SONAMU Korean Restaurant

韓國餐廳喺尖沙咀特別多，近排有一間新嘅韓國餐廳，餐廳有一個2人套餐叫姨媽套餐，包括1個湯品、3個主食、12個配菜同白飯，非常豐富。主食選擇有20款咁多，湯品都有8款👏🏻上菜時侯非常誇張，餐廳將所有食物放係大木板上面，然後職員迅速將木板放係餐枱上面，枱面好似韓劇入面既韓式宮廷宴，食客可以一次過品嚐到不同韓式料理😋12道配菜包括紫菜、泡菜、大豆芽、炒粉絲、豆腐、菠菜、茄子等等，配菜日日都唔同配搭。- 海鮮嫩豆腐鍋味道微辣，湯頭充滿各種海鮮既鮮甜精華，海鮮包括青囗、蜆同蝦。另外豆腐真係好滑嫩。- 泡菜餅泡菜餅煎到外脆內軟，口感酥脆，粉漿同配料的比例啱啱好，每啖都食到外脆內軟既煎餅同埋惹味爽口既海鮮！- 黃油烤魷魚魷魚用左牛油烘烤，香味濃郁，肉質非常彈牙，味道鮮美👍🏻- 烤豬肩肉份量幾多，加左芝麻作點綴，賣相更靚。肉質軟稔，肥瘦適中。- 烤牛小扒牛小扒係我今晚最喜歡既菜式，肉質鮮嫩香甜，牛味豐富。值得一讚係牛小排用鐵板上菜，保持到牛小排溫度😍餐廳由韓國人主理，所以所有食物無論主菜同小食都好地道。…查看更多

位於柯士甸路嘅🌟SONAMU Korean Restaurant🌟，係香港首家主打傳統🇰🇷韓式料理Hanjungsik韓定食嘅餐廳！有別於一般嘅韓式料理，SONAMU嘅韓定食係唔落任何味精👍🏻，更健康，係韓國媽媽嘅味道😋！餐廳閒日晚市亦爆場💥，有唔少家庭客人嚟幫襯！🌟2人套餐 - 姨媽套餐 $600/2位套餐包括12道韓式小菜、1自選湯品、3自選主食、2白飯，份量勁豐盛！會成板齊晒所有食物咁上菜，場面震撼！🥗12道韓式小菜有泡菜、紫菜、菇、蛋、魚春、魚、沙律等，當中有好多款，都係出面未見過嘅！口味以鹹香為主，配白飯真係多多都食得落！♨️海鮮豆腐湯口味微辣，來自海鮮嘅天然甜味，非常討好，一不小心就會飲咗好多碗！入面嘅豆腐好嫩滑！🥩生拌牛肉牛肉嘅油脂甘甜味，加埋柔軟嘅口感，食得出係靚貨！配搭梨及青瓜，會多咗一重清涼感！🐟烤黃花魚原條烤至多面酥脆，入面啲肉好滑，又夠鮮味，正！🍖烤牛小排 ＋$100升級嘅主菜，以鐵板Heat住上，牛小排軟淋得嚟入晒味，值得推薦！▶️韭菜煎餅 ＋$110套餐可以用優惠價加購煎餅或年糕！🍻韓國啤酒 $50｜罐裝汽水 $20大支裝只係$50，價錢公道！…查看更多

約咗個老朋友食飯，佢話啱啱去完首爾，對韓國菜仲喺好回味，所以，今晚同佢再食韓國菜，不過，特別少少，晌網上搵咗間應該喺全港首間主打「韓定食」（Hanjungsik）嘅餐廳「SONAMU」。「韓定食」唔喺指韓式嘅定食套餐喔，我都喺睇維基所了解多少少，「韓定食」喺朝鮮嘅套餐菜餚，原本喺朝鮮君王常食用嘅宮廷料理，後來士大夫模仿宮廷料理，開始配合各地特有嘅鄉土飲食而成為咗兩班家（貴族）料理。雖然門面細細，落到地庫，地方好大，而且，枱櫈嘅編排唔密，通道更特別闊落，等陣你就知點解。整體裝修簡約，走木系文青風，配上柔和燈光，啲位又寬敞，感覺非常舒服。晌餐廳唔同位置亦安排咗啲木櫈，俾輪候嘅客人可以坐吓，唔使企晒晌門口，喺貼心嘅安排。順帶一提，晌一角落擺放咗一部淨水機，自由取用，更可以斟一壺埋位慢慢用，人多嘅話就唔使成日走出走入；此外，餐具亦以紙袋套好，令人感覺更衛生。呢度掃碼落單，依家嚟講唔喺咩新鮮事，大家都習慣晒，最好喺印埋個wifi密碼俾你，可能餐廳晌地庫層，訊號收得麻麻，有wifi就方便好多。至於餐飲方面，既然主打喺「韓定食」，當然喺套餐嚟，不過，唔喺大家想像好似啲日本定食、港式套餐咁，而喺更有睇頭。首先，套餐分2、3、4人份，有唔同價格，就以我哋所揀嘅其中一款晚市2人套餐為例（$430），先包咗12款韓式小菜，再晌湯鍋類10揀1，主菜類22揀2，附兩碗白飯，要留意部份菜式需加錢，但值得加錢試。由韓國人主理，菜式自不然夠地道，而最窩心喺好好服務，卻唔收加一，真喺好少有。此外，仲有一大堆散點菜式供應，令到選擇上變化更大，更富彈性；順便貼埋飲品餐牌出嚟俾大家參考，當然較特色喺韓國嘅酒精飲品啦，而無酒精飲品亦都多選擇，我哋就揀咗梳打汽水同冰茶。溫馨一提，餐牌有寫明晚市人頭最低消費要$200，不過，呢個門檻唔高！仲有上菜過程喺個亮點，都喺第一次見，感覺神奇，就喺點選好套餐之後，會一次過上齊成份「韓定食」俾客人，驚喜位就喺所有食物已放好晒晌一塊大木板之上，推到過嚟就將成塊板絲過落餐枱上，店員動作俐落，而蹺妙在於木板下有兩條木方，卡住枱面，唔會怕被食客錯手推倒。呢個方法真喺幾好，店員可以一次過上晒啲菜，省時又省力，客人又可以一次過食到所有嘢，唔使等嚟等去，仲方便打卡添。12韓式小菜12款韓式小菜一齊晒冷，感覺喺幾有睇頭，由於日日都有所不同，所以，餐牌就唔會列明有咩，不過常見嘅韓式泡菜、炒粉絲、魚糕、菠菜、醃蘿蔔、大豆芽、辣豆腐……等等，都會有，實在豐富，此外，仲有啲明太子、韓式煎蛋卷、紫菜、沙律……等等，多元化，又整得好食，老友講笑咁講，話淨喺呢堆小菜加埋碗白飯都夠一餐啦！貽貝湯湯鍋類我哋就無加錢要啲特別嘢，反而想清清哋試個青口清湯，咪睇佢好似好清，個湯入口有少少鹹鮮甜味，加埋啲香茜同大蔥，都幾清爽；而啲青口好大隻，肉質肥美，食落鮮甜，青口肉更無黐住啲鬚根嘅問題，兼且份量唔少，無真正數過，印象中每人都食咗6-7隻，一鍋裡面至少有一打。烤豬肩肉主菜類心目中就打算揀一款肉、一款海鮮，選上烤豬肩肉無特別原因，隨心想試試而已。一大碟豬肩肉，份量真唔少，最欣賞喺以火酒膏熱住，保持溫度食落更具風味，而咬落肉質比預期更腍滑，又甚具肉香，亦唔肥，淨食都已經幾正，沾唔沾啲沙律醬都好食。醬油海鮮拼盤 +$200老友晌韓國之旅有食醬油蟹，令佢念念不忘，所以，晌餐牌見到呢款新出品醬油海鮮拼盤，二話不說就相中佢，海鮮包括有三文魚、鮑魚、大虎蝦及八爪魚，份量十足，而且，外觀色澤亮麗，睇樣已經好吸引，由於喺醬油醃，食得生嘢嘅朋友，好值得推薦你去試試。三文魚一向有食開魚生，所以，醬油三文魚感覺衝擊無咁大，啲三文魚本身切得又大又厚，入口滑溜油潤，鮮甜中更帶多少少鹹香嘅醬油味。鮑魚韓式食鮑魚一定想起鮑魚粥，醬油漬肯定第一次，鮑魚已經切成為4件，食用方便，而鮑魚口感柔韌好有咬口，鮑魚味濃，堅喺好食。大虎蝦唯一食生蝦就喺食泰式生蝦，而食咁大隻生嘅虎蝦，除咗喺第一次，衝擊咁亦比較強，但估唔到，除味道好之外，鹹香嘅醬油味突出到蝦鮮味，而且，又唔喺好覺食緊生蝦，蝦肉有份黏性，有啲似食日本牡丹蝦嘅質感。八爪魚原隻八爪魚奉上，店員會備有較剪俾你剪開，而八爪魚頭藏咗晌底下，真喺不折不扣原隻。入口比想像中軟腍，但又不失口感，富獨有八爪魚味，真唔錯。檸檬梳汀汽水 $40、桃子冰茶 $30我倆都唔算好酒之人，所以，飲品方面，老友就要咗杯檸檬梳汀汽水，小弟就對桃子冰茶興趣大啲。杯冰茶嘅茶底幾香濃，桃味亦幾夠香，甜度又啱啱好，好合心水。加上冰涼夠凍，食咗啲泡菜、辣蘿蔔、辣豆腐都唔怕。最後，順便貼埋個午市餐牌出嚟，分1、2、3、4人套餐，玩法差唔多，包白飯、飲品、多款韓式小菜、人頭數嘅主食，無咗最低消息嘅要求，食得更划算。初嚐「韓定食」，除咗喺一次新體驗，亦喺一次豐富而美味之旅，一次過食到咁多韓式小菜，已令人開心又有份幸福感，加上其他菜式都好食，招呼又好，一定會翻兜。…查看更多

今日同老公去左尖沙咀食韓國菜，呢間餐係新開，由韓國人主理，佢已在香港生活左20年，廣東話仲講得幾好添。餐廳空間寬敞，裝修簡潔整齊，文青風格。呢度用QR code點餐，餐牌套餐選擇多，餐套包12款前菜及湯品，湯品可加錢轉火鍋，主菜就按套餐可選數量，仲包白飯。值得一提，呢度係唔收加一。最後我哋就叫左個姨媽二人餐，湯品加錢轉火鍋，然後三款主菜。餐廳上餐好有風格，職員先將十二款前菜、所點套餐主菜、飯及飲品放在木板上，然後用手推車推木板過黎，整塊木板放在枱上，好似盛宴御膳一樣，感覺勁豐富，滿滿儀式感。12款前菜：有炒年糕、蘋果沙律、凍豆腐、泡菜、芽菜、菠菜、蜜糖薯仔、紫菜、明太子、卷蛋、炒粉絲同蘿蔔醃菜，種類好多，款款調味幾好，無論當前菜或伴飯食都可以。海鮮嫩豆腐火鍋 (+$230)：有蟹、大蝦、青口、鮑魚、蜆同八爪魚，另外仲有大量蔬菜、蘿蔔、瓜同豆腐，份量多，大隻，配料又多，真材實料，各款海鮮帶鮮味，湯底鮮甜，辣度十足，越食越惹味。韓式烤牛肉：配料有洋蔥、紅蘿蔔同菇等配料，同牛肉一齊烤，味道較甜，幾好味。香烤雞肉：雞肉醃得夠味，食落香嫩，多肉汁，連旁邊D雜菇都有烤過，整體唔錯。烤黃花魚：即叫即烤，黃花魚外皮香脆，魚肉滑，唧少少檸檬汁已經OK。飲品：老公叫左個叫做星光清河氣泡酒，呢個氣泡酒都幾好飲，少少泡甜甜地，幾清爽。我就叫個柚子梳打汽水，大大杯，冰凍夠甜夠解渴。…查看更多

「SONAMU」位於尖沙咀好兆年行地下，入口面向柯士甸路，係一家由韓國人主料嘅韓國料理餐廳，餐廳簡約潔淨，整體感覺都幾舒服。二人套餐$480起（無須加一），指定食物如醬油蟹等需加錢top up，豐儉由人，其食物質素幾高，連前菜都有驚喜，絕不馬虎。呢度上菜嘅方式非常獨特，服務員會係預先係出餐位置執好張檯，執靚先推過來，然而成塊板移過來，執走亦係整塊移走，其實呢個方式幾好，既可以在上菜時省掉搬黎搬去嘅動作；食完想坐多陣，移走塊板又唔會有食物殘渣係檯，新嘅一樣，夠曬乾淨。由於天氣炎熱，坐低就點左打了栗子馬格利米酒($100)，平時一般都係見原味、青提、桃味，栗子少見一於試下新野。個Base其實都係原味米酒，不過加左栗子味，變得更香甜，然而兩者都幾夾，算係好飲，但個人都係鍾意不味，呢度都有售。前者12小碟，一般我會直接略過，平時韓國餐廳咪至多送你菠菜、泡菜、豆芽、醃蘿蔔、蒜粒，呢度大癲啊，仲有明太子、蛋餅、韓式炒粉絲等等，明太子鹹魚突出，超適合拌飯；炒粉絲爽滑彈牙，調味都唔錯，以前菜黎講，絕對超水準。由於份量比較大，仲有兩款主菜及一款主食，選擇食物時我地偏向無咁飽肚嘅選項，主菜分別揀左生拌牛肉、醬油蟹（+$200），而主食揀左海鮮嫩豆腐火鍋（+$230）。生拌牛肉加上蛋漿，質感特別滑嫩，且非常鮮味，另搭配青瓜絲及雪梨絲，爽脆香甜。醬油蟹則須另加$200，共有兩隻，醬蟹肉質夠緊緻，肉質嫩滑，摸上手就知新鮮，兩隻都爆曬膏，非常鮮甜美味，蟹蓋用黎拌飯超好食，輕鬆KO左一碗飯。主食嘅海鮮嫩豆腐火鍋雖然要加$230，但睇見其大堆頭嘅海鮮（包括兩隻鮑魚、青口、一隻蟹、一隻八爪魚），頓時覺得唔太貴，店員亦會協助剪開鮑魚及八爪魚，唔喜歡剥殼嘅小朋友幸福感滿滿！湯頭帶輕微香辣，一貫韓式風味，非常鮮甜，八爪魚極其新鮮，爽脆鮮味，巨香！…查看更多