Simp.lane

收工約咗閨蜜去觀塘工廈搵食，上到Simp.lane見到成間木系cafe咁，仲有玻璃貓房🐈‍⬛！幾隻肥貓喺入面打晒交超治癒，座位闊落仲有boardgame玩，等上菜時唔會悶親。晚餐時段人唔算多，坐低仲聞到陣陣香茅味，即刻肚仔打鼓～香茅冬陰功豬扒配椰菜花飯 ($88)豬扒大過我塊面🐖！煎到金黃色好香口，冬陰功味好出仲帶少少辣，可惜邊位有啲乾爭爭。椰菜花飯先係精髓🥦，切到碎粒粒同蛋炒香，食落好似真飯咁有咬口，仲好有飽肚感，低碳餐嚟講超驚喜！鹽燒牛脷椰菜花飯 ($98)牛脷厚切過手指公👆🏻，鹽燒脆皮咬落卡嚓聲，入面keep住juicy彈牙。配埋爽脆秋葵同炒香椰菜花飯，成個組合好和風，唔使落飯都食到舔舔脷～鹽酥大雞髀便當 ($78)上枱真係嘩一聲🤯！雞髀大過碗飯成隻手掌咁長，鹽酥脆皮薄過我塊粉底，咬開熱辣辣爆肉汁🐔。滷肉飯底好邪惡，半隻滷蛋入味到連蛋黃都有滷水香，大胃王必點！五色豆腐花甜品控見到雙眼發光🌟，滑溜豆腐花鋪滿芋泥/紅豆/珍珠/芋圓，珍珠煙韌芋圓QQ的，甜度剛好唔漏喉，完滿收尾～…查看更多

啱晒想減肥嘅人 🙂‍↕️有低糖低碳menu真係好方便 😭唔好以為低糖低碳就唔好食 🙂‍↔️其實味道真係很可以 😋上面幅圖係香茅冬陰功豬扒配椰菜花飯 🐖豬扒整得好香 不過有少少偏乾 🥺但係個椰菜花飯好好食 🥦其實佢係椰菜花 不過切成碎 好似飯咁 🍚但係幾香口 同埋都好有飽腹感 😍下邊幅圖係黃薑煎雞扒配蕃茄洋蔥湯翠玉瓜麵 🍅雞扒都算嫩滑同埋入味 🐓翠玉瓜麵係翠玉瓜刨成條狀 🍜湯底都幾香濃 🥣價錢方面都合理 大概$100一個餐 💰仲可以免費同貓貓玩 🐈🐈‍⬛想出去食但又減緊肥嘅人士要嚟試吓啦❣️…查看更多

🍱🐱🍝睇住貓貓食健康餐▫️設加一，但環境舒適，服務幾好，仲有貓貓睇▫️套餐包熱綠茶或熱烏龍茶🆗黑松露忌廉雞肉意粉 -$78意粉好大份，雞肉份量都唔少，略嫌黑松露味唔夠濃，同埋個醬未係好Creamy，煮得比較乾淨。☑️香茅冬陰功豬扒椰菜花飯 -$88椰菜花飯同蛋一齊炒香咗，好味得來又易入口，好快就食晒。豬扒好大塊，唔會好韌，冬陰功味雖然唔濃，但調味不錯。☑️吉列炸蝦便當 -$48呢個性價比算幾高，吉列炸蝦有三隻，新鮮炸起，脆口熱辣辣。便當配料仲有肉燥、滷蛋半隻、椰菜和粟米。🆗越式春卷3條 -$20呢款唔可以算係越南春卷，只係普通嘅中式春卷，而且好細條，大小只有點心春卷嘅一半，而且入面冇咩餡，雖然外皮好脆。☑️飲品尚算大杯，綠茶都幾濃味，而熱檸水要加$5…查看更多

成日出街食飯 有時都想食啲健康野～呢間餐廳就有低糖低碳嘅選擇！⭐️意式牛助條配蕃茄洋蔥湯翠玉瓜麵翠玉瓜麵取代普通麵條可以食少啲碳水同補充纖維～蕃茄洋蔥湯就比較清淡不過都幾好食！而且牛助條都大條又入味😋嚟過幾次食都覺得呢個係最好食同飽肚嘅combo！除咗呢啲低碳選擇之外都有其他正常品項可以揀～而且都有唔少好吸引嘅甜品🍰有啲甚至係進行生酮飲食嘅人都可以食！店內仲有一間玻璃貓貓房～食飯嘅時候可以睇吓貓貓非常治癒💓🐱…查看更多

餐廳：Simp.lane (觀塘)地址：觀塘駿業里6號富利工業大廈11樓C號舖上星期過官塘工業邨見工，順便約響附近做野既老同食午飯，佢係地膽，由佢介紹就實無輸。去之前，佢SEND左OPENRICE介紹呢間店既LINK比我，我一睇，哇～１條負評都無既，應該幾值得去睬場喎。見呢間店有主打低糖低碳既餐牌，真係好啱依家成日將健康飲食掛響咀邊既女生。Simp.lane座落工廈內面，室內既裝潢同我響腦海工廈既飯堂有點格格不入，呢間座位算闊落，有貓咪既活動室，如果有日，早上比老闆丙完，黎到食個晏，望下貓悠哉悠哉、懶洋洋咁爬嚟爬去，食１餐好的，埋單離開時，委屈可能無聲無息咁唔見左，咁都幾好。因為老同食完要返工既關係，佢點左個滷雞亦便當外加鹽酥雞排，好台式既味道，鹽酥個粉唔厚，炸既火喉剛好，一啖咬落去，外脆得黎食到雞塊既肉汁。而我點了香茅冬陰公豬扒意粉，大大塊既厚切豬排大到遮哂個意粉，豬排同意粉都食到濃濃既冬陰公味道，香茅好香，好好味。場內仲提供少量既boardgames，今次時間唔夠，要留待下次再來玩過。…查看更多