Sammi #000000

5-7-2025（Sat）朝，同老公送完回收物資後食個遲早餐，去邊喥食？荃灣嘅黃店剩返唔多，而最近嘅係好耐冇嚟嘅呢間，行到門口，見佢有好似$42.00定$52.00嘅雜果牛角窩夫，於是入去搵個位坐低，再出去買嘢食。睇睇食物櫃，好似唔見有牛角窩夫，就問收銀有冇？佢答未有。咁我睇有其他嘢食，收銀介紹牛角包，因用竹炭做，會脆啲。但見到兩款牛角包都好普通，我見到好耐冇食嘅菠菜酥，賣$38.00，就揀呢個，嘢飲就要$42.00嘅凍芝麻鮮奶。收銀問我要唔要cream?我答唔要。俾完錢，佢話一陣送到。等咗5分鐘就送到，睇見菠菜酥翻熱到有溫度。先飲啖芝麻鮮奶，芝麻味濃但奶味唔夠，質地好稠，或者我應該唔好賴健康走cream。1分菠菜酥牛油酥皮牛油好夠亦酥脆，菠菜嫩滑正常冇問題。4分老公就要咗$42.00嘅黑椒牛肉三文治，都翻熱到熱騰騰，老公一食大讚好味，我覺得都OK嘅，牛肉嫩滑唔柴，成個都唔會太鹹。3.5分$48.00嘅凍士多啤梨matcha latte，我開頭以為係紅豆抹茶latte，飲落，只係普通matcha，但冇士多啤梨味，原來士多啤梨係俾咗果肉，應該有兩粒，但我食咗士多啤梨後，覺得同matcha唔係好夾。3分服務：其實之前嚟過幾次，係冇送餐服務，呢日都唔例外，只因收銀問我要唔要cream，第一次我聽唔真，佢問我第二次只答佢，佢應該覺得我撞聾，所以主動為我送餐，好體貼。客人自己將餐具送返，會講聲唔該。環境：冷氣唔太夠。3.5分抵食係2.8分題外話：原來我哋上篇喺2022年8月13日提交嘅呢篇食評https://www.openrice.com/zh/hongkong/review/yeah-%E6%99%8F%E9%A3%9F%E6%97%A9%E9%A4%90-e4497376，已經食咗𠲖o家好興嘅巴斯克芝士蛋糕，重要係好食，唔知𠲖o家重有冇？…查看更多

Cafe裝潢以黑白色調為主，風格簡約型格，帶點藝廊感覺，牆上擺放多款 Bearbrick 公仔作裝飾，視覺效果吸睛，整體氛圍相當有格調。平日下午去到，雖然有客人，但環境依然安靜，座位寬敞，坐得舒服，唔會覺得逼。店內背景音樂輕鬆，令人容易放鬆心情。今次點咗凍 Cappuccino，冰溶後依然保持香濃，口感順滑，唔會因為溶咗而變淡，味道比預期更好。整體感覺令人放鬆，無論係一個人放空，定係同朋友傾偈，都幾啱，而且可以慢慢坐，不會被趕走。如果鍾意型格又唔嘈嘅空間，呢度會係一個唔錯嘅選擇。…查看更多

環境幾空曠幾舒服，但星期日下午都冇乜人，原本仲擔心伏，點知諗多咗🤣🤣叫左一杯咖啡就坐左成個下午，So chill~~🌼 Rose cappuccino🌹有啲嚇親勁大杯🤣出面應該好難搵到咁大個杯，依個價錢性價比極高，仲要未到唔錯，真係有Rose味🥰🥰…查看更多

咖啡的既有質素，環境都安靜舒服，做野/傾計都非常適合。唯獨餐廳無足夠插頭係最大問題，好多時嚟coffee shop都係想坐下做野，但餐廳只有一個位置有插頭，見到有啲客人發現只有一個插頭位，失望離開。即使呢度嘅咖啡比其他連鎖咖啡店好飲，但位置上係一個大問題。假如餐廳可以改善呢個美中不足嘅問題，相信可以打敗其他連鎖咖啡店。:(…查看更多

食完lunch想搵地方hea 陣飲杯咖啡發現荃灣唔係好多coffee shop 小店咁岩搵到呢間cafe 係千色店附近（仁濟醫院對面）入到去，成間都係以黑白風為主題，行型格路線，見到有好多小食都係以竹炭，黑色為主，好似有黑色嘅牛角包🥐、黑色嘅三文治🥪（忘了映相）；個刻我先明 #000000 原來就係黑色嘅意思 我叫左杯Rose cappuccino 同 荔枝cheesecake 味道唔錯，環境都好闊落，只係冷氣唔太夠，坐到好熱 。 啲凳望落好睇唔好坐，所以我地都係飲完一陣就走 。洗手間就環去番千色店先有 。所以都有啲唔方便 。…查看更多