Siam 28

朋友想食泰國菜，搵到銅鑼灣依間環境好舒服嘅餐廳，估唔到樓上舖喺平日嘅晚上都咁旺，服務仲好好，菜式正宗得嚟有帶點fusion嘅感覺，好有驚喜～🍶泰式燒生蠔4隻+1合清酒 $180冇諗過泰國菜都有清酒飲，經理話燒蠔配清酒味道好夾，又真係幾夾喎，而且性價比好高！生蠔新鮮肥美，漲卜卜好大隻，燒得香口，淋上泰式醬汁，配埋清酒好解膩。🦐Siam 28泰蝦餅系列 $128賣相好靚好大粒，切開仲有驚喜，有三款口味，每款都有蝦肉，彈牙十足！流心芝士咬開會爆漿；櫻花蝦明太子帶少少鹹香，好惹味；榴槤味好濃但唔膩，鍾意榴槤嘅朋友唔好錯過。🐮👅🥬泰式牛舌生菜包 $108牛舌薄切，燒得香口嫩滑，配上洋蔥、生菜同特製醬汁，清爽又惹味，完全唔油膩。🐷乾炒香辣香葉河粉配豬肉 $102河粉好彈牙，質感好得意唔似平時嘅河粉，醬汁好均勻，香辣味夠晒，仲有香葉嘅獨特香味。🍯蜂蜜香茅茶 $38有蜜糖可以自己加好貼心，香茅味好清新，甜度可以自己調，解辣又解渴，飲完好舒服。評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉💉翻兜指數：🩺🩺🩺🩺Siam 28銅鑼灣軒尼詩道525號澳門逸園中心28樓 📍銅鑼灣港鐵站D2出口1分鐘路程#healingbobo #foodie #hkfoodie #foodiehk #香港 #美食 #銅鑼灣 #CWB #泰國菜 #Siam28…查看更多

🇹🇭🥣🥢食住泰菜傾計好地方✨openrice訂座飲品七折，✨堂食限時2小時✅蠔仔煎蛋- $89呢個蠔仔煎蛋好有泰式風味，而且都幾大份，啲蛋炸得好脆，蠔仔亦都幾多同埋新鮮，底下有啲芽菜墊底，有兩款嘅辣醬可以作調味，既香口又惹味😋✅炸軟殼蟹拌紅咖喱蟹肉汁配薄餅四件- $188✅薄餅六件 -$23軟殼蟹真係幾香脆，同埋個咖喱汁真係好好味，吾會好辣，唔食辣嘅人都食到。咖喱配薄餅真係一流，薄餅香酥，所以我哋另外加錢要咗啲薄餅點埋啲汁。✅椰汁雞湯 -$99湯會用個火爐熱住上，不過由於我哋有五個人碟，店員直接幫我哋分埋，慳返d位，每人都有大半碗，配料都幾多，有好多嘅菇、香茅、洋蔥、雞肉，椰汁味都好濃，暖身又養胃。✅蒜香椰菜苗 -$89呢款落單嘅時候叫咗炒淋啲，椰菜苗好翠綠，而且都幾爽口，幾好味，份量都OK。✅炒鮮蝦金邊粉 -$122鮮蝦有三隻，都幾爽口彈牙，金邊粉用蛋絲包住，酸甜開胃，份量都足夠，都有啲蔥、豆腐乾、芽菜絲等嘅配料，雖然冇話特別有驚喜，但都好食。✅芒果煎糯米飯 -$89呢個甜品人多必叫！但2個人食應該太飽😂煎糯米飯總共有五片，外皮用蛋漿煎香左，蛋香配埋糯米飯嘅軟糯感，加埋椰漿嘅甜香，口感味道都一流。芒果都有好多，而且都唔酸，已經切好晒，就咁食又得，點椰漿食都得。✅芫荽蜂蜜梳打 -$48✅龍眼冰 -$48呢個係未七折嘅價錢七折咗大約30幾蚊，芫荽蜂蜜梳打幾有特色，有大量嘅芫荽喺入邊，但係要食埋啲芫荽先會有芫荽味，如果淨係飲嘅話芫荽味唔算好濃。龍眼冰就正正常常都有好多粒龍眼。…查看更多

銅鑼灣樓上食店林立質素亦相當不錯，前幾天在Sogo買完用品就找找附近有沒有泰國菜，見最近的食廈 #澳門逸園中心 有間#openricehk勁多好評泰國餐廳 @siam28_hk ，19:30上到去好多人，果然係人氣餐廳，幸好等左一陣就有枱❗️🌟脆炸牛舌伴泰海鮮汁 $98都話有牛舌就有K先生，有K先生就有牛舌，不過脆炸左既牛舌就第一次食，做法有點像脆炸牛腩，牛舌軟腍外面炸皮鬆脆，口感反差不錯，泰式海鮮汁微微辣夠惹味？🌟泰甜筒生菜包 $92我幾喜歡這個創意，食生菜包好易整到成手都係，有個甜筒盛載就可以解決這個問題，方便好多！甜筒甜甜地又夠脆，同豬肉咸辣好夾，如果魚露味道再多一點就更理想❗️🌟香蒜香茅燒雞 $159雞控的我是不能沒有雞肉，燒雞相對惹味會開心一點，甜甜地又有焦香❤️🌟芒果煎糯米飯 $89好特別！糯米飯用蛋煎香了，有點點像煎年糕的感覺，再配埋勁香甜既芒果，好滿足❗️🌟Yellow $68Thai Chilli, Pineapple Syrup, Orange Juice, Ginger Juice, Ginger Ale女士好合適的口味，甜甜地配泰菜好啱！🌟Lychee Garden $68Lychee, Mint Leaves, Fresh Mint, Ginger Ale每枱都會點的特飲，有二粒勁大荔枝肉放面，飲落好舒服！#foodiehkig #hkfoodblogger #hkfoodie #hkig #hkfood #lifestyle #foodiesofinstagram #hkfoodshare #foodiemilkteahk #hkfoodieblogger #hkfoodpic #香港探店 #食在香港 #美食推薦#美食日記 #吃貨 #ufoodphoto #ufoodvideo #siam28 #銅鑼灣美食 #銅鑼灣 #泰國菜 #泰式料理 #生菜包 📍Siam 28 (銅鑼灣)銅鑼灣軒尼詩道525號澳門逸園中心28樓Follow me💪Follow me🌟Follow me🫶🏻如果喜歡我既分享，請給我的post♥️及追蹤我@foodie_milktea_hk，謝謝支持💕…查看更多

早排同老公去到銅鑼灣嘅Siam 28食晚餐，呢間泰國餐廳環境幾靚，坐得又舒服，服務態度都好好。泰式燒生蠔4隻+1合清酒佢嘅泰式醬調味得好好，酸酸辣辣，估唔到同生蠔都幾夾，覺得幾好食。冬蔭辣酒煮花螺呢個冬蔭辣酒煮花螺好惹味，入面好多配料，而花螺吸晒湯入面嘅味道，而且又爽又彈牙。香蒜香茅燒雞（半隻）佢哋嘅燒雞燒得啱啱好，啲雞肉仲保持嫩滑，而且好入味。芒果煎糯米飯呢款甜品幾特別，芒果好甜，煎糯米飯食到雞蛋嘅香味，質感又特別。蜂蜜芫荽梳打見到呢款咁特別嘅梳打，好想試吓。以為好勁嘅芫荽味，點知又幾清新幾好飲，有芫荽味但唔會太濃，加埋蜂蜜，好飲。…查看更多

銅鑼灣有間樓上泰式fusion菜實不相瞞，小編其實耐吾耐都鐘意食下泰菜，而今次小編就同友人黎到位於銅鑼灣澳門逸園中心頂樓既樓上泰式fusion菜 一 Siam 28 @siam28_hk🌟炸女婿蛋 $79味道酸酸辣，除左蛋以外仲有炸豬肉，食落都幾開胃🤤👍🏻👍🏻🌟素冰火榴槤拼盤 $58素春卷包住香濃既榴槤肉，再配埋清新既椰子雪糕，作為食完泰菜既收尾都幾好🤤👍🏻🌟馬沙文咖哩牛腩配薄餅 $119咖哩會有個爐座住上，非常有儀式感，馬沙文咖哩食落香中帶辣，牛腩亦燘得又腍又入味，用黎配住薄餅一齊食🤤👍🏻👍🏻🌟櫻花蝦明太子蝦餅 流心芝士蝦餅 榴槤蝦餅 $108/3(件)蝦餅炸得金黃酥脆，食落爽口彈牙，一切開三款餡都非常有特色，櫻花蝦明太子鹹香，流心芝士流心以外仲有小小拉絲，榴槤就系香濃既榴槤肉，而三款入面，小編自己就最鐘意櫻花蝦明太子蝦餅🤤👍🏻👍🏻📍Siam 28地址：銅鑼灣軒尼詩道525號澳門逸園中心28樓#銅鑼灣 #Siam28 #泰菜 #蝦餅 #留港消費 #支持小店 #樓上泰菜 #炸女婿蛋 #榴槤蝦餅 #良心小店💛 #為食關注組 #食在銅鑼灣 #覓食銅鑼灣 #銅鑼灣食乜好 #香港美食地圖 #流心芝士蝦餅 #澳門逸園中心 #馬沙文咖哩牛腩 #素冰火榴槤拼盤 #櫻花蝦明太子蝦餅 #九十後行到邊食到邊 #HKIG #HKIGER #HONGKONGFOODIE…查看更多