SHY Xpress

營業中

休息中

因為公司嚮附近所以經常都會到來吃SHY Xpress 的蛋牛牛冶，這間餐廳是由前tvb藝員開的， 因為好喜歡吃佢哋的蛋牛治， 所以今次亦吸引我到來試試佢哋的蛋包飯。點了漢堡扒蛋包飯 (咖哩汁) + 凍咖啡 $55， 首先講下佢哋嘅蛋， 其實有少少似滑蛋，而蛋只是蓋在飯的上面而不是蛋包飯， 漢堡扒沒有任何味道， 咖哩汁淡淡的完全沒有咖哩味， 伴菜少得可憐只有一兩條， 連我每日最需要飲的凍咖啡都好淡沒有任何咖啡味， 下次都是吃番佢哋的蛋牛治算了。

一件火腿或午餐肉雞蛋三文治，主要是雞蛋不能太老，當然你不過要求茶餐廳煮得好，但如果shy xpress 主打是美味三文治，就真的言過其實。當然牠不是每次都很差，所以我每次下單時都會特別提醒，雞蛋不要太老，但今次又是亞婆蛋上枱，所以忍不主跟店員反映，以一間主打三文治，說自己煮得好好為食，這明顯不合格，希望能的要改善，不要求其煮出來，請對得住你們貼出來的單張

最近在觀塘上班，為了每日充滿新鮮感，我在開飯發現了一間距離公司只有數分鐘路程的蛋包飯。一開始找不到門口，好彩開飯相片有分類別，最後我靠魚蛋店搵到愛琴軒入口。一進入愛琴軒，好似小朋友去了糖果店一樣，看到各式各樣，五花八門的食店。場內就如一般Foodcourt ,大部分食店只有店面及廚房，場內及3樓有不少食桌。今日目標明確，直接走到蛋包飯點餐。各款蛋包飯價錢大約 Hkd5*~6*。牛利蛋包飯（燒汁）+熱啡厚切牛利切4大件，入口十分軟腍多汁燒汁比咖哩汁遜色，咖喱汁偏向日式，與牛利更配合滑蛋呈半熟狀態，十分香滑炒飯加入了糙米，增加健康素材沙律，左上角有小量沙律，新鮮蛋包飯連熱飲大約$6*，飯盒份量看似中等，但因為用料豐富，以一般男生份量，一定夠飽!

朋友之前係觀塘試過一間由前TVB 藝員開既餐廳，話個蛋包飯好味。今日見得閒行過觀塘，就去試下依間餐廳。 其實佢除左蛋包飯之外，仲有三文治，不過黎到梗係試左個蛋包飯先，下次再試三文治。 價格以快餐黎講唔算平，一個餐貴過大XX 系列十蚊左右，但係味道好好多。 叫左個龍利柳蛋包飯配咖喱汁 同埋雞扒蛋包飯配燒汁 個蛋包飯係唔錯，D蛋幾滑，D蛋有D芝麻粒，個雞扒都整得幾嫩滑，配小小沙津菜咁。至於個龍利柳就普普通通，咖喱汁係唔辣既。 以依個價錢又想食蛋包飯，可以一試。

早餐黎黎去去都係個幾種😑 不過早餐點都要食嘅😉聽講有間店係由兒童節目主持人，文生哥哥有份架😎 兒童節目就有睇過佢，但真人就未見過，唔知見唔見到🤣咁早，當然無！店舖空間好細， 勉強足夠三個人既然出名蛋牛冶，就試下個招牌蛋牛冶先😎攞返公司慢慢食牛肉同雞蛋混埋一齊，蛋汁同到啲牛肉唔會乾身，好juicy。 餡料好足夠 ，啖啖都有牛肉。我仲加咗2蚊要"漢"底，金黃色嘅麵包，好香口。 店主用嘅唔係普通紙袋，而係裡面有鋁箔，可以保溫，紙袋又唔會變霉爛😊

原本想食海南雞，但勁多人排隊，所以揀左佢。之前都有見到依間食肆既報導，但又無個衝動想去試今日就試下佢啦！我點左個牛肉蛋包飯，同熱檸蜜。又幾好wor,檸蜜唔使加錢不過就甜左d, 我咁鍾意甜既人都覺得甜，咁佢真係好甜主角蛋包飯黎勒!e!點解係滑蛋黎既？我本人一向唔好生生地既蛋，佢就係走生生地既路線既滑蛋而且蛋包飯係我既概念中應該係全部飯被d蛋包住。但佢係d蛋係飯上面蓋住依d仲算係蛋包飯嗎？🙄而旁邊既牛肉，味道比較淡，肉味不重，調味不夠...或者喜歡食滑蛋既人可以黎試下～

在附近返工的緣故,這天走到了這食堂午餐。選了這間由TVB兒童節目主持人伍文生開的店,主打蛋牛治(售價$34,包餐飲）當然要一試!Size比一般蛋牛治要厚一些,方飽大片一些,鬆軟,但味道跟茶記沒差別(個人不喜烘底,但有這個選擇的）採用鮮牛切條,不像其他茶記切碎牛肉,但牛肉質一般,有點硬,且粟粉太多蛋與牛比例平均,但煎老了🤦🏻‍♀️驚喜是它們的牛要比茶記好一點點(就一點點而已）$34配餐飲,抵食？見人見智了

今日早咗出門口返工之前買個早餐， 唔想食咁飽， 就嚟咗呢度，見傳單啲相好靚, 標榜鮮牛肉嘅蛋牛治， 我個人嚟講係超鍾意食蛋牛治 ，所以決定喺呢度買一件試下， 價錢一件都要24蚊 ，鮮牛肉喎， 點知返到公司一打開個紙袋， 發現，伏， 唔好介意我鋪張咁肉酸嘅相出嚟， 樣唔靚唔緊要 食過先知龍與鳳， 蛋， 一啲都唔滑， 仲要完全食唔到蛋味 ,牛肉韌,冇肉味， 好似食緊牛肉碎咁， 中間好似鋪咗一pat未熟嘅蛋白喺度咁, 成個口感都好怪, 個人認為 唔好食

在這裡試過多次它們的早餐，每次都很失望。第一次吃它們的招牌牛肉蛋治，講真真的不便宜的、而它們只用一只蛋，所以便很像牛肉多過蛋，而牛肉對不起我覺得它們很難咬開，你可以說很有"趙口"。再試它們的超級蛋牛治也是一樣。也試過餐蛋治，我想東海堂也好過佢。今次吃它們的牛肉蛋包飯。哈哈........打開飯盒一看........牛肉竟是一塊塊在盒的一邊，可想而知好吃到那了。蛋包飯我發覺越吃越有"趙口"，我不知它們加了什麼，因我吃不出。那朱古力咖啡。我渴不出有多少朱古力在，可能它們的朱古力份量少一些吧！

聽聞伍文生哥哥喺觀塘開左間分店，立即前去試下。雖然蛋牛治出名又吸引，但lunch食蛋牛治又怕唔夠飽，所以試埋佢個蛋包飯。蛋包飯份量唔算好大，但係即叫即做，蛋滑，樣靚，喺觀塘區都算係咁。

唔知伍文生哥哥係咪大家童年回憶？我就當然係睇佢既閃電傳真機大啦(暴露年齡添)，有日睇東張XX知道佢澳洲回流開三文治店，仲係我返工附近開分店，咁緊係要去試下最出名既牛治啦！我買早餐時間已經10點，所以完全唔駛等，連熱飲$30，其實食個早餐黎講算貴，不過佢包裝得靚，而且真係新鮮牛肉製造，間唔中一次獎勵下自己都唔錯！

假期後首個工作天~無咩心情~飯都唔想帶~就約埋同事們出去食個快lunch ，順便出去行下~之前係FB已經見到呢間食店~就出發食返個沙爹牛肉面~雖然係堂食，但佢都會將面同湯分開~(感覺又用多個杯，唔太環保~)沙爹味唔突出，牛肉唔會煮到好硬，容易咬~但無外界講得咁好食~牛油多士，牛油少得可憐，同無係無分別~如果食晏想平平地~又諗唔到食咩好~都可以一試~但我覺得一次就夠了~

第一次食新香園恐怕都有十幾年前，諗返起依家起碼都有成三四年無食過喇，今日先無意中發現原來細個嘅兒童節目主持伍文生哥哥，竟然因為做左新香園老闆個女婿而中途出家，將佢地個蛋牛治發揚光大，仲已經開左成5間分店咁多添，有間仲係勁近我嘅，今日朝早就去會一會你先。鋪頭瑟縮喺一個food court 入面，餐廳外嘅大電視不停播放我嘅童年回憶，驟眼睇朝頭早嘅繁忙時間人煙都咁疏落，我諗係因為今時今日喺觀塘賣30蚊一個三文治餐，確實有啲過份，雖然我明白你份三文治係落多過人好多功夫，但係出面排哂隊嘅街舖都係賣緊二十蚊上下，如果唔係同你有親，真係諗唔到點解要行入嚟捱貴你幾蚊。落咗單之後坐低等咗大約五分鐘，以觀塘嘅步伐，一個人都冇嘅茶仔嗌份三文治都要等呢個時間確實係慢咗啲，份三文治啲牛肉雖然都係同新香園一樣切成肉碎，但係新香園嘅就細碎好多喇，而且呢間啲牛肉大塊之餘仲明顯有好多筋，係每一啖都有筋，不過又奇怪喎，佢好多筋都係好細粒嘅，所以好多吞咗都唔多覺。而嗰杯奶茶，O my goodness..茶味淡到好似茶包沖嘅一樣，咪玩啦。真心欣賞文生哥哥半途出家轉投飲食業，我明白分店開得多，質素自然難以保持，希望佢俾心機守

如果同我同年紀既朋友 一定係睇閃電傳真機大對吱吱鼠伍文生唔陌生... 而...文生哥哥.. 我都好耐無見佢係電視機見佢好耐..早前..如我無記錯...好似係東張西望見到佢既訪問見到佢話無做xxb後去左澳洲..現再返黎開左間專賣蛋牛治既小店賣相好吸引... 好想試下..近排.. 同事同我講佢終於殺到黎觀塘.為食既我緊係去買黎試下店部分地方都貼上吱吱鼠既訪問我就叫左個外賣蛋牛治烘底平時出去食個三文治都係比個膠袋呢個packing睇上去都好徵美 由於拎到返公司.. 都有段時間...脆脆既麵夾住鮮牛肉.. 而牛肉份量亦唔小牛肉撈埋蛋一齊..口感非常嫩滑$30 再加杯熱飲..真係唔錯不妨試試

牛肉望落晶塋剔透好吸引，但入口唔夠熱，最致命冇牛味，相反有D皂水咁嘅味，不好吃,蛋包飯，隻蛋好滑好香鳮蛋味，白飯柔軟有D似日本米，幾好,餐包凍哂鞋囗,奶茶一般唔特別,仲有一杯類似湯又似味精水嘅嘢，無乜味，倒了,如果見明星試吓可以，但$46買這個餐，恐怕前景唔理想!