代餐, 好飽肚5/ 胚芽燕麥豆乳 $30三分一都係胚芽同樣好有咬口, 記得要搖一搖先好飲!6/ 黑白芝麻豆乳 $32好似食緊芝麻糊咁但又唔會過份甜, 超正！7/ 狂人粢飯 $32吃飯口感綿密又熱辣辣, 而且大大件好抵食！佢仲有其他口味好想試埋佢！8/ 和風七味炸脆雞 $32炸脆雞口感酥脆, 而七味料好香口, CP值超高！PS 值得一提嘅係店員好爽手同埋好有禮貌👍🏾同埋店舖都打理得好乾淨!

🚩 SOYmart by 豆乳狂人第二次食依間豆乳專門店‼️住荃灣真係好方便，想食就可以即刻出發🤭〰️〰️〰️〰️〰️〰️〰️〰️〰️〰️〰️〰️〰️〰️〰️🌈紫麻薯小丸豆花 $58出咗紫薯系列當然要試吓啦除咗有紫薯泥之外，仲有一啲好似芋頭咁嘅麻糬，好特別豆腐花偏碎身，不過口感沒有影響啦🌈吉列豬扒栥蛋飯 $45可以講係我喺香港食過最好食嘅粢飯‼️平時嘅粢飯可能會好易乾，但佢嘅糯米可以keep住軟熟就算凍咗佢都係QQ彈彈，唔會過硬而且依款裏面有沙律醬同青瓜，增加內裏嘅濕潤度豬扒超級厚身，雞蛋又好嫩滑，俾我食足一個月我都願意🥹🌈狂人粢飯 $32想正正經經食傳統粢飯嘅可以揀依款用料超級足，油條榨菜肉鬆樣樣齊晒肉鬆食落有少少甜甜地，榨菜有口感得黎又帶少少鹹鹹甜鹹甜嘅組合令我上曬癮🌈仙草豆乳 $28幾鍾意佢新鮮豆漿嘅感覺，飲落偏笠口微微張住張住嘅感覺，濃郁嘅豆香味🌈滋潤之選 $45呢個打包左比男朋友媽咪食，超級喜歡啊整體唔會太甜～一杯有齊晒桃膠，芋圓，芋泥滋潤又養顏🌈 咖啡奶蓋豆乳 $42第一次飲咖啡豆乳，感覺有驚喜呢個都係濃濃嘅咖啡味咖啡底唔係糖水咖啡嗰隻，如果鍾意飲甜嘢，可能要落少少佢哋嘅糖漿

自從飲過「豆乳狂人」的超濃郁又低糖豆乳之後，感覺出面豆漿都係差少少最近佢哋推出咗「紫麻薯」系列豆乳同甜品，決定買返屋企同屋企人一齊分享荃灣店格局似Cafe般舒適，靠窗座位仲可以對住綠油油植物；具創意的將餐廳打造成一個充滿豆的主題樂園Soy Park，設QR Code供客人了解餐廳背景資料==========🔹紫麻薯豆乳 $53紫色溝白色夠悅目，膠樽容量大；包裝密封，以拉環方式拉開再用飲管飲及食用豆乳豆香濃郁，感覺沒太多添加糖；加入清香紫米及麻糬後令味道及口感層次豐富，夠創新推介指數：8/10==========🔹榴槤奶蓋豆花 (全新限定) $74加入鮮榴槤肉及幾粒小丸子奶蓋軟滑富芝士鹹香，榴槤肉新鮮香甜口感佳，丸子軟糯煙韌，豆花滑溜帶淡淡豆香；整體甜度恰好，喜歡！推介指數：9/10==========🔹GOLD純度鹹蛋黃MINI豆卜 $38份量充足，放滿一整個盒豆卜水份被抽乾，炸至金黃色，食落輕身；鹹蛋黃鮮鹹可口，綿密起沙推介指數：7.5/10==========🔹狂人粢飯 $32肉鬆、榨菜及油條份量豐富粢飯煮至軟硬適中帶黏糯感；肉鬆微甜富肉香，配合榨菜及油條等味道上佳，富層次感推介指

豆乳狂人由沙田河畔花園一間街坊小店起家，憑着各式各樣揉合創意與傳統的豆品打響名堂，現時更於荃灣及樂富另設分店。荃灣分店位於海之戀商場，採用開放式設計而食客亦需要先到櫃檯付款下單，再自行尋找座位、取餐及收拾。與傳統豆品廠迥然不同，店內裝潢走年輕路線，簡約清新之餘並充斥可愛插畫。單是招牌7.6特濃豆乳系列已經有逾十款口味之多，更有豆乳奶蓋系列、豆乳茶系列等，再加上狂人豆花、狂人雪糕、狂人粢飯等可謂千變萬化。除此之外，不時還會推出期間限定系列，譬如早前好評如潮的榴槤系列以及最近全新登場的紫麻薯系列。紫紫之選 ($63)紫麻薯口感滑嫩煙韌而紫薯蓉香甜自然，再加上紫米、芋圓、豆乳布丁、豆乳及奶蓋層次豐富。超煙韌榴槤奶蓋 ($80)榴槤系列選用D24蘇丹王榴槤，加入一整球榴槤果肉真材實料，甘香細滑配以奶蓋更加醇厚，底層芋圓、珍珠及小丸子亦名副其實煙韌彈牙。狂人粢飯 ($32)糯米軟硬適中且濕潤煙韌，亦可免費轉為十六穀米更加健康；傳統配搭加入肉鬆、榨菜及油炸鬼，樸實無華但油炸鬼保持鬆脆令人喜出望外。吉列豬扒粢蛋飯 ($45)除了肉鬆、榨菜及油炸鬼外，更加入吉列豬扒、玉子等材料豐富，豬扒肉質結實並配上

近日迷上了芋香鮮奶手搖飲品，但聽說多喝鮮奶會濕熱起痘，這天中午在荃灣吃燒肉，吃飽後想喝杯豆漿降火，最後就跟著bff來到了「豆漿狂人」。「豆漿狂人」顧名思義就是以豆乳為招徠, 店內有四款主打招牌豆乳品, 包括7.6特濃豆乳、豆乳茶、香濃豆乳雪糕及狂人豆花。豆漿的口味選擇極多, 包括: 有機原味、黑豆、紅豆、紫米、桃膠、仙草和薑汁蕃薯等，總有一款滿足到大家。7.6特濃豆乳豆乳用上非基因改造黃豆新鮮每日即製，所以豆乳的味道較一般坊間喝到的豆香味更重更濃，口感亦偏厚身。鮮芋泥豆乳芋泥同樣是每日新鮮製作，厚厚的芋泥層在瓶內清晰可見，一口吸下去，先是綿滑軟糯的芋泥，越喝香芋味道越濃郁，慢慢滲出濃厚的豆香味，一點都不膩滯，聽芋泥同樣是每日新鮮製作，絶對新鮮。紫麻糬小丸豆花豆花內放了紫薯、黑糖、豆花、麻糬、豆乳及小丸子，非常足料，特別是小丸子，一匙就可以吃到數粒；紫薯口感綿滑濕潤，與豆乳味道很搭，每一口都充滿豆香及紫薯的淡淡甜香，而豆花及麻糬混在一起，口感帶點煙韌，不過論Ｑ彈度，則以小丸子取勝；雖然加了黑糖，但甜度並不高，配合健康紫薯，感覺超健康。海苔肉鬆炸MINI豆卜除了甜品及飲品外，店內還有其他鹹

下班去買些外賣回家給家人吃，之前家人喝過芋泥豆乳後覺得好喝，所以再來買一些回家和在店內吃一些。店內粉色的設計，以豆乳狂人的主角SOY Jai裝飾為主，牆身和座位都很適合打卡。一個個圓形的燈球，晚上在玻璃的反射下，更顯得夢幻。店內的座位高矮不一，形狀各異，淺木色桌椅讓人放鬆。設有高座和四人座位等，座位與座位之間帶點距離，令人能自成一角，各種座位搭配適合不同類型的人在此稍作休息。平日的晚上也有不少一個人或情侶在此用餐。鮮芋泥豆乳($32)是招牌豆乳，旁邊很多人都點這個，加上家人也推介，所以我點了一杯。芋泥香甜軟腍，入口有綿綿感，與同樣綿滑的豆乳攪拌，兩者的甜味混和，也呈現出獨特的軟綿感。7.6特濃豆乳($24)，根據網站介紹，豆乳採用非基因改造黃豆，而且每日店內新鮮製造，豆乳味濃郁。桃膠豆乳($32)，豆乳加入桃膠，一邊喝能一邊嚐到煮得軟腍中帶點爽口的桃膠。紫麻薯豆乳($53)，透明罐裝的紫麻薯豆乳，可看到紫麻薯和豆乳的紫色和乳白色相互交錯，賣相吸睛。紫麻薯香突出，綿糯帶微甜，配合濃郁的豆乳香，味道和口感甚佳。鮮芋泥豆花($32)很適合喜好鮮芋泥和豆花的人，芋泥同樣是每日新鮮製作，香軟的芋

今次想介紹位於荃灣海之戀嘅一間豆乳專門店，呢間餐廳嘅豆乳系列真係可以用超人氣來形容，個個都慕名而來㗎。首先入到餐廳嘅環境，見到餐廳嘅佈置好俾心機。餐廳嘅設計夠晒特別，當中嘅插畫都好可愛。喺度食嘢仲要坐得好舒服添。另外佢嘅光線都好充足，非常適合攞嚟打卡㗎。奶蓋紫麻薯波波豆乳飲品嘅外觀一樣咁特別，包裝到好似罐裝飲品咁。喺味道方面，紫麻薯波波嘅味道夠晒濃郁，而且真材實料。奶蓋嘅口感都令到成杯嘢飲提升左另一個層次，啱晒奶蓋控。奶蓋豆乳茶呢杯奶蓋豆乳茶我同樣好滿意，豆乳味道濃郁不在話下，另外奶蓋同珍珠嘅配搭一樣咁夾。個人認為絕對唔可以錯過。吉列豬扒粢蛋飯之後想介紹嘅小食就係呢一份吉列豬扒粢蛋飯，我覺得呢個粢飯真係好好食。雖然佢係粢，但係食落完全唔會黐牙。吉列豬扒外皮香脆且肉質嫩滑。真係好高水準。超強芝士醬木棉豆腐最後想介紹嘅消息就係呢一份芝士醬木棉豆腐，木棉豆腐真係即叫即炸㗎。所以係口感方面真係完美，點埋芝士醬夠晒邪惡。真係會食到停唔到口。如果大家都鍾意豆乳系列嘅產品嘅話，就一定唔可以錯過呢間餐廳啦。