影片
開飯介紹
主打地中海菜和希臘菜，菜式精緻，每份都配有西式沙律，甜品、咖啡，份量足，羊腱、烤魷魚、西冷牛扒都極受歡迎。餐廳佈置極具地中海風情，讓食客置身希臘一般。
繼續閱讀
營業時間
今日營業
11:30 - 23:30
星期一
全日休息
星期二至日
11:30 - 23:30
以上資料只供參考, 請與餐廳確認詳情
有關獎賞計劃
Santorini 位於中環蘇豪區嘅希臘餐廳🇬🇷彷彿係一座希臘小島上嘅秘境。潔白嘅牆壁，圓拱形嘅門框，簡潔又明亮。餐廳擺設著希臘傳統嘅陶器同擺設🏺墻上掛著希臘著名景點嘅照片及油畫🖼️散發出一種悠閒嘅地中海風情💙午市套餐只需$110-$150，就可以有沙律🥗或湯🥣、主菜🌯、甜品🍨同餐飲☕️喺中環嚟講真係好難得！更難得嘅係餐廳無將貨就價，用料同烹調手法都一絲不苟。餐湯係Cream of Mushroom 🍄 廚師用新鮮蘑菇打成茸，加入忌廉，菇味濃郁，絕非一般罐頭湯口味。沙律🥗亦採用新鮮蔬菜🥬色彩繽紛，醬汁酸酸地好開胃。Feta Cheese 亦鋪得滿滿🧀十分慷慨。"Grilled Souvlaki" 係傳統嘅希臘菜。客人可以選擇雞肉或牛肉。我揀咗牛肉🥩希臘飲食文化注重保留食材嘅天然風味，所以烤肉串調味並唔濃，不過肉質鮮美，有微微嘅煙熏香味。旁邊配有厚切薯條🍟薯條用真正薯仔🥔切條，再用橄欖油🫒炸2次，炸得金黃酥脆，而且薯味十足！Pita Bread🫓看似普通，但係食落鬆脆，富有麥香味，有驚喜。“Chicken Pasta”🍝 雞肉份量多到食唔晒，意大利長通粉軟硬度同嚼勁剛剛好，配以Sun Dried Tomato 🍅 嘅醬汁，味道同質感嘅細膩掌控，完全令人有驚喜。甜品係蜜糖合桃希臘乳酪🍨希臘乳酪打到忌廉嘅狀態，非常軟綿，滑溜。同合桃碎一齊食，口感豐富，又有層次。蜜糖🍯帶出輕微甜味，估唔到呢一個組合係咁美味。地中海慢活料理，輕鬆中帶點個性嘅用餐環境，無一般西餐廳嘅冷調或距離感，價錢又親民，讓人猶如置身希臘小島。
繼續閱讀
正宗希臘菜，超有氣氛，入座率高，而且大多都係外國人～～好半山區，好有氣氛～無Dinner set ，都係單點。Halloumi Cheese on the Grill $150 Halloumi Cheese on the Grill係用100%羊奶unripened brined cheese，但一啲都唔騷，外型似雞胸，食落去少少煙靭，奶味唔重，一改對芝士嘅觀感！Grilled Souvlaki $195 Grilled Souvlaki 即係烤串，可以係雞、豬、牛和羊之中四選二，我哋揀咗雞及羊，肉串大串，燒得香口，仲配Pita Bread同埋薯條。Grilled Octopus $200 Grilled Octopus成條八爪魚腳，都頗為彈牙，用嚟送酒一流。Galaktoboureko $110 Galaktoboureko 係希臘特色甜品，必點！熱食，其實係千層牛奶玉米糕，外皮Phyllo做酥皮，內餡主要用牛奶、粗粒小麥粉，表面再淋檸檬糖漿同開心果碎，外層趣，內裏玉米糕嘅口感，超好食❤️
繼續閱讀
喺中環伊利近街見到一間愛琴海風情嘅餐廳都幾靚，又去試吓～午市套餐例湯 今日個是日餐湯湯係蘿蔔湯，有正常西餐水準！沙律🥗沙律嘅番茄🍅幾鮮甜，另外仲有一啲芝士喺面增加咗層次！Souvlaki $150beefwith pita bread, fries and tzatziki個牛肉好似串燒咁樣上，唔會太韌，仲有一啲乳酪醬，可以配薄餅食，加埋香脆薯條都幾飽足！Seafood risotto $135mix seafood with white wine and basil呢個海鮮意大利飯，飯質唔會係好腍嗰啲，有咬口，入邊仲有大蝦🍤魷魚同埋蜆，都幾鮮味同埋大碟！甜品 提拉米蘇幾惹味，有少少甜，仲見到有螞蟻走過嚟想食添，真係太吸引！Greek coffee$44希臘咖啡，店員提醒我們不要攪拌，飲落幾特別，醒神！Ice latte $44呢個唔會太甜，面頭會有一啲泡泡～🍱Santorini Greek Restaurant (中環)📍中環蘇豪伊利近街51號伊利閣地舖
繼續閱讀
餐廳設計充滿希臘風格🩵🤍，有一種去咗渡假嘅休閑感。午市套餐係4 courses，價格合理，有例湯 / 沙律、自選主菜、甜品 及 飲品。🥣Daily Soup是日嘅餐湯有豐富嘅蔬菜，有些胡椒香料，整體清新。🍢Souvlaki $150可選擇雞肉同牛肉。我揀咗牛肉，有些咬口，有肉汁，唔會太乾。🍟薯條似homemade，唔脆不過薯味好香濃。Pita bread帶些脆口，配上tzatziki🥒青瓜酸乳酸醬汁，味道好夾，更開胃。🍲Seafood risotto $135mix seafood with white wine and basil有不少海鮮🦑🦐，加入白酒同香草做調味，鮮味十足。飯煮得剛剛好，粒粒分明，濕潤不乾。好食！😋🍰當日甜品係芒果蛋糕，芒果🥭好香甜，海綿蛋糕口感濕潤綿密，整體唔膩幾好食。
繼續閱讀
.‼️❤️ 記得CLICK我PROFILE關注我呀 ❤️‼️.🥘 𝕱𝖑𝖆𝖛𝖔𝖗𝖘 𝖔𝖋 𝕲𝖗𝖊𝖊𝖐 𝕮𝖚𝖎𝖘𝖎𝖓𝖊 @ 🌟 Santorini Greek Restaurant 《👽食神大媽食西餐》.💁♀️ 圖中展示美食為：Spanakopita HKD 125Sesame Feta HKD 140Kleftico Lamb HKD 225Grilled Souvlaki HKD 195Rice Pudding HKD 90.👽 呢間餐廳門口裝修已經好有特色，成間小白屋咁，裡面充滿地中海風情，主打食希臘菜。.🧀 呢個「芝麻芝士」係好經典嘅地中海菜式，芝士入面包裹住芝麻籽，再淋上百里香蜜糖。.🥙 而呢個「菠菜派」係即叫即焗，外層超級鬆脆，離間滿滿嘅芝士同菠菜餡料，好好味！.🍖 店員推介呢款「慢煮羊膝」真係好介紹，羊膝好大塊，肉質保持嫩滑！底層有濃郁醬汁，有唔同嘅蔬菜、大蒜同芝士，完全唔會油膩，好暖胃又滿足！.🔥 仲有呢個「燒烤串拼盤」好經典，揀左雞肉同牛肉串，再配上希臘麵包、希臘薯條同埋希臘乳酪醬，好抵食！.🍮 最後甜品叫左傳統嘅「米布丁」，有雲呢拿同埋肉桂粉，口感好滑順，同埋濃郁！.😋 坊間比較少見主打食希臘菜嘅餐廳，裝修有特色，出品亦有質素，有機會可以試下呢。.📍 中環蘇豪伊利近街51號伊利閣地舖☎️ +(852)2810-6106.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.
繼續閱讀