Sonne CAD

之前本來諗住去飲老闆的手沖比賽豆，點知去到老闆出咗去比賽，有另一個女士代班，心諗都試下咁囉，係囉，就係試一次咁囉。過咗一排等到老闆返黎，想試手沖比賽豆，點知又有新發現，藍山1號，日晒喎，一定要飲，老闆話豆唔多，呢批之後又唔知有冇了。結果心思思，都係要虹吸😂😂回憶的味道，加埋呢隻杯，真係要親身感受！大家想飲就要快！次次去親都有驚喜👍當然講緊係老闆喺度嘅時候！P.S. SonneCAD 老闆的虹吸真係冇得輸，協會欠佢一個冠軍！老闆加油！…Read More

叫左杯cold brew，叫女店員比多個紙杯我都話「要黎做乜」，又唔肯比個蓋我，佢表情極不滿，態度惡劣，咖啡真係好一般，完全唔值呢個價，不會再光顧！大家要有非一般EQ先好黎呢間舖，個女店員真係離曬譜!…Read More

呢間係我每次去大坑必去，同只會去嘅咖啡店，佢嘅手沖冇得輸！店舖裝修後多咗啲 regular 嘅選擇，嗰日同朋友去，朋友點咗杯 regular 嘅 house blend，我偷偷地試咗啖，其實都係冇得彈嘅，但黎得呢度，手沖唔駛諗係最佳選擇，老闆自家烘焙，而且不定期都有啲有趣新豆，每次黎都要買番幾支，冇錯係幾支，因為玻璃樽回樽有 discount 喔。所以不論飲啡定買豆，勝價比係超高！補充一下，老闆同老闆娘都係超 nice，是難得非高 warm 同人性化的小店，值得支持！…Read More

問Drip bag同豆 有咩分別，兩個都有白桃烏龍字眼），但明顯唔同豆。個女店員答：一個dripbag，一個係豆。真係多謝晒，之前係 coffee agenda 試咗先嚟買，個店員咁趕客 做幾多 promotion都冇用…Read More

今日午後於大坑吃完午飯，一心想着找一家新的咖啡店飲咖啡試吓新嘅口味。行咗一圈，見到一間門口古色古香嘅咖啡店，於是同朋友打算買兩杯外賣。入到店舖，就問坐cashier 的女店員攞餐牌。她冷冷地忘了我一眼，指着面前的電腦屏幕對我說「這裏」，我就回應「哦，原來在這裏」。那裏只有三款選擇：regular black, regular white &手沖。於是我哋就嗌咗兩杯regular black, 然後我就問「請問有冇凍㗎？」，佢眼都冇望我一眼就回應「冇」。呢一刻我已經同我朋友對望，覺得感覺非常差。她收了錢後，極速就同我哋講「出邊等」。其實作為一個普通嘅香港人，我真係對服務態度冇特別嘅要求，但係未至於可以接受不禮貌對待。嗰位女士嘅態度真係好似我有啲嘢虧欠咗佢咁，令人非常難受。咁我哋喺等待期間都有討論，我哋曾經有一刻期待過當佢嘅服務態度如此囂張嘅時候，佢嘅咖啡一定非常出色。而最後嘅結果係令我們失望的，我們用了$35（價錢非常便宜）買了一杯熱水….我唔係咖啡專家，但係我真係分到熱水同咖啡最後最後，喺我哋嘅等待期間我無意間看見他們Hau的一張告示，意思大概係門口嘅大門係古董嘅門，千祈唔好勉強推拉。本來都好正常，但係偏偏佢就寫咗一句「古董門賠不起。」我諗佢本來嘅意思應該係「古董門，你賠不起」… 其實要表達嘅方法真係有好多好多種，點解又偏偏用一種貶低人嘅手法去表達？結語：這間咖啡店，無論態度手法和味道，我都飲不起…Read More