SOYmart by 豆乳狂人

營業中

休息中

豆乳狂人真係有好多唔同系列嘅飲品，真係多到眼花撩亂，真係唔知揀邊樣好！全部都好想試晒佢！🍪Oreo奶蓋可可豆乳佢嘅奶蓋好滑，配上濃郁嘅可可豆乳，好適合鍾意朱古力味嘅朋友。🍮Oreo奶蓋珍珠布丁呢杯嘢飲除咗有滑滑嘅奶蓋同Oreo碎，仲有QQ彈彈嘅珍珠同布丁，口感豐富，每一啖都有唔同層次，真係好正！🍫特濃可可豆乳呢款係純粹嘅可可豆乳，味道好濃郁，甜度適中，真係好滿足，啱晒鍾意可可味嘅人。🥛鮮芋泥豆乳呢杯有勁Creamy厚實嘅芋泥同豆乳，味道好香甜，好有飽肚感，啱晒下午茶或者輕食。🧉黑白芝麻豆乳呢款豆乳嘅特色係有黑芝麻同白芝麻嘅香味，飲落好香，好有健康感覺。☕️黑芝麻奶蓋黑芝麻味好香濃，再加上底層嘅豆乳，感覺好健康養生。🍮奶蓋布丁燒仙草呢杯係我嘅最愛之一，有滑滑嘅奶蓋，底層仲有布丁同燒仙草，好正。🧋鮮芋泥西米露呢個西米露勁大碗，平靚正，芋泥同埋QQ嘅西米，唔算特別甜，好飽肚。🥭多芒楊枝甘露新鮮嘅芒果同椰奶，味道好清新，好適合夏天食。

新派荳品專門店【SOYmart by 豆乳狂人】主打豆乳、豆花、豆乳雪糕、栥飯、木棉豆腐、MINI豆蔔、炸脆雞等鹹甜小食，深受年輕一輩歡迎，短短2年多迅速發展，在荃灣、樂富、沙田、黃大仙、將軍澳都有分店。店內採用日本熟漿蒸煮技術 ，黃豆研磨後讓豆漿與豆渣一起熬煮，之後才脫渣。豆渣裡的精華得以保留，既蘊含黃豆豐富的蛋白質，成品比起市面上的濃厚，豆味也更突出。 將軍澳分店裝潢以黃色為主調，卡通化佈置及巨大LED燈柱，童趣無窮，處處都是打卡位。望入廚房還可看到現代化磨豆機，一覽豆品生成過程。 「8.6 特濃豆乳」是店內名物，用加拿大非基因改造一級黃豆每日新鮮即制，無添加成份而且不含消泡劑，喝起來更安心。鮮芋泥豆乳 ($32)以威士卡形樽仔盛載，型格十足。芋泥綿滑厚實不會太甜，與濃郁豆味平分秋色。 胚芽燕麥豆乳 ($30) 結合燕麥與胚芽兩款含豐富的膳食纖維的食材，喝下不但濃稠飽肚，滿口豆香與麥香，還有助促進腸道及消化系統的健康。「豆乳茶」以特濃豆乳配上日本產抹茶及焙茶、烏龍茶、阿薩姆紅茶、茉莉花茶等多款茶品。焙茶珍珠小丸子 ($42)烘焙味濃郁，茶味香醇，配上珍珠和小丸子，煙韌控必定喜歡。牛

一向都好喜愛飲豆乳飲食品/飲品，知道由他們由傳統街市經營豆品生意，到推出新品牌SOYmart豆乳狂人，就已經開心不已。他們店內設以開放式的設計門窗設計融合拱門、圓角等元素，加強空間層次；而半開房式廚房，特意用上透明設計，營造出他們的精心製作的豆乳食品。一大班朋友，當然點多幾款，在店中一齊慢慢歎，享用閑聊一下。鮮芋泥豆乳口感綿密香滑，帶有明顯的鮮甜芋頭香氣，滑順柔滑卻不會過於濃稠，清爽微甜。紫米豆乳口感綿密順滑，甘甜清爽，帶有淡淡的紫米香。豆乳焙茶焙茶加入豆乳中，飲到香濃的豆乳味外，亦不失焙茶香，清涼順口，濃郁但不膩。多芒楊枝甘露真的落足材料，整碗都滿滿的，鮮甜芒果、彈牙西米、清甜芒果汁、順滑椰奶，還有酸酸甜甜金柚，清新爽甜，口感一流。榴槤奶蓋豆乳濃郁香醇的榴槤奶蓋覆蓋在綿密順滑的豆乳之上，清新完美融合，口感豐富濃稠，入口即化，身為榴槤控的我必食！榴槤奶蓋豆花另一款則以香滑的豆花為底，再有濃郁的榴槤奶蓋，層次豐富，細滑濃郁，令人回味。海苔肉鬆炸豆卜外層酥脆，內裡鬆軟的豆卜，在表面撒上濃郁酥香的海苔肉鬆，香口的開胃小食！純度鹹蛋黃炸脆雞炸脆雞都沾滿了鹹蛋黃醬汁，入口即化，濃郁香濃，鹹香十足

呢日早餐食得太豐富，到lunchtime都未算好餓，於是買啲輕食一家share快速解決就算，見呢邊開左Soy mart，趁機會試試先。超煙韌豆花大碗裝住珍珠、芋圓同小丸子，上面淋上左一層奶蓋。質感方面，珍珠Q彈香甜，芋圓綿密富嚼勁，小丸子都Q軟，加左奶蓋，豆花入口感覺比一般豆花更重奶味，成個組合都幾夾，份量都好足料。豆花用扭蓋式既外賣兜裝住，食完個兜可以帶返屋企洗乾淨循環再用。十勝紅豆豆乳用料十足，近半樽都係紅豆，豆乳飲落豆味濃郁，亦唔會太甜膩，口感亦都相當濃厚，唔記得問店員可唔可以調整甜度，如果少甜啲更好👍不過個人比較鍾意加冰飲，可以更加清涼爽口。狂人粢飯熱辣煙韌既糯米飯包住乍菜、肉鬆同油炸鬼，係傳統既配搭。乍菜清脆爽口，油炸鬼超級脆，食到最尾油炸鬼都仲係保持到勁脆，好特別。始終係傳統口味，呢個配搭好夾，粢飯包得夠紮實，食落唔會散開👍

之前食過位於黃大仙嘅店舖，一直對狂人嘅豆乳飲料同甜品念念不忘😚 今次係將軍澳喜見佢嘅分店😍❤️ 店舖照舊裝修得非常用心，好可愛嘅卡通風非常適合打卡👍 設有多個座位，客人可即場堂食享用🫶 今次㨂咗兩款飲料同埋一個甜品😘 豆乳焙茶飲落嘅有焙茶嘅醇香，又有豆乳嘅濃郁滋味，兩者融合得恰到好處，又夾又好飲❤️ 另一款黑芝麻奶蓋同樣出色❣️ 濃郁嘅黑芝麻香，令人有種好似食緊芝麻糊嘅感覺，超正😍 內含豆花、珍珠等配料，滑嫩嘅豆花與煙韌嘅珍珠，為飲品更添口感👍👍👍 甜品㨂咗黑糖桃膠豆花😋 超級大碗好足料❣️ 黑糖嘅甘香令豆花更添甜美，味道好合拍🙌 桃膠爽滑彈牙，好滋補又好味🌟

喂,仲有芋泥桃膠西米三色芋圓再配椰奶黑糖咩!？呢度真係豆腐花界嘅霸主呀!首先,呢個多芒仙草又濃郁又香甜,真係勁滑勁滑,沖落肚仲好解渴!接住又有個超煙韌豆花(凍),唔單止Q彈滑順,仲有種特別順口嘅口感,真係一流!最之後,仲有個滋潤之選,加咗芋泥、桃膠、西米,呢三款材料完美融合,配埋椰奶黑糖,整體又香又滑,溶化唔停口咁好食! 至於牛油果鰻魚玉子姿飯同牛油果吉列蝦青瓜絲粢飯,個大份量就已經見到佢地有幾正!牛油果同鰻魚玉子融合得天衣無縫,飯粒飽滿,令人憶起江湖仔嘅滋味;蝦肉又鮮又嫩,加埋牛油果同青瓜絲,味道層次豐富,真係太厲害喇!總括嚟講,呢間「豆乳狂人」真係豆腐花重鎮,每個菜式我都愛到不行,甜品同主打菜式同樣出眾,我完全忍唔住想一口氣瀨晒佢地!下次黎一定要帶埋啲朋友,一齊品嚐呢間豆乳界嘅寶藏!#香港旅行 #香港美食#香港探店 #美食#多國菜#試食 #餐廳 #推廣 #食評家 香港#foodie #hkfoodstagram #hkfood #hkfoodlover #kaygorfoodie #hkig #hkfoodie #foodiehk #hkigers #hkfoodblog #打卡

將軍澳都有豆乳狂人啦! 店鋪環境舒適悠閒，堂食座位數目多，裝修色彩明亮，好適合打卡! 餐廳提供多款特色甜品同小食，款式非常多，每一款賣相都好吸引!▪️超煙韌榴連奶蓋 $80期間限定口味～～一打開蓋已聞到超大陣榴連飄香！用上D24榴連肉混入榴連奶蓋，榴連肉份量好足，食到底都仲有，杯內仲有小丸子、珍珠同三色芋圓，用料豐富，啖啖充滿榴連滋味▪️超煙韌豆花 $42另外點咗個豆花食，同樣足料，杯內有珍珠、芋圓、小丸子同奶蓋，奶蓋口感綿密，感覺好似食緊雪糕咁，加上其他配料全部都煙韌，好有咬口▪️7.6豆乳焙茶 $36豆乳味道突出，口感濃郁滑順，入口有淡淡焙茶香味

·豆乳狂人｜將軍澳今日Family days 又見到有佢地既鋪頭屋企人又想食 所以又幫襯了佢地可以做VIP了 哈哈Soyaccino 豆花重要既事要講多一次佢地既豆類產品真係好正好濃既豆味既豆花黑糖珍珠豆花黑糖珍珠配上豆花又有另一番風味黑糖珍珠唔會話太甜 配上豆花 剛剛好三色芋圓豆花芋圓唔似係機製 應該係人手做每一粒大小都不一粒粒都好煙UN仙草豆乳滑流既仙草 撈埋豆乳一齊飲又係一種特別既口感好似食緊糖水咁奶蓋布丁燒仙草同仙草豆乳有小小不同佢配上奶蓋同布丁依個飲完會飽吐感大增

堂食空間非常寬敞，買完可以即食，夠晒方便。主打豆乳食品，仲有鹹點類，選擇多多，價錢親民。最近推出咗一系列期間限定榴槤甜品，作為榴槤控當然唔會錯過啦！牛油果鰻魚玉子粢飯 ($55)即叫即整，粢飯軟熟，入面有滿滿餡料，有肉鬆、青瓜絲、牛油果、玉子、鰻魚、油條同饅魚汁，一啖食落口有軟有脆，有鹹有甜，層次豐富，食唔停口！榴槤奶蓋豆花 ($74)打開蓋即聞到陣陣榴槤香，未食都已經覺得好興奮！白玉口感煙韌，豆花軟滑帶有陣陣豆香，D24榴槤肉口感綿密，加埋軟滑榴槤奶蓋，真係啖啖滿足！榴槤奶蓋豆乳 ($74)除咗D24榴槤肉同榴槤奶蓋之外，啖啖榴槤香，加埋珍珠、豆乳布丁同7.6特濃豆乳，口感好豐富。

今日去咗將軍澳一間叫「SOYmart by 豆乳狂人 」食甜品，夏天係榴槤當造嘅季節，而呢間餐廳推出咗期間限定嘅榴槤系列，身為榴槤迷嘅我梗係要去試吓啦！呢間分店嘅裝修充滿時代感，而且空間感好大，喺商場嘅室內有好多個座位，亦都設有自助下單區，方便又快捷。🍊 榴槤奶蓋豆花雖然呢杯榴槤奶蓋豆花賣$78價格偏貴，但係用咗大量嘅D24榴槤肉，一打開個蓋就聞到濃郁嘅榴槤味，榴槤肉口感幼嫩綿滑，食每一啖都感到好滿足，加上混合榴槤打成嘅奶蓋同豆花，令到口感層次豐富，白玉嘅數量好多，好煙靭同有咬口，可以中和榴槤嘅濃味🍊 多芒楊枝甘露經典甜品之一，非常出色嘅一碗楊枝甘露，用咗大大粒嘅新鮮芒果，每一粒都好清甜同冇芒果絲，仲食到一絲絲爽口嘅金柚，加埋粒粒嘅西米，混合芒果汁同特調椰奶，整體唔會太甜，食完會覺得透心涼🍊 Oreo奶蓋可可豆乳同可可粉混合而成嘅豆乳配濃郁嘅芝士奶蓋，而奶蓋上面散滿Oreo粉，飲落有濃郁嘅朱古力味，加埋煙靭嘅珍珠，成杯飲品好有層次感📍將軍澳唐德街9號將軍澳中心G樓G01及G02號舖位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊整體CP值：🍊🍊🍊🍊

一向都好支持呢間健康豆乳嘅所有產品，每一間分店都去勻晒，間間都keep到水準，你將軍澳行街見到有豆乳狂人，諗都唔諗即刻去搵嚟食，點知利苑已經見到啲阿婆晾晒腳，第一個感覺已經好差，入到舖頭見見啲枱凳黑蚊蚊，嗚嗚糟糟，感覺好似每一張凳都俾人踩過咁，叫咗兩個豆腐花，連野食都覺得唔好食。諗起都想嘔。

Lunch時間估唔到都有咁多人好似我咁食完再去食甜品🤭🔸多芒楊枝甘露 wow 勁多料呀😍芒果🥭肉大粒又香甜，配上鮮芒果汁同埋Q彈嘅西米，口感好豐富🔸榴連芋圓紫米撈 鍾意食榴槤嘅又點會錯過呢款期間限定口味🤤一拎起已經聞到榴槤香，入面有D24榴槤肉、黑糖紫米、三色芋圓同埋榴槤奶蓋等等，榴槤系列仲有幾款，下次都要叫嚟試吓🔸牛油果鰻魚玉子粢飯 估唔到佢嘅粢飯都幾好食，除咗有主角牛油果同鰻魚，仲有脆卜卜嘅炸油條同埋肉鬆增加口感，再加上鰻魚汁，一啖咬落去好滋味呀😌另外仲叫咗兩款飲品每款都啖啖滿足，飲落唔太甜💚抹茶紅豆小丸子🖤黑白芝麻豆乳

今日一家人睇完戲之後去咗附近商場行咗一陣街，經過Lee間《豆乳狂人》比佢靚靚嘅裝修吸引住，仲買咗啲甜品同飲品返屋企同屋企人一齊慢慢食😋🥭多芒楊枝甘露楊支甘露係甜品必食之選，入面有大大粒嘅芒果🥭肉，配以西米、特調椰奶香、金柚，香甜美味，食到舔舔脷🎉榴槤芋圓紫米撈鍾意食榴槤嘅我，當然要叫呢個期間限定嘅榴槤甜品，滿滿嘅D24香甜榴槤肉，配搭黑糖紫米同煙煙韌韌嘅三色芋圆，口感非常豐富🎉黑白芝麻豆乳味道香濃嘅黑白芝麻，配以豆乳，入口非常滑溜

放假去探朋友， 專登到 【 SOYmart by 豆乳狂人】order 多款甜品美食上去一同享用。 將軍澳呢間分店面積超大又寬堂，裝修時尚可愛，規模越做越大。SOYmart by 豆乳狂人提供了一系列創新且美味的豆乳為主題的甜品和小食。❤️多芒小丸子新鮮芒果的甜味與椰奶的香濃完美融合，搭配軟糯的小丸子製造出豐富層次感。🧡多芒楊枝甘露同樣吸引，清新的芒果配上金柚、西米、 芒果汁和椰奶，柔順細膩的質感，實在是夏日消暑的好選擇。💛滋潤之選將香甜的芋泥、軟糯的西米、彈牙的芋圓桃膠等元素融合，,再以椰奶作為基底，口感層次豐富，堪稱一道精緻的甜品。💚黑糖珍珠豆花Q彈的珍珠搭配濃郁的黑糖，加上綿密滑嫩的豆花，小朋友 小朋友最喜歡。💙狂人炸芋圓炸三色芋圓配香濃的奶蓋、煉奶和黃豆粉，非常有驚喜。💜海苔肉鬆炸MINI豆卜值得一試，豆卜外皮酥脆， 配海苔肉鬆，非常可口。🖤GOLD純度鹹蛋黃炸脆雞和地道避風塘炸脆雞兩者同樣出色，前者蛋黃香濃，後者酥脆可口。兩者都是不可錯過的必嚐項目。🤍黃金脆脆豆乳茶濃郁的豆乳與清香的烏龍，軟糯的西米與彈牙的珍珠，還有滑順的布丁和濃郁的芝士奶蓋，層次豐富，無疑是追求高品質飲品的不

喺呢個商場見到呢間食店有粢飯有小食有甜品好似幾啱呢日嘅胃口於是就喺度開餐🤣$55「牛油果鰻魚玉子粢飯 Sticky Rice Roll With Avocado, Egg And Tamago」：材料有 肉鬆+青瓜絲＋牛油果＋玉子+鰻魚+油條+鰻魚汁，好大件，一個人食晒會超飽🤩$38「GOLD純度鹹蛋黃炸脆雞 Fried Single-Boned Wing With Salted Egg Yolk」：單骨雞翼食得好方便，雞翼炸得幾香口，仲加埋鹹蛋黃，非常惹味🤣$38「海苔肉鬆脆皮木棉豆腐 Fried Tofu With Pork Floss And Seaweed」：豆腐外邊炸到脆脆哋又加咗肉鬆更加好味啲，裏邊豆腐幾軟滑😋$48「多芒楊枝甘露 Pomelo & Mango Sago」：材料包括 鮮芒果+西米+芒果汁+特調椰奶+金柚👍，好大嘅一兜👍，真係幾多芒果🥭🤩，材料豐富，夠晒甜🤣$42「焙茶珍珠小丸子 Hojicho Soy Milk With Brown Sugar Pearl And Mini Rice Ball」：豆乳+日本產焙茶+珍珠+小丸子，焙茶幾香滑，珍珠同小丸子都煙煙