SOYmart by 豆乳狂人

營業中

休息中

一間人氣甜品，專係嚟食豆乳類嘅甜品，佢嘅豆腐花真係非常之有豆香， 芋圓好有咬口好多人都係外賣拎走，因為舖頭細細所以外賣都係一個最好嘅選擇， 仲有佢嘅份量真係都幾大碗，一碗可以兩份食

今日經理請食甜品🍰🧁佢話今年最後一個工作天食好D!!咁多謝經理 我決定要以豆漿再結 結束2022的辛苦😝決決定要呢一杯奶蓋布丁仙草燒. 之前試過佢D豆腐花都知道佢出味豆香濃所以今次試野飲🍵因為呢排牙痛所以冇叫小丸子/珍珠個類 一飲 豆漿順滑到沿着口腔一野沖到你食道 滿滿的豆味充斥住成個口. 同時唔甜的仙草同豆漿合作得天衣無縫 令到口感十分豐富😋😋同時最頂的奶蓋咸香味十足令到杯野飲唔會太甜 加多左層次☺️🥰

哩個多芒小丸子好好好好好好正我諗我已經係幫襯超過十次，無一次係會令我失望的，無論係沙田店定樂富店，都一樣咁正🤤🤤芒果又大又多又甜小丸子又彈又煙靭仲有西米陪襯下😝芒果+小丸子+西米 = 絕配 💛真係行過路過都唔好錯過🤭會食上癮的～

主打豆花豆乳人氣小店🌸鮮芋泥豆乳$30 ⭐️⭐️⭐️⭐️⭐️有三分一鮮芋泥，而芋泥香濃而幼滑，飲先先用飲筒攪拌好才飲，和豆乳一齊飲真的很爽。🌸黑白芝麻豆乳$30⭐️⭐️⭐️⭐️⭐️芝麻味十分香醇，有微微既烘香，芝麻同豆乳十分合襯，感覺就好似飲緊芝麻糊。🌸8.6特濃豆乳$22⭐️⭐️⭐️⭐️⭐️十分濃郁濃厚，又夠大杯，所以飲完都幾飽下。豆味十分清香，而且冇額外加糖，清甜又重豆香！🌸黑白芝麻豆花$28⭐️⭐️⭐️⭐️⭐️表面的黑白芝麻好像芝麻糊的感覺，配香濃豆花真係好好味，而且很滿足很飽肚。🌸薑汁夠薑豆花(凍)$22⭐️⭐️☆☆☆薑汁5係太多，而且薑味5算太出，不過豆花真係夠多，食完都好飽。======詳情======SOYmart by 豆乳狂人沙田大涌橋路20-30號河畔花園地下28號舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #美食 #沙田好去處 #沙田美食 #RnT沙田 #RnT飲品 #RnT甜品 #飲品控 #甜品控 #甜品 #飲品 #大豆 #芝麻糊 #黑白芝麻豆花 #8.6特濃豆乳 #鮮芋泥

有粢飯食既地方唔多，仲要係好食既好難，突然想食粢飯，諗起有人推薦過豆乳狂人，就咁聽個名以為佢只賣豆乳相關產品，原來佢既粢飯都好出名，排隊時候差不多一半既人都會點粢飯。佢既糯米唔算厚，同餡比例剛好，油炸鬼係炸得比較乾，不過可能因為咁樣，我拎到返屋企，已經過左半小時，仍然仲好脆。可能因為佢地做外賣店關係，只有咁樣先可以keep到佢脆。整體黎講唔錯。另外點左三色芋圓豆花，芋圓好Q彈，唔會好甜，豆花係好綿密，佢都滑但仍然有質感，唔似平常好滑的豆花咁，一陣風就無左，而且豆味都出。一杯份量唔少都夠2個女仔食。

比起在外面吃個普通豆花來說這間價錢不算便宜 但份量真的好足😍外賣碗好大個 起碼有外面兩碗豆花咁多因為要回家食晚飯所以要了兩個沒有太多配料的豆花😂但食完都好飽肚餐牌的配料同配搭選擇多 鹹的小食都有🍙喜歡豆製品的值得來試試👍🏻而且外賣碗好實淨🥡仲有個扭既蓋 可以洗乾淨循環再用♻️✨Soyacinu豆花 $32(芝士奶蓋+豆乳+豆花)芝士奶蓋厚身🧀細膩又creamy 帶點咸咸甜甜的味道我喜歡豆花軟滑🤤要了無糖的更能突出豆香味加埋豆乳整杯好香豆味✨仙草豆花 $25要了少甜😬仙草好滑溜而且份量都多配埋豆花好夾 系一個比較輕盈不甜膩的健康甜品📍SOYmart by 豆乳狂人 (沙田)沙田大涌橋路20-30號河畔花園地下28號舖

店開到挺晚的，有時會來買開當夜宵甜點。一直來買豆乳，覺得包裝好看方便。紅豆豆乳偏甜，可以自己加點原味中和一下。仙草豆乳，甜度適中。牛油果次飯糰也還行吧，可以當個點心試試。

🥡 海苔肉鬆炸豆腐 $32即叫即炸，上到手都係熱辣辣架😌份量好夠，應該都有7-8件炸豆腐😚配埋海苔肉鬆咸咸甜甜既配搭真心好正，食完都飽左8成了🥲🔎評分：值得一試💯🍨 薑汁夠薑豆花 $16小編因為行緊低醣，唔敢叫佢地啲芋圓系列🥲唯有試下最basic款既薑汁夠薑豆花😚叫左無糖，但店員都提醒薑汁會有少量糖～食落都接受到😉 豆腐花好有豆味😋😋😋唔算係個啲勁滑身既口感，但勝在超大碗😚建議大家可以試下佢其他有配料既豆花😋🔎評分：可以一試👍🏼

一個偶然嘅機會睇到一本雜誌介紹，令我即日去買SOYmart by 豆乳狂人，沙田分店好容易搵，又好好彩我到時沒有人龍排隊。今日第一次幫襯，一早已網上睇定食評，我買左一個狂人粢飯($25)，一個吉列豬扒粢蛋飯($38)同埋一個黑糖3.6牛乳桃膠(少甜)($35)。黑糖3.6牛乳桃膠用一個密實膠兜，主蓋入面仲有一個密實蓋，由於真係太滿比得好足，所以呢個膠兜真係發揮到防漏功效，桃膠載滿左3/4杯，真係好開心；我叫左少甜，甜度啱啱好，好味到唔識形容🙈，大家去買黎自己試下啦。吉列豬扒粢蛋飯同埋狂人粢飯我就切開🔪黎share食，首先講左吉列豬扒粢蛋飯先吖，好足料，切開都完全唔會散⭕️米飯有黏性🍚，中間夾有蛋條🥚、豬扒條、油炸鬼、肉鬆同埋炸菜🤩。狂人粢飯就無令我失望，見到其他人食評好壞參半，一食底下，唔係講笑，我嘩😱左一聲，油炸鬼真係脆架、炸菜肉鬆份量唔少，絕對唔係飯多過餸，我個人比💯。食後感就係我聽日會再去幫襯😂*冷熱食品分開袋，大讚👍🏻*

難得今日休息 諗住買杯榴槤豆乳芭菲返屋企食去到買嗰陣特登同店員講外賣 點知出到嚟我見個甜品冇袋pack比我 我就講話我係要外賣 佢話啲人都係咁樣拎出去食 跟住我同佢解釋返我住外賣返屋企食 佢話冇個喎 因為甜品係咁樣設計冇辦法可以包裝好 佢諗住俾個袋我叫我直接擺落去 仲要係size大勁多 假設我真係用嗰個袋 成個甜品打橫瞓左喺度都仲得 大佬咩事呀 諗都諗到呢啲唔係解決方案啦 第一係店員理解問題 第二解決方案竟然係咁 最後我成個巴飛車左落垃圾桶 真係搞唔掂

見到好多人推介呢間嘅粢飯，已經bookmark咗好耐，終於有時間試本身驚夜晚去買，會唔新鮮，點知原來都係即刻正。暖得嚟唔會好熱，攞到可以即刻食包裝好靚，好驚喜，除咗出面嘅牛油紙(?)，裡面仲有兩層保險紙，食落好方便咬落仲驚喜!!油炸鬼係脆嘅!!!肉鬆同埋其他餡料分量都係啱啱好，好滿足。糯米飯煙韌，有米香，好正本身粢飯個大細都適中，可以當正餐試過幾間店嘅粢飯(雖然唔係出名嗰啲)，一係太濕太腍，一係太細冇餡，終於搵到好食嘅😢好感動。本身懶得寫食評都忍唔住推介如果價錢可以打翻個八折，性價比會高啲味道：9/10性價比：7.5/10

位於沙田河畔花園的豆乳狂人在全港只得3間分店，店舖雖少，幾間分店均大獲好評！豆乳狂人是一家豆乳概念店，將傳統豆漿變奏成多款口味的飲品及甜品，為食客帶來對豆乳的全新體驗。和同事透過第三方外送平店點選飲品，我很貪心的選了奶蓋布丁燒仙草 ($46)。飲品以透明膠瓶盛載，能看到內裡的配料有多豐富，豆乳布丁及燒仙草裝夠滿滿的一瓶。採用7.6豆乳製作，面層有奶蓋，還加入黃豆粉。拉開易拉蓋，以粗飲筒來喝，第一啖吸到微微鹹香的厚奶蓋，混和豆乳來喝，嚐到濃郁豆香，加上香滑的豆乳布丁，豆味更為增強！底層是柔軟的燒仙草，味道香而不過甜。每一啖都帶來不同的口感與滋味，飽肚感十足卻又沒膩滯感！豆乳狂人為食客帶來對豆漿或豆乳的新印象，不一定是食粥、食炒麵、食餈飯時才點豆漿配餐喝，而是像其他手搖飲品一樣，可隨時想喝便買！

🐡四圍游，周圍食 - 豆乳狂人🐡喺沙田附近去Camp，去到夜晚就會想食糖水。留意呢間豆乳狂人，店面都偏細，似乎無做堂食，主打外賣，但都多人排隊，於是決定一試。🐟多芒楊枝甘露 ($45)🐟呢個正啊！價錢唔算貴，但勁勁勁足料。入面入好好食嘅西米（大大粒）、小丸子、芒果、柚子肉等等，每一啖都係有唔同口感嘅配料！而且芒果味好香，唔係D好假嘅味道，而係好Fresh嘅芒果味！而且都幾大碗，小飽，正。🐟黑芝麻豆腐花 ($25)🐟叫得豆乳狂人，豆製品應該就係招牌。試咗佢嘅黑芝麻豆腐花，果然唔係浪得虛名。豆腐有好重濃嘅豆味，口感幼滑，加埋黑芝麻糊，超夾，而且唔貴，又大份，真係會食到飽！食物：🐠🐠🐠🐠🐠價錢：🐠🐠🐠🐠🐠服務：🐠🐠🐠🐠🐠Overall：🐠🐠🐠🐠🐠

本人對奶蓋熱愛程度十分高，喜茶奶蓋正，呢間咸香味得黎仲有些芝士口感🧀好正！😋奶蓋豆豆杯🧀個奶蓋正同杯內好多珍珠同小丸子，我覺得多得滯，豆乳份量可以多返些，好飲無咩野飲咁🤣 但個奶蓋就好好飲，有得單叫奶蓋全杯就好喇🥹之後叫多枝桃膠豆乳同芝麻豆乳，呢個就全枝都係豆乳，先夠飲🥛🥛 門口都幾多人等陣，之前都無咁多人，可能呢排網上多人講，出咗名就好生意咗，希望可以係銅鑼灣開分店喇！ 我好鍾意飲豆漿🤍🤍🤍

豆乳狂人係我最喜愛嘅外賣甜品店，之前食過，除左甜品出色，餈飯都勁好食，好食程度係我人生食過好食餈飯嘅第二位！（第一位喺新蒲崗）除左野食之外，我更加喜歡係佢個外賣盒，個盒係有兩個蓋，除左個外蓋之外，佢仲有個內蓋，可以防止d汁液倒瀉！我就睇佢個盒就覺得呢間野係極致嘅出色，每個細節都顧及到！❤️❤️個外賣盒真係好出色，要影黎睇下，就算揸完車返到屋企，一d汁都唔會漏嘅！❤️❤️早排佢裝修，我仲以為佢摺左，曾經有段時間好失落，今晚經過見返佢，真係勁開心，即刻要買返碗糖水食下😎懷住興奮嘅心情返屋企🥰臨走看發現原來有榴槤甜品，下次要試埋先得！豆豆仙草：有芋圓、紅豆、仙草同豆花，味道夾，好食！楊枝金露唔關我事，係屋企人食嘅，所以比唔到評價。全部清晒係基本，最後都洗返乾淨個盒，非常好用，可以用黎拎d有汁野食返公司食😎