影片
港鐵宋皇臺站B1出口, 步行約7分鐘
繼續閱讀
電話號碼
53016534
營業時間
今日營業
12:00 - 00:00
星期一至日
12:00 - 00:00
公眾假期
12:00 - 00:00
以上資料只供參考, 請與餐廳確認詳情
準備考試嘅日子，去買外賣返屋企食🥡經過呢間專食漢堡包、pizza、莎威瑪卷、熱狗嘅外賣店店舖望落平庸但食物味道有驚喜🤯寫明用100%安格斯牛肉，全食材自家製、無添加防腐劑無味精▶️ Shrimp burger 經典彈牙蝦堡 ($80)一開個盒呆咗🤯size勁巨型同高身，等於兩個麥當勞漢堡蝦肉扒自家製手打🦐咬落香蝦味之餘超級彈牙香煎過所以有少少焦脆配合海量生紫椰菜絲更爽脆Wasabi蛋黃醬特別，的確食得出Wasabi味，同蝦扒好夾👍🏻牛油漢堡包brioche脹卜卜，帶牛油香，質感軟綿🍔成個組合正！▶️ Chicken sharwama 雞肉卷伴蒜蓉醬($80)係中東地方菜式外皮用中東包，同墨西哥卷餅皮唔同，感覺冇咁煙靭🫓如果烘烤得外皮脆會好食啲雞肉絲切到好碎，乾身咗少少🤏🏻本身冇乜雞味，靠蒜蓉醬汁另外有蕃茄、生菜、酸瓜、洋蔥、意大利番茜🌿整體醬汁太多，令餅皮過濕同味道上比較單一😅不過都欣賞佢足料▶️ 加配薯條同飲品 (+$30x2)一路拎住返屋企一路傳出香味😌薯條粗身好香脆🍟本身已經鹹鹹地，唔需要落茄汁已經好好食-真心推介手打蝦堡，冇得輸🔥返唔到轉頭食連鎖店漢堡包全部即叫即做，落單後等～10分鐘拎住返屋企仲新鮮熱辣辣♨️外賣包裝設計好，啲嘢冇反轉晒😂店舖有少量堂食位，但空間比較細，都係外賣返屋企食舒服啲價錢上覺得合理，絕對唔係一般快餐店level!
繼續閱讀
之前喺附近返工，lunch食過佢哋嘅burger，份量十足，即叫即整，薯條又係即叫即炸，好香脆可口😋今次再專程嚟拜訪，不過今次試新野😍✨莎威瑪卷 （Shawarma Wrap）係一款中東包，裡面有蕃茄、生菜、酸瓜、洋蔥、意大利番茜等等配料同配菜✨Angus Beef $115我地揀左安格斯牛肉卷伴白芝麻醬，一打開係超級juicy，食到成手都係😂好彩係外賣返屋企食，不過餐廳都好細心，安裝埋一個好迷你既洗手位比客人洗手👍🏻講返個莎威瑪卷，係中東地方，例如敍利亞、黎巴嫩、巴勒斯坦、約旦等地方既快餐小吃，我哋揀左安格斯牛，味道同平時食開既牛肉好唔同，個味道係非一般既濃郁，香港好少食到呢款牛肉，加埋特製醬汁，整體好夾，又可以中和下牛肉濃郁既牛味👍🏻✨PizzaTrio Cheese $80三式芝士（車打芝士、巴馬臣芝士、馬蘇里拉芝士）薄餅三款芝士融合一齊，味道非常濃郁，最正既係個薄餅底好好食，有別於平時食既薄餅，口感好煙韌鬆軟🤗✨鹽味薯條 $25又係即叫即炸，薯條非常香脆👍🏻
繼續閱讀
今日放假過嚟土瓜灣洗車，附近有一間好好味嘅漢堡包店Shadi，之前食過一次返尋味，今日難得過嚟一定要再食😍 聽講餐廳由正宗中東人主理，食材都係由中東入口，樣樣真材實料👍🏻🍔 經典彈牙蝦堡蝦堡份量十足，蝦餅用新鮮蝦肉剁碎，十分彈牙，蝦餅煎過好香口又唔會油膩，搭配椰菜絲同wasabi蛋黃醬，口感好有層次🤩🍔 單層安格斯牛堡漢堡包份量十足，漢堡扒好Juicy，配料包含芝士、生菜、蕃茄、洋蔥、酸瓜同醬汁，口感層次豐富，性價比高👍🏻🍟薯條薯條炸至酥脆可口，外酥內軟，不會過於鹹膩，好食到停唔到口😋
繼續閱讀
數一數二好食的店，地點始終不算太近地鐵站，堂食也不算太多人，可能是非繁忙時間吧，座位也不算太多，但是意外地很好食，至少我有去過其他地區比較過，所以值得一去，總結就是好味。
繼續閱讀
早前睇左網上影片睇到呢間店好吸引，加上平時睇到都有客，所以就試試，先試左佢個漢堡(忘記影相)唉唉唉～ 唔好食既，重要9x幾蚊，再試佢Pizza和雞翅，先不講店員，是從收銀處，召喚你，伸手傳過來叫你接，不過地方細細都是2步路，就不計較了！～ 見到Pizza很美味的樣子，55蚊，可能就是這味道吧～一般或以下的味道🤪🤪🤪🤪🤪,再試個雞翅，唉唉唉～ 見到佢寫住自家調味既醬汁，本身期望太高了,也是唉唉唉～，食評是如何得來的呢🥲🥲🥲🥲🥲🥲還是我太咀叼呢？
繼續閱讀